ᐊᑕᓃᑦ ᐂᑉᐸᖏᑦ 18:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᓕᒫᑦ ᐲᔭᓚᐅᕐᐰᑦ, ᒎᑎᓐᖑᐊᓕᐊᕆᔭᐅᓯᒪᔪᓪᓗ ᐅᔭᕅᑦ ᐅᕐᕉᕋᕐᑎᓚᐅᕐᐰᑦ, ᒎᑎᓐᖑᐊᕆᔭᐅᕐᓗ ᐊᓯᕋᒥᒃ ᑍᔭᐅᔪᖅ ᓯᖁᒥᑉᐹ. ᒨᓯᓯᐅᓪᓗ ᖁᒡᓗᒋᐊᓐᖑᐊᖅ ᑲᓐᓄᔭᖅ ᓇᑉᐸᐅᑎᓚᐅᕐᓯᒪᔭᖓ ᓯᖁᑦᑎᕐᑕᐅᑎᓪᓗᒍ, ᐊᑎᖃᕐᑎᑕᐅᓚᐅᕐᑐᖅ ᓂᕼᐅᓯᑕᓐᒥᒃ; ᑍᑦᓱᒪᓂᐅᑎᓪᓗᒍ ᐃᑯᐊᓪᓚᑦᓯᓪᓗᑎᒃ ᐳᔫᕐᑎᑦᓯᓂᒃᑯᑦ ᑐᒃᓯᐊᕐᕕᐅᖃᑦᑕᓕᓚᐅᕐᒪᑦ ᐅᐱᒍᓲᑎᐅᓪᓗᓂ.

ᐊᑕᓃᑦ ᐂᑉᐸᖏᑦ 18:4 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 22:43

ᐊᑖᑕᒥᓂᒃ ᐂᓴᐅᑉ ᐱᓂᐊᕐᓂᖏᓐᓂᒃ ᒪᓕᓚᐅᕐᐳᖅ; ᓴᖑᓚᐅᕋᓂ ᓇᓪᓕᐊᓐᓄᓪᓘᓐᓃᑦ, ᐱᓂᐊᕐᓂᖃᓚᐅᕐᐳᖅ ᓈᒻᒪᒃᑐᒥᒃ ᐊᑕᓂᐅᑉ ᑕᑯᓐᓇᕐᑕᖓᒍᑦ; ᑭᓯᐊᓂᓕ ᖁᑦᓯᒃᑐᒥ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ, ᐃᓄᐃᑦ ᓱᓕ ᑐᓂᕐᕈᓯᖃᑦᑕᓚᐅᕐᐳᑦ ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᕙᒃᓗᑎᒃ ᖁᑦᓯᒃᑐᒥ ᑐᒃᓯᐊᕐᕕᐅᕙᒃᑐᓂ.

ᐊᑕᓃᑦ ᐂᑉᐸᖏᑦ 10:26

ᒎᑎᓐᖑᐊᕆᔭᐅᔪᓪᓗ ᓇᐸᔪᑦ ᓴᓇᓯᒪᔪᑦ ᑕᕝᕙᓃᑦᑐᑦ ᐰᓕᐅᑉ ᐃᒡᓗᖁᑎᖏᓐᓂᑦ ᐊᓂᑎᑉᐰᑦ, ᐃᑯᐊᓪᓚᒡᓗᒋᓪᓗ.

