ᐊᑕᓃᑦ ᐂᑉᐸᖏᑦ 2:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑕᕝᕙᓐᖓᑦ ᐱᓪᓗᓂ ᐃᓔᓴ ᐱᑎᓕᒧᐊᕐᐳᖅ ᐊᖅᑯᑎᒃᑯᑦ ᐃᓄᑑᓪᓗᓂ ᐱᓱᒃᑎᓪᓗᒍ, ᓄᓇᓕᖕᓂ ᐃᓅᓱᒃᑐᓄᑦ ᐅᐸᒃᑕᐅᓪᓗᓂ ᒥᑕᐅᑎᒋᔭᐅᓕᕐᐳᖅ ᐅᖃᐅᑦᔪᕈᓘᔭᕐᑕᐅᓪᓗᓂᓗ, ᐅᖃᕐᓗᑎᒃ, “ᒥᖅᑯᐃᕐᓯᓂᓖᒃ ᐊᕗᓐᖓᓕᕆᑦ, ᐊᕗᓐᖓᓚᐅᕆᑦ ᒥᖅᑯᐃᕐᓯᓐᓂᓖᒃ!”

ᐊᑕᓃᑦ ᐂᑉᐸᖏᑦ 2:23 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᔫᐱᐅᑉ ᐊᒡᓚᖏᑦ 30:1

“ᒫᓐᓇᓕ ᐅᕙᓐᓂᑦ ᓄᑲᕐᓯᕐᓄᑦ ᒥᑕᐅᑎᒋᔭᐅᕙᓕᕐᐳᖓ, ᑖᒃᑯᐊ ᐊᑖᑕᒋᓚᐅᕐᑕᖏᑦ ᓱᓇᐅᓐᖏᓗᐊᕐᓂᖏᓐᓄᑦ ᓰᐱᖁᑎᓐᓄᑦ ᕿᒻᒥᓄᑦ ᑲᒪᔨᐅᖃᑕᐅᑎᑐᐃᓐᓇᕋᔭᓚᐅᕐᐸᒃᑲ.

ᔫᐱᐅᑉ ᐊᒡᓚᖏᑦ 19:18

ᐊᒡᓛᑦ ᓱᕈᓯᕐᓄᑦ ᒥᑕᐅᑎᒋᔭᐅᖃᑦᑕᕐᐳᖓ; ᓂᑯᕕᑐᐊᕋᒪᓗ ᑕᕝᕙ ᐅᖃᕐᓂᕐᓘᑎᓕᕐᐹᖓ.

ᐃᓐᖏᕈᑎᑦ 31:18

ᖃᓂᖏᑦ ᓴᒡᓗᑐᔪᑦ ᓂᐰᕐᓕᑦ, ᐱᐅᔪᕆᓂᕐᒧᑦ ᐃᓕᕋᓇᕈᒪᓂᕐᒧᓪᓗ ᓂᓪᓕᐊᔪᑦ ᓇᓛᒎᕐᑐᑦ ᒥᑕᐅᑎᖃᕐᓗᑎᒃ.

ᐄᑉᕈᐃᓄᑦ 11:36

ᐃᓚᖏᓪᓕ ᒥᑕᐅᑎᒋᔭᐅᓚᐅᕐᐳᑦ ᑏᒐᕐᑐᕐᑕᐅᓪᓗᑎᒡᓗ, ᐃᓚᖏᓪᓗ ᐊᕐᓵᕐᑑᔭᓄᑦ ᐊᑦᓱᖏᐅᓯᕐᑕᐅᓚᐅᕐᐳᑦ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒡᓗ.

ᒐᓔᑎᐊᒥᐅᓄᑦ 4:29

ᑍᑦᓱᒪᓂ ᑎᒥᐅᑉ ᐱᔪᒪᔭᖓ ᐊᑐᕐᓗᒍ ᐃᕐᓂᕐᑖᖑᓚᐅᕐᑑᑉ ᐊᓂᕐᓂᒃᑯᑦ ᐃᕐᓂᕐᑖᕆᔭᐅᓯᒪᔪᖅ ᐊᑭᕋᕐᑐᓚᐅᕐᒪᒍ, ᒫᓐᓇᑦᑕᐅᖅ ᑍᒤᑦᑑᒋᕗᖅ.

