ᐊᑕᓃᑦ ᐂᑉᐸᖏᑦ 23:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑐᓂᕐᕈᓯᕐᕖᓪᓗ ᓯᖁᑦᑎᕐᑕᐅᑎᑉᐰᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᓇᑉᐸᕐᑕᐅᑎᑕᕕᓂᖏᑦ ᐂᕼᐊᓯᐅᑉ ᐃᒡᓗᖃᕐᕕᖓᑕ ᖁᓛᖓᓃᑦᑑᑉ ᓴᓂᐊᓂ ᐃᓂᖃᕐᑐᑦ, ᒫᓇᓯᐅᓪᓗ ᑐᓂᕐᕈᓯᕐᕕᓕᐊᕕᓂᖏᒃ ᐊᑕᓂᐅᑉ ᐃᒡᓗᖓᑕ ᓯᓚᓪᓕᖏᖕᓂ, ᓯᖁᑦᑎᕐᓗᒋᒃ ᐃᒋᑕᐅᑎᑉᐰᑦ ᓇᕐᓴᒧᑦ ᑍᔭᐅᔪᒧᑦ ᑭᑐᕌᓂᒥᒃ.

ᐊᑕᓃᑦ ᐂᑉᐸᖏᑦ 23:12 ပူးပေါင်းရင်းမြစ်များ

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 19:13

ᐃᒡᓗᐃᑦ ᔨᕉᓴᓕᒦᑦᑐᑦ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᔫᑕᒦᑦᑐᑦ ᓇᕐᕈᓇᕐᓯᔪᒫᕐᐳᑦ ᑐᐱᑎᒥᐅᑎᑐᑦ, ᐃᒡᓗᓕᒫᑦ ᖄᖏᓐᓂ ᐃᑯᐊᓚᑦᓯᕕᐅᖃᑦᑕᕐᑐᑦ ᑐᓂᕐᕈᓯᕐᑐᓄᑦ, ᖁᑦᓯᒃᑐᒦᑦᑐᓄᑦ ᐃᒥᒐᒃᓴᓂᒡᓗ ᑐᓂᕐᕈᑕᐅᕙᒃᑐᑦ ᒎᑎᓐᖑᐊᓄᑦ ᓇᕐᕈᓇᕐᓯᑎᑕᐅᔪᒫᕐᐳᑦ ᑐᐱᑎᒥᐅᑎᑐᑦ.’”

ᐊᑕᓃᑦ ᐂᑉᐸᖏᑦ 21:5

ᐊᑕᓂᐅᑉ ᐃᒡᓗᖓᓂ ᐃᒡᓗᕈᓯᖏᖕᓂ ᒪᕐᕉᖕᓂᒃ ᑐᓂᕐᕈᓯᕐᕕᓕᐅᕐᐳᖅ ᐅᓪᓗᕆᐊᓕᒫᓄᑦ ᑐᒃᓯᐊᕐᕕᒋᕙᒃᑕᒥᓂᒃ.

ᑯᕉᓂᑲ ᐂᑉᐸᖏᑦ 33:5

ᑐᓂᕐᕈᓯᕐᕕᓕᐅᓚᐅᕆᕗᕐᓗ ᐅᓪᓗᕆᐊᓄᑦ ᐊᑕᓂᐅᑉ ᐃᒡᓗᖓᑕ ᐃᓗᐊᓂ ᑐᕐᓲᖑᔭᖏᖕᓂ ᑕᒪᖏᖕᓂ.

ᑯᕉᓂᑲ ᐂᑉᐸᖏᑦ 33:15

ᓄᓇᖅᑲᑎᒋᓐᖏᑕᖏᑕᓗ ᒎᑎᓐᖑᐊᖏᑦ ᐲᔭᕐᐰᑦ ᒎᑎᓐᖑᐊᓪᓗ ᐊᑕᓂᐅᑉ ᐃᒡᓗᖓᓃᑦᑐᑦ, ᑐᓂᕐᕈᓯᕐᕕᓕᒫᓪᓗ ᓴᓇᓚᐅᕐᑕᓂ ᐊᑕᓂᐅᑉ ᐃᒡᓗᖓᓂᑦᑐᑦ ᔨᕉᓴᓕᒥ, ᖃᖅᑲᓂᓗ ᐃᒋᑉᐰᑦ ᐃᒡᓗᒐᓮᑦ ᓯᓚᑖᓄᑦ.

