ᐊᑕᓃᑦ ᐂᑉᐸᖏᑦ 17:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑖᒃᑯᐊ ᑐᒃᓯᐊᕐᐸᒃᑲᓗᐊᕐᓗᑎᒃ ᐊᑕᓂᕐᒧᑦ, ᓂᕈᐊᕐᓯᓯᒪᖃᑦᑕᓚᐅᕐᐳᑦ ᑐᓂᕐᕈᓯᕐᑎᑦᓯᔨᐅᖁᔭᒥᖕᓂᒃ ᐃᓄᑐᐃᓐᓇᕐᓂᑦ ᐱᓯᒪᔪᓂᒃ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᓂ ᑐᓂᕐᕈᓯᕐᑎᑦᓯᔨᐅᓂᐊᕐᑐᓂᒃ ᑐᒃᓯᐊᓕᕌᖓᑕ.

ᐊᑕᓃᑦ ᐂᑉᐸᖏᑦ 17:32 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 12:31

ᔨᕈᐳᐊᒻ ᑐᒃᓯᐊᕐᕕᓕᐅᕐᑎᑦᓯᕗᖅ ᐱᖑᐃᑦ ᖄᖏᓐᓂ, ᓂᕈᐊᕐᓗᓂᓗ ᑐᓂᕐᕈᓯᕐᑎᑦᓯᔨᓂᒃ ᓕᕔᑎᐅᖏᑦᑐᓂᒃ.

ᐊᑕᓃᑦ ᓯᕗᓪᓖᑦ 12:33

ᐅᓪᓗᐃᑦ 15ᖓᓂ ᑕᖅᑮᑦ 8ᖓᓂ ᓇᖕᒥᓂᕐᒥᓄᑦ ᐅᐸᓗᖎᕐᑕᒥᓂᒃ ᑐᓂᕐᕈᓯᕐᓗᓂᓗ ᑐᓂᕐᕈᑎᒥᒃ ᑐᓂᕐᕈᓯᕐᕕᖕᒥ ᐱᑎᓕᒥ, ᐱᒋᐊᕐᑎᓚᐅᕐᑕᒥᓂᒃ ᓇᓪᓕᐅᓐᓂᕐᓯᐅᕐᑕᐅᖃᑦᑕᖁᓪᓗᒍ ᐃᓴᕆᐊᓕᐅᑉ ᐃᓄᖏᓐᓄᑦ.

ᐊᑕᓃᑦ ᓯᕗᓪᓖᑦ 13:31

ᐃᓗᕕᕐᑕᐅᔭᕇᕐᓯᒪᓕᕐᑎᓪᓗᒍ, ᑖᓐᓇ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐃᕐᓂᕐᒥᓄᑦ ᐅᖃᕐᐳᖅ, “ᑐᖁᒍᒪ ᑕᕝᕗᖓ ᐃᓗᕕᕐᒧᑦ ᐃᓕᔭᐅᓛᕐᐳᖓ ᑎᒥᒐ ᒎᑎᐅᑉ ᐃᓄᖁᑎᖓᑕ ᓴᓂᐊᓄᐊᕐᓗᒍ; ᓴᐅᓂᒃᑲ ᓴᐅᓂᖓᑕ ᓴᓂᐊᓃᖁᓪᓗᒋᑦ.

ᐊᑕᓃᑦ ᓯᕗᓪᓖᑦ 13:33

ᑕᒪᑐᒪ ᑭᖑᕐᖓᒍᑦ ᔨᕈᐳᐊᒻ ᕿᒤᓚᐅᓐᖏᓚᖅ ᐊᔪᕐᑐᓕᓂᕐᒥᓂᒃ, ᓱᓕᓕ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᐃᓄᑐᐃᓐᓇᕐᓂᒃ ᑐᓂᕐᕈᓯᕐᕕᓕᐊᕆᓚᐅᕐᑕᒥᓄᑦ, ᐱᔪᒪᔪᑐᐃᓐᓇᒥᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᑐᒃᓯᐊᕐᕕᓕᐊᕆᓯᒪᔭᒥᓄᑦ.

ᐊᑕᓃᑦ ᐂᑉᐸᖏᑦ 17:25

ᓄᓇᑖᕐᐸᓪᓕᐊᓕᕐᑎᓪᓗᒋᑦ, ᐊᑕᓂᕐᒥᒃ ᐅᐱᒋᔭᖃᖏᒻᒪᑕ, ᒎᑎᐅᑉ ᐃᓚᖏᑦ ᐅᒋᐊᕐᑕᐅᑎᑉᐰᑦ ᓛᔭᓄᑦ ᐃᓔᓐᓇᕋᓗᐊᖏᑦ ᑐᖁᑕᐅᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 17:29