ᐂᒨᓯᐅᑉ ᐊᒡᓚᖏᑦ 7:13

ᐅᖃᓪᓚᓚᐅᕐᓯᒪᓂᐊᕈᓐᓃᕐᐳᑎᑦ ᐱᑎᓕᒥ, ᐊᖓᔪᖅᑳᕐᔪᐊᑉ ᐃᑦᔪᕐᓁᑦᑐᕕᖁᑎᒋᖕᒪᒍ, ᑐᒃᓯᐊᕐᕕᒃᔪᐊᖃᕐᕕᐅᓪᓗᓂᓗ ᐊᖓᔪᖅᑳᕐᔪᐊᖃᕐᕕᖕᒥ.”

ᐂᒨᓯᐅᑉ ᐊᒡᓚᖏᑦ 5:5

ᐱᑎᓕ ᕿᓂᕈᓐᓁᕐᓯᐅᒃ, ᒋᐅᓪᒐᓪᓘᓐᓃᑦ ᐃᑎᕐᑍᓕᓯᐅᒃ, ᐱᐊᕐᓯᐸᓘᓐᓃᑦ ᐊᖅᑯᓵᕐᑍᓕᓯᐅᒃ; ᒋᐅᓪᒐᓪᒥᐅᓪᓕ ᐊᐅᓪᓚᕈᑦᔭᐅᔪᒫᕐᒪᑕ, ᐱᑎᓕᓗ ᐱᑕᖃᕈᓐᓁᕈᒫᕐᓗᓂ.

ᐂᒨᓯᐅᑉ ᐊᒡᓚᖏᑦ 4:4

“ᐱᑎᓕᒧᐊᕆᑦᓯ ᐊᔪᕐᑐᓕᓗᓯᓗ, ᒋᐅᓪᒐᐅᓪᒥᓗ ᐊᔪᕐᑐᓕᓂᓯ ᐊᖏᒡᓕᒋᐊᕐᑎᓯᒋᒃ, ᑐᓂᕐᕈᓯᕐᓗᓯᓗ ᐅᓪᓛᑕᒫᑦ, ᑕᓪᓕᒪᐅᔪᐃᕆᑦᓯᓗ ᐅᓪᓗᐃᑦ ᐱᖓᓱᖏᓐᓂ ᑕᒫᑦ.

ᐂᒨᓯᐅᑉ ᐊᒡᓚᖏᑦ 3:14

“ᐅᓪᓗᒥ ᑍᑲᓂ ᐃᓴᕆᐊᓕᑎᑦ ᓱᒋᐊᕈᒃᑭᑦ ᐊᔪᕐᓂᖏᑦ ᐱᓪᓗᒋᑦ, ᐱᑎᓕᐅᓪᓗ ᑐᓂᕐᕈᓯᕐᕕᖏᑦ ᓯᑯᒥᖃᓯᐅᑎᓂᐊᕐᐸᒃᑲ; ᑐᓂᕐᕈᓯᕐᕕᖏᑕᓗ ᓇᒡᔪᖏᒃ ᓇᑲᑦᓱᒫᕐᐳᒃ ᒪᓂᖅᑲᒧᓪᓗ ᑲᑕᒡᓗᑎᒃ.

ᕼᐆᓯᐊᑉ ᐊᒡᓚᖏᑦ 10:15

ᑍᒤᑦᓱᒫᕆᕗᓯᑦᑕᐅᖅ, ᐱᑎᓕᒥᐅᖑᔪᓯ, ᐱᐅᖏᑦᑐᓕᓂᕐᔪᐊᑎᑦ ᐱᓪᓗᒋᑦ. ᐊᓄᕆᕐᔪᐊᕐᒧᑦ ᐃᓴᕆᐊᓕᐅᑉ ᐊᖓᔪᖅᑳᕐᔪᐊᖓ ᐊᓯᕈᕐᑕᐅᒻᒪᕆᒍᒫᕐᐳᖅ.”

ᕼᐆᓯᐊᑉ ᐊᒡᓚᖏᑦ 10:5

ᓴᒥᐊᕆᐊᕐᒥᐅᑦ ᓴᔪᒍᒫᕐᐳᑦ ᓄᕐᕋᓐᖑᐊᒥᒃ ᐱᑦᐂᕕᓐᒦᑦᑐᒥᒃ ᐅᒡᒍᐊᕐᓗᑎᒃ. ᐃᓄᖏᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᒎᑎᓐᖑᐊᒧᓪᓗ ᑐᓂᕐᕈᓯᕐᑎᑦᓯᔩᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᐱᓐᓇᕐᓇᕐᑐᖁᑎᖓᑕ ᕿᒪᖕᒪᒋᑦ.

