ᐊᑕᓃᑦ ᐂᑉᐸᖏᑦ 17:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 17:6 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 10:2

ᔮᐱᑎᐅᑉ ᐃᕐᓂᖏᑦ ᐅᑯᐊᖑᕗᑦ; ᒎᒪᕐ, ᒪᒑᒡ, ᒪᑍ, ᔭᕚᓐ, ᑐᐸᐅᓪ, ᒥᓯᑭ, ᑍᕋᓯᓗ.

ᐊᑕᓃᑦ ᓯᕗᓪᓖᑦ 8:46

“ᐃᓄᖁᑎᑎᑦ ᐊᔪᕐᑐᓕᒃᐸᑕ ᐃᓕᖕᓄᑦ ᐃᓄᒃᑕᖃᖏᒻᒪᑦ ᐊᔪᕐᑐᓕᓱᐃᑦᑐᒥᒃ, ᓂᓐᖓᒡᕕᒋᓯᒪᒍᕕᒋᑦ, ᓴᓚᒋᔭᐅᑎᒃᑯᕕᒋᓪᓗ ᐊᑭᕋᖏᓐᓄᑦ, ᐊᐅᓪᓚᕈᑦᔭᐅᑎᒃᑯᕕᒋᓪᓗ ᑎᒍᔭᐅᓗᑎᒃ ᐊᑭᕋᒥ ᓄᓇᖓᓄᑦ, ᖃᓂᑦᑐᒧᑦ ᐅᖓᓯᒃᑐᒧᓪᓘᓐᓃᑦ;

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᐊᑕᓃᑦ ᐂᑉᐸᖏᑦ 18:34

ᓇᐅᒃ ᑍᒪ ᕼᐊᒫᑎᒃᑯᑦ ᐋᕐᐹᒃᑯᓪᓗ ᒎᑎᖓᑦ? ᓇᐅᒃᑍᒪ ᓯᑉᕼᐊᕋᕔᒻᑯᑦ, ᕼᐄᓇᒃᑯᑦ, ᐂᐅᐊᒃᑯᓪᓗ ᒎᑎᖏᑦ, ᓴᒥᐊᕆᐊᕐᒥᐅᓪᓗ ᓴᐳᑎᔭᐅᔪᑦ ᖃᐅᔨᓚᐅᕐᐱᓯᐅᒃ?

ᐊᑕᓃᑦ ᐂᑉᐸᖏᑦ 19:12

ᓯᕗᓕᒃᑲ ᐊᓯᕈᐃᖃᑦᑕᕐᓯᒪᕗᑦ ᒎᔭᓂᒥᐅᓂᒃ, ᕼᐊᕋᓐᒥᐅᓂᒃ, ᕇᔨᑉᒥᐅᓂᒃ, ᑐᖁᕅᓯᒪᓪᓗᑎᒡᓗ ᐱᐊᔅᓰᑕᒥᐅᓂᒃ ᑎᓚᓵᒥ ᓄᓇᖃᕐᑐᓂᒃ ᐃᓅᖃᑎᒌᒡᔪᐊᑦ ᓇᓪᓕᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᓚᐅᓐᖏᓚᑦ.

ᐊᑕᓃᑦ ᐂᑉᐸᖏᑦ 21:13

ᔨᕉᓴᓕᒥᐅᑦ ᓱᒋᐊᕈᒫᕐᐸᒃᑲ ᓴᒥᐊᕆᐊᒥᐅᓂᒃ ᓱᒋᐊᕐᓯᓚᐅᕐᓂᑦᑐᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᑦ ᐂᕼᐊᑉ ᑭᖑᕚᖏᓪᓗ ᐊᑕᕆᓇᒋᑦ ᓱᒋᐊᕐᓯᓚᐅᕐᓂᑦᑐᑦ. ᔨᕉᓴᓕᒻ ᐊᓪᓚᕐᑎᕈᒪᕙᕋ, ᓂᕐᕆᑏᑦ ᐊᓪᓚᕐᑎᕐᑕᐅᓪᓗᓂ ᓴᓗᒻᒪᕐᑕᐅᕙᖕᓂᖓᑐᑦ ᓴᓗᒻᒪᕐᑕᐅᔭᕇᕋᒥ ᐳᓯᑎᑕᐅᔪᑎᑐᑦ.

