ᐊᑕᓃᑦ ᐂᑉᐸᖏᑦ 22:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓴᕙᓂᓕ ᑎᑎᕋᕐᑎ ᐊᖓᔪᖅᑳᕐᔪᐊᕐᒧᐊᕐᐳᖅ, ᐅᓂᒃᑳᕐᓗᓂᓗ ᐊᖓᔪᖅᑳᕐᔪᐊᕐᒧᑦ “ᐱᔨᑎᑦ ᑮᓇᐅᔧᑦ ᑲᒪᒋᓪᓗᒋᑦ ᐱᓯᒪᕔᑦ ᐊᑕᓂᐅᑉ ᐃᒡᓗᖓᓂ.”

ᐊᑕᓃᑦ ᐂᑉᐸᖏᑦ 22:9 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 18:18

ᐊᖓᔪᖅᑳᕐᔪᐊᑉ ᕼᐃᓯᑬᐊ ᐂᔭᐅᖁᕚᑦ ᑕᑯᔪᒪᓪᓗᒍ, ᐊᖓᔪᖅᑳᖁᑎᖏᑦ ᐱᖓᓱᑦ ᕾᕗᑦ, ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᑲᒪᔨᒻᒪᕆᐅᔪᖅ, ᓯᑉᓇᓗ ᐊᖓᔪᖅᑳᕐᔪᐊᑉ ᐃᖅᑲᕐᑐᐃᔨᖏᑕ ᑲᒪᔨᒻᒪᕆᖓᑦ, ᔪᐊᓗ ᐊᓴᐸᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑕ ᑲᒪᔨᒻᒪᕆᖓ.

ᐊᑕᓃᑦ ᐂᑉᐸᖏᑦ 22:10

ᓴᕙᓂᓗ ᐅᖃᒃᑲᓐᓂᕐᐳᖅ: “ᐊᒡᓚᖕᓂᒃ ᐱᓯᒪᒐᒪ ᑐᓂᕐᕈᓯᕐᑎᑦᓯᔨᐅᑉ ᕼᐃᓪᑬᐊᐅᑉ ᕾᑕᖏᓐᓂᒃ.” ᐅᖃᓕᒫᕐᐰᓪᓗ ᐊᖓᔪᖅᑳᕐᔪᐊᕐᒧᑦ.

ᐊᑕᓃᑦ ᐂᑉᐸᖏᑦ 22:12

ᐊᖓᔪᖅᑳᕐᔪᐊᓪᓗ ᐅᖃᐅᑎᔭᐅᖁᕔᑦ ᕼᐃᓪᓚᑬᐊ ᑐᓂᕐᕈᓯᕐᑎᑦᓯᔨ, ᐊᕼᐂᑲᒻ ᓴᕙᓂᐅᑉ ᐃᕐᓂᖓ, ᐊᒃᐳᕆᓗ ᒥᑬᐊᐅᑉ ᐃᕐᓂᖓ, ᓴᕙᓂᓗ ᐊᖓᔪᖅᑳᕐᔪᐊᑉ ᑲᑎᒪᔨᖏᑕ ᑎᑎᕋᕐᑎᖓ; ᐊᓮᐊᓗ ᐊᖓᔪᖅᑳᕐᔪᐊᑉ ᐱᔨᖓ ᐅᖃᕐᓗᓂ:

ᐊᑕᓃᑦ ᐂᑉᐸᖏᑦ 22:3

ᐊᖓᔪᖅᑳᕐᔪᐊᑉ ᔫᓮᐊᐅᑉ ᐊᐅᓚᑦᓯᓂᖏᑕ ᐊᕐᕌᒍᐃᑦ 18ᖓᓐᓂ ᐊᖓᔪᖅᑳᕐᔪᐊᑉ ᑲᑎᒪᔨᖏᑕ ᑎᑎᕋᕐᑎᖓᑦ ᓴᕙᓂ, ᐊᔭᓔᐊᐅᑉ ᐃᕐᓂᖓ, ᒥᓱᓛᓐᒥᐅᑉ ᐃᕐᓂᖓ, ᐊᑕᓂᐅᑉ ᐃᒡᓗᖓᓃᑦᑐᓄᑦ ᑎᓕᕚ ᐅᖃᐅᑎᓪᓗᒍ,

ᐊᑕᓃᑦ ᐂᑉᐸᖏᑦ 22:8

ᕼᐃᓪᑬᐊ ᑐᓂᕐᕈᓯᕐᑎᑦᓯᔨ ᓴᕙᓂᒧᑦ ᐅᖃᕐᐳᖅ, “ᓇᓂᓯᓚᐅᕋᒪ ᐊᒡᓚᖕᓂᒃ ᐱᖁᔭᕐᑕᓕᖕᓂᒃ ᐊᑕᓂᐅᑉ ᐃᒡᓗᖓᓂ.” ᕼᐃᓪᑬᐊᐅᑉ ᐊᒡᓔᑦ ᓴᕙᓂᒧᐊᕐᒪᒋᑦ ᐅᖃᓕᒫᕐᐰᑦ.