ᕼᐆᓯᐊᑉ ᐊᒡᓚᖏᑦ 4:15

“ᐃᓴᕆᐊᓕᒥᐅᖑᔪᓯ ᐊᑐᒐᕐᓄᑦ ᐊᓯᓐᓂᐊᕐᓯᒪᒐᓗᐊᕐᑎᓪᓗᓯ, ᔫᑕᒃᑯᑦ ᐸᓯᔭᒃᓴᐅᓕᕐᑍᓕᓕᑦ ᐃᓕᑦᓯᑐᑦ. ᑐᒃᓯᐊᕐᑍᓕᒋᑦᓯ ᒋᐅᓪᒐᐅᓪᒥ, ᐅᕝᕙᓗ ᐱᑦᐂᕕᓐᒧᐊᕐᑍᓕᒋᑦᓯ, ᐅᖃᕕᒡᓗᓯᓗ ᐊᖏᕐᑍᓕᒋᑦᓯ, ‘ᐊᑕᓂᐅᑉ ᐆᒪᔫᑉ ᐊᑎᖓᓂ.’

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 3:5

ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:10

ᑍᒤᒻᒪᑦ ᐃᓱᒪᔮᕈᑎᑎᑦ ᐲᔭᒃᑭᑦ ᐆᒻᒪᑎᖕᓂᑦ, ᑎᒥᖕᓂᓪᓗ ᐱᐅᖏᑦᑐᓕᓃᑦ ᐲᔭᕐᓗᒋᑦ, ᐃᓅᓱᒃᑑᓃᑦ ᓴᓐᖏᔫᓃᓪᓗ ᓱᕙᓕᑭᐊᖑᖕᒪᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:15

ᓯᓔᓐᓂᖅ ᓄᑕᖅᑲᑦ ᐆᒻᒪᑎᖏᓐᓃᑉᐳᖅ, ᐊᓇᐅᑕᐅᓪᓕ ᐋᖅᑭᒋᐊᕐᓯᓂᐅᑉ ᓯᓔᓐᓂᖅ ᐊᓂᑎᓐᓂᐊᕐᐹ ᑖᑦᓱᒪᓐᖓᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:6

ᓄᑕᖅᑲᑦ ᐱᒋᐅᕐᓴᕐᑕᐅᑦᓯᐊᕆᐊᖃᕐᐳᑦ ᐊᑐᕐᓂᐊᕐᑕᖏᓐᓂᒃ ᓈᒻᒪᒃᑐᒃᑯᑦ, ᐃᓐᓇᐅᓕᕈᓂᓗ ᐳᐃᒍᕐᓂᐊᓐᖏᓛ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:11

ᓄᑕᕋᐅᒐᓗᐊᑦ ᐃᒻᒥᖕᓂᒃ ᖃᐅᔨᒪᔭᐅᑎᑉᐳᑦ ᐱᓂᐊᕐᓂᕐᒥᒃᑎᒍᑦ, ᐱᐅᓯᕆᔭᖏᑦ ᐃᓱᐊᕐᑑᖕᒪᖔᑕ ᐸᓯᔭᒃᓴᐅᓂᖃᖏᑦᓯᐊᕐᒪᖔᑕᓗ.

ᐃᓐᖏᕈᑎᑦ 35:15

ᑖᒃᑯᐊᓕ ᖃᓄᐃᓐᓇᕐᑐᒦᒃᑯᒪ ᖁᕕᐊᓲᑎᒋᕚᑦ, ᑲᑎᓪᓗᑎᒡᓗ; ᐊᑭᕋᕐᑐᕈᒪᔪᑦ ᑲᑎᑦᔪᑎᒋᕚᖓ, ᐊᓕᒃᑐᕐᑐᑎᑑᕐᐹᖓᓗ ᓄᖅᑲᕐᓂᐊᕋᑎᒃ.

ᒨᓯᓯ ᓯᕗᓪᓖᑦ 21:9

ᓵᕋᐅᓪᓕ ᐂᒡᒐᐅᑉ ᐄᑦᔨᑉᑎᒥᐅᑕᐅᑉ ᐃᕐᓂᖓ ᑕᑯᓐᓇᕐᐹ, ᑖᓐᓇ ᐂᑉᕋᕼᐋᒃᑯᑦ ᐃᕐᓂᕐᑖᕆᓚᐅᕐᑕᖓ, ᒥᑕᐅᑎᖃᕐᑎᓪᓗᒍ ᐂᓴᑭᒥᒃ.

