ᐊᑕᓃᑦ ᐂᑉᐸᖏᑦ 19:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᓄᖏᑦ ᓄᑭᖏᕈᑎᓚᐅᕐᐳᑦ ᓴᐱᓕᕐᓗᑎᒃ ᓇᓗᓕᕐᓗᑎᒡᓗ, ᐱᕈᕐᑐᑎᑐᑦ ᓇᑎᕐᓇᒥ ᐃᕕᒃᑎᑐᑦ ᐱᕈᓕᓵᕐᑐᑎᑐᑦ, ᐃᕕᒃᑎᑐᓪᓗ ᐃᒡᓗᐃᑦ ᖄᖏᓐᓂ ᐱᕈᕐᑐᑎᑐᑦ, ᑐᖁᓕᔪᑎᑐᑦ ᐱᕈᕇᓚᐅᕋᑎᒃ.

ᐊᑕᓃᑦ ᐂᑉᐸᖏᑦ 19:26 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 41:23

ᑭᖑᓂᖓᒍᑦ ᑕᑯᓕᕆᕗᖓ, ᓂᐊᖂᔭᒃᓮᑦ ᓂᐊᖁᖏᓐᓂᒃ 7ᓂᒃ ᐊᒥᑦᑐᓂᒃ ᑐᖁᓕᖓᔪᓂᒃ, ᐊᓄᕆᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᒧᑦ ᓂᐅᓐᖓᒃᑎᑕᐅᓯᒪᔪᓂᒃ ᐱᕈᑦᓯᐊᕐᑐᑦ ᓇᓛᓄᑦ.

ᒨᓯᓯ ᓯᕗᓪᓖᑦ 41:6

ᑕᑯᒋᓪᓗ, ᑭᖑᓂᖓᒍᑦ ᑕᑯᓕᕆᕗᖅ 7ᓂᒃ ᓂᐊᖂᔭᒃᓮᑦ ᓄᕗᖏᓐᓂᒃ, ᐊᒥᑦᑐᓂᒃ ᑐᖁᓕᖓᔪᓂᒃ ᐊᓄᕆᒧᑦ ᓯᕿᓂᐅᑉ ᓄᕕᐊᑕ ᓇᓛᓂᓐᖔᕐᑐᒧᑦ ᓂᐅᓐᖓᒃᑎᑕᐅᓯᒪᔪᓂᒃ.

ᐃᓐᖏᕈᑎᑦ 102:11

ᐅᓪᓗᒃᑲ ᐅᓐᓄᒃᐸᓪᓕᐊᔫᑉ ᑕᕐᕋᖓᑐᑦ ᐳᒃᑭᒡᓕᕙᓪᓕᐊᓕᕐᐳᑦ; ᐃᕕᒃᓱᒃᑲᑎᑐᑦ ᐸᓂᓕᕐᑐᑎᑐᑦ ᑍᒤᓕᕐᐳᖓ.

ᐃᓐᖏᕈᑎᑦ 127:1

ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.

ᐃᓐᖏᕈᑎᑦ 92:7

ᐱᐅᖏᑦᑐᑦ ᐱᕈᓕᕐᐸᑕ ᐃᕕᒃᓱᒃᑲᑎᑐᑦ, ᐊᔪᕐᑐᓕᔪᓪᓗ ᑕᒪᕐᒥᒃ ᓴᖅᑭᓕᕐᐸᑕ ᐱᕈᕐᕕᐅᓕᕐᑐᑎᑐᑦ, ᑖᒃᑯᐊ ᓯᕗᓂᒃᓴᖃᓕᕇᕐᐳᑦ ᐊᓯᕈᕐᑕᐅᕕᒃᓴᒥᖕᓂᒃ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 13:8

ᑲᑉᐱᐊᓱᓕᕈᒫᕐᐳᓪᓗ. ᐋᓐᓂᕐᓇᕐᑐᕐᔪᐊᕐᒧᑦ ᓂᐹᓂᕐᒧᓪᓗ ᑎᑭᑕᐅᔪᒫᕐᐳᑦ; ᐋᓐᓂᐊᔪᐊᓘᔪᒫᕐᐳᑦ ᐊᕐᓇᑐᑦ ᐃᕐᓂᓱᒃᑐᑐᑦ; ᐃᕐᓯᓂᕐᒧᑦ ᐃᒻᒥᖕᓄᑦ ᑕᑯᓐᓇᖃᑦᑕᐅᑎᑐᐃᓐᓇᕈᒫᕐᐳᑦ; ᑮᓇᖏᓪᓗ ᑕᑯᒥᓁᓕᔪᒫᕐᐳᑦ ᐃᑯᒪᔪᑐᑦ.

