ᐊᑕᓃᑦ ᐂᑉᐸᖏᑦ 19:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᒻᒪᖄ ᐊᑕᓂᐅᑉ ᒎᑎᑦᓯ ᑐᓵᓚᐅᕐᐹ ᕌᑉᓴᑭᐅᑉ ᐅᖃᐅᓯᖏᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᓚᐅᕐᑕᖏᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᑐᓂᒃ, ᐊᑕᓂᐅᑉ ᒎᑎᕕᑦ ᑕᒪᒃᑯᐊ ᐅᖃᐅᓯᐅᔪᑦ ᐅᕙᑦᑎᓐᓄᑦ ᒥᑕᐅᑎᖃᕐᓗᑎᒃ ᓱᒋᐊᕐᓕᒋᑦ ᑍᒤᑦᑐᓂᒃ ᐅᖃᓪᓚᒃᑐᕕᓃᒃ, ᑍᒤᒻᒪᑦ ᐃᓄᖁᑎᑦᑕ ᐊᒥᐊᒃᑯᖏᑦ ᒎᑎᒧᑦ ᑐᒃᓯᐅᑎᒃᑭᑦ.”

ᐊᑕᓃᑦ ᐂᑉᐸᖏᑦ 19:4 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 22:14

ᐂᑉᕋᕼᐋᒻᓗ ᑖᓐᓇ ᓇᔪᕐᑕᓂ ᐊᑦᓯᕐᐹ, ᐊᑕᓂᖅ ᐱᒃᓴᖃᕐᑎᑦᓯᓂᐊᕐᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᕐᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᕐᑎᑕᐅᓇᕐᐳᖅ.”

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᐊᑕᓃᑦ ᐂᑉᐸᖏᑦ 18:13

ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᐊᐅᓚᑦᓯᓂᖓᑕ ᐊᕐᕌᒍᖏᑕ 14ᖓᓐᓂ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓯᓇᑯᕆᐅᑉ, ᔫᑕᐅᑉ ᐃᒡᓗᒐᓴᒡᔪᐊᖏᓐᓂᒃ ᐱᔭᐅᑦᔧᕐᓯᒪᔫᒐᓗᐊᓂᒃ ᐅᓇᑖᕆᐊᕋᒥ ᓵᓚᒋᕔᑦ.

ᐊᑕᓃᑦ ᐂᑉᐸᖏᑦ 19:16

ᓯᐅᑏᒃᑭᒃ ᒪᓂᓗᒋᒃ, ᐊᑕᓃᖅ ᑐᓴᕆᑦ; ᐅᐃᓪᓗᑎᑦ, ᐊᑕᓃᖅ ᑕᑯᓴᒃᑭᑦ ᓯᓇᑯᕆᑉ ᐅᖃᐅᓯᖏᑦ, ᓈᓚᓛᐅᒃᑭᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᓗᓂ ᐅᖃᐅᓯᖃᕐᒪᑦ.

ᐊᑕᓃᑦ ᐂᑉᐸᖏᑦ 19:22

ᑭᓇᒥᒃ ᒥᑕᐅᑎᒃᓴᕋᓱᒋᒐᕕᑦ ᐊᑭᕋᕐᑐᕋᓱᒋᓪᓗᑎᓪᓘ? ᑭᓇᒧᑦ ᓂᐱᖅᑯᕐᑐᓪᓗᑎᑦ ᓂᓪᓕᐊᓇᓱᒋᕕᑦ ᓂᐊᖁᐃᓪᓗ ᖁᒻᒧᖓᑎᓪᓗᒍ? ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓄᑦ!

