ᐊᑕᓃᑦ ᐂᑉᐸᖏᑦ 19:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.

ᐊᑕᓃᑦ ᐂᑉᐸᖏᑦ 19:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 1:1

ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.

ᒨᓯᓯ ᓯᕗᓪᓖᑦ 2:4

ᐅᑯᐊ ᑕᕝᕙ ᑭᖑᓕᕇᑦ ᕿᓚᖕᒥ ᓄᓇᒥᓗ ᐱᓐᖑᕐᑎᑕᐅᓚᐅᕐᑐᑦ. ᑍᑦᓱᒪᓂ ᐊᑕᓂᖅ ᒎᑎ ᓄᓇᕐᔪᐊᕐᒥᒃ ᕿᓚᖕᒥᐅᑕᓕᒫᓂᒡᓗ ᐱᓐᖑᕐᑎᑦᓯᑎᓪᓗᒍ,

ᒨᓯᓯ ᓯᕗᓪᓖᑦ 32:28

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᒨᓯᓯ ᓯᕗᓪᓖᑦ 33:20

ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑦᑎᕐᓱᓂᐅᒡᓗ ᐃᓪ ᐃᓗᕼᐃ-ᐃᓴᕆᐊᓪᒥᒃ.

ᐊᑕᓃᑦ ᓯᕗᓪᓖᑦ 18:39

ᐃᓄᓕᒫᓪᓗ ᑕᒪᑐᒥᖓ ᑕᑯᒐᒥᒃ, ᒪᓂᖅᑲᒧᑦ ᐹᒻᒪᒃᐳᑦ; ᐅᖃᕐᓗᑎᒡᓗ, “ᐊᑕᓂᖅ ᒎᑎᐅᕗᖅ! ᐊᑕᓂᖅ ᒎᑎᐅᕗ!”

ᐊᑕᓃᑦ ᓯᕗᓪᓖᑦ 8:23

ᐅᖃᕐᓗᓂᓗ, “ᐊᑕᓃᖅ ᐃᓴᕆᐊᓕᐅᑉ ᒎᑎᖓᑦ, ᐊᑦᔨᖕᓂᒃ ᒎᑎᑕᖃᓐᖏᓚᖅ, ᐹᓂ ᕿᓚᖕᒥ ᓄᓇᐅᓪᓗ ᐊᑖᓂ, ᐊᖏᖃᑎᒌᒍᑎᒋᓯᒪᔭᑎᑦ ᑲᔪᓯᑎᒃᑲᕕᒋᑦ ᓇᒡᓕᖕᓃᓪᓗ ᓱᖁᓯᔪᐃᑦᑐᖅ ᖃᐅᔨᔭᐅᑎᓪᓗᒍ ᐱᔨᖕᓄᑦ ᓈᓚᒃᑐᓄᑦ ᐆᒻᒪᑎᓕᒫᒥᖕᓄᑦ ᐃᓕᖕᓂᒃ;

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᐊᑕᓃᑦ ᐂᑉᐸᖏᑦ 5:15

ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᑯᕉᓂᑲ ᓯᕗᓪᓖᑦ 13:6

ᑍᕕᑎᐅᓪᓗ ᐃᓴᕆᐊᓕᒥᐅᒫᑦ ᐹᓚᒧᐊᖃᑎᒋᕔᑦ, ᑕᕝᕗᖓ ᑭᕆᐊᑦ-ᔨᕆᒻᒧᑦ ᔫᑕᐅᑉ ᓄᓇᖓᓃᑦᑐᒧᑦ, ᑕᕝᕙᓐᖓᑦ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐂᓪᓗᒍ, ᑍᔭᐅᔪᖅ ᐊᑕᓂᐅᑉ ᐊᑎᖓ ᐃᒃᓯᕙᐅᑕᕐᔪᐊᖃᕐᐳᖅ ᓯᕋᐱᐅᑉ ᖁᓛᓂ.

ᑯᕉᓂᑲ ᓯᕗᓪᓖᑦ 4:10

ᔧᐹᔾᓕ ᐃᓴᕆᐊᓕᒥᐅᑦ ᒎᑎᖓᓄᑦ ᑐᒃᓯᐊᓚᐅᕐᐳᖅ ᐅᖃᕐᓗᓂ, “ᓮᒻᒪᕐᑎᓚᐅᓐᖓ ᓄᓇᖁᑎᒪᓗ ᑭᒡᓕᖓ ᐊᖏᒡᓕᒋᐊᕐᓗᒍ, ᐊᒡᒐᑎᑦ ᐱᔪᓐᓇᕐᑐᕐᔪᐊᑦ ᐅᕙᓐᓃᖁᓪᓗᒋᑦ, ᐃᓕᖕᓄᑦ ᓴᐳᑎᔭᐅᓯᒪᖁᓪᓗᖓ ᐊᑦᑕᕐᓇᕐᑐᓂᑦ ᓱᓇᑐᐃᓐᓇᓄᑦ ᐋᓐᓂᕐᑕᐅᖁᓇᖓ!” ᒎᑎᐅᓪᓗ ᑐᓂᓚᐅᕐᐹ ᐱᔪᒪᔭᖓᓂᒃ.

