ᐊᑕᓃᑦ ᐂᑉᐸᖏᑦ 23:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᔫᓮᐊᐅᑉ ᐊᖓᔪᖅᑳᕐᔪᐊᖑᓂᖓ ᐊᑦᔨᖃᓚᐅᕐᓯᒪᓐᖏᓚᖅ ᓯᕗᓪᓕᖏᓐᓂ ᑭᖑᓂᖓᒍᓪᓗ ᐊᑕᓂᕐᒧᑦ ᑐᓂᓯᒪᑎᒋᔪᒥᒃ ᐆᒻᒪᑎᒥᓄᑦ ᑕᕐᓂᕐᒥᒍᓪᓗ ᐱᔪᓐᓇᕐᓂᓕᒫᒥᓄᓪᓗ ᐊᑕᖏᕐᑐᒥᒃ, ᒨᓯᓯᒃᑯᓪᓗ ᐱᖁᔧᑦ ᑐᓂᔭᐅᓚᐅᕐᑐᑦ ᒪᓕᒃᑕᐅᖁᔭᐅᓂᖏᓐᓂᒃ ᒪᓕᑦᓯᐊᕐᑎᒋᔪᒥᒃ.

ᐊᑕᓃᑦ ᐂᑉᐸᖏᑦ 23:25 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 18:5

ᐊᖓᔪᖅᑳᕐᔪᐊᖅ ᕼᐃᓯᑬᐊ ᐊᑕᓂᕐᒥᒃ ᑕᑎᖃᑦᓯᐊᓚᐅᕐᐳᖅ ᐃᓴᕆᐊᓕᒥᐅᑦ ᒎᑎᖓᓐᓂᒃ; ᔫᑕᐅᓪᓗ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᓐᓂᒃ ᐊᑦᔨᒋᔭᐅᓚᐅᓐᖏᓚᖅ, ᓯᕗᓕᕆᓯᒪᑦᔭᖏᓐᓄᑦ ᑭᖑᓂᖓᒍᓪᓗ ᐊᖓᔪᖅᑳᕐᔪᐊᖑᖃᑦᑕᕐᓯᒪᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 29:13

ᕿᓂᕈᑦᓯᓐᖓ ᓇᓂᓂᐊᕐᐸᑦᓯᓐᖓ ᐃᓗᖏᕐᓱᕐᓗᓯ ᕿᓂᓕᕈᑦᓯᓐᖓ ᓇᓂᓂᐊᕐᐸᑦᓯᓐᖓ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᐊᑕᓃᑦ ᐂᑉᐸᖏᑦ 23:3

ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᐊᑕᓃᑦ ᓯᕗᓪᓖᑦ 8:48

ᐱᕕᒡᓗᑎᒃ ᖃᕿᐊᓕᕐᐸᑕ ᐃᓱᒪᑎᒃ ᑕᒫᑦ ᐊᑐᕐᓗᒍ ᐆᒻᒪᑎᑎᒡᓗ ᑕᒫᑦ ᐊᑐᕐᓗᒍ ᐊᑭᕋᖏᑕ ᓄᓇᖓᓃᓪᓗᑎᒃ, ᑖᒃᑯᓂᖓ ᑎᒍᓯᓯᒪᔪᓂ, ᑐᒃᓯᐊᕐᐸᑕ ᓄᓇᑎᒃ ᓵᓐᖓᓗᒍ ᑐᓂᓚᐅᕐᑕᕐᓄᑦ ᓯᕗᓕᖏᓐᓄᑦ, ᐅᕗᖓᓗ ᐃᒡᓗᒐᓴᖕᓄᑦ ᓂᕈᐊᓚᐅᕐᑕᕐᓄᑦ, ᐃᒡᓗᒧᓪᓗ ᐅᕗᖓ ᐊᑏᑦ ᐃᓂᖃᖁᓪᓗᒍ ᓴᓇᓚᐅᕐᑕᓐᓄᑦ;

ᒨᓯᓯ ᑕᓪᓕᒪᖏᑦ 6:5

ᑖᓐᓇ ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐆᒻᒪᑎᖕᓄᑦ ᐊᑕᖏᕐᑐᒧᑦ, ᑕᕐᓂᕐᓄᓪᓗ ᐊᑕᖏᕐᑐᒧᑦ, ᐱᔪᓐᓇᕐᓂᕐᓄᓪᓗ ᐊᑕᖏᕐᑐᒧᑦ.

ᔪᐊᓇᓯᐅᑉ ᐊᒡᓚᖏᑦ 7:19

ᒨᓯᓯᐅᑉ ᐱᖁᔭᓂᒃ ᑐᓂᓯᕕᒋᓚᐅᓐᖏᓛᓰ? ᓇᓪᓕᓯᓘᓐᓃᑦ ᐱᖁᔭᓂᒃ ᒪᓕᒃᑐᖃᓐᖏᓚᓯ. ᓱᖕᒪᑦ ᑐᖁᓐᓇᓱᐊᕐᐱᓯᓐᖔ?”

