ᐊᑕᓃᑦ ᐂᑉᐸᖏᑦ 17:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐊᑕᓂᖅ ᓯᕘᕋᒋᓯᐅᒃ, ᑖᑦᓱᒪ ᐊᐅᓪᓚᕐᑎᓚᐅᕐᒪᓯ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᒥᓄᑦ ᑕᓕᕐᒥᓄᓪᓗ ᐃᓵᖓᔫᖕᓄᑦ, ᑖᓐᓇ ᓯᕘᕋᒋᓯᐅᒃ, ᐹᒻᒪᒃᑎᕐᕕᒋᓯᐅᒃ ᑐᒃᓯᐊᕐᕕᒋᓗᒍᓗ, ᑖᑦᓱᒧᖓᓗ ᑐᓂᕐᕈᓯᕐᓗᓯ.

ᐊᑕᓃᑦ ᐂᑉᐸᖏᑦ 17:36 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᑕᓪᓕᒪᖏᑦ 6:13

ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᒨᓯᓯ ᐱᖓᔪᖏᑦ 19:32

“ᐃᓄᑐᕾᑦ ᐅᐱᒋᑦᓯᐊᕐᓯᐅᒃ, ᐃᓐᓇᑐᕾᓪᓗ ᑲᒪᒋᑦᓯᐊᕐᓗᒋᑦ, ᒎᑎᓯ ᓯᕘᕋᒋᓗᒍ. ᐅᕙᖓ ᐊᑕᓂᐅᒐᒪ.

ᒨᓯᓯ ᐂᑉᐸᖏᑦ 9:15

ᒫᓐᓇᒧᑦ ᑎᑭᓪᓗᒍ ᓱᒋᐊᕋᓱᐊᕋᔭᓚᐅᕈᒃᑭᑦ ᐃᓄᖁᑎᑎᓪᓗ ᐋᓐᓂᐊᓇᕐᑐᒧᑦ, ᑕᕝᕙ ᒫᓐᓇ ᑕᒫᓐᖓᑦ ᓄᓇᒥᑦ ᐲᕐᑕᐅᓯᒪᔪᑐᖃᐅᓕᕋᔭᕐᐳᑎᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:30

ᐱᔪᓐᓇᕐᓃᑦ ᓴᖅᑭᑎᓚᐅᕈᒃ ᐋᖅᑮᖃᑦᑕᕐᓂᒃᑯᑦ, ᑲᒪᓇᕐᑐᓕᓂᕐᓂᒃ ᓇᓗᓁᒃᑯᑕᕐᓂᒡᓗ ᐱᔪᖃᖁᓪᓗᒍ ᐱᔨᕕᑦ ᐃᑦᔪᕐᓁᑦᑑᑉ ᔩᓱᓯᐅᑉ ᐊᑎᖓᒍᑦ.”

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᔨᕆᒤᐊᐅᑉ ᐊᒡᓚᖏᑦ 32:21

ᐃᓄᖁᑎᑎᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᕕᒋᑦ ᓇᓗᓁᒃᑯᑕᒃᑯᑦ ᑲᒪᓇᕐᑐᓪᓗ ᐊᑐᕐᓗᒋᑦ. ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ ᑲᑉᐱᐊᓇᕐᑐᒃᑯᑦ.

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 5:15

ᐃᖅᑲᐅᒪᓚᐅᕆᑦᓯ ᓯᐊᓛᕆᔭᐅᓚᐅᕐᓂᑦᓯᓐᓂᒃ ᓄᓇᒥ ᐄᑦᔨᑉᑎᒥ, ᐅᕙᖓᓗ, ᐊᑕᓂᖅ ᒎᑎᒋᔭᓯ ᐃᓕᑦᓯᓐᓂᒃ ᓴᐳᑦᔨᓚᐅᕐᐳᖓ ᐱᔪᓐᓇᕐᓂᕐᔪᐊᓐᓄᑦ ᓴᓐᖏᓂᕐᔪᐊᓐᓄᓪᓗ. ᑍᒤᒻᒪᑦ ᑕᕝᕙ ᑲᒪᑦᓯᐊᖁᓪᓗᓯ ᐱᖁᕙᑦᓯ ᐅᓪᓗᒥᒃ ᓴᐸᑎᒥᒃ.

ᒨᓯᓯ ᐂᑉᐸᖏᑦ 14:15

ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ, “ᓱᖕᒪᑦ ᐃᓗᖏᕐᑐᕐᓗᓯ ᕿᓄᕕᓰ ᐃᑲᔪᕐᑕᐅᔪᒪᓪᓗᓯ? ᐃᓴᕆᐊᓕᒥᐅᑦ ᓯᕗᒧᑦ ᐃᖏᕐᕋᖁᓕᒃᑭᑦ.

ᐃᓐᖏᕈᑎᑦ 136:12

ᐊᒡᒐᖕᒥᓄᑦ ᓲᖑᔪᓄᑦ, ᑕᓕᕐᒥᓄᓪᓗ ᐃᓴᒻᒥᔪᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᐊᑕᓃᑦ ᓯᕗᓪᓖᑦ 8:42

ᑐᓴᕈᒫᕐᒪᑕ ᐊᑎᕐᐱᑦ ᐱᓪᓚᕆᐊᓘᓂᖓᓂᒃ, ᐊᔪᒐᖃᖏᑦᑐᐊᓘᓂᕐᓂᒡᓗ, ᐱᓇᓱᐊᕈᓐᓇᕐᓂᕐᓂᒡᓗ, ᑎᑭᓪᓗᑎᒃ ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ,

ᐊᑕᓃᑦ ᐂᑉᐸᖏᑦ 17:39

ᐃᒫᖔᕐᓕ ᐊᑕᓂᖅ ᒎᑎᓯ ᓯᕘᕋᒋᓗᒍ ᑐᒃᓯᐊᕐᕕᒋᔭᒃᓴᕆᕙᓯ, ᑖᑦᓱᒪ ᑕᕝᕙ ᐊᑭᕋᕐᑐᕐᑎᓕᒫᑦᓯᓐᓂᑦ ᐱᐅᓕᓂᐊᕐᐹᓯ.”