ᐊᑕᓃᑦ ᐂᑉᐸᖏᑦ 18:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᑕᕝᕙ ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᑲᒪᔨᒻᒪᕆᐅᔪᖅ, ᓯᑉᓇᓗ ᐊᖓᔪᖅᑳᕐᔪᐊᑉ ᐃᖅᑲᕐᑐᐃᕕᖓᓂ ᑎᑎᕋᕐᑎᒻᒪᕆᐅᔪᖅ ᔪᐊᓗ ᐊᓴᐸᐅᑉ ᐃᕐᓂᖓ ᕼᐃᓯᑬᐊᒧᐊᕐᐳᑦ, ᐊᓐᓄᕌᒥᖕᓂᒃ ᐊᓕᒃᓯᓯᒪᓪᓗᑎᒃ, ᐅᓂᒃᑳᕐᕕᒋᓪᓗᒍᓗ ᕋᑉᓴᑭᐅᑉ ᐅᖃᐅᓯᕆᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 18:37 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:29

ᕉᐱᓂᓕ ᐅᑎᕋᒥ ᐃᑎᕐᓴᒧᓪᓗ ᑕᑯᒋᐊᕋᒥ ᔫᓯᐱ ᑕᑯᓐᖏᓛ, ᐊᓐᓄᕌᓂᓗ ᐊᓕᒃᐰᑦ.

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᓴᒧᐃᓕ ᐂᑉᐸᖏᑦ 8:16

ᔪᐊᐱᓗ ᔨᕈᐃᐊᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᐅᓇᑕᕐᑐᒃᓴᖁᑎᖏᓐᓄᑦ; ᔨᕼᐆᓴᐸᑦ ᐊᕼᐃᓗᑎᐅᑉ ᐃᕐᓂᖓ ᑲᒪᔨᐅᑎᓪᓗᒍ ᐱᖁᑎᓕᒫᖏᓐᓂᒃ;

ᐊᑕᓃᑦ ᐂᑉᐸᖏᑦ 18:18

ᐊᖓᔪᖅᑳᕐᔪᐊᑉ ᕼᐃᓯᑬᐊ ᐂᔭᐅᖁᕚᑦ ᑕᑯᔪᒪᓪᓗᒍ, ᐊᖓᔪᖅᑳᖁᑎᖏᑦ ᐱᖓᓱᑦ ᕾᕗᑦ, ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᑲᒪᔨᒻᒪᕆᐅᔪᖅ, ᓯᑉᓇᓗ ᐊᖓᔪᖅᑳᕐᔪᐊᑉ ᐃᖅᑲᕐᑐᐃᔨᖏᑕ ᑲᒪᔨᒻᒪᕆᖓᑦ, ᔪᐊᓗ ᐊᓴᐸᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑕ ᑲᒪᔨᒻᒪᕆᖓ.

ᐊᑕᓃᑦ ᐂᑉᐸᖏᑦ 18:26

ᑕᕝᕙ ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓᑕ, ᓯᑉᓇᓗ, ᔪᐊᓗ, ᕌᑉᓴᑭ ᐅᖃᐅᑎᕚᑦ, “ᐊᕋᒤᑎᑐᑦ ᐅᕙᑦᑎᓐᓄᑦ ᐅᖃᓪᓚᒋᐊᖃᕐᐳᓯ ᑐᑭᓯᐊᒐᑦᑎᒍ; ᕼᐄᐳᕉᑎᑐᑦ ᐅᖃᓪᓚᖏᓪᓗᓯ ᒪᑯᐊ ᐃᓄᐃᑦ ᑐᑭᓯᐊᖕᒪᑕ ᐅᖃᓪᓚᒃᑕᑦᓯᓐᓂᒃ.”

ᐊᑕᓃᑦ ᐂᑉᐸᖏᑦ 18:36

ᐃᓄᐃᑦ ᑐᓵᔪᑦ ᓂᓪᓕᕐᑐᖃᓚᐅᓐᖏᓚᑦ, ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᑍᒫᒃ ᐱᖁᓚᐅᕐᒪᒋᑦ ᑭᐅᒪᓇᓱᐊᕐᑐᖃᖁᓇᒍ.