ᑯᕉᓂᑲ ᓯᕗᓪᓖᑦ 5:22

ᐅᓄᕐᑐᑦ ᑐᖁᑕᐅᓚᐅᕐᐳᑦ, ᐅᓇᑕᕐᓂᖅ ᒎᑎᐅᑉ ᐅᓇᑕᕐᓂᕆᓚᐅᕐᒪᒍ. ᓄᓇᖅᑲᓕᓚᐅᕐᐳᓪᓗ ᓄᓇᕕᓂᖏᓐᓂ ᐊᐅᓪᓚᐅᑦᔭᐅᓂᖏᓐᓄᑦ ᑎᑭᓪᓗᑎᒃ.

ᑯᕉᓂᑲ ᓯᕗᓪᓖᑦ 5:26

ᑕᕝᕙ ᐃᓴᕆᐊᓕᐅᑉ ᒎᑎᖓᑕ ᐊᓯᕆᐊᑉ ᐊᖓᔪᖅᑳᕐᔪᐊᖓᑕ ᐴᓕᐅᑉ ᐊᓂᕐᓂᖓ ᐊᐅᓚᑎᓕᕐᐹ, ᑖᓐᓇ ᑍᔭᐅᕙᖕᒥᔪᖅ ᑎᓪᒐᑦ-ᐱᓪᓂᓯᕆᒥᒃ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᒃ, ᑖᑦᓱᒪ ᐊᐅᓪᓚᐅᑎᓚᐅᕐᐰᑦ, ᑖᒃᑯᐊ ᕉᐱᓂᒥᐅᑦ, ᒑᑎᒥᐅᑦ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ, ᕼᐋᓚᒧᐊᕈᑎᓪᓗᒋᑦ, ᕼᐂᐸᒧᑦ, ᕼᐊᕋᒧᑦ, ᒎᔭᓂᐅᓪᓗ ᑰᖓᓄᑦ, ᑍᑲᓂᒥᐅᖑᓕᕐᐳᓪᓗ ᐅᓪᓗᒥᒧᑦ ᑎᑭᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 6:2

ᐊᒃᐸᑖᓇᐅᑉ ᐃᒡᓗᒐᓴᖏᓐᓂ ᓄᓇᓖᑦ ᐊᕕᒃᑐᕐᓯᒪᓂᖏᓐᓂ ᒥᑎᐊᒦᑦᑐᒥ ᑎᑎᕋᕐᓯᒪᔪᑦ ᓇᓂᔭᐅᓚᐅᕐᐳᑦ ᐃᒤᓕᔪᑦ:

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᐂᓮᐊᓯᐅᑉ ᐊᒡᓚᖏᑦ 10:9

ᑳᓪᓄ ᑳᕐᓯᒥᓯᑐᑦ ᑍᒤᓐᖏᓛᖅ? ᕼᐊᒫᑎ ᐋᕐᐹᑎᑐᑦ ᑍᒤᓐᖏᓛᖅ? ᓴᒥᐊᕆᐊ ᑕᒫᓯᑰᓯᑐᑦ ᑍᒤᓐᖏᓛᖅ?