ᐊᑕᓃᑦ ᐂᑉᐸᖏᑦ 23:6

ᐊᑕᓂᐅᑉ ᐃᒡᓗᖓᓂᑦ ᐲᕐᑕᐅᑎᑉᐹ ᒎᑎᓐᖑᐊᖅ ᐊᓯᕋ ᐊᑕᓂᐅᑉ ᐃᒡᓗᖓᓃᑦᑐᖅ ᓴᓇᓐᖑᐊᕐᓯᒪᔪᖅ ᐃᒡᓗᒐᓴᒡᔪᐊᑉ ᔨᕉᓴᓕᐅᑉ ᓯᓚᑖᓄᑦ ᐊᐅᓪᓚᕈᑎᓪᓗᒍ ᑭᑐᕌᓂᐅᑉ ᓇᕐᓴᖓᓂ ᐃᑯᐊᓪᓚᒃᐹ, ᐃᑯᐊᓚᔭᕇᕐᒪᑦ ᑲᓱᐊᕐᓗᒍ ᓯᖃᓪᓕᕚ ᐊᕐᔭᓕᓂᓐᖑᕐᑎᓪᓗᒍ, ᓯᐊᒻᒪᕐᑎᑉᐹᓗ ᐃᓗᕕᕐᓯᕕᐅᖃᑦᑕᕐᑐᒧᑦ.

ᐊᑕᓃᑦ ᐂᑉᐸᖏᑦ 23:4

ᑕᕝᕙ ᐊᖓᔪᖅᑳᕐᔪᐊᖅ ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᕼᐃᓪᑬᐊᒥᒃ ᐃᑲᔪᕐᑎᖏᓐᓂᒡᓗ, ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓂ ᖃᐅᔨᓴᕐᑎᐅᔪᓕᒫᑦ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᓗᑎᒃ ᐊᑐᕐᑕᐅᖃᑦᑕᕐᑐᓕᒫᑦ, ᒎᑎᓐᖑᐊᒧᓪᓗ ᐊᓯᕋᒧᑦ, ᐅᓪᓗᕆᐊᓄᓪᓗ, ᑕᒪᒃᑯᐊᓕᒫᑦ ᐊᖓᔪᖅᑳᕐᔪᐊᑉ ᐃᑯᐊᓪᓚᒃᑕᐅᑎᑉᐰᑦ ᐃᒡᓗᒐᓮᑦ ᔨᕉᓴᓕᐅᑉ ᓯᓚᑖᓂ ᓇᕐᓴᒥ ᑭᑐᕌᓂᒥᒃ ᑍᔭᐅᔪᒥ ᐊᕐᔭᓕᓂᖏᓪᓗ ᐱᑎᓕᒧᑦ ᐋᑕᐅᑎᓪᓗᓂᒋᑦ.

ᒨᓯᓯ ᑕᓪᓕᒪᖏᑦ 22:8

“ᓄᑖᒥᒃ ᐃᒡᓗᓕᐅᕈᕕᑦ, ᖁᓛᖓᑕ ᓯᓈᒍᑦ ᐃᔪᒃᑲᕇᒃᑯᓯᕐᑕᒃᓴᕆᕙᑦ, ᐃᓄᖕᒥᒃ ᐃᒡᓘᑉ ᖁᓛᓂᑦ ᐃᔪᒃᑲᕐᑐᖃᕐᓗᓂ ᑐᖁᔪᖃᕐᐸᑦ ᐸᓯᔭᒃᓴᐅᒐᔭᓐᖏᓚᑎᑦ.

ᔨᕆᒤᐊᐅᑉ ᐊᒡᓚᖏᑦ 31:40

ᓇᕐᓴᓕᒫᖅ ᐃᓗᕕᕐᓯᕕᐅᕙᒃᑐᖅ ᐊᒃᓯᕕᐅᕙᒃᑐᕐᓗ, ᓇᑎᕐᓇᕐᓗ ᑭᑐᕌᓂᐅᑉ ᑰᖓᓂᑦ, ᐃᑎᕐᑕᕐᕕᒃ ᕿᒻᒥᕐᔪᐊᒥᒃ ᑍᔭᐅᔪᖅ ᑎᑭᓪᓗᒍ, ᐊᑕᓂᐅᑉ ᓄᓇᖁᑎᖓᓂᒃ ᐃᑦᔪᕐᓁᑦᑐᒥᒃ ᑍᔭᐅᔪᒃᓴᐅᕗᖅ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒃᑲᓐᓂᕈᒫᓐᖏᓚᑦ ᐊᓯᕈᕐᑕᐅᒃᑲᓐᓂᓚᐅᕐᓯᒪᔪᓐᓃᕐᓗᑎᒡᓗ ᐃᓱᖃᖏᑦᑐᒧᑦ.”