ᑯᕉᓂᑲ ᐂᑉᐸᖏᑦ 14:11

ᐂᓴᓗ ᑐᒃᓯᐊᕐᐳᖅ ᐊᑕᓂᕐᒧᑦ ᒎᑎᒥᓄᑦ, ᐅᖃᓪᓗᓂ, “ᐊᑕᓃᖅ, ᐊᑦᔨᖃᓐᖏᓚᑎᑦ ᐃᑲᔪᕈᓐᓇᕐᑐᒥᒃ, ᓴᓐᖏᔪᓂᒃ ᓴᓐᖐᑦᑐᓂᒡᓗ. ᐊᑕᓃᖅ ᒎᑎᕗᑦ ᐃᑲᔪᓚᐅᕐᑎᒍᑦ, ᐃᓕᖕᓂᒃ ᑕᑎᖃᕋᑦᑕ, ᑕᒪᐅᓐᖓᕐᐳᒍᑦ ᐱᔪᓐᓇᕐᓂᕐᓄᑦ ᐅᓇᑕᕆᐊᕐᓗᑕ ᐅᓄᕐᑐᕐᔪᐊᓄᑦ. ᐊᑕᓃᖅ ᒎᑎᒋᒐᑦᑎᒋᑦ; ᐃᓄᖕᒧᑦ ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᖏᑦᑐᑎᑦ.”

ᑯᕉᓂᑲ ᐂᑉᐸᖏᑦ 20:6

ᐅᖃᕐᓗᓂᓗ, “ᐊᑕᓃᖅ ᓯᕗᓕᑦᑕ ᒎᑎᖓᑦ, ᒎᑎᐅᓐᖏᓚᑏᑦ ᕿᓚᖕᒥ? ᐊᐅᓚᑦᓯᓐᖏᓚᑏᑦ ᐊᑕᓂᐅᕕᓕᒫᓂᒃ ᐃᓅᖃᑎᒌᒡᔪᐊᓂᒡᓗ? ᐱᔪᓐᓇᕐᓂᕐᔪᐊᖅ ᐊᔪᖏᑦᑐᕐᔪᐊᖑᓂᕐᓗ ᐊᒡᒐᖕᓃᑉᐳᑦ, ᓇᓪᓕᐊᓐᓄᓪᓘᓐᓃᑦ ᐊᑭᒪᔭᐅᔪᓐᓇᓐᖏᓚᑎᑦ.

ᑯᕉᓂᑲ ᐂᑉᐸᖏᑦ 32:20

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᕼᐃᓯᑬᐊ ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐂᒨᓯᐅᑉ ᐃᕐᓂᖓ, ᑐᒃᓯᐊᓕᕐᐴᒃ ᐃᓗᖏᕐᓱᕐᓗᑎᒃ ᕿᓚᖕᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 9:6

“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.

ᐃᓐᖏᕈᑎᑦ 102:25

ᑍᑦᓱᒪᓂᐊᓗᒃ ᓄᓇᕐᔪᐊᖅ ᑐᓐᖓᕕᓕᐅᓚᐅᕐᐸᑦ, ᐊᒡᒐᒃᐱᓪᓗ ᕿᓔᑦ ᓴᓇᓚᐅᕐᐰᑦ.

ᐃᓐᖏᕈᑎᑦ 102:26

ᑖᒃᑯᐊ ᓄᖑᓐᓂᐊᕐᐳᑦ, ᐃᕝᕕᓪᓕ ᑍᒤᖏᓐᓇᕐᓂᐊᕐᐳᑎᑦ; ᐄᓛᒃ, ᓱᓇᓕᒫᑦ ᓄᑕᐅᔪᓐᓃᕐᐸᓪᓕᐊᓂᐊᕐᐳᑦ ᐊᓐᓄᕌᑎᑐᑦ; ᐅᓕᒡᔪᐊᑎᑐᑦ ᐊᓯᑦᔨᕈᕕᒋᑦ, ᑕᕝᕙ ᐊᓯᑦᔨᕐᓂᐊᕐᐳᑦ.

ᐃᓐᖏᕈᑎᑦ 146:6

ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ, ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ; ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 33:9

ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.

ᐃᓐᖏᕈᑎᑦ 80:1

ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ, ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ; ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.

ᐃᓐᖏᕈᑎᑦ 80:2

ᐃᕗᕅᒥᒃᑯᑦ ᐱᓐᔭᒥᓂᒃᑯᑦ ᒫᓇᓯᒃᑯᓪᓗ ᐃᓅᖃᑎᒌᖕᓂᖏᑦ ᖃᐅᔨᑎᓪᓗᒋᑦ, ᐱᔪᓐᓇᕐᓃᑦ ᓴᖅᑭᑎᓪᓗᒍ, ᕾᓗᑎᑦ ᐱᐅᓕᓚᐅᕐᑎᒍᑦ!

