ᐊᑕᓃᑦ ᐂᑉᐸᖏᑦ 18:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᖓᔪᖅᑳᕐᔪᐊᖑᒐᓗᐊᕐᓗᑎᑦ ᐊᖓᔪᖅᑳᑦᑕ ᐱᔨᖏᑕ ᐱᔪᓐᓇᖏᓐᓂᕐᐹᖓᓂᒡᓘᓐᓃᑦ ᓇᓪᓕᐅᒻᒪᑎᖏᓐᓇᕕᑦ, ᓱᓕ ᓂᕆᐅᒐᓱᐊᕐᐳᑎᑦ ᐄᑦᔨᑉᑎᒥᐅᓄᑦ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᓂᒡᓗ ᐱᑎᑕᐅᓂᐊᕋᓱᒋᓪᓗᑎᑦ.

ᐊᑕᓃᑦ ᐂᑉᐸᖏᑦ 18:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 50:9

ᑕᑉᐸᐅᖓ ᒪᔪᐊᖃᑕᐅᓚᐅᕆᕗᑦ ᐊᖓᔪᖅᑳᕐᓯᐅᑏᑦ ᐊᒃᓴᓗᐊᓖᑦ ᕿᒻᒥᕐᔪᐊᕐᒦᑦᑐᓪᓗ; ᐃᖏᕐᕋᖃᑎᓕᒫᖏᑦ ᑲᑎᓪᓗᒋᑦ ᐃᓄᒐᓴᒡᔪᐊᖑᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 20:10

ᐱᓐ-ᕼᐊᑖᑎᐅᑉ ᐅᖃᕆᐊᕐᑐᕐᑎᑉᐹᖓ ᐅᖃᕐᓗᓂ, “ᒎᑎᓐᓄᑦ ᐱᒋᐊᕐᑕᐅᓗᖓ, ᓱᒋᐊᕐᑕᐅᓂᐊᕐᐳᖓ, ᓴᒥᐊᕆᐊ ᓄᖑᑕᐅᑎᓐᓂᐊᖏᒃᑯᒃᑯ ᐃᓄᖕᓄᑦ ᒪᓕᒃᑐᓄᑦ ᐅᕙᓐᓂᒃ!”

ᐊᑕᓃᑦ ᐂᑉᐸᖏᑦ 18:21

ᐄᑦᔨᑉᑎᒥᐅᓂᒃ ᐃᑲᔪᕐᑎᖃᕐᓂᐊᕋᓱᒋᒐᓗᐊᕐᑐᑎᑦ ᓱᓪᓗᓕᖕᒥᒃ ᐊᔭᐅᑉᐱᐊᖃᕋᓱᐊᕐᑐᑎᑐᑦ ᑍᒤᓐᓂᐊᕐᐳᑎᑦ ᓇᑲᑉᐸᑦ ᐊᒡᒐᑎᑦ ᑲᐱᓂᐊᕐᐳᑦ. ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑍᒫᒃ ᐱᐅᓯᖃᕐᒪᑦ ᑕᑎᒋᔭᐅᓇᓱᐊᓕᕌᖓᒥ.”

ᐊᑕᓃᑦ ᐂᑉᐸᖏᑦ 18:23

ᐊᖏᖃᑎᒌᒍᑎᓕᐅᕈᓐᓇᕐᐳᖓ ᐊᓯᕆᐊᒥ ᐊᖓᔪᖅᑳᕐᔪᐊᑦᑕ ᐊᑎᖓᓂ, ᕿᒻᒥᕐᔪᐊᓂᒃ 2000ᓂᒃ ᑐᓂᔪᓐᓇᕐᐸᒋᑦ ᑍᒫᓪᓗᐊᖅ ᐅᓄᕐᑎᒋᔪᓂᒃ ᐊᖑᑎᓯᐊᕈᓐᓇᕈᕕᑦ ᑖᒃᑯᓇᓂ ᐃᑭᒪᔪᓐᓇᕋᔭᕐᑐᓂᒃ.

ᐊᑕᓃᑦ ᐂᑉᐸᖏᑦ 18:25

ᓄᓇᑦᓯᓐᓂᒃ ᐅᓇᑕᕐᓂᒃᑯᑦ ᓵᓚᖃᕐᓯᒪᓇᓱᒋᖏᓐᓇᑦᑎᒍᑦ ᐊᑕᓂᐅᑉ ᐱᔪᓐᓇᕐᑎᑦᓯᓂᖓᒍᑦ ᑭᓯᐊᓂ? ᐊᑕᓂᕐᒧᑦ ᐅᖃᐅᑎᔭᐅᓯᒪᓂᕗᑦ ᒪᓕᒡᓗᒍ ᓄᓇᖁᑎᑦᓯᓐᓂᒃ ᐊᓯᕈᐃᔭᕐᑐᓚᐅᕐᐳᒍᑦ.”