ᐊᑕᓃᑦ ᓯᕗᓪᓖᑦ 15:13

ᒫᑲᓗ ᐊᓈᓇᓂ ᓄᖅᑲᕐᑎᓚᐅᕐᐹ ᑯᐃᓐᖑᓂᖓᓂᑦ, ᓇᕐᕈᓇᕐᑐᒥᒃ ᐃᓄᓐᖑᐊᓕᐅᕐᓯᒪᓂᖓᓄᑦ ᐋᓯᕆᒥᒃ ᒎᑎᓐᖑᐊᒥᒃ; ᐂᓴᐅᓪᓗ ᓯᖁᒥᓚᐅᕐᐹ ᐃᓄᓐᖑᐊᖁᑎᖓ ᐃᑯᐊᓪᓚᒡᓗᒍᓗ ᑰᑉ ᑭᑐᕌᓂᐅᑉ ᓇᕐᓴᖓᓂ.

ᐊᑕᓃᑦ ᐂᑉᐸᖏᑦ 10:26

ᒎᑎᓐᖑᐊᕆᔭᐅᔪᓪᓗ ᓇᐸᔪᑦ ᓴᓇᓯᒪᔪᑦ ᑕᕝᕙᓃᑦᑐᑦ ᐰᓕᐅᑉ ᐃᒡᓗᖁᑎᖏᓐᓂᑦ ᐊᓂᑎᑉᐰᑦ, ᐃᑯᐊᓪᓚᒡᓗᒋᓪᓗ.

ᐊᑕᓃᑦ ᐂᑉᐸᖏᑦ 21:4

ᒎᑎᓐᖑᐊᓖᑦ ᑐᓂᕐᕈᓯᕐᕕᖏᓐᓂᒃ ᓴᓇᔭᐅᑎᑦᓯᒋᕗᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᐅᖃᕐᓯᕆᓚᐅᕐᑕᖓᓂ, “ᔨᕉᓴᓕᒥ ᐊᑎᕋ ᐃᓕᓯᒪᓂᐊᕐᐸᕋ.”

ᑯᕉᓂᑲ ᐂᑉᐸᖏᑦ 15:16

ᒫᑲᓗ ᐊᒡᓛᑦ ᐲᕐᑎᑉᐹ ᑯᐃᖑᓂᕐᒥᑦ, ᐊᓈᓇᖓ ᓇᕐᕈᓇᕐᑐᒥᒃ ᒎᑎᓐᖑᐊᒥᒃ ᓴᓇᓚᐅᕐᓂᖓᓄᑦ ᐊᓯᕋᒥᒃ ᐊᕐᓇᓐᖑᐊᒥᒃ ᓇᐸᔪᒥᒃ. ᐂᓴᐅᓪᓗ ᒎᑎᓐᖑᐊᖅ ᓱᕋᒃᓗᒍ ᐅᕐᕈᑎᑉᐹ, ᓯᖁᑦᑎᕐᓗᒍᓗ, ᐃᑯᐊᓪᓚᒡᓗᒍᓗ ᑭᑐᕌᓂᐅᑉ ᑰᖓᑕ ᓴᓂᐊᓂ.

ᔨᐸᓁᐊᐅᑉ ᐊᒡᓚᖏᑦ 1:4

“ᐊᒡᒐᓐᓄ ᓱᒋᐊᕈᒫᕐᐸᒃᑲ ᔫᑕᒥᐅᑦ, ᔨᕉᓴᓕᒥᐅᓕᒫᓪᓗ; ᐰᓕᐅᓪᓗ ᐊᒥᐊᒃᑯᓕᒫᖏᑦ ᓄᖑᑦᓱᒫᕐᐸᒃᑲ ᑕᒫᓐᖓᑦ, ᒎᑎᓐᖑᐊᓖᓪᓗ ᑐᓂᕐᕈᓯᕐᑎᑦᓯᖏᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ.