ᐊᑕᓃᑦ ᐂᑉᐸᖏᑦ 18:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᖓᔪᖅᑳᕐᔪᐊᑉ ᕼᐃᓯᑬᐊ ᐂᔭᐅᖁᕚᑦ ᑕᑯᔪᒪᓪᓗᒍ, ᐊᖓᔪᖅᑳᖁᑎᖏᑦ ᐱᖓᓱᑦ ᕾᕗᑦ, ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᑲᒪᔨᒻᒪᕆᐅᔪᖅ, ᓯᑉᓇᓗ ᐊᖓᔪᖅᑳᕐᔪᐊᑉ ᐃᖅᑲᕐᑐᐃᔨᖏᑕ ᑲᒪᔨᒻᒪᕆᖓᑦ, ᔪᐊᓗ ᐊᓴᐸᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑕ ᑲᒪᔨᒻᒪᕆᖓ.

ᐊᑕᓃᑦ ᐂᑉᐸᖏᑦ 18:18 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 20:24

ᐊᑐᕌᒻᓗ ᐊᖓᔪᖅᑳᖑᓚᐅᕐᐳᖅ ᐃᖅᑲᓁᔭᕐᑎᑕᐅᔪᓄᑦ; ᔨᕼᐆᓴᐸᑦᓗ ᐊᕼᐃᓗᑎᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᑎᑎᕋᕐᑕᐅᕙᓪᓕᐊᔪᓄᑦ;

ᐊᑕᓃᑦ ᓯᕗᓪᓖᑦ 4:3

ᐱᖁᔭᓂᒃ ᐃᓕᓯᒪᔪᓄᑦ ᐊᒡᓚᒃᑏᑦ ᐅᑯᐊᖑᕘᒃ: ᐃᓕᕼᐅᕆᑉ ᐊᕼᐂᔭᓗ ᓰᓴᐅᑉ ᐃᕐᓂᖏᒃ. ᐱᕙᓪᓕᐊᔪᓂᒃ ᐊᒡᓚᑎ: ᔨᕼᐆᓴᐸᑦ ᐊᕼᐃᓗᑎᐅᑉ ᐃᕐᓂᖓ.

ᐊᑕᓃᑦ ᐂᑉᐸᖏᑦ 18:26

ᑕᕝᕙ ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓᑕ, ᓯᑉᓇᓗ, ᔪᐊᓗ, ᕌᑉᓴᑭ ᐅᖃᐅᑎᕚᑦ, “ᐊᕋᒤᑎᑐᑦ ᐅᕙᑦᑎᓐᓄᑦ ᐅᖃᓪᓚᒋᐊᖃᕐᐳᓯ ᑐᑭᓯᐊᒐᑦᑎᒍ; ᕼᐄᐳᕉᑎᑐᑦ ᐅᖃᓪᓚᖏᓪᓗᓯ ᒪᑯᐊ ᐃᓄᐃᑦ ᑐᑭᓯᐊᖕᒪᑕ ᐅᖃᓪᓚᒃᑕᑦᓯᓐᓂᒃ.”

ᐊᑕᓃᑦ ᐂᑉᐸᖏᑦ 18:37

ᑕᕝᕙ ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᑲᒪᔨᒻᒪᕆᐅᔪᖅ, ᓯᑉᓇᓗ ᐊᖓᔪᖅᑳᕐᔪᐊᑉ ᐃᖅᑲᕐᑐᐃᕕᖓᓂ ᑎᑎᕋᕐᑎᒻᒪᕆᐅᔪᖅ ᔪᐊᓗ ᐊᓴᐸᐅᑉ ᐃᕐᓂᖓ ᕼᐃᓯᑬᐊᒧᐊᕐᐳᑦ, ᐊᓐᓄᕌᒥᖕᓂᒃ ᐊᓕᒃᓯᓯᒪᓪᓗᑎᒃ, ᐅᓂᒃᑳᕐᕕᒋᓪᓗᒍᓗ ᕋᑉᓴᑭᐅᑉ ᐅᖃᐅᓯᕆᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 19:2

ᐃᓔᐊᑭᒻ ᐊᖓᔪᖅᑳᖁᑎᓂ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᓯᑉᓇᓗ ᐊᒡᓚᒃᑎᒻᒪᕆᒃ, ᑐᓂᕐᕈᓯᕐᑎᑦᓯᔩᓪᓗ ᐃᓄᑐᖃᐅᓂᖏᑦ, ᑎᓕᕔᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᓮᐊᓯᒧᑦ ᐂᒨᓯᐅᑉ ᐃᕐᓂᖓᓄᐊᖁᓪᓗᒋᑦ ᑖᒃᑯᐊ ᐊᑐᕆᓪᓗᑎᒃ ᐊᓐᓄᕌᓂᒃ ᕿᒃᓵᒃᑐᕐᓯᐅᑎᓂᒃ.

