ᐊᑕᓃᑦ ᐂᑉᐸᖏᑦ 17:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒪᓕᓕᕐᓗᑎᒃ ᓄᓁᑦ ᑎᑭᑕᖏᑕ ᐃᓄᖏᓐᓄᑦ ᐃᓕᖅᑯᓯᕆᔭᐅᓚᐅᕐᑐᓂᒃ ᒎᑎᐅᑉ ᓯᖏᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖏᑕ ᐃᓕᖅᑯᓯᕐᑖᕆᔭᐅᑎᓯᒪᔭᖏᓐᓄᑦ.

ᐊᑕᓃᑦ ᐂᑉᐸᖏᑦ 17:8 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 12:28

ᐃᓱᒪᒃᓴᕐᓯᐅᓚᐅᕐᓗᓂ, ᒪᕐᕉᖕᓂᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖏᖕᓂᒃ ᓴᓇᕗᖅ ᒎᓘᓪᓗᒋᒃ, ᐃᓄᐃᓗ ᐅᖃᐅᑎᓪᓗᓂᒋᑦ, “ᐊᑯᓂᐅᓗᐊᓕᕐᒪᑦ ᑍᒪᓐᖓᑦ ᔨᕉᓴᓕᒧᐊᖃᑕᕐᓗᓯ ᑐᒃᓯᐊᕆᐊᕐᑐᕐᓗᓯ, ᐃᓕᑦᓯ ᐃᓴᕆᐊᓖᑦ ᐃᓄᖏᑦ ᐅᕝᕙᐅᓇ ᒎᑎᓯ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᖅ!”

ᐊᑕᓃᑦ ᓯᕗᓪᓖᑦ 21:26

ᓇᕐᕈᓇᕐᑐᒻᒪᕆᐊᓗᖕᒥᒃ ᐱᓇᓱᐊᓚᐅᕐᒪᑦ ᒎᑎᓐᖑᐊᓂᒃ ᒪᓕᒃᓴᕐᓗᓂ, ᐊᒧᕅᑎᑦ ᐱᓂᐊᕐᓂᕆᓚᐅᕐᑕᖏᑎᑐᑦ, ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.)

ᐊᑕᓃᑦ ᐂᑉᐸᖏᑦ 16:10

ᐂᕼᐊᔅ ᑕᒫᓯᑰᓯᒧᐊᕋᒥ ᑎᒡᓚᑦ-ᐰᓕᓴᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᑲᑎᓯᔭᕐᑐᕐᓗᓂ, ᑐᓂᕐᕈᓯᕐᕕᒃ ᑕᕝᕙᓃᑦᑐᖅ ᑕᑯᒐᒥᐅᒃ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ ᐊᐅᓪᓚᕐᑎᑦᓯᕗᖅ ᑐᓂᕐᕈᓯᕐᑎᑦᓯᔨᒧᑦ ᔪᕅᐊᒧᑦ ᖃᓄᐃᓕᖓᓂᖓᓂᒃ ᓴᖅᑭᔮᕐᑎᑦᓯᑦᓯᐊᕐᑐᒥᒃ.

ᐊᑕᓃᑦ ᐂᑉᐸᖏᑦ 16:3

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑎᑐᑦ ᐃᓕᖅᑯᓯᖃᑐᐃᓐᓇᓚᐅᕆᕗᖅ ᐊᒡᓛᑦ ᐃᕐᓂᕐᒥᓂᒃ ᑐᓂᕐᕈᓯᓚᐅᕐᐳᖅ ᒎᑎᓐᖑᐊᓄᑦ. ᐊᑕᓂᐅᑉ ᓇᕐᕈᓇᕐᓂᕋᓚᐅᕐᑕᖏᑦ ᐃᓅᖃᑎᒌᒡᔪᐊᓄᑦ ᐊᑐᕐᑕᐅᑎᓪᓗᒋᑦ ᐃᓴᕆᐊᓕᒥᐅᓄᑦ ᓄᓁᕐᑕᐅᓚᐅᕐᑐᑦ ᐃᓄᖏᑕ ᐃᓕᖅᑯᓯᕕᓂᖏᑦ ᓄᓇᒋᔭᐅᖁᔭᐅᔪᒧᑦ ᑎᑭᑉᐸᓕᐊᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 17:19

ᔫᑕᒥᐅᑦᑕᐅᖅ ᒪᓕᑦᓯᐊᕐᓗᑎᒃ ᐃᓅᓚᐅᓐᖏᓚ ᐊᑕᓂᐅᑉ ᒎᑎᖓᑦᑕ ᒪᓕᒃᑕᐅᖁᔭᖏᓐᓂᒃ, ᒪᓕᖃᑕᐅᓯᑐᐃᓐᓇᕐᓂᑰᖕᒥᒐᒥᒃ ᐃᓴᕆᐊᓕᒥᐅᑦ ᐃᓕᖅᑯᓯᕐᑖᕆᓯᒪᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 17:40

ᑭᓯᐊᓂᓕ ᓈᓚᒍᒪᓚᐅᓐᖏᓚᑦ, ᑲᔪᓯᑐᐃᓐᓇᕐᓗᑎᒡᓗ ᐱᐅᓯᕆᔭᑐᖃᕐᒥᖕᓂᒃ.

ᐊᑕᓃᑦ ᐂᑉᐸᖏᑦ 21:2

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᐳᖅ, ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᐅᓪᓚᕐᑎᓚᐅᕐᑕᖏᑕ ᐃᓕᖅᑯᓯᕆᓚᐅᕐᑕᖏᓐᓂᒃ ᓇᕐᕈᓇᕐᑐᓂᒃ ᐱᓂᐊᓚᐅᕐᒪᑕ ᐃᓴᕆᐊᓕᒥᐅᓂᑦ ᓄᓁᑕᐅᓚᕐᑐᓂᒃ.

