ᐊᑕᓃᑦ ᐂᑉᐸᖏᑦ 2:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᕝᕙ ᑰᒐᓛᒧᑦ ᐂᕗᖅ ᓄᓇᐅᑉ ᐃᓗᐊᓂᑦ ᑰᒃᑐᒧᑦ ᑕᕆᐅᕐᓗ ᑰᒐᓛᒧᑦ ᑲᑕᒐᕐᑎᑉᐹ, ᐅᖃᕐᓗᓂᓗ, “ᐃᒫᒃ ᐊᑕᓂᖅ ᐅᖃᕐᐳᖅ, ᐃᒪᖅ ᑕᒪᓐᓇ ᐃᒪᑦᓯᐊᕙᓐᖑᕐᑎᑉᐸᕋ ᑐᖁᑎᑦᓯᖃᑦᑕᒃᑲᓐᓂᕐᓂᐊᕈᓐᓃᕐᐳᖅ ᓄᓇᒥᒡᓗ ᐱᕈᕕᐅᔪᓐᓁᓕᑎᑦᓯᕙᒍᓐᓃᕐᓗᓂ.”

ᐊᑕᓃᑦ ᐂᑉᐸᖏᑦ 2:21 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 2:20

ᑕᕝᕙ ᐃᓔᓴᐅᑉ ᐅᖃᐅᑎᕔᑦ, “ᒪᒃᑲᐅᔭᑯᓗᖕᒥᒃ ᓄᑖᒥᒃ ᑕᕆᐅᕐᒥᒃ ᐃᓗᓪᓕᕐᓗᒍ ᕾᑦᓯᓚᐅᕆᑦᓯ.” ᐃᓔᓴᐅᑉ ᑍᒤᓕᖕᒪᒋᑦ ᑐᓂᓯᕕᐅᕗᖅ.

ᐊᑕᓃᑦ ᐂᑉᐸᖏᑦ 2:22

ᐅᓪᓗᒥᒧᑦ ᑎᑭᓪᓗᒍ ᐃᒪᖓᑦ ᐃᒪᑦᓯᐊᕙᐅᖏᓐᓇᓕᕐᐳᖅ ᐃᓔᓴᐅᑉ ᐅᖃᐅᓯᕆᔭᖏᑦ ᒪᓕᒡᓗᒋᑦ.

ᐊᑕᓃᑦ ᐂᑉᐸᖏᑦ 4:41

ᐃᓔᓴ ᐅᖃᕐᐳᖅ, “ᓂᐊᖂᔭᒥᒃ ᐆᓯᒪᖏᑦᑐᒥᒃ ᕾᑦᓯᔪᖃᓚᐅᕐᓕ.” ᕾᑦᓯᔪᖃᕐᒪᑦ ᖃᔪᓕᐊᕆᔭᐅᔪᒧᑦ ᓈᕕᓚᐅᕐᓗᓂᐅᒃ ᐅᖃᕐᐳᖅ, “ᐊᑏ ᑐᓂᓗᒋᑦ ᓂᕆᓕᕆᑦᓯ.” ᖃᔪᕐᓗ ᖃᓄᐃᖏᑦᓯᐊᓕᓚᐅᕐᕆᕗᖅ ᑐᖁᓐᓇᕐᑐᖃᕈᓐᓃᕐᓗᓂ.

ᐊᑕᓃᑦ ᐂᑉᐸᖏᑦ 6:6

ᒎᑎᐅᑉ ᐃᓄᖁᑎᖓᑕ ᐊᐱᕆᕚ, “ᓇᒧᑦ ᑭᕕᔨᐊᕆᒐᕕᐅᒃ?” ᑕᑯᑎᑉᐹᓗ ᐅᓕᒪᐅᑎᐅᑉ ᑭᕕᕕᒋᔭᖓᓂᒃ, ᐃᓔᓴ ᕿᔪᑯᓗᖕᒥᒃ ᓇᑲᑦᓯᓪᓗᓂ ᑭᕕᕕᐅᕋᑖᕐᑑᑉ ᓇᓛᓄᑦ ᐃᒋᑉᐹ, ᐊᑯᓂᐅᖏᑦᑐᖅ ᐅᓕᒪᐅᑦ ᐳᒃᑕᓪᓚᕐᐳᖅ.

ᒨᓯᓯ ᐱᖓᔪᖏᑦ 2:13

ᓂᐊᖂᔭᑦ ᑐᓂᕐᕈᑎᑎᑦ ᒪᒪᕐᓯᑎᑦᓴᕆᐊᖃᕐᐸᑎᑦ ᑕᕆᐅᕐᒧᑦ, ᑕᕆᐅᖃᖏᑦᑐᓕᐅᕐᓂᐊᕐᓇᒃ ᒎᑎᕕᑦ ᐊᖏᖃᑎᒌᒍᑎᖓᓂ ᑐᓂᕐᕈᑎᒃᓴᕐᓂᑦ ᓂᐊᖂᔭᒃᓴᒥᑦ; ᑐᓂᕐᕈᑎᓕᒫᑎᑦ ᑕᕆᐅᓕᕆᐊᖃᕐᐸᑎᑦ.

ᒫᑎᐅᓯᐅᑉ ᐊᒡᓚᖏᑦ 5:11

“ᓮᒪᓇᕐᑐᒦᑉᐳᓯ ᐃᓄᐃᑦ ᖃᓄᑐᐃᓐᓇᖅ ᐅᖃᕐᓂᕐᓗᒡᕕᒋᒃᐸᓯ, ᐊᑭᕋᕐᑐᕐᑕᐅᒍᑦᓯᓗ, ᓱᓕᖏᑦᑐᒥᒡᓗ ᖃᓄᑐᐃᓐᓇᖅ ᐅᖃᕐᓂᕐᓘᑎᒋᔭᐅᒍᑦᓯ ᐅᕙᓐᓄᑦ ᒪᓕᒡᑎᐅᓂᓯ ᐱᑦᔪᑎᒋᓪᓗᒍ.

ᒫᑯᓯᐅᑉ ᐊᒡᓚᖏᑦ 9:50

“ᑕᕆᐅᖅ ᐱᐅᕗᖅ: ᑭᓯᐊᓂᓕ ᑕᕆᐅᖑᔪᓃᕐᐸᑦ, ᖃᓄᕐᓕ ᑕᕆᐅᓐᒍᕐᑎᑕᐅᒃᑲᓐᓂᕋᔭᕐᐹ? ᑕᕆᐅᓕᒃᑎᑦᑐᑦ ᐱᖃᓐᓇᕇᒋᑦᓯ ᐃᓕᑦᓯᓐᓄᑦ, ᓮᒪᓇᕐᑐᒥᒡᓗ ᐃᓅᓗᓯ ᐃᓕᑦᓯᓐᓄᑦ ᐊᑐᓂᑦ.”

ᔪᐊᓇᓯᐅᑉ ᐊᒡᓚᖏᑦ 9:6

ᑍᒫᒃ ᐅᖃᕇᕋᒥ, ᓄᓇᒧᑦ ᐅᕆᐊᕐᐳᖅ, ᓄᕙᒃ ᒪᕐᕋᕐᓗ ᑲᑎᓪᓗᒋᒃ ᐊᑯᑉᐹ; ᑕᐅᑐᖏᑦᑑᑉ ᐃᔨᖏᒃ ᑕᒪᑐᒧᖓ ᒥᖑᐊᕐᐹᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:4

ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”