ᐊᑕᓃᑦ ᐂᑉᐸᖏᑦ 2:11

ᓱᓕ ᐱᓱᒃᓗᑎᒃ ᐅᖃᖃᑎᒌᒃᑎᓪᓗᒋᒃ, ᑕᑯᒋᑦ, ᓴᖅᑭᑦᑐᖃᑳᓪᓚᒃᐳᖅ ᕿᒧᒃᓯᐅᑎᒥᒃ ᐊᒃᓴᓗᐊᓕᖕᒥᒃ ᐃᑯᐊᓚᔪᒥᒃ ᕿᒻᒥᕐᔪᐊᕐᑕᖏᓪᓗ ᐃᑯᐊᓚᔪᑦ ᐊᖅᑯᓵᕐᒪᒋᒡᓗ ᑖᑦᓱᒧᖓ ᐊᕕᑎᑕᐅᕘᒃ. ᐃᓔᑦᔭᓗ ᕿᓚᓕᐊᕈᑦᔭᐅᕗᖅ ᐅᓚᓗᔨᕋᕐᒧᑦ.

ᒨᓯᓯ ᐱᖓᔪᖏᑦ 13:40

“ᐊᖑᓪᓕ ᓄᔧᕐᐸᑦ, ᓂᐊᖁᐊ ᓄᔭᖃᕈᓐᓃᕐᓗᓂ, ᑖᓐᓇ ᓴᓗᒤᑦᑑᓐᖏᓚᖅ.

ᐊᑕᓃᑦ ᐂᑉᐸᖏᑦ 2:22

ᐅᓪᓗᒥᒧᑦ ᑎᑭᓪᓗᒍ ᐃᒪᖓᑦ ᐃᒪᑦᓯᐊᕙᐅᖏᓐᓇᓕᕐᐳᖅ ᐃᓔᓴᐅᑉ ᐅᖃᐅᓯᕆᔭᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 31:17

ᑲᓐᖑᓱᒃᑎᑕᐅᖁᓂᐊᕐᓇᖓ ᐊᑕᓃᖅ, ᐃᓕᖕᓄᑦ ᓂᓪᓕᐊᓚᐅᕋᒪ; ᐱᐅᖏᑦᑐᓕᔪᑦ ᑲᓐᖑᓱᒃᑎᓚᐅᒃᑭᑦ; ᐃᓗᕕᕐᒦᓪᓗᑎᒃ ᓂᐱᖃᕈᓐᓃᕐᓕᑦ.

ᐊᑕᓃᑦ ᐂᑉᐸᖏᑦ 2:2

ᐃᓔᑦᔭᐅᑉ ᐃᓔᓴ ᐅᖃᐅᑎᕚ, “ᑕᒫᓂᒋᑦ, ᐊᑕᓂᐅᑉ ᐱᑎᓕᒧᐊᖁᖕᒪᖓ.” ᐃᓔᓴᐅᓪᓕ ᐅᖃᐅᑎᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᑕᓕᓕᐊᓕᕐᐴᒃ.

ᔨᕆᒤᐊᐅᑉ ᐊᒡᓚᖏᑦ 20:7

ᐊᑕᓃᖅ ᐅᐃᕕᕐᕆᒐᕕᖓ ᐅᐃᕕᕐᕆᔭᐅᓯᒪᕗᖓ; ᐱᔪᓐᓇᕐᓂᕐᓴᐅᒐᕕᑦ ᓵᓚᒋᕙᕐᒪ, ᐅᓪᓗᓕᒫᖅ ᐱᓐᖑᐊᕆᔭᐅᕗᖓ, ᒥᑕᐅᑎᒋᔭᐅᓪᓗᖓᓗ.

ᔨᕆᒤᐊᐅᑉ ᐊᒡᓚᖏᑦ 20:8

ᐅᖃᓪᓚᒋᐊᕋᒪ ᑍᒪᓐᖓᑦ ᕾᒐᓛᕐᐳᖓ ᑲᑉᐱᐊᓇᕐᑐᓂᒃ ᐊᓯᕈᕐᑕᐅᓂᕐᒥᒡᓗ, ᐅᖃᐅᓯᕆᖁᔭᑎᑦ ᐱᐅᒋᔭᐅᖏᑦᔪᑎᒋᕙᒃᑲ ᐅᖃᕐᓂᕐᓗᒡᕕᐅᑦᔪᑎᒋᓪᓗᒋᓪᓗ ᐅᓪᓗᓕᒪᖅ.