ᐊᑕᓃᑦ ᐂᑉᐸᖏᑦ 23:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᔫᓮᐊᐅᑉ ᑐᖁᕋᕐᑕᐅᑎᑉᐰᑦ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᓂ ᑐᓂᕐᕈᓯᕐᑎᑦᓯᔨᒋᔭᐅᔪᓕᒫᑦ, ᑐᓂᕐᕈᓯᕐᕕᖏᓐᓂᓗ ᓴᐅᓂᖏᑦ ᐃᑯᐊᓚᒃᑕᐅᑎᑉᐰᑦ. ᑕᕝᕙ ᑭᖑᓂᖓᒍᑦ ᔨᕉᓴᓕᒧᑦ ᐅᑎᕆᕗᖅ.

ᐊᑕᓃᑦ ᐂᑉᐸᖏᑦ 23:20 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:2

ᐊᖑᑦ ᑖᓐᓇ ᐅᖃᐅᑦᔨᕗᖅ ᑐᓂᕐᕈᓯᕐᕕᖕᒥᒃ ᐊᑕᓂᐅᑉ ᐅᖃᐅᓯᐅᖁᔭᖓᓂᒃ ᐅᖃᕐᓗᓂ, “ᐆ ᑐᓂᕐᕈᓯᕐᕕᒃ, ᑐᓂᕐᕈᓯᕐᕕᒃ, ᐊᑕᓂᖅ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᕐᓂᖅ ᐃᕐᓂᐊᖑᔪᒫᕐᐳᖅ ᑍᕕᑎᐅᑉ ᑭᖑᕚᖓ, ᔫᓮᐊᒥᒃ ᐊᑎᖃᕈᒫᕐᐳᖅ; ᑖᓐᓇ ᑐᓂᕐᕈᓯᕈᒫᕐᐳᖅ ᑕᕝᕙᓂ ᑐᓂᕐᕈᓯᕐᕕᖕᒥ ᑐᓂᕐᕈᓯᕐᑎᐅᔪᓂᒃ ᑕᕝᕙᓂ ᐃᓯᕐᓗᐊᕐᓂᑎᑦᓯᖃᑦᑕᕐᑐᓂᒃ, ᐃᓄᐃᓪᓗ ᓴᐅᓂᖏᓐᓂᒃ ᐃᑯᐊᓚᑦᓯᔪᒫᕐᐳᖅ ᑕᕝᕙᓂ.”

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᐊᑕᓃᑦ ᐂᑉᐸᖏᑦ 10:25

ᔨᕼᐆᓕ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᑐᓂᓯᔭᕇᕋᒥ, ᐅᓇᑕᕐᑐᒃᓴᓄᑦ ᐊᖓᔪᖅᑳᖏᓐᓄᓪᓗ ᐅᖃᕐᐳᖅ, “ᐃᑎᕐᓗᓯ ᑐᖁᕋᕐᑍᓐᓇᕆᓕᕐᓯᒋᒃ; ᓇᓪᓕᐊᓐᓂᒡᓘᓐᓃᑦ ᐊᓂᔪᖃᕐᑍᓕᓕ!” ᑖᒃᑯᐊ ᐃᑎᕋᒥᒃ ᓴᕕᒡᔪᐊᒧᑦ ᑐᖁᕋᕐᐰᑦ; ᑎᒥᖏᓪᓗ ᓯᓚᒧᑦ ᐊᓂᑕᐅᕗᑦ. ᑕᕝᕙ ᐃᒡᓗᒐᓴᖕᓄᑦ ᐰᓕᒧᑦ ᑐᒃᓯᐊᕐᕕᐅᕙᒃᑐᓄᐊᕐᐳᑦ,

ᐊᑕᓃᑦ ᐂᑉᐸᖏᑦ 11:18

ᐃᓄᓕᒫᑦ ᓇᑭᑐᐃᓐᓇᖅ ᐱᓯᒪᔫᑦ ᐰᓕᐅᑉ ᑐᒃᓯᐊᕐᕕᒡᔪᐊᖓᓄᑦ ᐂᓪᓗᑎᒃ ᒎᑎᓐᖑᐊᖅ ᐅᕐᕈᑎᑉᐹᑉ, ᑐᓂᕐᕈᓯᕐᕕᒃᑕᖏᓪᓗ ᓴᓇᓐᖑᐊᕐᓯᒪᔪᓪᓗ ᓯᖁᑦᑎᕐᑕᐅᕗᑦ. ᒫᑖᓂ ᑐᓂᕐᕈᓯᕐᑎᑦᓯᔨᐅᔪᖅ ᑕᕝᕙᓂ ᑐᓂᕐᕈᓯᕐᕕᐅᑉ ᓴᓂᐊᓂ ᑐᖁᑕᐅᕗᖅ. ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐅᓇᑕᕐᑎᓂᒃ ᖃᐅᔨᓴᕐᑎᐅᓂᐊᕐᑐᓂᒃ ᑎᓕᓯᕗᖅ ᐊᑕᓂᐅᑉ ᑐᒃᓯᐊᕐᕕᒃᔪᐊᖓᓂ.

ᑯᕉᓂᑲ ᐂᑉᐸᖏᑦ 34:5

ᑐᓂᕐᕈᓯᕐᑎᑦᓯᔩᓪᓗ ᓴᐅᓂᖏᑦ ᐃᑭᑉᐰᑦ ᑐᓂᕐᕈᓯᕐᕕᖏᓐᓂ, ᔫᑕᓗ ᔨᕉᓴᓕᒻᓗ ᑍᒤᓕᐅᕐᓗᑎᒃ ᓴᓗᒻᒪᕐᑎᑉᐹᑦ.

ᒨᓯᓯ ᐂᑉᐸᖏᑦ 22:19

“ᐊᖑᑎᑦ ᓇᓪᓕᐊᓐᓂᒃ ᐆᒪᔪᒥᒃ ᓄᓕᐊᕐᑐᖃᕐᐸᑦ ᑖᓐᓇ ᐊᖑᑦ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 22:20

“ᓇᓪᓕᐊᑦ ᐊᑕᓂᐅᑉ ᐊᓯᐊᓄᑦ, ᒎᑎᒋᔭᐅᔪᓄᑦ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᖅ, ᑖᓐᓇ ᑐᖁᑕᐅᓪᓚᕆᒋᒋᐊᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 34:6

ᐊᑕᓂᐅᑉ ᓴᕕᒡᔪᐊᖓ ᐊᐅᒥᑎᕐᓯᒪᕗᖅ; ᑐᓐᓄᕈᔫᓪᓗᓂᓗ, ᓰᐱᐅᑉ ᓄᕐᕋᖏᑕ ᒎᑦᓰᓪᓗ ᐊᐅᖏᓐᓂᑦ, ᓰᐲᓪᓗ ᐊᖑᓴᓪᓗᖏᑕ ᑕᕐᑐᕈᑎᖏᑕ ᑐᓐᓄᖏᓐᓂᑦ, ᐊᑕᓂᖅ ᑐᓂᕐᕈᓯᕐᓯᒪᖕᒪᑦ ᐳᔾᕋᒥ, ᐅᓄᕐᑐᕐᔪᐊᓂᒡᓗ ᑐᖁᕅᓪᓗᓂ ᐄᑐᒥᐅᑉ ᓄᓇᖓᓂ.

ᒨᓯᓯ ᐱᖓᔪᖏᑦ 26:30

ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᕐᐸᒃᑲ, ᐃᓯᕐᓗᐊᕐᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᕐᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᕐᑐᓄᑦ, ᓂᓐᖓᐅᒪᓗᖓ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.