ᐊᑕᓃᑦ ᐂᑉᐸᖏᑦ 19:1

ᐊᖓᔪᖅᑳᕐᔪᐊᖅ ᕼᐃᓯᑬᐊ ᐅᓂᑳᕐᑕᖏᓐᓂᒃ ᑐᓴᕇᕋᒥ ᐊᓐᓄᕌᓂ ᐊᓕᒃᐰᑦ, ᕿᒃᓵᒃᑐᕐᓯᐅᑎᓂᒡᓗ ᐊᑎᓪᓗᓂ, ᑐᒃᓯᐊᕐᕕᒡᔪᐊᕐᒧᑦ ᑐᒃᓯᐊᕆᐊᕐᐳᖅ.

ᐊᑕᓃᑦ ᐂᑉᐸᖏᑦ 22:11

ᐊᖓᔪᖅᑳᕐᔪᐊᑉ ᐊᒡᓔᑦ ᐱᖁᔭᓂᒃ ᑎᑎᕋᕐᕕᒋᓯᒪᔪᑦ ᑐᓴᕇᕋᒥᒋᑦ, ᐊᓐᓄᕌᓂ ᐊᓕᒃᐰᑦ ᖁᕕᐊᓱᖏᓐᓂᕐᒧᑦ.

ᐊᑕᓃᑦ ᐂᑉᐸᖏᑦ 22:19

ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᐊᑕᓃᑦ ᐂᑉᐸᖏᑦ 5:7

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᑎᖅᑲᑦ ᐅᖃᓕᒫᕇᕋᒥᒋᑦ ᐊᓐᓄᕌᓂ ᐊᓕᒃᐰᑦ, ᐅᖃᕐᓗᓂᓗ, “ᒎᑎᐅᒐᒫ? ᑐᖁᑎᑦᓯᓚᐅᕐᓗᖓ ᐆᒻᒪᕐᑎᑦᓯᒃᑲᓐᓂᕈᓐᓇᕐᐳᖔ? ᖃᓄᐃᒻᒪᓂᓐᓇ ᐅᕕᓂᕐᓗᒃᑐᒥᒃ ᐸᕐᑎᕐᑐᒥᒃ ᐋᖅᑭᒃᑕᐅᖁᔨᓪᓗᓂ ᐅᕙᓐᓄᑦ ᑎᓕᓯᕙ? ᑕᑯᒋᑦ ᐅᕙᓐᓄᓂᓐᓇ ᐂᕙᑦᔪᑎᒃᓴᕐᓯᐅᑐᐃᓇᕐᑐᖅ!”

ᐊᑕᓃᑦ ᐂᑉᐸᖏᑦ 6:30

ᐊᖓᔪᖅᑳᕐᔪᐊᖅ ᐊᕐᓇᐅᑉ ᐅᖃᐅᓯᖏᓐᓂᒃ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ. ᐊᕙᓗᕐᔪᐊᑉ ᑭᒡᓕᖓᒍᑦ ᐱᓱᒃᑎᓪᓗᒍ ᐃᓄᖕᓄᑦ ᑕᐅᑐᒃᑕᐅᒐᒥ ᐅᑦᔨᕆᔭᐅᓕᕐᐳᖅ ᐊᓐᓄᕌᒥ ᐃᓗᐊᒍᑦ ᐊᓐᓄᕌᕐᓯᒪᓂᖓᓂᒃ ᕿᒃᓵᒃᑐᕐᓯᐅᑎᓂᒃ.