ᐊᑕᓃᑦ ᐂᑉᐸᖏᑦ 11:18

ᐃᓄᓕᒫᑦ ᓇᑭᑐᐃᓐᓇᖅ ᐱᓯᒪᔫᑦ ᐰᓕᐅᑉ ᑐᒃᓯᐊᕐᕕᒡᔪᐊᖓᓄᑦ ᐂᓪᓗᑎᒃ ᒎᑎᓐᖑᐊᖅ ᐅᕐᕈᑎᑉᐹᑉ, ᑐᓂᕐᕈᓯᕐᕕᒃᑕᖏᓪᓗ ᓴᓇᓐᖑᐊᕐᓯᒪᔪᓪᓗ ᓯᖁᑦᑎᕐᑕᐅᕗᑦ. ᒫᑖᓂ ᑐᓂᕐᕈᓯᕐᑎᑦᓯᔨᐅᔪᖅ ᑕᕝᕙᓂ ᑐᓂᕐᕈᓯᕐᕕᐅᑉ ᓴᓂᐊᓂ ᑐᖁᑕᐅᕗᖅ. ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐅᓇᑕᕐᑎᓂᒃ ᖃᐅᔨᓴᕐᑎᐅᓂᐊᕐᑐᓂᒃ ᑎᓕᓯᕗᖅ ᐊᑕᓂᐅᑉ ᑐᒃᓯᐊᕐᕕᒃᔪᐊᖓᓂ.

ᐊᑕᓃᑦ ᐂᑉᐸᖏᑦ 12:3

ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᕐᑕᐅᓚᐅᓐᖏᓚᑦ ᓱᓕ. ᐃᓄᐃᓪᓗ ᒪᓕᒃᑐ ᑕᒪᒃᑯᓂᖓ ᑐᓂᕐᕈᓯᕆᐊᕐᑐᖃᑦᑍᓐᓇᓚᐅᕐᐳᑦ ᐳᔫᕐᑎᑦᓯᔭᕐᑐᕐᐸᒡᓗᑎᒡᓗ.

ᐊᑕᓃᑦ ᐂᑉᐸᖏᑦ 14:4

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᖏᒻᒪᒋᑦ, ᐃᓄᐃᑦ ᒎᑎᓐᖑᐊᓄᑦ ᑐᒃᓯᐊᕐᕕᖃᕐᐸᒃᑐᑦ ᑲᔪᓯᑐᐃᓐᓇᓚᐅᕐᒪᑕ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖓᑦ ᐳᔫᕐᑎᑦᓯᖃᑦᑕᕐᓂᖏᓪᓗ.

ᐊᑕᓃᑦ ᐂᑉᐸᖏᑦ 15:35

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᒎᑎᓐᖑᐊᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᐴᔫᕐᑎᑦᓯᕙᒡᓗᑎᒡᓗ. ᔫᑕᒥᐅᓪᓕ ᐊᑕᓂᐅᑉ ᐃᒡᓗᖓᑕ ᐅᓐᓄᐊᓪᓗᐊᖓᑕ ᓇᓛᓃᑦᑐᖅ ᐃᑎᕐᑕᕐᕕᒃ ᓴᓇᔭᐅᑎᓚᐅᕐᐹ.

ᐊᑕᓃᑦ ᐂᑉᐸᖏᑦ 15:4

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᑐᒃᓯᐊᕐᕕᖃᕐᓂᖓ ᑲᔪᓯᑐᐃᓐᓇᓚᐅᕐᐳᖅ ᑐᓂᕐᕈᓯᖃᑦᑕᕐᓂᖓᑦ ᒎᑎᓐᖑᐊᓄᑦ ᐴᔪᕐᑎᑦᓯᖃᑦᑕᕐᓂᖓᓪᓗ.