ᐊᑕᓃᑦ ᐂᑉᐸᖏᑦ 19:23

ᐅᖃᕆᐊᕐᑐᕐᑎᑕᑎᑦ ᐊᑕᓂᕐᒥᒃ ᒥᑕᐅᑎᖃᕐᓯᒪᕗᑦ, ᐅᖃᕐᓯᒪᖕᒥᒐᕕᑦ, ‘ᐊᒃᓴᓗᐊᓕᖁᑎᓐᓄᑦ ᐅᓄᕐᑐᓄᑦ ᖃᖅᑲᖏᑕ ᐳᕐᑐᓂᕐᐹᖏᑕ ᖄᖏᓐᓄᐊᕐᓯᒪᕗᖓ, ᓕᐸᓇᓂᐅᑉ ᐅᖓᓯᖕᓂᕐᐹᖏᓐᓄᑦ; ᓇᐹᕐᑐᓂᒃ ᓰᑕᕆᓂᒃ ᑕᑭᓂᕐᐹᓂᒃ ᓇᑲᑎᕆᓯᒪᕗᖓ, ᓇᐹᕐᑐᐃᓪᓗ ᕿᔪᑦᑎᐊᕙᐅᓂᕐᐹᑦ ᐱᓯᒪᓪᓗᒋᑦ; ᐅᖓᓯᒃᑐᓕᐊᕐᓯᒪᕗᖓ ᓇᐹᕐᑐᒐᓴᒡᔪᐊᓗ ᐊᑯᓐᓂᖃᑦᓯᐊᖏᓐᓂᕐᐹᑦ ᐃᓗᐊᓄᐊᕐᓯᒪᓪᓗᖓ.

ᐊᑕᓃᑦ ᐂᑉᐸᖏᑦ 19:3

ᐃᒫᒃ ᐅᖃᐅᑎᕚ, “ᕼᐃᓯᑬᐊ ᐅᖃᕐᐳᖅ, ᐅᓪᓗᒥ ᐅᖁᒤᑦᑐᒦᕝᕕᒃ ᓇᓪᓕᐅᓯᒪᕗᖅ ᓱᒋᐊᕐᑕᐅᒐᑦᑕ ᑲᓐᖑᓇᕐᑐᒦᑎᑕᐅᓕᕐᐳᒍᑦ, ᐊᕐᓇᒥᒃ ᐊᑦᔨᖃᓕᕐᐳᒍᑦ ᐃᕐᓂᓱᒃᑲᓗᐊᕐᓗᓂ ᐃᕐᓂᔪᓐᓇᓐᖏᐅᒪᔪᑎᑐᑦ ᓵᓐᖐᓗᐊᕐᓂᕐᒧᑦ.

ᐊᑕᓃᑦ ᐂᑉᐸᖏᑦ 19:30

ᔫᑕᒥ ᐊᒥᐊᒃᑰᔪᕕᓃᑦ ᐱᕈᕐᓯᐊᑎᑐᑦ ᐱᕈᓕᕈᒫᕐᐳᑦ ᑕᑭᔪᓂᒃ ᐊᒫᖃᕐᑐᑎᑐᑦ ᓄᓇᐅᑉ ᐃᓗᐊᓄᑦ ᐳᓚᒪᑦᓯᐊᕐᑐᓂᒃ, ᐸᐅᕐᖓᓄᓪᓗ ᐱᕈᕐᕕᐅᑦᓯᐊᕐᓗᑎᒃ.

ᐊᑕᓃᑦ ᐂᑉᐸᖏᑦ 19:31

ᔨᕉᓴᓕᒻᒥᑦ ᐱᔪᓂᒃ ᐊᒥᐊᒃᑯᑦ ᐊᓂᔪᒫᕐᐳᑦ, ᓮᐅᓂᓗ ᐊᓐᓇᒃᓯᒪᔪᓂᒃ ᐃᓄᖃᓕᕈᒫᕐᐳᖅ. ᐊᑕᓂᖅ ᑍᒤᓕᐅᕈᒫᕐᒪᑦ.