ᐊᑕᓃᑦ ᐂᑉᐸᖏᑦ 25:22

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᒋᑕᓔᐊ, ᐊᕼᐂᑲᒥᐅᑉ ᐃᕐᓂᖓ ᓴᕙᓂᐅᑉ ᐃᕐᖑᑕᖓ ᐊᐅᓚᑦᓯᔨᓐᖑᕐᑎᑉᐹ ᔫᑕᒥᐅᓄᑦ, ᐊᐅᓪᓚᕈᑦᔭᐅᓚᐅᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 26:24

ᑭᓯᐊᓂᓕ ᐊᕼᐂᑲᒻ ᓴᕙᓂᐅᑉ ᐃᕐᓂᖓᑕ ᔨᕆᒤᐊ ᐃᑲᔪᕐᑐᕐᒪᒍ ᐃᓄᖕᓄᑦ ᑐᖁᑕᐅᓚᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 29:3

ᑎᑎᕋᕐᑕᓂᓗ ᑐᓂᕔᑦ ᐃᓖᓴᒧᑦ ᓴᕙᓂᐅᑉ ᐃᕐᓂᖓᓄᑦ ᔨᒪᕅᐊᒧᓪᓗ ᕼᐃᓪᑬᐊᐅᑉ ᐃᕐᓂᖓᓄᑦ, ᑖᑦᓱᒪᓗ ᔨᑎᑬᐊᒧᑦ ᑐᓂᕔᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᑦᓱᒪᓗ ᐊᐅᓪᓚᕐᑎᑕᐅᑎᑉᐰᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᒃᑯᐊᓗ ᐃᒫᒃ ᐅᖃᐅᓯᖃᕐᐳᑦ:

ᔨᕆᒤᐊᐅᑉ ᐊᒡᓚᖏᑦ 39:14

ᔨᕆᒤᐊ ᑎᒍᔭᐅᓯᒪᕕᒋᔭᖓᓂᑦ ᐊᓂᑎᓪᓗᒍ, ᒋᑕᓔᐊᒧᑦ ᐊᕼᐂᑲᒥᐅᑉ ᐃᕐᓂᖓᓄᑦ ᑲᒪᒋᔭᐅᑎᑉᐹᑦ ᓴᕙᓂᐅᑉ ᐃᕐᖑᑕᖓᓄᑦ, ᑖᑦᓱᒧᖓᓗ ᐊᖏᕐᕋᕐᑎᑕᐅᕗᖅ ᐃᓅᖃᑎᒥᓃᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 40:11

ᔫᑎᓪᓗ ᒧᐊᐱᒥ, ᐋᒪᓐᒥᓗ, ᐄᑐᒥᓗ ᓄᓇᓕᖕᓂᓗ ᑖᒃᑯᐊ ᐊᓯᖏᓐᓃᑦᑐᓂ ᑐᓴᐅᒪᓕᕋᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᔫᑕᒥ ᐊᒥᐊᒃᑯᖃᕐᑎᑦᓯᓂᖓᓂᒃ, ᑖᒃᑯᐊᓗ ᑲᒪᔨᖃᓕᕐᓂᖏᓐᓂᒃ ᒋᑕᓔᐊᒥᒃ ᐊᕼᐂᑲᒻ ᐃᕐᓂᖓᓂᒃ ᓴᕙᓂᐅᑉ ᐃᕐᖑᑕᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 41:2

ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓ ᐃᓚᒋᔭᖏᑕᓗ ᖁᓖᑦ ᐊᖑᑎᑦ ᓴᕕᒡᔪᐊᑎᒃ ᐊᒧᓪᓗᒋᑦ ᒋᑕᓔᐊ ᐊᕼᐂᑲᒥᐅᑉ ᐃᕐᓂᖓ ᑐᖁᑉᐹᑦ ᓴᕙᓂᐅᑉ ᐃᕐᖑᑕᖓ, ᑖᓐᓇ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑲᒪᔨᒻᒪᕆᓐᖑᕐᑎᓚᐅᕐᑕᖓ ᓄᓇᓕᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 8:11

70ᓗ ᐃᓴᕆᐊᓕᐅᑉ ᑭᖑᕚᖏᓐᓂ ᓯᕗᓕᕐᑏᑦ ᑕᕝᕙᓃᑉᐳᑦ, ᐅᓇ ᓇᖏᖃᑕᐅᕗᖅ ᑕᕝᕙᓂ, ᔭ-ᐊᔭᓁᐊ ᓴᕙᓂᐅᑉ ᐃᕐᓂᖓ. ᑖᒃᑯᐊᓗ ᐊᑐᓂᑦ ᑎᒍᒥᐊᕐᐳᑦ ᐳᔫᕐᑎᑦᓯᑦᔪᑎᓂᒃ ᑎᐱᑦᓯᐊᕆᒃᑐᒥᒃ, ᐳᔪᖏᓪᓗ ᑎᐱᑦᓯᐊᕆᒃᑐᑦ ᖁᒻᒧᐊᒃᐳᑦ.