ᐊᑕᓃᑦ ᐂᑉᐸᖏᑦ 20:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐂᓮᐊᓯᐅᑉ ᑭᐅᕚ, “ᐃᒫᒃ ᐃᓕᖕᓄᑦ ᓇᓗᓁᒃᑯᑕᖃᕐᐳᖅ ᐊᑕᓂᕐᒥᑦ, ᐊᑕᓂᐅᑉ ᐱᓂᐊᕐᓂᕆᓂᐊᕐᑕᖓ ᐊᖏᕐᓯᒪᓂᕐᒥᓄᑦ: ᐊᓪᓗᕐᓂᕐᓂᒃ ᖁᓕᓂᒃ ᑕᕐᕋᖅ ᓯᕗᒻᒧᑦ ᐃᖏᕐᕋᖁᕕᐅᒃ, ᐅᕝᕙᓗ ᑭᖑᒧᑦ ᖁᓕᓂᒃ ᐃᖏᕐᕋᖁᕕᐅᒃ?”

ᐊᑕᓃᑦ ᐂᑉᐸᖏᑦ 20:9 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 19:29

“ᐃᒫᒃ ᓇᓗᓁᒃᑯᑕᒃᓴᐅᕗᖅ ᐃᓕᖕᓄᑦ: ᐊᕐᕌᒍᒥ ᑕᕝᕙᓂ, ᐊᕐᕌᒎᔪᒫᕐᑐᒥᓗ ᐱᕈᕐᓰᕕᖕᒥᐅᖏᑦᑐᖅ ᑕᒫᓂᑐᐃᓐᓇᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕿᒃᓴᖃᕐᓂᐊᕐᐳᓯ, ᑭᓯᐊᓂ ᑕᒪᒃᑯᐊ ᑭᖑᓂᖓᓂ ᓇᖕᒥᓂᖅ ᑲᓐᖓᕐᓱᕐᑕᕕᓂᑦᓯᓐᓂᒃ ᑲᑎᕐᓱᐃᔪᓐᓇᕐᓯᔪᒫᕐᐳᓯ, ᐸᐅᕐᖓᓄᓪᓗ ᐱᕈᕐᓰᕕᓕᐊᕕᓂᑦᓯᓐᓄᑦ ᐸᐅᕐᖓᕐᑐᒐᒃᓴᖃᓕᕈᒫᕐᐳᓯ.

ᐊᑕᓃᑦ ᐂᑉᐸᖏᑦ 20:10

ᕼᐃᓯᑬᐊᐅᑉ ᑭᐅᕚ, “ᑕᕐᕋᖅ ᐃᖏᕐᕋᒃᐹᑦ ᓯᕗᒧᑦ ᐊᓪᓗᕐᓂᕐᓂᒃ ᖁᓕᓂᒃ ᐱᔭᕐᓂᓗᐊᕐᒪᑦ; ᖃᓄᐃᒻᒪᓪᓕ ᐊᓪᓗᕐᓂᕐᓂᒃ ᖁᓕᓂᒃ ᐅᑎᒧᖔᖅ ᐃᖏᕐᕋᓗᓂ.”

ᐊᑕᓃᑦ ᐂᑉᐸᖏᑦ 20:8

ᐊᖓᔪᖅᑳᕐᔪᐊᖅ ᕼᐃᓯᑬᐊ ᐊᐱᕆᕗᖅ ᐂᓮᐊᓯᒧᑦ, “ᓱᓇᒥᒃ ᓇᓗᓁᒃᑯᑕᖃᕐᓂᐊᕐᐳᖓ ᐊᑕᓂᕐᒧᑦ ᐋᖅᑭᒃᑕᐅᓂᐊᕐᓂᓐᓂᒃ ᐅᓪᓗᐃᓪᓗ ᐱᖓᓱᑦ ᓈᒃᐸᑕ ᐊᑕᓂᐅᑉ ᐃᒡᓗᖓᓄᑦ ᐃᑎᕐᓂᐊᕐᓂᓐᓂᒃ?”

ᐂᓮᐊᓯᐅᑉ ᐊᒡᓚᖏᑦ 38:1

ᐅᓪᓗᐃᑦ ᐃᓚᖏᓐᓂ ᐊᖓᔪᖅᑳᕐᔪᐊᖅ ᕼᐃᓯᑬᐊ ᖃᓂᒻᒪᓚᐅᕐᐳᖅ ᖁᓚᕐᓇᕐᓯᓪᓗᓂ ᐃᓅᓂᐊᕐᒪᖔᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᔭᕐᑐᕋᒥᐅᒃ, ᐅᖃᓪᓚᒡᕕᒋᕚ ᐅᖃᕐᓗᓂ, “ᐊᑕᓂᐅᑉ ᐅᖃᐅᑎᖁᖕᒪᑎᑦ ᓱᓇᓕᒫᓂᒃ ᐅᐸᓗᖎᔭᓕᕆᑦ ᐋᖅᑭᓚᐅᖏᓪᓗᑎᑦ ᐃᓅᔪᓐᓃᕐᓂᐊᓕᕋᕕᑦ.”

ᔮᓱᐊᑉ ᐊᒡᓚᖏᑦ 10:12

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᓵᓚᖃᕐᑎᒻᒪᒋᑦ ᐊᒧᕅᑎᒥᐅᓂᒃ, ᔮᓱᐊ ᐃᓴᕆᐊᓕᒥᐅᓕᒫᑦ ᖃᐅᔨᑎᓪᓗᒋᑦ ᐊᑕᓂᕐᒧᑦ ᐅᖃᕐᐳᖅ, “ᓯᕿᓃᖅ ᓄᖅᑲᕆᑦ ᒋᐱᐅᓂᐅᑉ ᖁᓛᓄᑦ; ᑕᖅᑮᕐᓗ ᓄᖅᑲᖓᓗᑎᑦ ᐂᔭᓚᓐ ᓇᕐᓴᖓᑕ ᓇᓛᓂ.”

ᓴᒧᐃᓕ ᓯᕗᓪᓖᑦ 14:10

ᐅᖃᕐᐸᑕᓕ, ‘ᕾᒋᑦᓯᒃ ᒪᐅᖓ,’ ᑕᕝᕙ ᐂᓂᐊᕐᐳᒍᒃ; ᑕᒪᓐᓇ ᓇᓗᓁᒃᑯᑕᐅᔪᒫᕐᐳᖅ ᐊᑕᓂᐅᑉ ᓵᓚᖃᕐᑎᑦᓯᔪᒫᕐᓂᖓᓂᒃ.”