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᔨᕆᒤᐊᐅᑉ ᐊᒡᓚᖏᑦ 10:2

ᐊᑕᓂᖅ ᐃᒫᒃ ᐅᖃᕐᐳᖅ: “ᐊᓯᑦᓯ ᐃᓕᖅᑯᓯᖏᓐᓂᒃ ᒪᓕᒐᓱᐊᕐᑍᓕᒋᑦᓯ ᑲᑉᐱᐊᓱᒃᑍᓕᒋᑦᓯᓗ ᓇᓗᓁᒃᑯᑕᕐᓂᒃ ᕿᓚᖕᒥ ᓴᖅᑭᑦᑐᖃᕐᐸᑦ, ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᑲᑉᐱᐊᒋᔭᐅᒐᓗᐊᕐᐸᑕ.

ᐃᓯᑭᐊᓕᐅᑉ ᐊᒡᓚᖏᑦ 5:6

ᔨᕉᓴᓕᒥᐅᓪᓗ ᐊᔪᕐᑐᓕᓪᓗᑎᒃ ᐱᖁᔭᓐᓂᒃ ᐊᑭᕋᕐᑐᓕᓚᐅᕐᐳᑦ ᐱᓂᕐᓴᐅᓕᕐᓗᑎᒃ ᐃᓅᖃᑎᒌᒡᔪᐊᓕᒫᓂᑦ, ᓈᓚᒍᓐᓇᖏᓐᓂᕐᓴᐅᓪᓗᑎᒡᓗ ᒪᓕᒃᑕᐅᖁᔭᓐᓂᒃ ᓄᓇᓕᒡᔪᐊᓂᑦ ᐊᕙᑖᓃᑦᑐᓂᑦ, ᔨᕉᓴᓕᒥᐅᑦ ᐱᖁᔭᓐᓂᒃ ᖁᔭᓈᕐᓯᓚᐅᕐᐳᑦ ᒪᓕᒍᒪᓇᑎᒡᓗ ᒪᓕᒃᑕᐅᖁᔭᓐᓂᒃ.

ᕼᐆᓯᐊᑉ ᐊᒡᓚᖏᑦ 5:11

ᐃᕗᕅᒥ ᐊᒃᓱᕈᕐᓇᕐᑐᒃᑰᓕᕐᐳᖅ; ᓄᓇᖁᑎᒋᓚᐅᕐᑕᒥᓂᒃ ᐊᓯᐅᔨᖕᒪᑦ, ᐱᓇᓱᐊᕋᓱᓚᐅᕐᒪᑕ ᐊᑑᑎᖃᖏᑦᑐᓄᑦ.

ᒨᓯᓯ ᐱᖓᔪᖏᑦ 18:3

ᐄᑦᔨᑉᑎᒥᐅᑦ ᐱᐅᓯᖏᑦ ᒪᓕᖕᓂᐊᕋᓯᒋᒃ, ᑍᒃᑯᐊ ᓄᓇᖃᑎᒋᓚᐅᕐᑕᑦᓯ, ᑬᓇᓂᒥᐅᓪᓗ ᐱᐅᓯᖏᑦ ᒪᓕᖕᓂᐊᕋᓯᒋᒃ ᑍᒃᑯᐊ ᓄᓇᖓᓐᓄᑦ ᐱᑎᓐᓂᐊᕋᑦᓯ, ᐱᐅᓯᖏᓐᓂᒃ ᒪᓕᒃᓴᕐᓂᐊᕋᓯ.

ᒨᓯᓯ ᐱᖓᔪᖏᑦ 26:1

“ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᕐᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᕐᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᒤᑲᐅᑉ ᐊᒡᓚᖏᑦ 6:16

ᐊᖓᔪᖅᑳᕐᔪᐊᑉ ᐅᒻᕆᐅᑉ ᒪᓕᖓᖏᓐᓂᒃ ᒪᓕᒃᑲᑦᓯ, ᐂᕼᐊᑉᓗ ᐱᓂᐊᕐᓂᖏᓐᓂᒃ ᐱᐅᖏᑦᑐᓂᒃ ᒪᓕᒃᓗᓯ; ᑍᒃᑯᐊ ᐱᐅᓯᖏᓐᓂᒃ ᐱᐅᓯᖃᕋᑦᓯ; ᑍᒤᒻᒪᑦ ᐃᓂᓕᐅᕈᒫᕐᐳᓯ ᓄᓇᖅᑲᑎᓯ ᒥᑕᐅᑎᒃᓴᐅᓕᕐᓗᑎᒃ, ᐃᓅᖃᑎᒌᒡᔪᐊᓄᓪᓗ ᒥᑕᐅᑎᒋᔭᐅᓂᓯ ᐊᑐᓕᕐᓗᒍ.”

ᒨᓯᓯ ᑕᓪᓕᒪᖏᑦ 18:9

“ᓄᓇᒧᓪᓕ ᑎᑭᒃᑯᑦᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ, ᑕᒫᓂ ᓄᓇᓖᑦ ᐃᓅᖃᑎᒌᒡᔪᐊᑦ ᐊᑐᕐᐸᒃᑕᖏᓐᓂᒃ ᒎᑎᒧᑦ ᓇᕐᕈᓇᕐᑐᓂᒃ ᒪᓕᒃᓴᕐᑐᒃᓴᐅᓐᖏᓚᓯ.