ᐊᑕᓃᑦ ᐂᑉᐸᖏᑦ 2:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᓕᒃ ᑲᑍᕋᑖᕐᑕᖓ ᑎᒍᓪᓗᓂᐅᒃ ᑖᑦᓱᒧᖓ ᐃᒪᖅ ᑏᒐᕐᐹ, ᐅᖃᕐᓗᓂᓗ, “ᓇᐅᒡᓕ ᑍᒪ ᐊᑕᓂᖅ ᐃᓔᑦᔭᐅᑉ ᒎᑎᖓ?” ᐃᓔᓴᐅᑉ ᐃᒪᖅ ᑏᒐᕐᒪᒍ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᓔᓴᓗ ᐃᑳᕐᐳᖅ.

ᐊᑕᓃᑦ ᐂᑉᐸᖏᑦ 2:14 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 2:13

ᐃᓔᑦᔭᐅᑉ ᐅᓕᓂ ᑲᑍᓐᓂᕐᒪᒍ ᑎᒍᓪᓗᒍ ᐅᑎᓕᕐᐳᖅ. ᔫᑕᓂ ᑎᑭᓐᓇᒥᐅᒃ ᑰᑉ ᓯᓈᓂ ᓇᖏᓕᕐᐳᖅ.

ᐊᑕᓃᑦ ᐂᑉᐸᖏᑦ 4:29

ᐃᓔᓴᐅᑉ ᒋᕼᐋᓯ ᐅᖃᐅᑎᕚ, “ᐅᓖᑦ ᕿᑎᕈᑎᖕᓄᑦ ᕿᕐᓗᑦᔪᑦᓯᐊᕐᓗᒍ ᐊᔭᐅᑉᐱᐊᕋ ᑎᒍᓗᒍ ᐅᓪᓚᒃᓯᓕᕆᑦ. ᑲᑎᓯᒐᓗᐊᕈᕕᑦ ᓂᓪᓕᐅᑦᔨᑦᑍᓕᒋᑦ, ᓂᓪᓕᐅᑎᔭᐅᒐᓗᐊᕈᕕᓪᓗ ᑭᐅᓂᐊᓐᖏᓚᑎᑦ ᐊᔭᐅᑉᐱᐊᕋ ᓄᑲᑉᐱᐊᑉ ᑮᓇᖓᓄᑦ ᐃᓕᓂᐊᕐᐸᑦ.”

ᐃᓐᖏᕈᑎᑦ 115:2

ᓱᖕᒪᓪᓕ ᐃᓅᖃᑎᒌᒡᔪᐊᑦ ᐅᖃᕈᓐᓇᕐᐸᑦ, “ᓇᐅᒡᓕ ᑖᒃᑯᐊ ᒎᑎᖓᑦ?”

ᐃᓐᖏᕈᑎᑦ 42:10

ᓴᐅᓂᒃᑲ ᐋᓐᓂᐊᕗᑦ, ᐊᑭᕋᕐᑐᕐᑎᒪ ᐱᓕᕆᐊᕆᖕᒪᖓ, ᐅᓪᓗᖅ ᓈᓪᓗᒍ ᐊᐱᕐᓱᕐᒪᖓ, “ᒎᑏᓪᓕ ᓇᐅᒃ?”

ᐃᓐᖏᕈᑎᑦ 42:2

ᑕᕐᓂᕋ ᐃᒥᕈᕐᐳᖅ ᒎᑎᒥᒃ, ᒎᑎᒧᑦ ᐆᒪᔪᒧᑦ. ᖃᖓᓕ ᓴᖅᑭᑦᓱᒫᕐᐳᖓ ᓵᖕᓂ ᒎᑏ?

ᒨᓯᓯ ᐂᑉᐸᖏᑦ 14:22

ᐃᓴᕆᐊᓕᒥᐅᑦ ᐃᒪᐅᖅᑲᐅᔫᒐᓗᐊᒃᑯᑦ ᐃᑳᓕᕐᐳᑦ ᓴᓗᐊᖓᑦᓯᐊᕐᑐᒃᑰᕐᓗᑎᒃ. ᐃᒫᓗᒡᓗ ᐊᑭᓐᓇᓕᐅᑎᓯᒪᕗᖅ ᐊᕙᑖᑦᑎᒍᑦ ᐃᒡᓗᒃᑐᑦ.

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᔪᐃᓕᐅᑉ ᐊᒡᓚᖏᑦ 2:17

ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”

ᒫᑯᓯᐅᑉ ᐊᒡᓚᖏᑦ 16:20

ᐃᓕᓐᓂᐊᕐᑎᑦ ᐊᔪᕆᕐᑐᐃᔭᕐᑐᕐᐳᑦ ᓇᒧᑐᐃᓐᓇᓕᒫᖅ, ᐊᑕᓂᐅᑉ ᐱᓇᓱᐊᖃᑎᒋᕔᑦ ᐊᔪᕆᕐᑐᐃᓂᖏᑕ ᓱᓕᓂᖏᑦ ᓇᓗᓁᒃᑯᑕᖃᓚᐅᕐᐳᑦ ᑲᒪᓇᕐᑐᓕᓂᒃᑯᑦ ᐱᓇᓱᐊᕐᑕᖏᑎᒍᑦ.

ᔪᐊᓇᓯᐅᑉ ᐊᒡᓚᖏᑦ 14:12

ᓱᓕᔪᒥᒃ ᐅᖃᐅᑎᕙᑦᓯ, ᐅᕙᓐᓄᑦ ᐅᒃᐱᕐᑑᑉ ᐱᓂᐊᕐᓃᑦ ᐱᓂᐊᕐᓂᕆᔭᒃᑲ ᐱᓂᐊᕈᑎᒋᓂᐊᕆᕔᑦ; ᐊᖏᓂᕐᓴᓂᒡᓗ ᑖᒃᑯᓇᖓᑦ ᐱᓇᓱᐊᕈᒫᕐᐳᖅ, ᐊᑖᑕᒧᑦ ᐂᓂᐊᕋᒪ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐃᓗᐊᕐᓮᔩᑦ ᐊᒡᓚᖏᑦ 6:13

ᒋᑎᐅᓂᐅᑉ ᐅᖃᐅᑎᕚ, “ᕿᓄᕕᒋᕙᒋᑦ ᐅᐱᓐᓇᕐᑑᖅ, ᐊᑕᓂᐅᓪᓕ ᐃᓚᒋᒃᐸᑎᒍᑦ, ᓱᖕᒪᓪᓕ ᐃᒤᑦᑐᐊᓗᖕᒦᑉᐱᑕ? ᓇᐅᒡᓕ ᑍᒃᑯᐊ ᐊᑕᓂᐅᑉ ᐱᓂᐊᕐᓂᖏᑦ ᑲᒪᓇᕐᑐᑦ ᓯᕗᓕᑦᑕ ᐅᖃᐅᓯᕆᕙᓚᐅᕐᑕᖏᑦ, ᐅᖃᕐᐸᓚᐅᕐᒪᑕ, ‘ᐊᑕᓂᐅᑉ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᒪᑎᒍᑦ?’ ᒫᓐᓇᓕ ᐊᑕᓂᐅᑉ ᑲᒪᒋᔪᓐᓃᕐᐹᑎᒍᑦ, ᑐᓐᓂᖅᑯᑎᒋᓪᓗᑕᓗ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓄᑦ.”