ᐂᓮᐊᓯᐅᑉ ᐊᒡᓚᖏᑦ 13:17

“ᑕᑯᒋᑦ, ᒥᑏᔅᒥᐅᓂᒃ ᑲᔪᖏᕐᓮᓕᕐᐳᖓ ᑖᒃᑯᓂᖓ ᐅᓇᑕᕆᐊᕈᒪᓕᖁᓪᓗᒋᑦ. ᓯᐅᓪᕕᕆᒥᒃ ᓱᓇᐅᔪᕆᒃᓯᖏᑦᑐᓂᒃ ᒎᓗᒥᒡᓗ ᖁᕕᐊᒋᔭᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 17:4

ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᔧᑰᑉ ᑭᖑᕚᖏᑦ ᓂᕐᑐᕐᓇᕈᓐᓃᕐᑎᑕᐅᔪᒫᕐᐳᑦ, ᐅᕕᓂᖏᑕ ᖁᐃᓂᓂᖓ ᓴᓗᒃᑎᑎᑕᐅᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 21:2

ᑕᑯᑎᑕᐅᓚᐅᕐᐳᖓ ᐃᓕᕋᓇᕐᑐᓂᒃ ᐃᒫᒃ ᐅᖃᐅᑎᔭᐅᓪᓗᖓ; ᐱᒋᔭᕕᓂᕐᓂᒃ ᑎᒎᖅᑬᔪᖅ ᑎᒎᖅᑬᓕᕐᐳᖅ, ᑐᖁᕅᔪᕐᓗ ᑐᖁᕅᓕᕐᐳᖅ, ᐃᓛᒻᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᓕᕆᑦᓯ, ᒥᑎᐊᒥᐅᓪᓗ ᐅᓇᑕᕐᑐᒃᓴᖏᑦ ᐊᕙᑕᖏᕐᓯᓕᕆᑦᓯ ᐃᒡᓗᒐᓴᒡᔪᐊᓂᒃ; ᐹᐱᓘᓂᒥᐅᑦ ᐃᓄᖕᓂᒃ ᐊᓂᕐᓴᐅᒥᑎᑦᓯᓂᖓᑦ ᐃᓱᓕᑎᑦᓱᒪᓕᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 36:17

ᐊᐅᓪᓚᕈᑎᓂᐊᕐᐸᑦᓯ ᓇᖕᒥᓂᖅ ᓄᓇᒋᓂᐊᕐᑕᑦᓯᓐᓄᑦ, ᑖᓐᓇ ᓄᓇᑖᕆᓂᐊᕐᑕᓯ ᓄᓇᑦᓯ ᐊᑦᔨᑐᐃᓐᓇᕆᖕᒪᒍ, ᐱᕈᕐᕕᐅᔪᓐᓇᕐᑐᖅ ᓂᐊᖂᔭᒃᓴᓂᒃ ᕔᓂᒃᓮᓪᓗ ᐸᐅᕐᖓᖏᓐᓂᒃ, ᓂᐊᖂᔭᒃᓴᓕᒃ ᕔᓂᒃᓴᖃᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 36:19

ᓇᐅᒃ ᑍᒪ ᕼᐊᒫᑎᒥᐅᑦ ᒎᑎᖓᑦ, ᐋᕐᐹᑦᒥᐅᓪᓗ, ᓇᐅᒡᓕ ᓯᑉᕼᐊᕋᕔᒥᐅᓪᓗ ᒎᑎᖓᑦ, ᓴᒥᐊᕆᐊᒥᐅᑦ ᓴᐳᑦᔨᔨᒃᓴᖃᓚᐅᕐᐹᑦ?

ᐂᓮᐊᓯᐅᑉ ᐊᒡᓚᖏᑦ 37:18

ᓱᓕᓪᓗᓂ ᐊᑕᓃᖅ, ᖃᐅᔨᒪᔪᐃᓐᓇᐅᕗᒍᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑦ ᓄᖑᕅᖃᑦᑕᕐᓯᒪᖕᒪᑕ ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᓄᓇᖁᑎᖏᓐᓂᒡᓗ ᓱᒃᑯᑎᕆᖃᑦᑕᕐᓯᒪᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 8:4

