ᐊᑕᓃᑦ ᐂᑉᐸᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᑳᕇᕋᒥᒃ, ᐃᓔᑦᔭᐅᑉ ᐃᓔᓴ ᐊᐱᕆᕚ, “ᐅᖃᐅᑎᔪᓐᓇᕐᐱᖔ ᓱᓇᒥᒃ ᐱᑦᔪᑦᔭᐅᔪᒪᖕᒪᖔᕐᐱᑦ ᐃᓕᖕᓂᒃ ᕿᒤᑎᑕᐅᓚᐅᖏᓐᓂᓐᓂ?” ᐃᓔᓴᐅᑉ ᑭᐅᕚ, “ᑭᖑᕐᖑᑦᔨᔪᒪᔪᖓ ᐊᓂᕐᓂᕐᐲᑦ ᒪᕐᕈᐃᕐᑐᓪᓗᐊᕐᓗᓂ ᓇᔫᑎᓂᖓᓂᒃ.”

ᐊᑕᓃᑦ ᐂᑉᐸᖏᑦ 2:9 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 11:17

ᐅᕙᖓᓗ ᑕᕝᕙᓂ ᐊᖅᑲᕐᕕᒋᓂᐊᕐᐸᑦᓯ ᐅᖃᖃᑎᒋᓗᓯᓗ, ᐊᓂᕐᓂᕐᓗ ᐱᓯᒪᔧᑦ ᐃᓚᖓ ᐱᓂᐊᕐᐸᕋ ᐃᓕᓗᒍᓗ ᑖᒃᑯᓄᖓ; ᑖᒃᑯᐊ ᐊᒡᔭᕐᓯᖃᑎᒋᓂᐊᕐᐸᑎᑦ ᐃᓄᐃᑦ ᐅᖁᒤᑦᔪᑎᒋᔭᖏᓐᓂᒃ, ᐃᓄᑑᓗᑎᑦ ᐊᒡᔭᕐᓯᔪᓐᓃᕐᓂᐊᕋᕕᑦ.

ᒨᓯᓯ ᑕᓪᓕᒪᖏᑦ 21:17

ᐊᖓᔪᒃᓯᕐᐹᖁᑎᓂ ᐅᐱᒋᔭᒃᓴᕆᕚ, ᓄᓕᐊᖓᑕ ᐅᖓᒋᓂᕐᓴᖓᑕ ᐃᕐᓂᕆᖏᒃᑲᓗᐊᕐᑎᓪᓗᓂᐅᒃ, ᐱᖁᑎᒥᓕ ᐊᕕᒋᐊᖃᕐᑕᖏᓐᓂᑦ ᒪᕐᕈᐃᕐᓱᓪᓗᐊᕐᑐᓂᒃ ᐃᕐᓂᓂ ᐊᖓᔪᒃᓯᖅ ᑐᓂᓯᕕᒋᔭᒃᓴᕆᕚ, ᑖᓐᓇ ᐱᔪᓐᓇᕐᓂᖓᓂᒃ ᓯᕗᓪᓕᕐᒥᑦ ᐱᓯᒪᖕᒪᑦ; ᐊᖓᔪᒃᓯᐅᓂᖅ ᑖᑦᓱᒪ ᐱᒋᖕᒪᒍ.”

ᔪᐊᓇᓯᐅᑉ ᐊᒡᓚᖏᑦ 16:7

ᓱᓕᔪᒥᒃ ᐅᖃᐅᑎᕙᑦᓯ: ᐃᓕᑦᓯᓐᓄᑦ ᐱᕙᓪᓕᕐᓇᕐᓂᕐᓴᐅᕗᖅ ᐊᐅᓪᓚᕈᒪ, ᐊᐅᓪᓚᖏᒃᑯᒪ, ᐃᑲᔪᕐᑎᐅᑉ ᑎᑭᓐᓂᐊᖏᒻᒪᓯ; ᐊᐅᓪᓚᕈᒪᓕ, ᐃᓕᑦᓯᓐᓄᑦ ᑎᓕᓛᕐᐸᕋ.

ᐋᐴᓯᑕᓖᑦ ᐱᓂᐊᕐᓂᖏᑦ 8:17

ᐲᑦᑐᕉᓯᐅᑉ ᔪᐊᓇᓯᐅᓪᓗ ᐸᑎᒻᒥᖕᒪᒋᑦ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ.

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᒨᓯᓯ ᓯᑕᒪᖏᑦ 11:25

ᑕᕝᕙ ᐊᑕᓂᖅ ᓄᕗᔭᒃᑯᑦ ᐊᖅᑲᕐᐳᖅ ᐅᖃᕐᕕᒋᓪᓗᒍᓗ, ᐊᓂᕐᓂᕐᓗ ᐱᓯᒪᔭᖓᑕ ᐃᓚᖓ ᑎᒍᕚ ᐊᖓᔪᖅᑳᓄᓪᓗ 70ᓄᑦ ᑐᓂᓪᓗᒍ; ᐊᓂᕐᓂᐅᓪᓗ ᐊᖅᑲᕐᕕᒋᖕᒪᒋᑦ, ᒎᑎᐅᑉ ᐅᖃᐅᓯᐅᖁᔭᖓᓂᒃ ᐅᖃᓪᓚᓕᕐᐳᑦ, ᑭᖑᓂᖓᒍᓪᓕ ᑍᒤᓕᐅᒃᑲᓐᓂᕈᓐᓃᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 5:17