ᐊᑕᓃᑦ ᐂᑉᐸᖏᑦ 16:15

ᐂᕼᐊᓯᐅᑉ ᑐᓂᕐᕈᓯᕐᑎᑦᓯᔨ ᔪᕅᐊ ᐅᖃᐅᑎᕚ, “ᑐᓂᕐᕈᓯᕐᕕᐊᓗᖕᒥᒃ ᓄᑖᒥ ᑐᓂᕐᕈᓯᖃᑦᑕᖁᔨᕗᖓ, ᐃᑯᐊᓚᓗᒍ ᑐᓂᕐᕈᓯᐅᑎᒃᓴᖅ ᐅᓪᓛᒃᑰᕐᑐᕐᓯᐅᑎ, ᓂᐊᖂᔭᒃᓴᓂᒡᓗ ᑐᓂᕐᕈᓯᕈᑎ ᐅᓐᓄᒃᑰᕐᑐᕐᓯᐅᑦ ᐊᖓᔪᖅᑳᕐᔪᐊᓪᓗ ᐃᑯᐊᓚᓪᓗᒍ ᑐᓂᕐᕈᓯᕈᑎᒃᓴᖓ ᓂᐊᖂᔭᒃᓴᓂᒡᓗ ᑐᓂᕐᕈᓯᕈᑎᒃᓴᖓ ᐃᑯᐊᓚᔪᒥᓗ ᑐᓂᕐᕈᓯᐅᑎᒃᓴᖅ ᐃᓅᓕᒫᑦ ᐱᓪᓗᒋᑦ, ᓂᐊᖂᔭᒃᓴᓂᒃ ᕔᓂᓂᒡᓗ ᐃᒥᒐᒃᓴᓄᑦ ᑐᓂᕐᕈᑕᐅᓲᑦ, ᐃᑯᐊᓚᓗᑎᒃ ᑐᓂᕐᕈᓯᐅᑏᑦ ᐊᐅᖏᑦ ᓯᕐᐸᕐᓴᐅᑕᐅᓯᒪᓕᑦ ᑐᓂᕐᕈᓯᕐᕕᖕᒧᑦ; ᑭᓯᐊᓂᓕ ᑐᓂᕐᕈᓯᕐᕕᒃ ᑲᓐᓄᔭᖅ ᐊᑐᖃᑦᑕᕐᓂᐊᕐᐸᕋ ᓇᓗᓇᕐᑐᓂᒃ ᖃᐅᔨᓇᓱᐊᕆᐊᖃᓕᕌᖓᒪ.”

ᐊᑕᓃᑦ ᐂᑉᐸᖏᑦ 18:22

ᓱᓕ ᐅᖃᕐᓗᓂ, “ᐅᕝᕙᓗ ᐅᖃᐅᑎᓂᐊᕐᐱᖓ ᐊᑕᓂᕐᒥᒃ ᒎᑎᑦᓯᓐᓂᒃ ᑕᑎᒃᓴᖃᕐᓂᕋᕐᓗᑎᑦ? ᐊᖓᔪᖅᑳᕐᔪᐊᖅ ᕼᐃᓯᑬᐊ ᐲᔧᓚᐅᓐᖏᓛᖅ ᐊᑕᓂᕐᒧᑦ ᑐᒃᓯᐊᕐᕕᐅᕙᒃᑐᓂᒃ, ᔫᑕᒥᐅᑦ ᔨᕉᓴᓕᒥᐅᓪᓗ ᐅᖃᐅᑎᓪᓗᓂᒋᑦ ᔨᕉᓴᓕᒻ ᑐᓂᕐᕈᓯᕐᕕᖁᑎᖓᓂ ᑭᓯᐊᓂ ᑐᒃᓯᐊᖃᑦᑕᕐᓂᐊᓕᕐᓂᕋᕐᓗᓂᒋᑦ?

ᐊᑕᓃᑦ ᐂᑉᐸᖏᑦ 21:3

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᓴᓇᔭᐅᑎᒋᐊᓪᓚᓚᐅᕐᐰᑦ ᐊᑖᑕᖓᑕ ᕼᐃᓯᑬᐊᐅᑉ ᓯᖁᑦᑎᓚᐅᕐᑕᖏᑦ; ᑐᓂᕐᕈᓯᕐᕕᒡᓂᒡᓗ ᓴᓇᔭᐅᑎᑦᓯᕗᖅ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᕕᐅᕙᒃᑐᓂᒃ, ᒎᑎᓐᖑᐊᓪᓗ ᐊᓯᕋᐅᑉ ᐊᑦᔨᖓᓂᒃ ᓴᓇᔭᐅᑎᑦᓯᒋᓪᓗᓂ, ᐊᖓᔪᖅᑳᕐᔪᐊᑉ ᐂᕼᐊᐱᐅᑉ ᓴᓇᔭᐅᑎᓯᒪᔭᖓᑕ ᐊᑦᔨᖓᓂᒃ, ᒫᓇᓯ ᑐᒃᓯᐊᕐᕕᖃᖃᑦᑕᓕᓚᐅᕆᕗᖅ ᐅᓪᓗᕆᐊᓕᒫᓂᒃ, ᐱᓇᓱᐊᕐᕕᒋᓪᓗᒋᓪᓗ.