ᔨᕆᒤᐊᐅᑉ ᐊᒡᓚᖏᑦ 37:10

ᑲᐅᓪᑎᐊᒥᐅᑦ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ ᓵᓚᒋᒐᓗᐊᕈᑦᓯᐅᒃ ᐃᑭᓕᕐᓱᕐᑕᕕᓂᓯᓗ ᓯᓂᒃᑕᕐᕕᖏᓐᓂ ᐊᒥᐊᒃᑯᑐᐊᖑᓕᕋᓗᐊᕐᐸᑕ, ᓱᓕ ᔨᕉᓴᓕᒥᒃ ᐃᑯᐊᓪᓔᔪᓐᓇᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 51:30

ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓴᐱᓕᕐᐳᑦ, ᐱᔭᐅᑦᑍᓕᕕᖕᒥᓃᒃᑲᓗᐊᕐᓗᑎᒃ, ᑕᖃᓂᕐᒧᑦ ᐊᕐᓇᑎᑐᑦ ᑍᒤᓕᕐᒪᑕ, ᐊᖏᕐᕋᖏᑦ ᐃᑯᐊᓪᓚᒃᑕᐅᖕᒪᑕ, ᐃᑎᕐᑕᕐᕕᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 51:32

ᑰᑦ ᐃᑳᕈᑎᖃᕈᓐᓃᕐᑎᑕᐅᕗᑦ, ᐃᒡᓗᐃᑦ ᐱᔭᐅᑦᔧᕐᓯᒪᔪᑦ ᐃᑯᐊᓪᓚᒃᑕᐅᕗᑦ, ᐅᓇᑕᕐᑏᓪᓗ ᐅᐃᒻᒪᒃᑎᑕᐅᕗᑦ.

ᒨᓯᓯ ᓯᑕᒪᖏᑦ 11:23

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᑕᓂᐅᑉ ᑕᓕᖓ ᓁᒡᓕᒋᐊᕐᓯᒪᕚ? ᒫᓐᓇᓕ ᖃᐅᔨᓂᐊᓕᕐᐳᑎᑦ ᐅᖃᐅᓯᕆᔭᕋ ᑲᔪᓯᓂᐊᕐᒪᖔᑦ ᖃᔪᓯᓂᐊᖏᒻᒪᖔᓪᓘᓐᓃᑦ.”

ᒨᓯᓯ ᓯᑕᒪᖏᑦ 14:9

ᑭᓯᐊᓂ ᐊᑕᓂᖅ ᐊᑭᕋᕐᑐᕐᓂᐊᕐᓇᒍ, ᐅᕝᕙᓗ ᐃᓄᐃᑦ ᑖᕙᓃᑦᑐᑦ ᐃᕐᓯᒋᓂᐊᕐᓇᒋᑦ, ᐅᕙᑦᑎᓐᓄᑦ ᓂᕆᔭᒃᓴᑎᑐᑦ ᑍᒤᑐᐃᓐᓇᕐᒪᑕ; ᓴᐴᓗᑕᖏᑦ ᐊᑐᕈᓐᓁᕐᒪᑕ ᐊᑕᓂᐅᑉ ᐃᓚᒋᖕᒪᑎᒍᑦ. ᐃᕐᓯᒋᓂᐊᕐᓇᒋᑦ.”

ᒫᑎᐅᓯᐅᑉ ᐊᒡᓚᖏᑦ 10:27

ᑖᕐᑐᒥ ᐅᖃᐅᑎᒍᑦᓯ, ᖃᐅᒪᑦᓯᐊᕐᑐᒥ ᐅᖃᐅᓯᕆᔭᒃᓴᕆᕙᓯ; ᓯᐅᑎᒃᑯᑦ ᐃᓯᑦᔪᒃᕕᐅᒍᑦᓯ ᐅᖃᐅᓯᕆᔭᕆᐊᖃᕐᐸᓯ ᐃᒡᓘᑉ ᖄᖏᓐᓂ.

ᐲᑦᑐᕉᓯ ᓯᕗᓪᓖᑦ 1:24

ᐊᒡᓔᑦ ᐅᖃᕐᒪᑕ, “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᕋᕐᑎᑐᑦ ᑍᒤᑦᑑᓪᓗᑎᒃ; ᐃᕕᒃᓱᒃᑲᑦ ᐸᓂᓕᕐᐳᑦ ᐱᕈᕐᑐᓪᓗ ᑐᖁᓕᓪᓗᑎᒃ.