ᐊᑕᓃᑦ ᐂᑉᐸᖏᑦ 17:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓂᐅᑉ ᐊᕕᑎᓯᒪᓕᕐᒪᒋᑦ ᐃᓴᕆᐊᓕᒥᐅᑉ ᔫᑕᒥᐅᓪᓗ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕐᑖᕐᐳᑦ ᔨᕆᐳᐊᒻᒥᒃ ᓂᐹᑎᐅᑉ ᐃᕐᓂᖓᓂᒃ, ᔨᕈᐳᐊᒻ ᐃᓴᕆᐊᓕᒥᐅᑉ ᐊᑕᓂᕐᒥᒃ ᕿᒤᑎᒋᐊᓪᓚᑐᐃᓐᓇᓚᐅᕐᐰᑦ ᐊᔪᕐᑐᓕᓂᕐᒥ ᐃᓅᓯᖃᕐᑎᓪᓗᓂᒋᑦ.

ᐊᑕᓃᑦ ᐂᑉᐸᖏᑦ 17:21 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:11

ᑍᒤᒻᒪᑦ ᐊᑕᓂᐅᑉ ᓲᓗᒨᓂ ᐅᖃᐅᑎᕚ, “ᐱᔮᕆᓪᓗᑎᑦ ᐅᕙᓐᓄᑦ ᐊᖏᖃᑎᒌᒍᑏᑦ ᓯᖁᒥᒃᑲᕕᐅᒃ, ᓈᓚᖏᓪᓗᑎᓪᓗ ᐱᖁᔭᓐᓂᒃ, ᒫᓐᓇ ᓱᓕᓪᓚᕆᒡᓗᖓ ᐊᖓᔪᖅᑳᕐᔪᐊᖑᓂᕐᓂᒃ ᐊᕐᓵᕐᓂᐊᓕᕐᐸᒋᑦ ᑐᓂᓗᒍᓗ ᐱᔨᕕᑦ ᐃᓚᖓᓐᓄᑦ.

ᐊᑕᓃᑦ ᓯᕗᓪᓖᑦ 11:31

ᐅᖃᕐᓗᓂᓗ ᔨᕈᐳᐊᒻᒧᑦ, “ᑕᕝᕙᓐᖓᑦ ᖁᓕᓂᒃ ᑎᒍᓯᒋᑦ; ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᒪᑦ, ‘ᑕᑯᒋᑦ, ᐊᖓᔪᖅᑳᕐᔪᐊᖑᓂᖅ ᓲᓗᒨᓂᒥᑦ ᐲᕐᓂᐊᓕᕐᐸᕋ, ᑐᓂᓗᑎᓪᓗ ᖁᓕᓂ ᑭᖑᕚᖑᖃᑎᒌᓂᒃ.

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᔪᐊᓇᓯᐅᑉ ᐊᒡᓚᖏᑦ 19:11

ᔩᓱᓯᐅᑉ ᑭᐅᕚ, “ᐅᕙᓐᓄᑦ ᐱᔪᓐᓇᕐᓂᖃᕋᔭᓐᖏᓚᑎᑦ ᑐᓂᓯᕕᐅᖏᒃᑯᕕᑦ ᑕᑉᐹᓐᖓᑦ; ᑍᒤᒻᒪᑦ ᐅᕙᓐᓂᒃ ᐱᔭᐅᑎᑦᓯᔪᖅ ᐃᓕᖕᓄᑦ ᐊᔪᕐᓂᖃᕐᓂᕐᓴᐅᕗᖅ ᐃᓕᖕᓂᑦ.”

