ᐊᑕᓃᑦ ᐂᑉᐸᖏᑦ 21:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᐊᑕᓃᑦ ᐂᑉᐸᖏᑦ 21:6 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 13:13

ᓱᑑᒪᐅᓪᓗ ᐃᓄᖏᑦ ᐱᐅᖏᑦᑐᓕᔨᐊᓘᓚᐅᕐᐳᑦ, ᐊᔪᕐᑐᓕᔪᕐᔪᐊᖑᓪᓗᑎᒡᓗ ᐊᑕᓂᕐᒧᑦ.

ᐊᑕᓃᑦ ᐂᑉᐸᖏᑦ 16:3

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑎᑐᑦ ᐃᓕᖅᑯᓯᖃᑐᐃᓐᓇᓚᐅᕆᕗᖅ ᐊᒡᓛᑦ ᐃᕐᓂᕐᒥᓂᒃ ᑐᓂᕐᕈᓯᓚᐅᕐᐳᖅ ᒎᑎᓐᖑᐊᓄᑦ. ᐊᑕᓂᐅᑉ ᓇᕐᕈᓇᕐᓂᕋᓚᐅᕐᑕᖏᑦ ᐃᓅᖃᑎᒌᒡᔪᐊᓄᑦ ᐊᑐᕐᑕᐅᑎᓪᓗᒋᑦ ᐃᓴᕆᐊᓕᒥᐅᓄᑦ ᓄᓁᕐᑕᐅᓚᐅᕐᑐᑦ ᐃᓄᖏᑕ ᐃᓕᖅᑯᓯᕕᓂᖏᑦ ᓄᓇᒋᔭᐅᖁᔭᐅᔪᒧᑦ ᑎᑭᑉᐸᓕᐊᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 23:24

ᓱᓕᓗ ᔫᓮᐊᐅᑉ ᑐᖁᖓᔪᑦ ᐊᓂᕐᓂᖏᓐᓂᒃ ᐅᖃᖃᑎᖃᕋᓱᒃᐸᒃᑐᑦ, ᓯᕗᓂᒃᓴᒥᒡᓗ ᓇᓚᐅᑦᑍᔨᐅᓇᓱᒃᐸᒃᑐᑦ ᐊᓯᖏᓪᓗ ᓇᕐᕈᓇᕐᑑᓂᕋᕐᑕᐅᔪᓕᒫᑦ ᔨᕉᓴᓕᒥᐅᓂ ᔫᑕᒥᐅᓂᓗ ᓄᖅᑲᕐᑎᑉᐰᑦ, ᐃᒡᓗᒋᔭᐅᔪᓂᓗ ᒎᑎᓐᖑᐊᑦ, ᓴᓇᓯᒪᔪᓪᓗ ᐱᑦᑍᓕᓂᕐᒨᖓᔪᒃ ᐋᕐᖑᐊᑦ ᐲᔭᕐᑕᐅᑎᑉᐰᑦ ᑐᓂᕐᕈᓯᕐᑎᑦᓯᔩᑦ ᐳᕐᑐᓂᕐᐹᖓᑦᑕ ᕼᐃᓪᑬᐊᐅᑉ ᐊᒡᓔᑦ ᐱᖁᔭᕐᑕᓖᑦ ᑐᒃᓯᐊᕐᕕᒡᔪᐊᒥ ᓇᓂᓚᐅᕐᑕᖏᑦ ᒪᓕᒃᑕᐅᓯᐊᓕᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 10:13

ᑕᕝᕙ ᓴᐅᓕ ᑍᒫᑦ ᑐᖁᓚᐅᕐᐳᖅ ᒪᓕᒍᓐᓃᓚᐅᕐᓂᕐᒥᓄᑦ ᐊᑕᓂᕐᒥᒃ; ᐊᑕᓂᐅᑉ ᐱᖁᔭᖏᓐᓂᒃ ᓈᓚᓚᐅᖏᓐᓇᒥ, ᑐᖁᖓᔪᓄᓪᓗ ᖃᐅᔨᓇᓱᐊᕐᑎᒧᑦ ᖃᐅᔨᓇᓱᐊᓚᐅᕐᒪᑦ ᖃᓄᐃᓕᐅᕆᐊᖃᕐᒪᖔᕐᒥ,

ᑯᕉᓂᑲ ᐂᑉᐸᖏᑦ 28:3

ᐃᑯᐊᓪᓔᓚᐅᕐᐳᕐᓗ ᑎᐱᑦᓯᐊᕆᒃᑐᓂᒃ ᕼᐃᓇᒻ ᐃᕐᓂᖓᑕ ᓇᕐᓴᖓᓂ ᐊᑎᓕᖕᒥ, ᐃᕐᓂᓂᓗ ᐃᑯᐊᓪᓚᒃᐰᑦ ᑐᓂᕐᕈᓯᐅᑎᒋᓪᓗᒋᑦ, ᑕᒪᓐᓇ ᓇᕐᕈᓇᕐᓂᕋᕐᑕᐅᔪᖅ ᐱᓂᐊᕐᓂᕆᓚᐅᕐᐹ ᐃᓅᖃᑎᒌᒡᔪᐊᑦ ᐱᐅᓯᖏᑦ ᒪᓕᒡᓗᒋᑦ ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᐂᓮᐊᓯᐅᑉ ᐊᒡᓚᖏᑦ 19:3