ᐃᓐᖏᕈᑎᑦ 99:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᑍᒤᒻᒪᑦ ᐃᓄᐃᑦ ᓴᔪᒡᓕᑦ! ᐃᒃᓯᕙᐅᑕᕐᔪᐊᕐᒥ ᐃᒃᓯᕙᕗᖅ ᓯᕈᐲᒻ ᐊᕙᑖᓃᑎᓪᓗᒋᑦ; ᑍᒤᒻᒪᑦ ᓄᓇᕐᔪᐊᖅ ᓴᔪᒃᐱᓗᒃᐳᖅ!

ᒨᓯᓯ ᐂᑉᐸᖏᑦ 25:22

ᑕᕝᕙᓂᓗ ᐃᓕᖕᓄᑦ ᓴᖅᑭᕈᒫᕐᐳᖓ, ᑖᑦᓱᒪᓗ ᒪᑑᑉ ᖄᖓᓂ ᓯᕈᐲᒻᖑᐊᒃ ᐊᑯᓐᓂᖓᓂᑦ ᐱᖁᔭᓕᒫᓐᓂᒃ ᑐᓂᓯᕕᒋᔪᒫᕐᐸᒋᑦ, ᐃᓴᕆᐊᓕᒥᐅᓕᒫᓄᑦ ᑐᕌᖓᓂᐊᕐᑐᓂᒃ.”

ᐂᓮᐊᓯᐅᑉ ᐊᒡᓚᖏᑦ 37:14

ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᑎᑎᖅᑲᑦ ᐱᓪᓗᓂᒋᑦ ᑎᓕᔭᐅᔪᓂᑦ, ᐅᖃᓕᒫᕋᒥᒋᑦ, ᑐᒃᓯᐊᕐᕕᒡᔪᐊᓕᐊᕈᑎᕔᑦ ᐊᑕᓂᐅᓪᓗ ᓵᖓᓄᑦ ᐃᓕᓗᒋᑦ,

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 43:10

ᐊᑕᓂᖅ ᐅᖃᕐᐳᖅ, “ᐃᓕᑦᓯ ᖃᐅᔨᓯᒪᔪᖁᑎᒋᕙᑦᓯ, ᐱᔨᒋᓪᓗᓯᓗ ᓂᕈᐊᕐᓯᒪᒐᑦᓯ, ᐅᕙᓐᓂᒃ ᖃᐅᔨᒪᖁᓪᓗᓯ ᐅᒃᐱᕆᓗᖓᓗ, ᑐᑭᓯᖁᓪᓗᓯᓗ ᐅᕙᖓᐅᒐᒪ, ᓯᕗᓂᓐᓂᒃ ᒎᑎᑕᖃᕐᓯᒪᖏᒻᒪᑦ, ᑭᖑᓂᕐᒥᓗ ᒎᑎᑕᖃᕐᓂᐊᖏᓐᓂᕗᖅ.

ᐂᓮᐊᓯᐅᑉ ᐊᒡᓚᖏᑦ 44:6

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᓴᐳᑦᔨᔨᒋᓪᓗᒍᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: ‘ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᐊᓯᓐᓂᒃ ᒎᑎᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 44:8

ᓯᕘᕋᓂᐊᕐᓇᒃ ᐃᕐᓯᓂᐊᕐᓇᒡᓗ ᑍᑦᓱᒪᓂᐊᓗᖕᓂᑦ ᐅᖃᐅᑎᓚᐅᓐᖏᓚᒌᑦ ᓇᓗᓁᕐᓗᒍᓗ? ᖃᐅᔨᓯᒪᔪᖁᑎᒋᒐᑦᓯ. ᐊᓯᓐᓂᒃ ᒎᑎᑕᖃᕐᐹ? ᓱᓕᓪᓚᕆᒃᐳᖓ ᕾᕐᑐᕐᑕᖃᓐᖏᓚᖅ ᐊᓯᓐᓂᒃ; ᐊᓯᓐᓂᒃ ᖃᐅᔨᒪᔭᖃᓐᖏᓚᖓ.’”

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᔨᕆᒤᐊᐅᑉ ᐊᒡᓚᖏᑦ 32:17

“ᐊᑕᓃᖅ ᐊᑕᓂᐅᓂᕐᐹᖑᔪᑎᑦ ᕿᓚᒃ ᓄᓇᕐᔪᐊᕐᓗ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ, ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ.

ᓴᒧᐃᓕ ᓯᕗᓪᓖᑦ 4:4

ᑕᕝᕙ ᑎᓕᓯᕗᑦ ᐅᖃᕆᐊᕐᑐᕐᑐᓂᒃ ᓮᓗᐊᒧᑦ, ᐊᑕᓂᐅᓪᓗ ᐊᔪᒐᖃᖏᑦᑑᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᓇᒃᓴᕐᐹᑦ, ᐃᒃᓯᕙᐅᑕᕐᔪᐊᖃᕐᑑᑉ ᓯᕌᐲᑦ ᐃᓴᕈᓖᒃ ᖁᓛᓂ; ᐃᓔᓪᓗ ᐃᕐᓂᖏᒃ ᕼᐅᐱᓂᓗ ᐱᓂᕼᐋᔅᓗ, ᐃᓚᐅᕗᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᑕᕝᕗᓐᖓᕐᑕᐅᑎᓪᓗᒍ.