ᐊᑕᓃᑦ ᐂᑉᐸᖏᑦ 17:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᐊᑕᓂᐅᑉ ᐊᖏᖃᑎᒌᖕᓂᕐᒥᒃ ᐋᖅᑭᒃᓯᖃᑎᒋᓚᐅᕐᒪᒋᑦ ᐅᖃᐅᑎᓪᓗᓂᒋᓪᓗ: “ᒎᑎᒥᒃ ᐊᓯᓐᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐹᒻᒪᒃᑎᕐᕕᒋᓗᒋᑦ ᐱᔨᑦᓯᕐᑕᒃᓴᕆᓐᖏᓚᓯ ᑐᓂᕐᕈᓯᕐᕕᒋᓇᒋᓪᓘᓐᓃᑦ.

ᐊᑕᓃᑦ ᐂᑉᐸᖏᑦ 17:35 ပူးပေါင်းရင်းမြစ်များ

ᐃᓗᐊᕐᓮᔩᑦ ᐊᒡᓚᖏᑦ 6:10

ᐅᖃᐅᑎᓚᐅᕐᐸᑦᓯ, ‘ᐅᕙᖓ ᐊᑕᓂᐅᕗᖓ ᒎᑎᓯ; ᐊᒧᕅᑎᑦ ᒎᑎᖏᓐᓂᒃ, ᐅᐱᒋᔭᖃᓕᕐᑐᒃᓴᐅᓐᖏᓚᓯ ᑖᒃᑯᐊ ᓄᓇᖏᓐᓂ ᒫᓐᓇ ᓄᓇᖃᓕᕐᑐᓯ.’ ᑭᓯᐊᓂᓕ ᓂᐱᓐᓂᒃ ᑐᓴᕐᑑᔮᓚᐅᓐᖏᓚᓯ.”

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”

ᔮᓱᐊᑉ ᐊᒡᓚᖏᑦ 23:7

ᐃᓅᖃᑎᒌᒡᔪᐊᓂᓗ ᐊᒥᐊᒃᑰᓯᒪᔪᓂᒃ ᐂᑉᐸᕐᑖᕐᑐᒃᓴᐅᓐᖏᓚᓯ, ᐅᖃᐅᓯᕆᑦᑍᓕᓗᒋᓪᓗ ᒎᑎᖏᑕ ᐊᑎᖏᑦ, ᐊᑎᖏᓪᓘᓐᓃᑦ ᐊᖏᕈᑎᒋᓂᐊᕋᓯᐅᒃ, ᒎᑎᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᐹᒻᒪᒡᕕᒋᓂᐊᕐᓇᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 10:5

ᐱᕈᕐᓰᕕᖕᒥ ᑎᖕᒥᐊᓄᑦ ᑲᑉᐱᐊᓵᕆᑦᔪᑎᑎᑐᑦ ᑍᒤᑉᐳᑦ, ᒎᑎᒋᔭᐅᒐᓗᐊᕐᓗᑎᒃ ᐅᖃᕈᓐᓇᓐᖏᓚᑦ, ᐊᒡᔭᒐᑐᐃᓐᓇᐅᕗᑦ ᐱᓱᒍᓐᓇᖏᒻᒪᑕ; ᑲᑉᐱᐊᒋᑦᑍᓕᓯᐅᒃ ᐱᐅᖏᑦᑐᓕᔪᓐᓇᖏᒻᒪᑕ ᐱᐅᔪᒥᒡᓗ ᐱᓂᐊᕐᓂᖃᕋᑎᒃ.”

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᒨᓯᓯ ᐂᑉᐸᖏᑦ 20:3

“ᐊᓯᓐᓂᒃ ᒎᑎᖃᕐᑐᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 5:9

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᖀᒥᒍᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 25:6

ᒎᑎᓐᖑᐊᓄᑦ ᓴᖑᕕᖃᕐᑍᓕᓗᓯ ᑭᒡᒐᕐᑐᕈᒪᓗᒋᑦ ᑐᒃᓯᐊᕐᕕᒋᖃᑦᑕᕈᒪᓗᒋᓪᓘᓐᓃᑦ, ᓂᓐᖓᒃᓴᕐᑍᓕᓯᓐᖓ ᓴᓇᔭᕕᓂᑦᓯᓐᓄᑦ ᑕᕝᕙ ᐊᓯᕈᕐᑕᐅᓇᕐᑐᒧᑦ ᓱᒋᐊᕐᓂᐊᓐᖏᓚᑦᓯ.’

ᒨᓯᓯ ᑕᓪᓕᒪᖏᑦ 5:2

ᖃᖅᑲᒥ ᕼᐆᕆᑉᒥ ᐊᑕᓂᖅ ᒎᑎᕗᑦ ᐊᖏᖃᑎᒌᒍᑎᖃᓚᐅᕐᐳᖅ,

ᒨᓯᓯ ᑕᓪᓕᒪᖏᑦ 6:14

ᒎᑎᒋᔭᐅᔪᓂᒃ ᑖᑦᓱᒪ ᐊᓯᐊᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᓇᓪᓕᐊᓐᓂᒡᓘᓐᓃᑦ ᖃᓂᒋᔭᑦᓯᓐᓂ ᓄᓇᖃᕐᑐᓄᑦ ᒎᑎᒋᔭᐅᔪᓂᒃ.