ᒪᓚᑬᑉ ᐊᒡᓚᖏᑦ 4:4

“ᐃᖅᑲᐅᒪᒋᑦᓯ ᒨᓯᓯᐅᑉ ᐱᔨᒪ ᐱᖁᔭᖏᓐᓂᒃ, ᐊᑐᕐᑕᐅᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᑐᓂᓯᕕᒋᓚᐅᕋᒃᑯ ᕼᐆᕆᑉᒥ ᐃᓴᕆᐊᓕᒥᐅᓕᒫᓄᑦ ᐱᐅᓯᐅᖁᔭᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 10:29

ᐃᓚᖃᕐᓗᑎᒃ ᖃᑕᓐᖑᑎᒥᖕᓂᒃ, ᐱᓪᓚᕆᖁᑕᐅᔪᓂᒡᓗ, ᓴᖑᑎᓐᓂᐊᓐᖏᑕᒥᖕᓂᒃ ᐊᖏᒻᒪᕆᒍᑎᖃᓚᐅᕐᐳᑦ ᒎᑎᐅᑉ ᐱᖁᔭᖏᓐᓂᒃ ᒪᓕᒍᒪᓪᓗᑎᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᒎᑎᐅᑉ ᐱᔨᖓᒍᑦ, ᓈᓚᒍᒪᓪᓗᑎᒃ ᒪᓕᒍᒪᓪᓗᑎᒡᓗ ᐊᑕᓂᐅᑉ ᐊᑕᓂᑦᑕ ᐱᖁᔭᖏᓐᓂᒃ, ᐃᓱᐊᕆᔭᖏᓐᓂᒡᓗ ᐃᓕᖅᑯᓯᐅᖁᔭᖏᓐᓂᒡᓗ.

ᐊᑕᓃᑦ ᓯᕗᓪᓖᑦ 15:5

ᑍᕕᑎ ᐊᑕᓂᐅᑉ ᓈᒻᒪᒋᔭᖓᓂᒃ ᐃᓅᓚᐅᕐᓂᖓᓄᑦ, ᕿᒤᓚᐅᕋᓂᓗ ᐊᑕᓂᐅᑉ ᐱᖁᔭᖏᓐᓂᒃ ᑕᒤᓐᓂᒃ ᐃᓅᓯᓕᒫᒥᓂ, ᑭᓯᐊᓂ ᐃᓱᐊᖏᑦᔪᑎᑐᐊᖃᓚᐅᕐᐳᖅ ᔪᕅᐊᒥᒃ ᕼᐃᑍᑎᒥᐅᑕᕐᒥᒃ.

ᐊᑕᓃᑦ ᓯᕗᓪᓖᑦ 2:4

ᐊᑕᓂᐅᑉ ᑕᕝᕙ ᑲᔪᓯᑎᓐᓂᐊᕐᐹ ᐅᖃᐅᓯᓂ ᐅᖃᐅᓯᕆᓚᐅᕐᑕᓂ ᐅᕙᓐᓄᑦ, ᐅᖃᓚᐅᕐᒪᑦ, ‘ᑭᖑᕚᑎᑦ ᐱᐅᓯᕐᒥᖕᓂᒃ ᑲᒪᑦᓯᐊᕐᐸᑕ, ᐅᕙᓐᓄᓪᓗ ᓱᖁᓯᔪᐃᑦᑐᒥᒃ ᐃᓅᓗᑎᒃ ᐆᒻᒪᑎᒥᖕᓄᑦ ᐃᓗᐃᑦᑐᒧᑦ ᑕᕐᓂᕐᒥᖕᓄᓪᓗ ᐃᓗᐃᑦᑐᒧᑦ, ᑕᕝᕙ ᐃᓕᖕᓂᒃ ᓇᓪᓕᐊᑦ ᑕᒪᐅᖎᓐᓈᕐᑎᑦᓯᓂᐊᓐᖏᓚᖅ ᑭᖑᕝᕕᐅᑎᓗᓂ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ.’

ᒨᓯᓯ ᑕᓪᓕᒪᖏᑦ 4:29

ᑕᕝᕙᓂ ᐊᑕᓂᖅ ᒎᑎᓯ ᕿᓂᕈᒫᕐᐸᓯ, ᐆᒻᒪᑎᒧᓪᓕ ᐊᒃᓱᕈᓪᓚᕆᒃᑐᒧᑦ ᕿᓂᕐᓂᐊᕈᑦᓯᐅᒃ, ᑕᕝᕙ ᓇᓂᓂᐊᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 22:15

ᐊᖓᔪᖅᑳᕐᔪᐊᓐᖑᕈᓐᓇᕐᑐᕆᕖᑦ ᕿᔪᑦᓯᐊᕙᐅᓂᕐᐹᓂᒃ ᓰᑕᕆᓂᒃ ᐊᑐᕐᓂᕐᓄᑦ? ᐊᑖᑕᓯ ᐃᓅᓯᖃᑦᓯᐊᓚᐅᓐᖏᓛᑦ? ᓂᕆᔭᒃᓴᖃᕐᓂᕐᒥᖕᓄᑦ ᓈᒻᒪᒋᓪᓗᒍ ᐊᑐᖁᔭᐅᔪᕐᓗ ᐊᑐᕐᓗᒍ ᐃᓅᓚᐅᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 10:30

ᐸᓂᕗᑦ ᑐᓂᓂᐊᓐᖏᓚᕗᑦ ᔫᑎᐅᖏᑦᑐᓄᑦ ᑕᒫᓂ ᓄᓇᓕᖕᓄᑦ ᐅᕝᕙᓗ ᑖᒃᑯᐊ ᐸᓂᖏᓐᓂᒃ ᐃᕐᓂᕗᑦ ᑎᒍᓯᑎᓐᓂᐊᓐᖏᓚᕗᑦ.