ᐄᑦᔨᑉᑎᒥᐅᑦ ᐃᓕᖅᑯᓯᖏᑦ ᐊᑐᕈᓐᓃᕈᒫᕐᐳᑦ ᑖᒃᑯᓇᓂ, ᐱᓇᓱᐊᕈᒪᔭᖏᓐᓂᒡᓗ ᓇᓗᓕᕐᑎᑦᓱᒫᕐᐸᒃᑲ; ᒎᑎᓐᖑᐊᒥᖕᓂᒃ ᐊᖓᒃᑯᓂᒡᓗ ᐃᑲᔪᕐᑎᖃᕋᓱᐊᓕᕈᒫᕐᐳᑦ, ᑐᖁᖓᔪᓪᓗ ᐊᓂᕐᓂᖏᓐᓂᒃ ᐱᓇᓱᐊᖃᑦᑕᕐᑐᓂᒃ ᐊᖓᒃᑰᓇᓱᐊᕐᑐᓂᒡᓗ ᑕᑎᖃᕋᓱᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 66:4

ᓂᕈᐊᓛᕆᕗᖓ ᐋᓐᓂᐊᑎᑕᐅᑦᔪᑎᒃᓴᖏᓐᓂᒃ, ᑲᑉᐱᐊᒋᔭᖏᓐᓂᒃ ᑎᑭᕝᕕᐅᑎᑦᓱᒫᕐᐸᒃᑲ; ᕾᖁᔨᑎᓪᓗᖓ ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᖏᒻᒪᑦ, ᐅᖃᓪᓚᒃᑎᓪᓗᖓ ᓈᓚᓚᐅᖏᒻᒪᑕ; ᐱᐅᖏᑦᑐᒥᒡᓕ ᑕᑯᓐᓇᕐᑕᒃᑯᑦ ᐱᓇᓱᐊᖔᑐᐃᓐᓇᓚᐅᕐᐳᑦ, ᐊᑐᕋᓱᖔᕐᓗᑎᒡᓗ ᖁᕕᐊᒋᓐᖏᑕᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 8:19

ᐅᖃᐅᑦᔭᐅᒍᕕᓪᓗ, “ᐊᐱᕐᓱᓚᐅᕆᑦ ᓯᕗᓂᒃᓴᒥᒃ ᓇᓚᐅᑦᑍᓲᓂᒃ ᑐᖁᖓᔪᓂᒡᓗ ᐅᖄᑎᑦᑎᓲᓂᒃ, ᖁᐸᓄᐊᑎᑐᑦ ᓂᑦᔭᒃᐸᒃᑐᑦ, ᓂᐱᑭᓗᐊᒧᓪᓗ ᑐᑭᓯᔭᒃᓴᐅᕙᖏᑦᑐᑦ, ᐃᓄᐃᑦ ᒎᑎᒥᖕᓂᒃ ᐊᐱᕐᓱᕆᐊᖃᓐᖏᓛᑦ? ᑐᖁᖓᔪᓂᒃ ᐊᐱᕐᓱᕆᐊᖃᕐᐹᑦ ᐃᓅᔪᑦ ᐱᑦᔪᑎᒋᓗᒋᑦ?

ᔨᕆᒤᐊᐅᑉ ᐊᒡᓚᖏᑦ 19:4

ᐅᕙᓐᓂᒃ ᕿᒤᓚᐅᕐᒪᑕ, ᐊᓯᖏᑕᓗ ᒎᑎᒋᔭᖏᓐᓄᑦ ᓄᓇᑎᒃ ᐃᓂᑖᖑᑎᓪᓗᒍ ᓇᕐᕈᓇᕐᓯᑎᑉᐹᑦ, ᐆᑕᒃᓴᓂᒡᓗ ᑐᓂᕐᕈᓯᕐᕕᒋᕙᒃᓗᒋᑦ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓂᒃ, ᔫᑕᐅᓪᓘᓐᓃᑦ ᐊᖓᔪᖅᑳᕐᔪᐊᖏᑕ ᖃᐅᔨᒪᓚᐅᕐᓯᒪᖏᒻᒥᔭᖏᑦ; ᑕᕝᕙᓂᓗ ᑐᖁᕅᕙᒃᓗᑎᒃ ᐸᓯᔭᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 19:5

ᐳᕐᑐᔪᓂᒃ ᑐᓂᕐᕈᓯᕐᕕᓕᐅᕐᓯᒪᕗᑦ ᐰᓕᒧᑦ ᕿᑐᕐᖓᒥᖕᓂᒡᓗ ᐃᑯᐊᓚᔪᒧᑦ ᑐᓂᕐᕈᓯᐅᑎᓪᓗᒋᑦ ᐰᓕᒧᑦ ᑐᒃᓯᐊᕈᑎᒋᖃᑦᑕᕐᐰᑦ, ᑍᒤᓕᐅᖁᓪᓗᒋᑦ ᐅᖃᓚᐅᕐᓯᒪᓐᖏᓚᖓ ᐱᖁᔭᓕᐅᓚᐅᕐᓯᒪᓐᖏᓚᖓᓘᓐᓃᑦ, ᑍᒤᑦᑐᒥᒃ ᐃᓱᒪᓚᐅᕐᓯᒪᖏᓐᓇᒪ.