ᐊᑕᓃᑦ ᐂᑉᐸᖏᑦ 19:5

ᐊᖓᔪᖅᑳᕐᔪᐊᕐᒥᑦ ᕼᐃᓯᑬᐊᒥᑦ ᐱᓯᒪᔪᑦ ᐂᓮᐊᓯᒧᑦ ᕾᖕᒪᑕ,

ᑯᕉᓂᑲ ᐂᑉᐸᖏᑦ 32:20

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᕼᐃᓯᑬᐊ ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐂᒨᓯᐅᑉ ᐃᕐᓂᖓ, ᑐᒃᓯᐊᓕᕐᐴᒃ ᐃᓗᖏᕐᓱᕐᓗᑎᒃ ᕿᓚᖕᒧᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 50:21

ᑕᒪᒃᑯᓂᖓ ᑍᒤᓕᐅᕐᓯᒪᕗᓯ, ᐅᕙᖓᓗ ᓂᓪᓕᓚᐅᓐᖏᓚᖓ; ᐃᓱᒪᓚᐅᕐᐳᓯ ᐃᓕᑦᓯᓂᒃ ᑕᒤᑎᒍᑦ ᐊᑦᔨᖃᕋᓱᒋᓪᓗᖓ; ᓱᒋᐊᓕᕐᐸᑦᓯᓕ, ᓵᓐᖓᓕᕐᓗᓯᓗ ᓇᖕᒥᓂᑦᓯᓐᓄᑦ.

ᐃᓐᖏᕈᑎᑦ 74:18

ᐅᓇ ᐃᖅᑲᐅᒪᒍᒃ, ᐊᑕᓃᖅ, ᐊᑭᕋᕐᑐᕐᑏᑦ ᐃᓕᖕᓂᒃ ᒥᑕᐅᑎᖃᕐᒪᑕ, ᐃᓄᐃᓪᓗ ᓯᓔᑦᑐᑦ ᐊᑎᕐᓂᒃ ᐅᖃᕐᓂᕐᓘᑎᖃᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 1:9

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓄᐃᑦ ᐃᓚᖏᓐᓂᒃ ᐊᒥᐊᒃᑯᖃᕐᑎᓚᐅᖏᑉᐸᑎᒍᑦ, ᓄᖑᑕᐅᓇᔭᓚᐅᕐᐳᒍᑦ ᓱᑑᒪᑐᑦ ᒍᒨᕋᒥᐅᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 10:6

ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 23:36

‘ᐊᑕᓂᐅᑉ ᐅᖁᒤᒋᔭᖓᓂᒃ,’ ᐅᖃᖃᑦᑕᕆᐊᖃᕈᓐᓃᕐᐳᓯ, ᐃᓄᐃᑦ ᐅᖁᒤᒋᔭᒥᖕᓂᒃ ᐅᖃᖃᑦᑕᕐᒪᑕ, ᑐᑮᕈᑎᑎᑦᓯᑐᐃᓐᓇᖃᑕᓕᕋᑦᓯ ᒎᑎᐅᑉ ᐆᒪᔫᑉ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ, ᒎᑎᑦᑕ ᐅᖃᐅᓯᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 33:3

ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 42:9

ᐅᖃᐅᑎᓪᓗᒋᓪᓗ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᑐᒃᓯᐊᕐᕕᐅᖁᓚᐅᕋᑦᓯᐅᒃ ᐃᒫᒃ ᐅᖃᕐᐳᖅ,

ᐃᓯᑭᐊᓕᐅᑉ ᐊᒡᓚᖏᑦ 36:37

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᐃᑲᔪᕐᑕᐅᔪᒪᓗᑎᒃ ᐅᕙᓐᓄᑦ ᐅᖃᕈᓐᓇᕐᑎᑦᓱᒫᕆᕙᒃᑲ: ᐅᓄᕐᓯᕙᓪᓕᐊᑎᓪᓗᒋᓪᓗ ᓰᐲᑎᑐᑦ.

ᕉᒪᒥᐅᓄᑦ 11:5

ᑍᒫᑦᓮᓐᓇᕐᑕᐅᖅ ᒫᓐᓇ ᐊᒥᐊᒃᑯᑕᖃᕆᕗᖅ, ᒎᑎᐅᑉ ᐱᔪᓐᓇᕐᑎᑦᓯᓂᕐᒥᒍᑦ ᓂᕈᐊᕐᓯᒪᔭᖏᓐᓂᒃ.