ᐂᓮᐊᓯᐅᑉ ᐊᒡᓚᖏᑦ 10:8

ᐃᒫᒃ ᐅᖃᓚᐅᕐᐳᖅ, “ᐊᖓᔪᖅᑳᖁᑎᓕᒫᒃᑲ ᐊᖓᔪᖅᑳᕐᔪᐊᖑᓐᖏᓛᑦ?

ᐂᓮᐊᓯᐅᑉ ᐊᒡᓚᖏᑦ 30:1

ᐊᑕᓂᖅ ᐅᖃᕐᐳᖅ, “ᑲᑉᐱᐊᓐᓇᒦᒃ ᑭᖑᕚᖑᖃᑎᒌᑦ ᓈᓚᖏᑦᑐᑦ, ᑲᔪᓯᑎᑦᓯᓪᓗᑎᒡᓗ ᐃᓱᒻᒥᕐᑑᑕᐅᔪᒥᒃ ᐋᖅᑭᓚᐅᓐᖏᑕᓐᓂᒃ; ᑲᑐᑦᔨᖃᑎᒌᓕᐅᕐᐳᑦ ᐋᖅᑭᒃᓱᐃᓪᓗᑎᒃ, ᐅᕙᖓ ᐊᓂᕐᓂᓐᓂᒃ ᐃᓚᖃᖏᑦᑐᓂᒃ, ᐊᔪᕐᓂᖅ ᐃᓚᒃᑲᓐᓂᕈᒪᓪᓗᒍ ᐊᔪᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᐂᓮᐊᓯᐅᑉ ᐊᒡᓚᖏᑦ 31:3

ᐄᑦᔨᑉᑎᒥᐅᑦ ᐃᓄᑐᐃᓐᓇᐅᖕᒪᑕ, ᒎᑎᐅᓇᑎᒃ; ᕿᒻᒥᕐᔪᐊᖁᑎᖏᓪᓗ ᐆᒪᔪᑐᐃᓐᓇᐅᕗᑦ ᐊᓂᕐᓂᐅᓇᑎᒃ, ᐊᑕᓂᕐᓕ ᐱᔪᓐᓇᕐᓂᕐᒥᓄᑦ ᐱᒋᐊᕐᐸᑦ ᐃᑲᔪᕐᑐᕋᓱᐊᕐᑐᑦ ᐅᕐᕈᓂᐊᕐᐳᑦ, ᐃᑲᔪᕐᑕᐅᓇᓱᐊᕐᑐᓪᓗ ᐅᕐᕈᓂᐊᕆᕗᑦ; ᑕᒪᕐᒥᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 36:6

ᑕᑯᒋᑦ, ᐄᑦᔨᑉᑎᒥᐅᓄᑦ ᐃᑲᔪᕐᑕᐅᓂᐊᕋᓱᒋᒐᓗᐊᕐᑐᑎᑦ, ᑍᓐᓇᓕ ᕿᔪᒃ ᓱᓪᓗᓕᒃ ᐊᔭᐅᑉᐱᐊᖅ ᓇᕕᒃᓯᒪᕗᖅ, ᐊᒡᒐᖕᒥᒃ ᐳᑐᓯᒐᔭᕐᑐᖅ ᐄᒐᕐᕕᐅᒍᓂ. ᐰᕉ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦ ᑍᒤᑦᑑᖕᒪᑦ ᐃᑲᔪᕐᑎᒋᔭᐅᔪᒪᓕᕌᖓᒥ.

ᐂᓮᐊᓯᐅᑉ ᐊᒡᓚᖏᑦ 36:9

ᖃᓄᖅ ᓇᓪᓕᐅᒻᒪᑎᔪᓐᓇᕐᐱᓰ ᐊᓯᕆᐊᒥᐅᑦ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᐊᔪᕐᓂᕐᐹᕋᓗᐊᖏᓐᓄᑦ, ᑕᑎᖃᕋᓱᒃᑲᓗᐊᕈᑦᓯ ᐄᑦᔨᑉᑎᒥᐅᑦ ᕿᒻᒥᕐᔪᐊᖏᑕ ᐊᒃᓴᓗᐊᓕᖁᑎᖏᓐᓂᒃ ᕿᒻᒥᕐᔪᐊᖏᓐᓂᓗ ᐃᑭᒪᔪᓂᒃ?