ᐅᒃᐱᕐᑑᖃᑎᒌᓄᑦ ᓈᒻᒪᒃᑐᒥᒃ ᓯᕗᓕᕐᑏᑦ ᐱᔭᒃᓴᒥᖕᓂᒃ ᐱᓇᓱᐊᑦᓯᐊᕐᑐᑦ ᐅᐱᒋᔭᐅᔭᕆᐊᖃᕐᓂᖏᑕ ᐅᖓᑖᓄᑦ ᐊᑭᓕᕐᑕᐅᖃᑦᑕᕐᑐᓴᐅᕗᑦ, ᐱᓗᐊᕐᑐᒥᒃ ᐊᒃᓱᕈᕐᓗᑎᒃ ᐊᔪᕆᕐᑐᐃᖃᑦᑕᕐᑐᑦ ᐃᓕᓮᖃᑦᑕᕐᑐᓪᓗ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:31

ᑐᓂᕐᕈᑏᓪᓕ ᐊᑐᕐᓂᕐᐹᖏᓐᓂᒃ ᐱᓇᓱᐊᓕᕆᑦᓯ. ᒫᓐᓇᓗ ᐊᔪᕆᕐᑑᑎᔪᒪᕙᑦᓯ ᐃᓕᖅᑯᓯᕐᒥᒃ ᐱᐅᓂᕐᐸᐅᔪᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 1:8

ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᓴᑲᕅᐊᐅᑉ ᐊᒡᓚᖏᑦ 9:12

ᐅᑎᓕᕆᑦᓯ ᐊᕙᓗᖃᕐᑐᒧᑦ ᓴᓐᖏᔪᒥᒃ ᓴᐳᑦᔭᐅᕕᖕᒧᑦ, ᓂᕆᐅᒋᔭᒃᓴᖃᓕᕐᑐᓯ: ᐅᓪᓗᒥ ᓇᓗᓁᕐᓯᕕᒋᕙᑦᓯ ᒪᕐᕈᐃᕐᑑᑎᓪᓗᐊᒥᒃ ᐅᑎᕐᑎᓯᕕᒋᔪᒪᕙᑦᓯ.

ᐃᓐᖏᕈᑎᑦ 72:20

ᑍᕕᑎᐅᑉ ᑐᒃᓯᐊᕐᓂᖏᑦ, ᔨᓯᐅᑉ ᐃᕐᓂᖓᑕ ᐃᓱᓕᑉᐳᑦ.

ᐊᑕᓃᑦ ᓯᕗᓪᓖᑦ 3:9

ᑍᒤᒻᒪᑦ ᐱᔩᑦ ᑐᓂᓯᕕᒋᓚᐅᕈᒃ ᐃᓱᒪᒃᑯᑦ ᑐᑭᓯᔪᓐᓇᕐᓂᕐᒥᒃ ᐊᐅᓚᑦᓯᔪᓐᓇᖁᓪᓗᖓ ᐃᓄᖁᑎᖕᓂᒃ, ᖃᐅᔨᒪᔪᓐᓇᖁᓪᓗᖓ ᐱᐅᔪᒥᒃ ᐱᐅᖏᑦᑐᒥᒡᓗ; ᑭᓇᓖ ᐊᐅᓚᑦᓯᔪᓐᓇᕐᐸ ᐃᓄᖁᑎᖕᓂᒃ ᑍᒫᒃ ᐅᓄᕐᑐᕐᔪᐊᖑᔪᓂᒃ?”

ᒨᓯᓯ ᑕᓪᓕᒪᖏᑦ 34:9

ᔮᓱᐊᓕ ᓈᓂᐅᑉ ᐃᕐᓂᖓ ᓯᓚᑐᓂᕐᒥᒃ ᐃᓗᒻᒥᕐᑕᐅᓚᐅᕐᐳᖅ, ᒨᓯᓯᐅᑉ ᐸᑎᒻᒥᓚᐅᕐᒪᒍ, ᐃᓴᕆᐊᓕᒥᐅᓂᑦ ᔮᓱᐊ ᓈᓚᒃᑕᐅᓚᐅᕐᐳᖅ ᐊᑕᓂᐅᓪᓗ ᐊᑐᕐᑕᐅᖁᔭᖏᑦ ᒪᓕᒃᑕᐅᓚᐅᕐᐳᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.

ᐃᓐᖏᕈᑎᑦ 72:1

ᒎᑏ, ᐃᖅᑲᕐᑐᐃᑦᓯᐊᕐᓂᕐᓂᒃ ᐊᖓᔪᖅᑳᕐᔪᐊᖅ ᑐᓂᓯᕕᒋᒍᒃ, ᐊᖓᔪᖅᑳᕐᔪᐊᓪᓗ ᐃᕐᓂᖓ ᐃᓱᐊᕐᑐᓕᓂᕐᓂᒃ ᑐᓂᓯᕕᒋᓗᒍ.

ᐊᑕᓃᑦ ᓯᕗᓪᓖᑦ 19:16

ᔨᕼᐆᓗ ᒥᖑᐊᕐᑕᒃᓴᕆᕙᑦ ᓂᒻᓮᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒥᐅᓄᑦ; ᐃᓔᓴᓗ ᓴᕚᑎᐅᑉ ᐃᕐᓂᖓ ᐊᐱᐅᓪ-ᒥᕼᐅᓛᒥᐅᑕᖅ ᒥᖑᐊᕐᑕᒃᓴᕆᕙᑦ ᐅᖃᕐᑎᐅᓂᕐᒧᑦ ᐃᓕᖕᓂᒃ ᑭᖑᕝᕖᔪᒃᓴᐅᖁᓪᓗᒍ.