ᐃᓅᖃᑎᒌᒡᔪᐊᑦ ᓴᒥᐊᕆᐊᒧᑦ ᓄᓇᑖᕐᑐᕕᓃᑦ ᓇᖕᒥᓂᖅ ᒎᑎᓐᖑᐊᕆᔭᒥᖕᓂᒃ ᓴᓇᖃᑦᑕᑐᐃᓐᓇᓚᐅᕐᐳᑦ, ᐃᓂᖃᕐᑎᓪᓗᒋᓪᓗ ᓴᒥᐊᕆᐊᒥᐅᑦ ᒎᑎᓐᖑᐊᓄᑦ ᑐᒃᓯᐊᕐᕕᒋᖃᑦᑕᕐᑕᕕᓂᖏᓐᓂ, ᐃᓅᖃᑎᒌᒡᔪᐊᓕᒫᓪᓗ ᓄᓇᒋᔭᒥᖕᓂ ᒎᑎᓐᖑᐊᖃᕐᕕᖕᒥᖕᓂᒃ ᐊᖅᑭᒃᓯᓯᒪᔪᐃᓐᓇᐅᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 17:33

ᐊᑕᓂᕐᒧᑦ ᑐᒃᓯᐊᖃᑦᑕᕋᓗᐊᕐᓗᑎᒃ ᒎᑎᓐᖑᐊᕆᔭᒥᖕᓄᓪᓕ ᑐᒃᓯᐊᖃᑦᑍᓐᓇᓚᐅᕐᐳᑦ, ᐃᓅᖃᑎᒌᒡᔪᐊᑦ ᓄᓇᑐᖃᓖᑦ ᐱᐅᓯᑐᖃᖏᑦ ᒪᓕᒡᓗᒋᑦ.

ᐊᑕᓃᑦ ᐂᑉᐸᖏᑦ 17:41

ᑍᒤᒻᒪᑦ ᑖᒃᑯᐊ ᐃᓅᖃᑎᒌᒡᔪᐊᑦ ᐊᑕᓂᖅ ᓯᕘᕋᒋᓚᐅᕋᓗᐊᕐᐹᑦ, ᒎᑎᓐᖑᐊᒥᖕᓄᓪᓗ ᑐᒃᓯᐊᖃᑦᑕᓚᐅᕆᕗᑦ; ᑍᒫᒃᑕᐅᖅ ᐅᓪᓗᒥᒧᑦ ᑎᑭᓪᓗᒍ ᑭᖑᕚᖏᑦ, ᑭᖑᕚᖏᑕᓗ ᑭᖑᕚᖏᑦ ᑕᒪᑐᒥᖓ ᑲᔪᓯᒪᕕᖃᕐᐳᑦᑕᐅᖅ.

ᐊᑕᓃᑦ ᐂᑉᐸᖏᑦ 23:19

ᔫᓮᐊᐅᑉ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᓕᒫᑦ ᐱᓪᓚᕆᒋᔭᐅᔪᑦ ᓴᒥᐊᕆᐊᑉ ᐃᒡᓗᒐᓴᖏᓐᓂ ᐲᔭᕐᐰᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᓐᓄᑦ ᓴᓇᔭᐅᖃᑦᑕᕐᓯᒪᔪᑦ ᐊᑕᓂᕐᒥᒃ ᓂᓐᖓᒃᓮᑦᔪᑕᐅᓯᒪᔪᑦ; ᐱᑎᓕᒥ ᐱᓂᐊᕈᑎᒋᓚᐅᕐᑕᒥᑐᑦ ᐱᓂᐊᕐᕕᒋᓚᐅᕐᐰᑦ.

ᐄᓱᕋᐅᑉ ᐊᒡᓚᖏᑦ 4:2

ᑕᑯᔭᕐᑐᓚᐅᕐᐳᑦ ᔨᕈᐸᐱᐅᓪᒥᒃ ᐃᓚᒌᓄᓪᓗ ᐊᖓᔪᖅᑲᐅᔪᓂᒃ, ᐅᖃᐅᑎᓪᓗᒋᓪᓗ, “ᐃᓚᓕᐅᑎᓚᐅᕐᑕ ᓴᓇᑎᓪᓗᓯ ᑐᒃᓯᐊᕐᕕᖕᒥᒃ, ᑐᒃᓯᐊᕐᕕᖃᖃᑦᑕᕐᐳᒍᑦ ᒎᑎᒧᑦ ᑖᑦᓱᒧᖓᑦᓮᓐᓇᖅ ᑐᒃᓯᐊᕐᕕᒋᕙᒃᑕᑦᓯᓐᓄᑦ, ᑐᓂᕐᕈᓯᖃᑦᑕᓚᐅᕆᕗᒍᓪᓗ ᑐᓂᕐᕈᓯᕈᑎᓂᒃ ᑖᑦᓱᒧᖓ ᑍᑦᓱᒪᓐᖓᒥᑦ ᐱᒋᐊᕐᓗᑕ ᐊᖓᔪᖅᑳᕐᔪᐊᑉ ᐃᓴᕼᐊᑕᓂᐅᑉ ᐊᓯᕆᐊᒥᐅᑕᐅᑉ ᑕᒪᐅᖓ ᐊᐅᓪᓚᕐᑎᓚᐅᕐᓯᒪᖕᒪᑎᒍᓂᑦ ᓄᓇᖃᓕᕐᓗᑕᓗ ᑕᒫᓂ.”

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.