ᕉᒪᒥᐅᓄᑦ 9:27

ᐂᓮᐊᓯ ᓂᓪᓕᐊᓚᐅᕐᐳᖅ ᐃᓴᕆᐊᓕᒥᐅᓄᑦ: “ᐃᓴᕆᐊᓕᒥᐅᑦ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᒐᓗᐊᕐᐸᑕ, ᐊᒥᐊᒃᑯᑐᐊᖏᑦ ᐅᓄᖏᑦᑐᑦ ᐱᐅᓕᔭᐅᔪᒫᕐᐳᑦ.

ᒨᓯᓯ ᑕᓪᓕᒪᖏᑦ 32:36

ᐊᑕᓂᐅᑉ ᐃᓄᖁᑎᓂ ᓴᐳᑎᓂᐊᕐᒪᒋᑦ ᐱᔨᓂ ᓈᒃᑭᒋᓂᐊᕐᒪᒋᑦ, ᐱᔪᓐᓇᕐᓂᖃᖏᑦᑐᑦ ᑕᑯᓕᕈᓂᒋᑦ, ᓇᓪᓕᐊᓪᓘᓐᓃᑦ, ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.

ᔮᓱᐊᑉ ᐊᒡᓚᖏᑦ 14:12

ᒫᓐᓇᓕ ᓄᓇᒥᒃ ᑐᓂᓯᕕᒋᓚᐅᓐᖓ ᖃᖅᑲᓕᖕᓂᒃ ᐊᑕᓂᐅᑉ ᐊᖏᕈᑎᒋᓚᐅᕐᑕᖓᓂᒃ ᐅᓪᓗᒥ ᑍᑦᓱᒪᓂ; ᐊᖑᑏᓪᓗ ᑍᒃᑯᐊ ᐅᓂᒃᑳᕐᑎᓪᓗᑕ ᑐᓵᖃᑕᐅᓚᐅᕐᓯᒪᒐᕕᑦ, ᐅᖃᓚᐅᕐᓯᒪᕗᒍᑦ ᐃᓄᒃᐸᒃᑕᖃᓚᐅᕐᒪᑦ ᑭᖑᕚᕇᓂᒃ ᑍᔭᐅᔪᓂᒃ ᐊᓇᑭᒻᓂᒃ ᐊᕙᓗᕐᔪᐊᓕᖕᓂᒃ ᐃᒡᓗᒐᓴᕐᔪᐊᖃᕐᑐᓂᒃ: ᐃᒻᒪᖄᓕ ᐊᑕᓂᐅᑉ ᐃᓚᒋᓂᐊᕐᐹᖓ, ᓯᖏᑦᓯᖁᓪᓗᖓ ᑖᒃᑯᓂᖓ ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.”

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,

ᓴᒧᐃᓕ ᓯᕗᓪᓖᑦ 14:6

ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.”

ᓴᒧᐃᓕ ᓯᕗᓪᓖᑦ 17:10

ᐱᓕᔅᑍᓂᒥᐅᕐᓗ ᐅᖃᕐᐳᖅ, “ᐃᓴᕆᐊᓕᒥᐅᑉ ᐅᓇᑕᕐᑎᖏᑦ ᐅᓪᓗᒥ ᐆᒃᑐᕋᓪᓚᕆᖁᕙᒃᑲ; ᐊᖑᒻᒥᒃ ᕾᑎᑦᓯᓚᐅᕆᑦᓯ ᐅᓇᑕᖃᑎᒋᓂᐊᕐᑕᓐᓂᒃ.”

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 17:45

ᑕᕝᕙ ᑍᕕᑎ ᐅᖃᕐᐳᖅ ᐱᓕᔅᑍᓂᒥᐅᒧᑦ, “ᕾᕗᑎᑦ ᓴᕕᒡᔪᐊᖃᕐᓗᑎᑦ ᖃᓗᒋᐊᖃᕐᓗᑎᓪᓗ ᐅᓈᖃᕐᓗᑎᓪᓗ; ᐅᕙᖓᓕ ᕾᕗᖓ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑕ ᐊᑎᖓᓂ, ᒎᑎᐅᔪᒧᑦ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖏᓐᓄᑦ, ᑖᓐᓇ ᓇᕐᕈᓇᕐᓯᑎᓚᐅᕐᑍᑦ.