ᐊᑕᓃᑦ ᐂᑉᐸᖏᑦ 17:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᓴᕆᐊᓕᒥᐅᑦ ᐱᓂᐊᓚᐅᕐᒪᑕ ᐊᑕᓂᐅᑉ ᓈᒻᒪᒋᓐᖏᑕᖏᓐᓂᒃ ᐃᔨᕋᕐᑐᕐᓗᑎᒃ. ᐃᒡᓗᒐᓴᒡᔪᐊᖁᑎᓕᒫᒥᖕᓂᒃ ᒎᑎᓐᖑᐊᒥᖕᓄᑦ ᑐᒃᓯᐊᕐᕕᒃᑕᖃᕐᑎᑦᓯᓚᐅᕐᒪᑕ, ᐃᒡᓗᒐᓴᖏᓐᓂᑦ ᒥᑭᓐᓂᕐᐹᓂᑦ ᐃᒡᓗᒐᓴᒡᔪᐊᑦ ᐊᖏᓂᕐᐹᑦ ᑎᑭᓪᓗᒋᑦ.

ᐊᑕᓃᑦ ᐂᑉᐸᖏᑦ 17:9 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 18:8

ᐱᓕᔅᑍᓂᒥᐅᑦ ᓵᓚᒋᓚᐅᕐᐰᑦ ᓄᓇᓕᖁᑎᖏᓪᓗ ᑎᕐᓕᓈᕐᓗᒋᑦ ᐊᓯᕈᕐᐰᑦ ᓄᓇᓕᖁᑎᖏᑕ ᒥᑭᓐᓂᕐᐹᖏᓐᓂᑦ ᐊᖏᓂᕐᐹᖏᑦ ᑎᑭᓪᓗᒋᑦ, ᒑᓴ ᑎᑭᓪᓗᒍ ᓄᓁᓪᓗ ᖃᓂᒋᔮᓃᑦᑐᑦ ᐱᖃᓯᐅᑎᓪᓗᒋᑦ.

ᔫᐱᐅᑉ ᐊᒡᓚᖏᑦ 31:27

ᑖᒃᑯᓄᖓ ᓯᓔᕐᕆᔭᐅᓂᕐᒧᑦ ᐅᐱᒋᓕᕐᓗᒋᑦ ᐱᓚᐅᕐᓯᒪᓐᖏᓚᖓ, ᐊᒡᒐᒃᑲᓗ ᑯᓂᖃᑦᑕᓕᕐᓗᒋᑦ ᐊᒡᓛᑦ ᑖᒃᑯᓂᖓ ᐅᐱᒍᓱᖕᓂᕐᒧᑦ;

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 29:15

ᑲᑉᐱᐊᓐᓇᒦᒃ ᐃᑎᔪᒥᒃ ᐃᔨᕐᓯᒪᓇᓱᒃᑐᑦ ᐊᑕᓂᕐᒧᑦ ᐃᓱᒪᓕᐅᕈᑎᒋᔭᒥᖕᓂᒃ, ᐱᓂᐊᕐᓂᖏᑦ ᑖᕐᑐᒦᑦᑐᑦ; ᐅᖃᕐᓗᑎᒃ, “ᑭᐊ ᑕᑯᓐᓇᕐᐹᑎᒍᑦ? ᑭᐊᓗ ᖃᐅᔨᒪᕚᑎᒍᑦ?”

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 8:12

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᖃᐅᔨᕖᑦ? ᐃᓴᕆᐊᓕᐅᑉ ᑭᖑᕚᖏᑕ ᓯᕗᓕᕐᑎᖏᑦ ᐃᔨᕋᕐᑐᕐᓗᑎᒃ ᖃᓄᐃᓕᐅᕐᐸᖕᓂᖏᓐᓂᒃ, ᐃᒡᓗᕈᓯᕐᒥ ᐊᑐᓂᑦ ᒎᑎᓐᖑᐊᓂᒃ ᐊᑦᔨᓐᖑᐊᖁᑎᖃᐅᕐᐳᑦ; ᐅᖃᖃᑦᑕᕐᐳᑦ, ‘ᐊᑕᓂᐅᑉ ᑕᑯᓐᓇᓐᖏᓛᑎᒍᑦ, ᐊᑕᓂᐅᑉ ᓄᓇ ᕿᒪᒃᓯᒪᓕᕐᐹ.’”

ᕼᐆᓯᐊᑉ ᐊᒡᓚᖏᑦ 12:11

ᒋᓕᐊᑎᒥ ᐊᔪᕐᑐᓕᓂᕐᑕᖃᕐᐸᑦ ᑕᒪᓐᓇ ᓄᖅᑲᓪᓚᕆᒍᒫᕐᐳᖅ; ᐃᒻᒧᒃᓯᐅᒐᕐᓂᒃ ᒋᐅᓪᒐᐅᓪᒥ. ᑐᓂᕐᕈᓯᕐᕕᖏᑦ ᐅᔭᕋᒃᑎᑐᑦ ᖃᓕᕇᒃᓯᒪᔪᑎᑐᑦ ᑍᒤᑐᐃᓐᓇᕈᒫᕐᐳᑦ ᐱᕈᕐᓰᕕᖕᒥ.”

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 29:25

ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.