ᑖᓐᓇ ᓄᑲᑉᐱᐊᖅ ᐊᓈᓈᕈᓐᓇᕐᓯᓚᐅᕐᑎᓐᓇᒍ ᐊᑖᑖᕈᓐᓇᕐᓯᓚᐅᕐᑎᓐᓇᒍᓗ ᓱᓕ, ᑕᒫᓯᑰᓯᒥᐅᑦ ᐊᔪᕐᓴᖏᑦᔪᑎᖏᑦ ᓴᒥᐊᕆᐊᕐᒥᐅᓪᓗ ᓵᓚᒃᓴᕈᑎᒋᓯᒪᔭᖏᑦ ᐊᐅᓪᓚᕈᑦᔭᐅᔪᒫᕐᐳᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 50:17

“ᐃᓴᕆᐊᓕᒥᐅᑦ ᓰᐱᑎᑐᑦ ᓯᐊᒻᒪᕐᓯᒪᕗᑦ ᓛᔭᓄᑦ ᒪᓕᑲᑕᒃᑕᐅᔪᑎᑐᑦ, ᓯᕗᓪᓕᕐᐹᖑᓪᓗᑎᒃ ᑖᒃᑯᓂᖓ ᑎᒍᓯᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᑭᖑᓪᓕᕐᐹᖑᓪᓗᓂ ᓴᐅᓂᖅᑯᑦᑍᔪᑎᑐᑦ ᑍᒤᑦᑑᓯᒪᕗᖅ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ.

ᑖᓂᐊᓕᐅᑉ ᐊᒡᓚᖏᑦ 5:28

ᐹᕐᓯᓐ: ᐊᖓᔪᖅᑲᐅᕖᑦ ᐊᕕᒃᑕᐅᓯᒪᕗᖅ, ᑐᓂᔭᐅᓯᒪᓪᓗᓂᓗ ᒥᑎᐊᒥᐅᓄᑦ ᐴᕐᓯᐊᒥᐅᓄᓪᓗ.”

ᕼᐆᓯᐊᑉ ᐊᒡᓚᖏᑦ 1:4

ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ᔨᔭᕆᐅᓪᒥᒃ; ᐊᑯᓂᐅᑦᔮᔪᓐᓁᕐᒪᑦ, ᓱᒋᐊᕐᓯᓂᕆᓂᐊᕐᑕᕋ ᔨᕼᐆᑉ ᑭᖑᕚᖏᓐᓂᒃ ᔨᔭᕆᐅᑉ ᑐᖁᕋᕐᑕᐅᓯᒪᓂᖓᓄᑦ, ᐃᓴᕆᐊᓕᒥ ᐊᖓᔪᖅᑳᕐᔪᐊᖃᕐᓂᖅ ᓄᖅᑲᕐᑎᓐᓂᐊᓕᕋᒃᑯ.

ᕼᐆᓯᐊᑉ ᐊᒡᓚᖏᑦ 1:6

ᒎᒪᓗ ᕿᑐᕐᖓᕐᑖᒃᑲᓐᓂᕐᐳᖅ ᐸᓂᒃᑖᕐᓗᓂᓗ. ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᕈᕼᐊᒪᒥᒃ,’ ᓂᑲᒋᓂᐊᕈᓐᓃᕋᒃᑭᑦ ᐃᓴᕆᐊᓕᒥᐅᑦ ᑭᖑᕚᖏᑦ, ᐃᓱᒪᒋᔪᓐᓁᕐᕕᒋᓂᐊᕈᓐᓃᕐᓗᒋᓪᓗ.

ᕼᐆᓯᐊᑉ ᐊᒡᓚᖏᑦ 1:9

ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᐋᒥᒥᒃ,’ ᐃᓴᕆᐊᓕᒥᐅᑦ ᐃᓄᖁᑎᒋᖏᓐᓇᒃᑭᑦ ᑖᒃᑯᓄᖓᓗ ᒎᑎᒋᔭᐅᓇᖓ.”