ᐃᓯᑭᐊᓕᐅᑉ ᐊᒡᓚᖏᑦ 23:39

ᕿᑐᕐᖓᑎᒃ ᑐᖁᓪᓗᒋᑦ ᑐᓂᕐᕈᑎᖃᕋᒥᒃ ᒎᑎᓐᖑᐊᓄᑦ, ᐅᓪᓗᒥ ᑕᕝᕙᓂᑦᓮᓐᓇᖅ ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓚᐅᕐᐹᒃ; ᑕᕝᕙ ᑍᒫᒃ ᐃᒡᓗᓐᓂ ᑍᒤᓕᐅᖃᑦᑕᓚᐅᕐᐴᒃ.

ᒨᓯᓯ ᐱᖓᔪᖏᑦ 18:21

ᕿᑐᕐᖓᕐᓂᒃ ᑐᓂᕐᕈᑎᖃᕆᐊᖃᓐᖏᓚᑎᑦ ᒎᑎᓐᖑᐊᒧᑦ ᒧᓕᑭᒧᑦ, ᒎᑎᕕᑦ ᐊᑎᖓᓂᒃ ᓇᕐᕈᓇᕐᓯᑎᑦᓯᖁᓇᒃ, ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 19:26

“ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 19:31

“ᐊᖓᒃᑰᓇᓱᐊᕐᑐᓂᒃ ᑕᑎᖃᕐᓂᐊᕋᓯ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᑦ ᑕᑎᒋᓂᐊᕐᓇᒋᑦ, ᑍᒤᓕᐅᕈᑦᓯ ᑖᒃᑯᓄᖓ ᐃᑦᔪᕐᓇᕐᑎᑕᐅᓂᐊᕋᑦᓯ. ᐅᕙᖓ ᐊᑕᓂᐅᒐᒪ ᒎᑎᓯ.

ᒤᑲᐅᑉ ᐊᒡᓚᖏᑦ 6:7

ᐊᑕᓂᖅ ᖁᕕᐊᓱᖕᓂᐊᕐᐹ ᑐᓂᒍᒃᑯ ᑕᐅᓴᑏᑦ ᐅᖓᑖᓂ ᓰᐲᑦ ᐊᖑᓴᓪᓗᖏᓐᓂᒃ? 10,000ᓂᒡᓘᓐᓃᑦ ᐸᐅᕐᖎᑦ ᐅᕐᓱᖏᓐᓂᒃ? ᕿᑐᕐᖓᕐᑖᕆᐅᕈᑎᒐᓘᓐᓃᑦ ᑐᓂᕐᕈᑎᒋᒍᒃᑰ ᐊᔪᕐᓂᒃᑲ ᐱᓪᓗᒋᑦ, ᓇᖕᒥᓂᖅ ᑎᒥᓐᓂᑦ ᐱᔪᖅ ᑕᕐᓂᕐᒪ ᐊᔪᕐᑐᓕᓂᖏᓐᓄᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 16:16

ᑐᒃᓯᐊᕆᐊᕐᕕᐅᕙᒃᑐᒧᑦ ᐂᓕᕐᑎᓪᓗᑕ, ᑲᑎᓯᕗᒍᑦ ᐊᕐᓇᒥᒃ ᓂᐅᕕᐊᖑᓯᒪᓪᓗᓂ ᐱᔨᐅᔪᒥᒃ, ᑖᓐᓇ ᓵᑖᓇᓯᐅᑉ ᐊᓂᕐᓂᖓᓄᑦ ᓇᓚᐅᑦᑍᔪᓐᓇᕐᑎᑕᐅᔪᖅ ᓯᕗᓂᒃᓴᒥᒃ, ᐊᖓᔪᖅᑳᒥᓂᒃ ᑮᓇᐅᔭᓕᐅᕐᑎᑦᓯᓪᓚᕆᒃᑐᖅ ᓇᓚᐅᑦᑍᖃᑦᑕᕐᓂᕐᒥᓄᑦ.

ᒨᓯᓯ ᑕᓪᓕᒪᖏᑦ 32:16

ᒎᑎᓐᖑᐊᓄᑦ ᓵᓐᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᓮᓪᓗᑎᒃ ᓯᖕᓇᑎᑦᓯᓚᐅᕐᐳᑦ; ᓇᕐᕈᓇᕐᑐᓕᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᑎᑦᓯᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.