ᐊᑕᓃᑦ ᐂᑉᐸᖏᑦ 23:14

ᓇᐸᔪᓪᓗ ᓱᑬᑦ ᓯᖁᑦᑎᕐᐰᑦ ᑐᒃᓯᐊᕐᕕᐅᕙᒃᑐᑦ, ᐅᕐᕈᑎᓪᓗᒍᓗ ᐊᓯᕆᒻ, ᐃᓄᐃᓪᓗ ᓴᐅᓂᕕᓂᖏᓐᓂᒃ ᐃᓗᓪᓕᕐᑕᐅᖔᕐᓗᑎᒃ.

ᐊᑕᓃᑦ ᐂᑉᐸᖏᑦ 23:4

ᑕᕝᕙ ᐊᖓᔪᖅᑳᕐᔪᐊᖅ ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᕼᐃᓪᑬᐊᒥᒃ ᐃᑲᔪᕐᑎᖏᓐᓂᒡᓗ, ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓂ ᖃᐅᔨᓴᕐᑎᐅᔪᓕᒫᑦ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᓗᑎᒃ ᐊᑐᕐᑕᐅᖃᑦᑕᕐᑐᓕᒫᑦ, ᒎᑎᓐᖑᐊᒧᓪᓗ ᐊᓯᕋᒧᑦ, ᐅᓪᓗᕆᐊᓄᓪᓗ, ᑕᒪᒃᑯᐊᓕᒫᑦ ᐊᖓᔪᖅᑳᕐᔪᐊᑉ ᐃᑯᐊᓪᓚᒃᑕᐅᑎᑉᐰᑦ ᐃᒡᓗᒐᓮᑦ ᔨᕉᓴᓕᐅᑉ ᓯᓚᑖᓂ ᓇᕐᓴᒥ ᑭᑐᕌᓂᒥᒃ ᑍᔭᐅᔪᒥ ᐊᕐᔭᓕᓂᖏᓪᓗ ᐱᑎᓕᒧᑦ ᐋᑕᐅᑎᓪᓗᓂᒋᑦ.

ᑯᕉᓂᑲ ᐂᑉᐸᖏᑦ 19:3

ᑍᒤᒃᑲᓗᐊᕐᒪᑦ, ᐱᐅᔪᓂᒃ ᓇᓂᓯᕕᐅᕗᑎᑦ, ᕿᔪᐃᑦ ᐊᓯᕅᑦ ᒎᑎᓐᖑᐊᑦ ᐃᒋᓚᐅᕋᕕᒋᑦ ᓄᓇᒥᑦ, ᐆᒻᒪᑏᓪᓗ ᐋᖅᑭᒃᓯᒪᒐᕕᐅᒃ ᒎᑎᒥᒃ ᕿᓂᕈᒪᓪᓗᑎᑦ.”