ᐂᓮᐊᓯᐅᑉ ᐊᒡᓚᖏᑦ 7:17

“ᐊᑕᓂᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓂᒃ ᑎᑭᑎᑦᓯᓛᖕᒪᑦ ᐃᓕᖕᓄᑦ ᐃᓄᖁᑎᑦᓯᓐᓄᓪᓗ ᓯᕗᓕᕕᓂᑦᓯᓗ ᑭᖑᕚᖏᓐᓄᑦ ᑲᑉᐱᐊᓇᕐᑐᒥᒃ ᑍᒫᒃ ᑲᑉᐱᐊᓇᕐᑎᒋᔪᖃᓚᐅᕐᓯᒪᓐᖏᓚᖅ ᐃᕗᕅᒥᐅᑦ ᔫᑕᒥᑦ ᐊᕝᕗᑎᓚᐅᕐᓂᖓᑕ ᑭᖑᓂᖓᒍᑦ.

ᐃᓐᖏᕈᑎᑦ 25:11

ᐊᑏᑦ ᐱᓪᓗᒍ, ᐊᑕᓃᖅ, ᐃᓱᒪᒋᔪᓐᓁᕐᕕᒋᓐᖓ ᑕᒻᒪᕐᓂᓐᓂᒃ, ᐅᓄᕐᑐᐊᓘᒐᓗᐊᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 11:15

ᔨᕈᐳᐊᒻᓗ ᑎᓕᓯᕗᖅ ᓇᖕᒥᓂᖅ ᑐᓂᕐᕈᓯᕐᑎᑦᓯᔨᒋᓂᐊᕐᑕᒥᓂᒃ ᐱᒻᒪᕆᒋᔭᐅᔪᓂ ᒎᑎᓐᖑᐊᓄᑦ, ᓄᓕᐊᕐᓂᐅᓪᓗ ᐊᓂᕐᓂᕐᓗᖏᓐᓄᑦ ᓴᑍᕋᓄᑦ, ᓄᕐᕋᓐᖑᐊᓄᓪᓗ ᓴᓇᓚᐅᕐᑕᒥᓄᑦ.

ᑯᕉᓂᑲ ᐂᑉᐸᖏᑦ 11:11

ᓴᐴᓗᑕᕐᑖᕐᑎᓚᐅᕐᐰᑦ ᓲᖑᓯᑎᓪᓗᒋᑦ, ᐊᖓᔪᖅᑳᕐᑖᕐᑎᑉᐰᓪᓗ ᐊᑐᓂᑦ, ᓂᐅᕕᕐᕕᖃᕐᓗᑎᒡᓗ ᓂᕿᒃᓴᓕᖕᓂᒃ, ᐅᕐᓱᓂᒃ, ᕔᓂᓂᒡᓗ.

ᐊᑕᓃᑦ ᓯᕗᓪᓖᑦ 14:8

ᑍᕕᑎᐅᑉ ᐊᑕᓂᐅᕕᖓ ᑭᖑᕚᖏᓐᓂᑦ ᐊᕕᒃᑎᓚᐅᕐᐸᕋ ᑐᓂᓪᓗᒍᓗ ᐃᓕᖕᓄᑦ; ᑭᓯᐊᓂᓕ ᑍᕕᑎᑑᓚᐅᓐᖏᓚᑎᑦ, ᑖᓐᓇ ᐱᖁᔭᓐᓂᒃ ᐅᕙᓐᓂᒡᓗ ᒪᓕᑦᓯᐊᓚᐅᕐᒪᑦ ᐱᔪᓐᓇᕐᓂᓕᒫᒥᓄᑦ, ᐱᓇᓱᐊᖃᑦᑕᕐᓗᓂᓗ ᐱᓇᓱᐊᕐᑕᐅᖁᔭᓐᓂᒃ ᑭᓯᐊᓂ.

ᓴᒧᐃᓕ ᓯᕗᓪᓖᑦ 2:24

ᑍᒤᓕᐅᕈᓐᓃᕆᑦᑎᒃ ᐃᕐᓂᒃᑳᒃ; ᑕᒪᓐᓇ ᐱᐅᖏᑦᑐᒻᒪᕆᐊᓗᒃ ᐊᑕᓂᐅᑉ ᐃᓄᖁᑎᖏᑕ ᐅᖃᐅᓯᕆᖃᑦᑕᓕᕐᒪᑦᔪᒃ.