ᔨᕆᒤᐊᐅᑉ ᐊᒡᓚᖏᑦ 37:7

“ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐅᕙᓐᓄᑦ ᑐᒃᓯᐊᕐᕕᖃᖁᔨᓚᐅᕐᑐᖅ ᐅᖃᐅᑎᒍᒃ, ‘ᑕᑯᒋᑦ, ᐰᕉᑉ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᑎᒃ ᐄᑦᔨᑉᑎᒥᑦ ᐊᐅᓪᓚᕐᑑᒐᓗᐊᑦ, ᓄᓇᒥᖕᓄᑦ ᐄᑦᔨᑉᑎᒧᑦ ᐅᑎᕐᓂᐊᕆᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 17:15

ᑖᓐᓇᓕ ᐊᖓᔪᖅᑳᕐᔪᐊᖅ ᑖᑦᓱᒥᖓ ᐊᑭᕋᕐᑐᓕᕋᒥ ᐄᑦᔨᑉᑎᒥᐅᓄᑦ ᑎᓕᓯᓚᐅᕐᐳᖅ ᐅᖃᕐᑎᒋᓂᐊᕐᑕᒥᓂᒃ, ᑐᓂᓯᕕᐅᔪᒪᓪᓗᓂ ᕿᒻᒥᕐᔪᐊᓂᒃ ᐅᓇᑕᕐᑎᒐᓴᒡᔪᐊᓂᒡᓗ. ᓵᓚᖃᕈᓐᓇᕐᐹ? ᑍᒤᓕᐅᕐᑐᖅ ᐊᓐᓇᒍᓐᓇᕐᐹ? ᐊᖏᖃᑎᒌᒍᑎᓕᐊᕆᓚᐅᕐᑕᒥᓂᒃ ᓯᖁᑦᑎᕆᓯᒪᔪᖅ ᐊᓐᓇᒍᓐᓇᕐᐹ?

ᐃᓯᑭᐊᓕᐅᑉ ᐊᒡᓚᖏᑦ 17:17

ᐄᑦᔨᑉᑎᒥᐅᑦ ᐅᓇᑕᕐᑎᖁᑎᕐᔪᐊᖏᑦ ᐊᔪᖏᑦᑐᕐᔪᐊᖑᒐᓗᐊᑦ ᐃᑲᔪᕈᓐᓇᕐᓂᐊᓐᖏᓚᑦ ᐅᓇᑕᕐᓂᒃᑯᑦ, ᐹᐱᓘᓂᒥᐅᑦ ᓄᓇᒥᒃ ᐃᑎᕐᓴᓕᐅᕆᓯᒪᖕᒪᑕ ᐊᕙᓗᕐᔪᐊᑉ ᓯᓚᑖᓂ ᐳᕐᑐᓯᑎᑦᓯᓯᒪᓪᓗᑎᒡᓗ ᐃᓄᖕᓂᒃ ᐅᓄᕐᑐᓂᒃ ᑐᖁᑦᓯᔪᒪᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 29:6

ᑕᕝᕙ ᐄᑦᔨᑉᑎᒥᐅᓕᒫᑦ ᑐᑭᓯᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ. ᐊᔭᐅᑉᐱᐊᕆᔭᐅᓚᐅᕋᕕᑦ ᓱᓪᓗᓕᒃ ᐃᓴᕆᐊᓕᐅᑉ ᑭᖑᕚᖏᓐᓄᑦ;

ᑖᓂᐊᓕᐅᑉ ᐊᒡᓚᖏᑦ 4:22

“ᐃᕝᕕ ᐊᖓᔪᖅᑳᕐᔪᐊᖅ, ᑖᓐᓇᐅᕗᑎ ᓇᐹᕐᑐᖅ! ᐊᖏᔪᕈᕐᓯᒪᕗᑎᑦ ᓴᓐᖏᔫᓪᓗᑎᓪᓗ: ᐱᔪᓐᓇᕐᓃᑦ ᑎᑭᓯᒪᕗᖅ ᕿᓚᖕᒧᑦ, ᐊᖓᔪᖅᑲᐅᕖᓪᓗ ᑎᑭᓯᒪᕗᖅ ᓄᓇᕐᔪᐊᑉ ᐅᖓᓯᖕᓂᕐᐹᖏᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’