ᕼᐆᓯᐊᑉ ᐊᒡᓚᖏᑦ 13:16

ᓴᒥᐊᕆᐊᑉ ᐸᓯᔭᒃᓴᐅᓂᓂ ᓇᖕᒪᒃᑕᒃᓴᕆᕚ, ᐊᑭᕋᕐᑐᓕᓚᐅᕐᒪᑦ ᒎᑎᒥᓂᒃ; ᐅᕐᕈᑎᑕᐅᔪᒫᕐᐳᑦ ᓴᕕᒡᔪᐊᒧᑦ, ᐊᕐᓁᓪᓗ ᓄᑕᕋᖏᑦ ᓄᓇᒧᑦ ᐃᒋᐅᖅᑲᕐᑕᐅᔪᒫᕐᐳᑦ, ᐊᕐᓁᓪᓗ ᓄᑕᕋᒃᓴᓖᑦ ᐱᓚᒃᑕᐅᔪᒫᕐᐳᑦ ᓰᒃᑕᐅᓗᑎᒃ.”

ᕼᐆᓯᐊᑉ ᐊᒡᓚᖏᑦ 8:8

ᐃᓴᕆᐊᓕ ᐄᔭᐅᓯᒪᕗᖅ; ᒫᓐᓇ ᐃᓅᖃᑎᒌᒡᔪᐊᓃᓕᕐᒪᑕ ᐴᒍᑕᕐᑎᑐᑦ ᐊᑑᑎᖃᖏᑦᑐᑎᑐᑦ ᑍᒤᓕᕐᐳᑦ.

ᕼᐆᓯᐊᑉ ᐊᒡᓚᖏᑦ 9:3

ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.

ᒨᓯᓯ ᐱᖓᔪᖏᑦ 26:38

ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᑕᐅᓯᒪᓗᓯ ᑐᖁᔪᒫᕐᐳᓯ, ᐊᑭᕋᑦᓯ ᓄᓇᖏᓐᓂᑦ ᐅᒋᐊᕐᑕᐅᔪᒫᕐᐳᓯ.

ᐂᒨᓯᐅᑉ ᐊᒡᓚᖏᑦ 5:27

ᑍᒤᒻᒪᑦ ᐊᐅᓪᓚᕈᑎᔪᒫᓕᕐᐸᑦᓯ ᑕᒫᓯᑰᓯᐅᑉ ᐅᖓᑖᓄᑦ,” ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᐊᑎᖃᕐᑐᖅ.

ᐂᒨᓯᐅᑉ ᐊᒡᓚᖏᑦ 7:17

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: ‘ᓄᓕᐊᑦ ᐊᖑᑎᓄᑦ ᐊᑐᒐᐅᓂᐊᓕᕐᐳᖅ ᐃᒡᓗᒐᓴᖕᓂ, ᐃᕐᓂᑎᓪᓗ ᐸᓂᑎᓪᓗ ᑐᖁᑕᐅᔪᒫᕐᐳᑦ ᓴᕕᒡᔪᐊᒧᑦ, ᓄᓇᖁᑏᑦ ᐊᕕᒃᑐᕐᑕᐅᔪᒫᕐᐳᖅ ᐆᒃᑐᕋᐅᑏᑦ ᐊᑐᕐᓗᒋᑦ; ᑐᖁᑕᐅᔪᒫᕐᐳᑎᓪᓗ ᓄᓇᒥ ᐃᑦᔪᕐᓇᕐᓂᕋᕐᑕᐅᔪᒥ, ᐃᓴᕆᐊᓕᒥᐅᓪᓗ ᐊᐅᓪᓚᕈᑦᔭᐅᓪᓚᕆᒍᒫᕐᐳᑦ ᑎᒍᔭᐅᓗᑎᒃ ᓄᓇᒥᖕᓂᑦ.’”

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 30:18

ᓇᓗᓁᕐᓯᕕᒋᕙᑦᓯ ᑕᕝᕙ ᐅᓪᓗᒥ, ᓄᖑᑎᑕᐅᔪᒫᕐᐳᓯ; ᐊᑯᓂᐅᖏᑦᑐᖅ ᐃᓅᔪᒫᕐᐳᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓄᓇᖁᑎᑖᕆᔭᕐᑐᕐᑕᑦᓯᓐᓂ.