ᑯᕉᓂᑲ ᐂᑉᐸᖏᑦ 34:8

ᐊᖓᔪᖅᑳᖑᓂᖓᑕ ᐊᕐᕌᒍᐃᑦ 18ᖓᓂ, ᓴᓗᒻᒪᕐᓮᓚᐅᕐᑎᓪᓗᒍ ᓄᓇᒥᒃ ᑐᒃᓯᐊᕐᕕᖕᓂᒡᓗ, ᓴᕙᓂ ᐊᔭᓔᐊᐅᑉ ᐃᕐᓂᖓ ᑎᓕᕚ, ᒫ-ᐊᓯᐊᓗ ᐊᐅᓚᑦᓯᔨᐅᔪᖅ ᐃᒡᓗᒐᓴᖕᓂ, ᔪᐊᓗ ᔪᐊᕼᐊᔨᐅᑉ ᐃᕐᓂᖓ ᑎᑎᕋᕐᑎ, ᑖᒃᑯᐊ ᑎᓕᕔᑦ ᐊᑕᓂᐅᑉ ᒎᑎᖓᑕ ᐃᒡᓗᖓ ᐋᖅᑭᒋᐊᕐᑕᐅᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 33:7

ᐃᓛᒃ ᓯᕘᕋᒋᔭᖃᖏᑦᑐᖁᑎᖏᑦ ᐃᑲᔪᕐᑕᐅᔪᒪᓪᓗᑎᒃ ᕿᓄᕗᑦ ᓯᓚᑖᓂ, ᐃᓅᖃᑎᒌᑦᓯᐊᓕᕈᑎᒃᓴᒥᒃ ᐱᓇᓱᐊᕆᐊᕐᑐᕐᑎᑕᐅᓯᒪᔪᑦ ᕿᐊᕐᔪᐊᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 36:22

ᑕᕝᕙ ᐃᓔᐊᑭᒻ, ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨ, ᓯᑉᓇᓗ ᐊᒡᓚᒃᑎ, ᔪᐊᓗ ᐊᓴᐸᐅᑉ ᐃᕐᓂᖓ, ᐊᓐᓄᕌᒥᖕᓂᒃ ᐊᓕᒃᑐᐃᕗᑦ ᕿᒃᓵᖕᓂᕐᒧᑦ, ᕼᐃᓯᑬᐊᒧᓪᓗ ᐂᕗᑦ ᑐᓴᕐᑎᒋᐊᕐᑐᕐᓗᒍ ᐊᓯᕆᐊᒥᐅᑦ ᐊᖓᔪᖅᑳᖁᑎᖏᑦᑕ ᐅᖃᐅᓯᕆᔭᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 36:3

ᐅᐸᒃᑕᐅᓚᐅᕐᐳᖅ; ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨᒻᒪᕆᐅᔪᒧᑦ ᐃᓔᐊᑭᒻᒧᑦ ᕼᐃᓪᑬᐊᐅᑉ ᐃᕐᓂᖓᓄᑦ; ᓯᑉᓇᒧᓪᓗ ᑎᑎᕋᕐᑎᐅᔪᒧᑦ; ᔪᐊᒧᓪᓗ ᐊᓴᐸᐅᑉ ᐃᕐᓂᖓᓄᑦ ᑎᑎᕋᖁᑎᓂᒃ ᑲᒪᔨᒻᒪᕆᐅᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 37:2

ᑎᓕᓯᓪᓗᓂᓗ ᐃᓔᐊᑭᒻᒥᒃ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨᒻᒪᕆᐅᔪᒥᒃ, ᓯᑉᓇᒥᒡᓗ ᑎᑎᕋᕐᑎᐅᔪᒥᒃ, ᑐᓂᕐᕈᓯᕐᑎᑦᓯᔩᓪᓗ ᓯᕗᓕᕐᑎᖏᓐᓂᒃ, ᑖᒃᑯᐊᓗ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᓐᓄᕌᕐᓯᒪᓪᓗᑎᒃ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᓮᐊᓯᒧᑦ ᐂᒨᓯᐅᑉ ᐃᕐᓂᖓᓄᑦ ᐂᕗᑦ.