ᐊᑕᓃᑦ ᐂᑉᐸᖏᑦ 22:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᐊᑕᓃᑦ ᐂᑉᐸᖏᑦ 22:19 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐊᑕᓃᑦ ᐂᑉᐸᖏᑦ 19:20

ᑕᕝᕙ ᐂᓮᐊᓯ ᐂᒨᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᑐᓴᕆᐊᖃᕐᑕᖏᓐᓂᒃ ᐅᖃᕆᐊᕐᑐᕐᑎᑦᓯᕗᖅ, “ᐃᒫᒃ ᑕᕝᕙ ᐊᑕᓂᖅ, ᐃᓴᕆᐊᓕᐅᑉ ᒎᑎᖓᑦ ᐅᖃᕐᐳᖅ: ᑐᒃᓯᐊᕐᓂᕆᔭᑎᑦ ᑐᓴᕐᐸᒃᑲ ᓯᓇᑯᕆᑉᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᑦᔪᑎᖃᕐᑎᓪᓗᑎᑦ.

ᐊᑕᓃᑦ ᐂᑉᐸᖏᑦ 20:5

“ᐅᑎᕆᑦ ᕼᐃᓯᑬᐊ ᐅᖃᐅᑎᓗᒍ ᐊᐅᓚᑦᓯᔨᐅᔪᖅ ᐃᓄᖁᑎᓐᓂᒃ ᐅᖃᐅᑎᓗᒍ ᐊᑕᓂᖅ ᓯᕗᓕᕕᓂᕐᐱᑦ ᑍᕕᑎᐅᑉ ᒎᑎᖓ, ᐅᖃᕐᐳᖅ: ᑐᒃᓯᐊᕐᓃᑦ ᑐᓴᕐᐸᕋ, ᖁᕕᐅᕐᓂᑎᓪᓗ ᑕᑯᕙᒃᑲ; ᑕᑯᒋᑦ, ᐋᖅᑭᖕᓂᐊᕐᐸᒋᑦ; ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐊᑕᓂᐅᑉ ᐃᒡᓗᖓᓄᐊᕐᓂᐊᕐᐳᑎᑦ.

ᐊᑕᓃᑦ ᐂᑉᐸᖏᑦ 22:11

ᐊᖓᔪᖅᑳᕐᔪᐊᑉ ᐊᒡᓔᑦ ᐱᖁᔭᓂᒃ ᑎᑎᕋᕐᕕᒋᓯᒪᔪᑦ ᑐᓴᕇᕋᒥᒋᑦ, ᐊᓐᓄᕌᓂ ᐊᓕᒃᐰᑦ ᖁᕕᐊᓱᖏᓐᓂᕐᒧᑦ.

ᑯᕉᓂᑲ ᐂᑉᐸᖏᑦ 32:26

ᕼᐃᓯᑬᐊᓕ ᐃᒻᒥᓂᒃ ᒥᑭᒡᓕᑎᓕᓚᐅᕐᐳᖅ ᐆᒻᒪᑎᒥᒍᑦ ᐱᐅᔪᕆᓂᕐᒥᓂᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑖᒃᑯᓄᖓ ᑎᑭᓚᐅᓐᖏᓚᖅ ᕼᐃᓯᑬᐊ ᐃᓅᑎᓪᓗᒍ.

ᑯᕉᓂᑲ ᐂᑉᐸᖏᑦ 33:12

ᐅᖁᒤᑦᑐᒦᓕᕋᒥᓗ ᐊᑕᓂᖅ ᒎᑎᓂ ᓵᕝᕕᒋᕚ ᐃᒻᒥᓂᒡᓗ ᒥᑭᒡᓕᑎᕕᒡᔪᐊᕐᓗᓂ ᓯᕗᓕᖏᑕ ᒎᑎᖓᑕ ᓵᖓᓂ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᑯᕉᓂᑲ ᐂᑉᐸᖏᑦ 33:23

ᐃᒻᒥᓂᒃ ᒥᑭᒡᓕᑎᓚᐅᓐᖏᓚᖅ ᐊᑕᓂᐅᑉ ᓵᖓᓂ, ᐊᑖᑕᖓᑕ ᒫᓇᓯᐅᑉ ᒥᑭᒡᓕᑎᕐᓂᕆᓚᐅᕐᑕᖓᑐᑦ; ᐋᒪᓐᓕ ᕿᒤᕙᓪᓕᐊᑐᐃᓐᓇᓚᐅᕐᐳᖅ ᐸᓯᔭᒃᓴᕈᕐᐸᓪᓕᐊᑐᐃᓐᓇᕐᓗᓂᓗ.

