20 ᐊᑖᑕᕕᓂᕐᒥᑐᑦ ᒫᓇᓯᑐᑦ ᐊᔪᕐᑐᓕᓂᕐᒥ ᐃᓅᓯᖃᓚᐅᕆᕗᖅ ᐊᑕᓂᐅᑉ ᓵᖓᓂ.
“ᔫᑕᐅᑉ ᐊᖓᔪᖅᑳᕐᔪᐊᖓ ᒫᓇᓯ ᓇᕐᕈᓇᕐᑐᕐᔪᐊᓂᒃ ᐱᓇᓱᐊᕐᓯᒪᖕᒪᑦ, ᐊᒧᕅᑎᒥᐅᑦ ᐃᓕᖅᑯᓯᕆᓯᒪᔭᖏᓐᓂᑦ ᐱᐅᖏᓐᓂᕐᓴᓂᒃ ᐱᓂᐊᕐᓯᒪᕗᖅ, ᒎᑎᓐᖑᐊᖃᖃᑦᑕᕐᓂᕐᒥᖕᓄᑦ ᔫᑕᒥᐅᓂᒃ ᐊᔪᕐᑐᓕᑎᑦᓯᓯᒪᖕᒪᑦ.
ᐊᑖᑕᒥ ᐃᓕᖅᑯᓯᕆᓚᐅᕐᑕᓕᒫᖏᓐᓂᒃ ᒪᓕᑐᐃᓐᓇᓚᐅᕋᒥ, ᑐᒃᓯᐊᕐᕕᖃᖃᑦᑕᕐᓗᓂᓗ ᒎᑎᓐᖑᐊᓄᑦ ᐊᑖᑕᖓᑕ ᑐᒃᓯᐊᕐᕕᒋᖃᑦᑕᕐᑕᕕᓂᖏᓐᓄᑦ,
ᐊᑕᓂᐅᑉ ᓵᖓᓂ ᐱᐅᖏᑦᑐᓂᒃ ᐱᓇᓱᐊᕐᓂᖃᓚᐅᕐᐳᖅ, ᓯᕗᓕᕕᓂᕐᒥ ᐱᐅᓯᕆᔭᕕᓂᖏᑦ ᒪᓕᒡᓗᒋᑦ.
ᓯᕗᓕᕕᓂᕐᒥ ᐃᓕᖅᑯᓯᖏᓐᓂᒃ ᒪᓕᒃᑲᒥ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ.
ᐊᖓᔪᖅᑳᕐᔪᐊᖅ ᔨᑎᑬᐊ ᐊᔪᕐᑐᓕᓂᕐᒥ ᐃᓅᓚᐅᕐᐳᖅ ᐊᑕᓂᐅᑉ ᓵᖓᓂ, ᐊᖓᔪᖅᑳᕐᔪᐊᑉ ᔨᕼᐅᐃᐊᑭᐅᑉ ᐱᐅᓯᕆᓚᐅᕐᑕᖓᑐᑦ.
ᐊᑖᑕᒥ ᐊᔪᕐᑐᓕᓂᕆᓚᐅᕐᑕᓕᒫᖏᑦ ᒪᓕᒡᓗᓂᒋᑦ, ᔨᕼᐅᐃᐊᑭᓐ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ.
ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ.
ᐊᑏ, ᒫᓐᓇ ᓯᕗᓕᕕᓂᑦᓯ ᐱᒋᐊᓚᐅᕐᑕᖓᑦ ᑲᔪᓯᑎᓕᕐᓯᐅᒃ ᐱᔭᕇᕐᓗᒍ.
ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.