ᑯᕉᓂᑲ ᐂᑉᐸᖏᑦ 31:1

ᑕᒪᒃᑯᐊᓕᒫᑦ ᐱᔭᕇᕐᒪᑕ, ᐃᓴᕆᐊᓕᒥᐅᓕᒫᑦ ᑍᑲᓃᓚᐅᕐᑐᑦ ᐂᕗᑦ ᔫᑕᐅᑉ ᐃᒡᓗᒐᓴᖏᓐᓄᑦ ᓇᐸᔪᐃᓪᓗ ᒎᑎᓐᖑᐊᑦ ᓯᖁᑦᑎᕐᐰᑦ ᕿᔪᐃᓪᓗ ᓴᓇᓐᖑᐊᕐᓯᒪᔪᑦ ᒎᑎᓐᖑᐊᑦ ᐊᓯᕅᑦ ᓇᑲᑎᕐᐰᑦ ᐃᒋᓪᓗᒋᓪᓗ ᑐᓂᕐᕈᓯᕐᕕᖁᑎᖏᑦ ᔫᑕᒦᑦᑐᑦ ᐱᓐᔭᒥᓂᒦᑦᑐᓪᓗ, ᐃᕗᕅᑎᒦᑦᑐᓪᓗ ᒫᓇᓯᒦᑦᑐᓪᓗ, ᐊᑕᖏᕐᓗᒋᑦ ᓯᖁᑦᑎᕐᐰᑦ. ᐃᓴᕆᐊᓕᒥᐅᓪᓗ ᐃᒡᓗᒐᓴᖕᒥᓄᑦ ᐅᑎᕐᐳᑦ, ᐊᑐᓂᑦ ᓄᓇᒥᖕᓄᐊᕐᓗᑎᒃ.

ᑯᕉᓂᑲ ᐂᑉᐸᖏᑦ 33:3

ᓴᓇᒋᐊᓪᓚᓚᐅᕐᒪᑦ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᐊᑖᑕᖓᑕ ᕼᐃᓯᑬᐊᐅᑉ ᓱᕋᓚᐅᕐᑕᖏᓐᓂᒃ, ᑐᓂᕐᕈᓯᕐᕖᓪᓗ ᐰᓕᒧᑦ ᐋᖅᑭᒃᓱᕆᐊᓪᓚᒃᓗᒋᑦ, ᕿᔪᖕᓂᒡᓗ ᒎᑎᓐᖑᐊᓂ ᐊᓯᕋᓂᒃ ᐊᑎᓕᖕᓂᒃ ᓴᓇᕗᖅ, ᑐᒃᓯᐊᕐᕕᒋᖃᑦᑕᕐᐰᓪᓗ ᒎᑎᒋᔭᐅᔪᑦ ᐅᓪᓗᕆᐊᑦ ᕿᓚᖕᒦᑦᑐᑦ ᐱᔨᑦᓯᕐᓗᒋᓪᓗ.

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᒨᓯᓯ ᐂᑉᐸᖏᑦ 34:13

ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 36:7

ᐅᕝᕙᓐᓄᓪᓕ ᐅᖃᕈᕕᑦ, “ᐊᑕᓂᕐᒥᒃ ᒎᑎᑦᑎᓐᓂᒃ ᑕᑎᖃᕐᓂᐊᕐᐳᒍᑦ,” ᑍᓐᓇᐅᓐᖏᓛᖅ ᑐᒃᓯᐊᕐᕕᖁᑎᖏᑦ ᐱᓪᓚᕆᒋᔭᖏᑦ ᑐᓂᕐᕈᓯᕐᕕᖁᑎᖏᓪᓗ ᕼᐃᓯᑬᐊᐅᑉ ᐲᔭᓚᐅᕐᑕᖏᑦ, ᐅᖃᕐᓗᓂ ᔫᑕᒥᐅᓄᑦ ᔨᕉᓴᓕᒥᐅᓄᓪᓗ, “ᐅᕙᓂᑐᐊᖅ ᑐᒃᓯᐊᖃᑦᑕᕐᓂᐊᕐᐳᓯ”?

ᒨᓯᓯ ᐱᖓᔪᖏᑦ 26:30

ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᕐᐸᒃᑲ, ᐃᓯᕐᓗᐊᕐᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᕐᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᕐᑐᓄᑦ, ᓂᓐᖓᐅᒪᓗᖓ.