ᑯᕉᓂᑲ ᐂᑉᐸᖏᑦ 34:27

ᐆᒻᒪᑎᒃᑯᑦ ᖃᕿᐊᓕᓚᐅᕋᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ ᒎᑎᐅᑉ ᓵᖓᓂ ᑐᓴᕐᑎᓪᓗᑎᑦ ᐅᖃᐅᓯᖏᓐᓂᒃ ᑖᒃᑯᐊ ᐃᖅᑲᕐᑐᒐᒃᓴᐅᓕᕐᑎᓪᓗᒋᑦ ᓄᓇᖃᕐᑐᓪᓗ ᑕᒫᓂ, ᐃᓕᖕᓂᒃ ᒥᑭᒡᓕᑎᓚᐅᕋᕕᑦ ᓵᓐᓂ, ᐊᓐᓄᕌᑎᓪᓗ ᐊᓕᓚᐅᕋᕕᒋᑦ ᕿᐊᓪᓗᑎᓪᓗ ᓵᓐᓂ, ᑕᕝᕙ ᑐᓴᓚᐅᕐᐸᒋᑦ, ᐊᑕᓂᖅ ᐅᖃᕐᐳᖅ.

ᐄᓱᕋᐅᑉ ᐊᒡᓚᖏᑦ 10:1

ᐄᓱᕋ ᐅᑯᖓᓪᓗᓂ ᑐᒃᓯᐊᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᓯᕗᕌᓂ, ᕿᐊᓪᓗᓂᓗ ᖃᕿᐊᓕᕐᓗᓂᓗ ᑖᒃᑯᐊ ᐊᔪᕐᑐᓕᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᐅᓄᕐᑐᒻᒪᕆᐊᓗᐃᑦ ᐊᖑᑏᑦ, ᐊᕐᓁᓪᓗ, ᓱᕈᓰᓪᓗ ᑲᑎᕙᓪᓕᐊᓕᕐᐳᑦ ᑖᑦᓱᒧᖓ ᐃᓚᓕᐅᑎᕙᓪᓕᐊᓪᓗᑎᒃ; ᐊᒃᓱᐊᓗᒃ ᕿᐊᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 1:4

ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᕐᐳᖓ. ᐅᓪᓗᓂᒃ ᐅᓄᕐᑐᓂᒃ ᕿᒃᓵᕕᒡᔪᐊᕈᑎᒋᓚᐅᕐᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 8:9

ᐃᓄᓕᒫᑦ ᑐᓴᕋᒥᒃ ᐱᖁᔭᓂᒃ, ᐊᒃᑐᕐᑕᐅᒻᒪᕆᒃᐳᑦ ᕿᐊᓕᕐᓗᑎᒡᓗ. ᑍᒤᒻᒪᑦ ᓂᕼᐃᒤᐊ, ᑖᓐᓇ ᐊᐅᓚᑦᓯᔨᐅᔪᖅ, ᐄᓱᕋᓗ, ᑐᓂᕐᕈᓯᕐᑎᑦᓯᔨ ᐱᖁᔭᓂᒡᓗ ᐃᓕᓯᒪᔪᖅ, ᓕᕔᑏᓪᓗ ᐱᖁᔭᓂᒃ ᑐᑭᓯᓇᕐᓯᑎᑦᓯᓚᐅᕐᑐᑦ ᐃᓄᖕᓄᑦ ᐅᖃᕐᐳᑦ, “ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ, ᑍᒤᒻᒪᑦ ᕿᒃᓵᒃᑐᒃᓴᐅᓐᖏᓚᓯ, ᕿᐊᖏᓪᓗᓯᓗ.

ᐃᓐᖏᕈᑎᑦ 119:120

ᑎᒥᒐ ᓴᔪᒃᐳᖅ ᐃᓕᖕᓂᒃ ᓯᕘᕋᓂᕐᒧᑦ; ᐃᖅᑲᕐᑐᐃᓃᓪᓗ ᑲᑉᐱᐊᒋᕙᕋ.

ᐃᓐᖏᕈᑎᑦ 119:136

ᖁᕝᕕᐅᕐᓂᕐᒧᑦ ᐃᔩᒃᑲᒃ ᑯᕕᑐᐃᓐᓇᓕᕐᐴᒃ, ᐱᖁᔭᕐᓂᒃ ᓈᓚᖏᑦᑐᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 51:17

ᒎᑎᐅᓪᓕ ᑐᓂᕐᕈᑏᑦ ᐃᓚᓕᐅᕈᓐᓇᕐᑕᖏᑦ ᐊᓂᕐᓂᐅᕗᑦ ᓯᖁᒥᓯᒪᔪᑦ, ᐆᒻᒪᑏᑦ ᓯᖁᒥᓯᒪᔪᑦ, ᖃᕿᐊᓕᕐᑐᓪᓗ ᒎᑏ, ᓇᕐᕈᒋᓐᖏᓚᑎᑦ.

