10 ᐊᑕᓂᖅ ᐅᖃᕐᑎᒥᒍᑦ ᐅᖃᓚᐅᕐᐳᖅ,
ᐊᑕᓂᐅᑉ ᐅᖃᕐᑎᓂ ᑎᓕᕙᓚᐅᕋᓗᐊᕐᐰ ᐃᖅᑬᑎᑦᓯᔭᕐᑐᕐᑎᓪᓗᓂᒋᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ, ᐅᖃᕐᓗᓂ, ᐃᓕᖅᑯᓯᕆᔭᓯ ᓈᒻᒪᖏᑦᑐᑦ ᕿᒪᒡᓗᒋᑦ ᐱᖁᔭᒃᑲ ᒪᓕᒐᒃᓴᕆᕙᓯ ᓯᕗᓕᕕᓂᑦᓯᓐᓄᑦ ᑐᓂᔭᐅᑎᓚᐅᕐᑕᒃᑲ ᒪᓕᒃᑕᐅᖁᓪᓗᒋᑦ ᐃᓕᑦᓯᓐᓄᑦᑕᐅᖅ ᐅᖃᐅᓯᕆᔭᐅᑎᓯᒪᔭᒃᑲ ᒪᓕᒃᑕᐅᖁᓪᓗᒋᑦ ᐱᔨᒋᔭᒃᑲ ᐅᖃᕐᑎᖁᑎᒃᑲᓗ ᐊᖅᑯᑎᒋᓪᓗᒋᑦ.
“ᔫᑕᐅᑉ ᐊᖓᔪᖅᑳᕐᔪᐊᖓ ᒫᓇᓯ ᓇᕐᕈᓇᕐᑐᕐᔪᐊᓂᒃ ᐱᓇᓱᐊᕐᓯᒪᖕᒪᑦ, ᐊᒧᕅᑎᒥᐅᑦ ᐃᓕᖅᑯᓯᕆᓯᒪᔭᖏᓐᓂᑦ ᐱᐅᖏᓐᓂᕐᓴᓂᒃ ᐱᓂᐊᕐᓯᒪᕗᖅ, ᒎᑎᓐᖑᐊᖃᖃᑦᑕᕐᓂᕐᒥᖕᓄᑦ ᔫᑕᒥᐅᓂᒃ ᐊᔪᕐᑐᓕᑎᑦᓯᓯᒪᖕᒪᑦ.
ᑖᒃᑯᐊᓕ ᓈᓚᓚᐅᓐᖏᓚᑦ, ᒫᓇᓯᐅᑉ ᐊᔪᕐᑐᓕᓐᓇᕐᑐᓄᑦ ᑕᓯᐅᓚᐅᕐᒪᒋᑦ ᐱᐅᖏᓐᓂᕐᓴᒧᑦ ᓄᓇᑖᕆᓯᒪᔭᖏᑕ ᐃᓄᒋᓚᐅᕐᑕᖏᑕ ᐱᓂᐊᕐᓂᕆᓚᐅᕐᑕᖏᓐᓂᑦ ᐊᑕᓂᐅᑉ ᓯᖏᑕᐅᑎᓚᐅᕐᑕᖏᓐᓂᑦ ᐃᓴᕆᐊᓕᒥᐅᓄᑦ ᓄᓇᑖᕆᔭᐅᕙᓪᓕᐊᓕᕐᑎᓪᓗᒍ.
ᐊᑕᓂᖅ ᐅᖃᓚᐅᕐᐳᖅ ᒫᓇᓯᒧᑦ ᐃᓄᖁᑎᖏᓐᓄᓪᓗ, ᑖᒃᑯᐊᓕ ᓈᓚᓚᐅᓐᖏᓚᑦ.
ᑖᑦᓱᒪ ᐊᑕᓂᐅᑉ, ᓯᕗᓕᖏᑕ ᒎᑎᖓᑕ ᑎᓕᓯᕕᒋᓪᓗᒋᑦ ᐃᓂᕐᑎᖃᑦᑕᓚᐅᕐᐰᑦ ᐅᖃᕐᑎᒥᒍᑦ, ᐃᓄᖁᑎᓂ ᐃᓚᑦᓱᒋᒐᒥᒋᑦ ᐃᒡᓗᓗ ᐃᓂᒃᓴᕆᔭᓂ ᓴᐳᑎᔪᒪᓪᓗᒍ.
ᑍᒤᒃᑲᓗᐊᕐᒪᑦ ᐃᓄᖁᑎᑎᑦ ᐊᑭᕋᕐᑐᓕᓚᐅᕐᐳᑦ ᓈᓚᒍᓐᓃᕐᓗᑎᒡᓗ ᐃᓕᖕᓂᒃ, ᐱᖁᔭᕐᓂᒡᓗ ᑐᓄᑦᓯᓚᐅᕐᐳᑦ, ᐅᖃᕐᑎᖕᓂᒡᓗ ᑐᖁᑦᓯᓚᐅᕐᐳᑦ ᐃᓂᕐᑎᕆᔪᓂᒃ, ᐃᓕᖕᓄᑦ ᐅᑎᖁᔨᓪᓗᑎᒃ ᐅᖃᓪᓚᓚᐅᕐᑐᓂᒃ, ᐃᓕᖕᓂᒡᓗ ᐅᖃᕐᓂᕐᓘᑎᖃᖃᑦᑕᓚᐅᕐᐳᑦ ᑍᒪᓐᖓᑦ.
ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.