ᑯᕉᓂᑲ ᐂᑉᐸᖏᑦ 32:1

ᐱᑦᓯᐊᕐᓃᑦ ᑕᒪᒃᑯᐊ ᑭᖑᕐᖓᒍᑦ, ᐊᓯᕆᐊᑉ ᐊᖓᔪᖅᑳᕐᔪᐊᖓ ᓯᓇᑯᕆᑉ ᑎᑭᓐᓇᒥ ᓵᓚᖃᕐᐳᖅ ᔫᑕᒥᒃ, ᑕᖕᒫᕐᐳᕐᓗ ᓴᐴᓗᑕᓖᑦ ᐃᒡᓗᒐᓮᑦ ᓴᓂᐊᓄᑦ, ᐃᓱᒪᓪᓗᓂ ᓵᓚᒋᔪᒪᓪᓗᒋᑦ ᐃᒻᒥᓄᐃᓐᓇᖅ ᐱᑦᔪᑎᒋᓗᓂ.

ᐄᓱᕋᐅᑉ ᐊᒡᓚᖏᑦ 9:3

ᑕᒪᑐᒥᖓ ᑐᓴᕋᒪ, ᕿᒃᓵᖕᓂᕐᒧᑦ ᐊᓐᓄᕌᒃᑲ ᐊᓕᓚᐅᕐᐸᒃᑲ, ᓄᔮᕐᑐᓚᐅᕐᐳᖓ ᐅᒥᒃᑲᓗ ᓄᓱᓚᐅᕐᐸᒃᑲ, ᐃᖏᓪᓗᖓᓗ ᓯᖁᒥᑦᓯᐊᓚᐅᕐᐳᖓ ᕿᒃᓵᖕᓂᕐᒧᑦ.

ᔫᐱᐅᑉ ᐊᒡᓚᖏᑦ 1:20

ᔫᐱᓗ ᓂᑯᕕᓐᓇᒥ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᓂᐊᖁᓂᓗ ᓄᔧᔭᕐᐹ, ᒪᓂᖅᑲᒧᓪᓗ ᐹᒻᒪᒃᓗᓂ ᑐᒃᓯᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 22:20

ᐊᑕᓂᐅᑉ ᓯᑉᓇ ᐅᖃᐅᑎᕚ, ᑍᒤᑕᐅᕕᒃᓮᑦ ᓇᓪᓕᐅᑎᒃᐸᑦ, ᑭᒡᒐᕋ ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓ ᑎᓕᔪᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 33:7

ᐃᓛᒃ ᓯᕘᕋᒋᔭᖃᖏᑦᑐᖁᑎᖏᑦ ᐃᑲᔪᕐᑕᐅᔪᒪᓪᓗᑎᒃ ᕿᓄᕗᑦ ᓯᓚᑖᓂ, ᐃᓅᖃᑎᒌᑦᓯᐊᓕᕈᑎᒃᓴᒥᒃ ᐱᓇᓱᐊᕆᐊᕐᑐᕐᑎᑕᐅᓯᒪᔪᑦ ᕿᐊᕐᔪᐊᓕᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 36:24

ᐊᖓᔪᖅᑳᕐᔪᐊᖅ ᐱᖃᑎᒋᔭᖏᓪᓗ ᐅᖃᐅᓯᕐᓂᒃ ᑐᓴᕋᓗᐊᕋᒥᒃ ᖁᐊᕐᓵᖓᓚᐅᓐᖏᓚᑦ ᐊᓐᓄᕌᒥᖕᓂᒡᓗ ᐊᓕᒃᓯᓇᑎᒃ.

ᒫᑎᐅᓯᐅᑉ ᐊᒡᓚᖏᑦ 26:65

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓ ᑕᒪᑐᒥᖓ ᑐᓴᕋᒥ ᐊᓐᓄᕌᓂ ᐊᓕᒃᐰᑦ ᐅᖃᕐᓗᓂ, “ᒎᑎᒥᒃ ᐅᖃᕐᓂᕐᓘᑎᖃᕐᐳᖅ! ᖃᐅᔨᓯᒪᔪᒥᒃ ᑐᓴᒃᑲᓐᓂᕆᐊᖃᕈᓐᓃᕐᐳᒍᑦ, ᑕᕝᕙ ᑐᓵᕐᐸᓯ ᒎᑎᒥᒃ ᐅᖃᕐᓂᕐᓘᑎᖃᕐᑎᓪᓗᒍ.