ᐃᓐᖏᕈᑎᑦ 51:19

ᑕᕝᕙ ᖁᕕᐊᒋᔭᖃᓕᕐᓂᐊᕐᐳᑎᑦ ᐃᓱᐊᕐᑐᓕᓂᕐᒧᑦ ᑐᓂᕐᕈᑎᓂᒃ, ᑐᓂᕐᕈᑎᓂᒃ ᐆᑕᒃᓴᓂᒃ ᐃᓗᐃᑦᑐᓂᒡᓗ ᐆᑕᒃᓴᓂᒃ ᐆᒪᔪᕕᓂᕐᓂᒃ ᑕᕝᕙ ᐆᒪᔪᑦ ᐸᖕᓂᖏᓐᓂᒃ ᑐᓂᕐᕈᓯᓕᕐᓂᐊᕐᐳᑦ ᑐᓂᕐᕈᓯᕐᕕᖁᑎᖕᓂ.

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 46:12

ᓈᓚᒃᓯᓐᖓ ᓯᑎᔪᓂᒃ ᐆᒻᒪᑎᖃᕐᑐᓯ, ᐱᐅᓕᔭᐅᓂᕐᒥᑦ ᐅᖓᓯᒃᑐᓯ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 66:5

“ᐊᑕᓂᐅᑉ ᐅᖃᐅᓯᖓ ᑐᓴᓕᕐᓯᐅᒃ, ᐃᓕᑦᓯ ᐅᖃᐅᓯᖓᓄᑦ ᓴᔪᒃᑐᓯ; ᖃᑕᓐᖑᑎᓯ ᐃᓕᑦᓯᓐᓂᒃ ᐆᒥᓱᖕᒪᑕ, ᐃᓕᑦᓯᓐᓂᒃ ᓇᕐᕈᓕᕐᓯᒪᔪᑦ ᐊᑎᕋ ᐱᓪᓗᒍ ᐅᖃᕐᒪᑕ, ‘ᐊᑕᓂᖅ ᓂᕐᑐᕐᑕᐅᓕ, ᑕᑯᓂᐊᕋᑦᑕ ᖁᕕᐊᓱᒃᑎᓪᓗᓯ’; ᑭᓯᐊᓂᓕ ᑖᒃᑯᐊ ᑲᓐᖑᓱᒃᑎᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 13:17

ᓈᓚᖕᓂᐊᖏᒃᑯᑦᓯ, ᑕᕐᓂᒃᑯᑦ ᐃᔨᕋᕐᑐᕐᓗᖓ ᕿᐊᑦᔪᑎᒋᔪᒫᕐᐸᑦᓯ ᐱᐅᔪᕆᓂᓯ ᐱᑦᔪᑎᒋᓗᒍ; ᖁᕝᕕᐅᕈᑎᒋᕐᔪᐊᕈᒫᕐᐸᑦᓯ, ᐊᑕᓂᐅᑉ ᐃᓅᖁᑎᖏᑦ ᑎᒍᔭᐅᔪᒫᕐᒪᑕ ᐊᐅᓪᓚᕈᑦᔭᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 14:17

ᒪᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ: “ᐃᔩᒃᑲᒃ ᖁᕝᕕᐅᕐᓂᕐᒧᑦ ᑯᕕᑐᐃᓐᓇᓕᕐᐴᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ, ᓄᖅᑲᕈᓐᓁᓪᓕᓪᓗᖓᓗ, ᐅᐃᒡᒐᓱᒃᑎᑦᑐᑦ ᐃᓄᖁᑎᒃᑲ ᐃᑎᔪᒥᒃ ᑭᓕᕐᑕᐅᖕᒪᑕ, ᐋᓐᓂᐊᓇᕐᑐᕐᔪᐊᕐᒧᑦ ᐋᓐᓂᕐᑕᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 36:13

ᒤᑬᐊᐅᑉ ᐅᓂᒃᑳᕐᕕᒋᕔᑦ ᑐᓴᕐᑕᒥᓂᒃ, ᐸᕉᒃᒧᑦ ᐅᖃᓕᒫᕐᑕᐅᖅᑲᐅᔪᓂᒃ ᐃᓄᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 36:24

ᐊᖓᔪᖅᑳᕐᔪᐊᖅ ᐱᖃᑎᒋᔭᖏᓪᓗ ᐅᖃᐅᓯᕐᓂᒃ ᑐᓴᕋᓗᐊᕋᒥᒃ ᖁᐊᕐᓵᖓᓚᐅᓐᖏᓚᑦ ᐊᓐᓄᕌᒥᖕᓂᒡᓗ ᐊᓕᒃᓯᓇᑎᒃ.