ᓴᒧᐃᓕ ᓯᕗᓪᓖᑦ 2:17

ᐃᓔᑉ ᐃᕐᓂᖏᑕ ᐊᔪᕐᑐᓕᓂᖏᑦ ᐱᐅᖏᑦᑐᒻᒪᕆᐅᓚᐅᕐᐳᑦ ᐊᑕᓂᐅᑉ ᓵᖓᓂ; ᑐᓂᕐᕈᑎᒋᔭᐅᔪᓂᒃ ᐊᑕᓂᕐᒧᑦ ᐃᒃᐱᒍᓱᑦᓯᐊᖏᓂᖏᑦ ᐱᑦᔪᑎᒋᓪᓗᒋᑦ.

ᒨᓯᓯ ᐂᑉᐸᖏᑦ 32:21

ᒨᓯᓯᓗ ᐅᖃᕐᐳᖅ ᐂᕉᓂᒧᑦ, “ᐃᓄᒋᐊᒃᑐᕐᔪᐊᓂᑦ ᖃᓄᐃᓕᐅᕐᑕᐅᓐᓂᕋᕕᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᔪᕐᑐᓕᑎᑦᓯᓚᐅᕐᐲᑦ?”

ᒨᓯᓯ ᓯᕗᓪᓖᑦ 20:9

ᑕᕝᕙ ᐊᐱᒥᓕᑭᐅᑉ ᐂᑉᕋᕼᐋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᑦᑎᓐᓄᑦ ᖃᓄᐃᓕᐅᓕᕐᐱᑦ? ᖃᓄᕐᓗ ᐊᔪᕐᑐᓕᓯᒪᕗᖓ ᐃᓕᖕᓄᑦ, ᑎᑭᑎᑦᓯᒐᕕᑦ ᐅᕙᓐᓄᑦ ᐊᖓᔪᖅᑲᐅᕕᓐᓄᓪᓗ ᐊᔪᕐᑐᓕᓂᕐᒥᒃ ᐊᖏᔪᒥᒃ? ᐱᓂᐊᕐᓂᖃᓚᐅᕋᕕᑦ ᐅᕙᓐᓄᑦ ᐱᓂᐊᕐᓂᐅᔭᕆᐊᖃᖏᑦᑐᒥᒃ.”

ᐊᑕᓃᑦ ᓯᕗᓪᓖᑦ 13:34

ᑕᒪᓐᓇᓗ ᔨᕈᐳᐊᒻ ᐃᒡᓗᒥᐅᖃᑎᖏᓐᓄᑦ ᐊᔪᕐᑐᓕᓂᓐᖑᓚᐅᕐᐳᖅ, ᑐᖁᑕᐅᑦᔪᑎᒋᓚᐅᕐᐹᓗ ᐊᓯᕈᕐᑕᐅᑦᔪᑎᒋᓪᓗᒍᓗ ᑕᒫᓂ ᓄᓇᕐᔪᐊᕐᒥ.

ᐊᑕᓃᑦ ᐂᑉᐸᖏᑦ 17:22

ᐃᓴᕆᐊᓕᒥᐅᑉ ᔨᕈᐳᐊᒻ ᐊᔪᕐᑐᓕᑦᔪᑎᖏᓐᓂᒃ ᒪᓕᑐᐃᓐᓇᓚᐅᕐᐳᑦ, ᖃᕿᐊᓕᕈᒪᓇᑎᒡᓗ.

ᐊᑕᓃᑦ ᐂᑉᐸᖏᑦ 3:3

ᑭᓯᐊᓂᓕ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᑦᔪᑎᒋᓚᐅᕐᒥᔭᖏᑕ ᐊᑦᔨᖏᓐᓂᒃ ᐊᑐᓕᓚᐅᕆᕗᖅ ᐃᓴᕆᐊᓕᒥᐅᓄᑦ ᑕᒻᒪᕐᓯᒪᑦᔪᑕᐅᓚᐅᕐᑐᓂᒃ; ᑕᒪᑐᒥᖓ ᕿᒤᓚᐅᖏᓐᓇᒥ.