ᒨᓯᓯ ᑕᓪᓕᒪᖏᑦ 5:5

ᑍᑦᓱᒪᓂᐅᑎᓪᓗᒍ ᐊᑕᓂᐅᓪᓗ ᐃᓕᑦᓯᓗ ᐊᑯᓐᓂᑦᓯᓐᓂ ᓇᖏᓚᐅᕐᐳᖓ ᐅᖄᓪᓗᖓ ᑖᑦᓱᒪ ᐅᖃᐅᓯᕆᔭᖏᓐᓂᒃ ᐃᓕᑦᓯᓐᓄᑦ, ᑲᑉᐱᐊᓱᓕᓚᐅᕋᑦᓯ ᐃᑯᒪᒥᒃ ᖃᖅᑲᒧᓪᓗ ᒪᔪᕋᕈᒪᔪᓐᓁᕐᓗᓯ. “ᐊᑕᓂᖅ ᐅᖃᓚᐅᕐᐳᖅ,

ᒨᓯᓯ ᑕᓪᓕᒪᖏᑦ 7:5

ᑍᒤᒻᒪᑦ ᐃᒫᒃ ᐱᓇᓱᐊᕐᕕᒋᔭᒃᓴᕆᕙᓯ, ᒎᑎᓐᖑᐊᓄᑦ ᑐᓂᕐᕈᓯᕐᕕᖏᑦ ᓱᕋᒃᑎᒐᒃᓴᕆᕙᓯ, ᓱᑲᖁᑎᒋᔭᖏᓪᓗ ᓇᐸᔪᑦ ᐱᓪᓚᕆᖁᑎᒋᔭᖏᑦ ᓯᖃᓪᓕᓗᒋᑦ, ᐊᕐᓇᓐᖑᐊᓪᓗ ᒎᑎᓐᖑᐊᖏᑦ ᐊᓯᕋᒥᒃ ᐊᑎᓖᑦ ᐅᕐᕈᑎᑕᒃᓴᕆᕙᓯ, ᒎᑎᓐᖑᐊᖏᓪᓗ ᐃᑯᐊᓪᓚᒃᑎᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 6:25

ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᐊᑖᑕᕕᑦ ᐃᒻᒧᒃᓯᐅᒐᖁᑎᖓᓂᒃ ᐊᖑᓴᓪᓗᕐᒥᒃ ᐱᓗᑎᑦ, ᐊᖑᓴᓪᓗᖁᑎᑦᓯ ᐂᑉᐸᖓᓂᒃ ᐊᕐᕌᒍᓕᖕᒥᒃ 7ᓂᒃ ᓇᒃᓴᕐᓗᒍ, ᐰᓕᒧᑦ ᑐᓂᕐᕈᓯᕐᕕᒃ ᐅᕐᕈᑎᒋᐊᕐᑐᕈᒃ, ᐊᑖᑕᕕ ᐱᖓ, ᓴᓂᐊᓃᑦᑐᕐᓗ ᓇᓗᓁᒃᑯᑕᖅ ᒎᑎᓐᖑᐊᒧᑦ ᐊᓯᕋᒧᑦ ᓇᑲᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 6:28

ᓄᓇᓕᖕᓃᑦᑐᓪᓕ ᐃᓄᐃᑦ ᐅᓪᓛᒻᒪᕆᒃᑯᑦ ᒪᑭᓐᓇᒥᒃ, ᑕᑯᕚᑦ ᐰᓕᒧᑦ ᑐᓂᕐᕈᓯᕐᕕᒃ ᓯᖁᑦᑎᕐᓯᒪᔪᖅ, ᐊᓯᕋᐅᓪᓗ ᓇᓗᓁᒃᑯᑕᖓ ᓴᓂᐊᓃᑦᑐᖅ ᓇᑲᓯᒪᔪᖅ ᐊᖑᓴᓪᓘᓪᓗ ᐂᑉᐸᖓ ᐃᑯᐊᓪᓚᒃᑕᐅᓯᒪᔪᖅ ᑐᓂᕐᕈᓯᕐᕕᓕᐊᖑᔪᕕᓂᕐᒥ.