ᔨᕆᒤᐊᐅᑉ ᐊᒡᓚᖏᑦ 44:22

ᐊᑕᓂᖅ ᕿᓄᐃᓵᕈᓐᓁᓪᓕᒐᒥ ᐱᐅᖏᑦᑐᓂᒃ ᐃᓕᖅᑯᓯᖃᕐᓂᑦᓯᓐᓄᑦ, ᓈᒻᒪᒋᓐᖏᑕᖏᓐᓂᒡᓗ ᐱᓇᓱᐊᖃᑦᑕᕐᓂᑦᓯᓐᓄᑦ ᓄᓇᒋᔭᓯ ᐅᖃᐅᓯᕐᓘᑎᒃᓴᓐᖑᓚᐅᕐᐳᖅ, ᓱᓁᕈᑎᓪᓗᓂᓗ ᐃᓄᖃᕈᓐᓃᕐᓗᓂᓗ ᒫᓐᓇ ᑍᒤᑦᑑᓕᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᒤᑲᐅᑉ ᐊᒡᓚᖏᑦ 6:8

ᑕᑯᑎᓯᒪᕚᑎᑦ, ᐃᓅᔪᑎᑦ, ᓱᓇ ᐱᐅᖕᒪᖔᑦ; ᓱᓇᒥᒡᓗ ᐊᑕᓂᖅ ᐃᓕᖕᓂᒃ ᐱᖁᔨᖕᒪᖔᑦ ᓇᓛᒍᑦ ᐱᓇᓱᐊᖁᓪᓗᑎᑦ, ᓇᒡᓕᒍᓱᖁᓪᓗᑎᑦ ᐱᑦᓯᐊᕐᓗᑎᓪᓗ, ᐃᓅᖁᓪᓗᑎᓪᓗ ᒥᑭᒡᓕᑎᕐᓯᒪᓗᑎᑦ ᒎᑎᐅᑉ ᓵᖓᓂ.

ᒨᓯᓯ ᓯᑕᒪᖏᑦ 25:6

ᐃᓴᕆᐊᓕᒥᐅᑦ ᐃᓚᖓᑦ ᐊᖑᑦ ᐃᓚᒥᓄᐊᕈᑦᔨᕗᖅ ᐊᕐᓇᒥᒃ ᒥᑎᐊᓂᒥᐅᑕᕐᒥᒃ ᒨᓯᓯ ᑕᑯᓐᓇᕐᑎᓪᓗᒍ ᐃᓴᕆᐊᓕᒥᐅᓪᓗ ᕿᐊᑎᓪᓗᒋᑦ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

ᓘᑲᓯᐅᑉ ᐊᒡᓚᖏᑦ 19:41

ᔨᕉᓴᓕᒻ ᖃᒡᓕᓪᓗᒍ ᑕᑯᓐᓇᓕᕋᒥᐅᒃ ᖁᕝᕕᐅᕈᑎᒋᕚ,

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 20:26

ᑕᕝᕙ ᐃᓄᒋᐊᒃᑐᕐᔪᐊᑦ ᐃᓴᕆᐊᓕᒥᐅᓕᒫᑦ ᐅᓇᑕᕐᑐᒃᓮᑦ ᐂᕗᑦ ᐱᑎᓕᒧᑦ ᕿᐊᓪᓗᑎᒡᓗ; ᑍᑲᓂ ᐃᒃᓯᕙᕗᑦ ᐊᑕᓂᐅᑉ ᓵᖓᓂ ᓂᕆᑦᑍᓕᓪᓗᑎᒃ ᐅᓐᓄᒃ ᑎᑭᓪᓗᒍ. ᑐᓂᕐᕈᓯᓚᐅᕐᐳᑦ ᐃᑯᐊᓚᑎᑕᒃᓴᓂᒃ ᑐᓂᕐᕈᑎᓂᒡᓗ ᐃᑯᐊᓚᒋᐊᓕᖕᓂᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᓂᒃ ᐊᑕᓂᐅᑉ ᓵᖓᓂ.

ᓴᒧᐃᓕ ᓯᕗᓪᓖᑦ 24:5

ᑕᒪᑐᒪ ᑭᖑᕐᖓᒍᑦ ᑍᕕᑎ ᐆᒻᒪᑎᕈᕐᑕᐅᕗᖅ, ᐲᕐᓯᓚᐅᕋᒥ ᓴᐅᓕᐅᑉ ᐅᓕᒡᔪᐊᖓᑕ ᐃᓚᖓᓂᒃ.