ᐊᑕᓃᑦ ᐂᑉᐸᖏᑦ 17:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑐᓂᕐᕈᓯᕐᕕᖕᓂ ᒎᑎᓐᖑᐊᓄᑦ ᐃᑯᐊᓚᑎᑦᓯᕗᑦ ᐴᔪᕐᑎᑦᓯᓪᓗᑎᒡᓗ, ᐃᓅᖃᑎᒌᒡᔪᐊᓄᑦ ᒎᑎᐅᑉ ᓯᖏᑕᐅᑎᓚᐅᕐᑕᖏᑕ ᐃᓴᕆᐊᓕᒥᐅᓄᑦ ᐃᓕᖅᑯᓯᕕᓂᖏᓐᓂᒃ ᐊᑐᕐᓗᑎᒃ. ᐊᑕᓂᐅᑉ ᓂᓐᖓᒍᑎᒃᓴᖏᓐᓂᒃ ᐱᓂᐊᕐᓂᖃᓚᐅᕐᐳᑦ ᓈᒻᒪᒋᓐᖏᑕᖏᓐᓂᒃ ᐱᓇᓱᐊᕐᓂᕐᒥᖕᓄᑦ.

ᐊᑕᓃᑦ ᐂᑉᐸᖏᑦ 17:11 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:1

ᑕᑯᒋᓪᓗ, ᒎᑎᐅᑉ ᐃᓄᖁᑎᖓ ᑎᑭᓚᐅᕐᐳᖅ ᐱᑎᓕᒧᑦ ᔫᑕᒥᑦ ᐊᑕᓂᐅᑉ ᐅᖃᐅᓯᖓᓂᒃ ᐅᖃᕆᐊᕐᑐᕐᓗᓂ. ᔨᕈᐳᐊᒻ ᓇᖏᓕᕐᑎᓪᓗᒍ ᑐᓂᕐᕈᓯᕐᕕᐅᑉ ᓵᖓᓂ ᐃᑯᐊᓚᑎᑦᓯᓗᓂ ᐃᓯᕐᓗᐊᕐᓂᑎᑦᓯᓂᐊᓕᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 14:15

ᐊᑕᓂᐅᑉ ᓱᒋᐊᕈᒫᕐᒪᒋᑦ ᐃᓴᕆᐊᓕᒥᐅᑦ, ᐃᕕᒃᑎᑐᑦ ᐃᒫᓂ ᐊᐅᓚᑎᑕᐅᔪᑎᑐᑦ, ᐃᓴᕆᐊᓕᒥᐅᑦ ᐊᒫᖏᑎᒍᑦ ᐊᒧᔪᒫᕐᐰᑦ ᓄᓇᒥᑦ ᐱᐅᔪᒥᑦ ᑐᓂᓚᐅᕐᑕᒥᓂᑦ ᓯᕗᓕᖏᓐᓄᑦ, ᓯᐊᒻᒪᕐᑎᑦᓱᒫᕐᐰᓪᓗ ᑰᑉ ᐃᕗᕅᑎᐅᑉ ᐅᖓᑖᓄᑦ, ᐃᓄᓐᖑᐊᓕᐅᕐᓗᑎᒃ ᒎᑎᓐᖑᐊᓕᐅᓚᐅᕐᒪᑕ ᐊᓯᕆᒻᒥᒃ, ᑕᒪᑐᒧᖓ ᐊᑕᓂᕐᒥᒃ ᓂᓐᖓᒃᓮᓚᐅᕐᒪᑕ.

ᐊᑕᓃᑦ ᐂᑉᐸᖏᑦ 12:4

ᔨᕼᐅᐊᓯᐅᑉ ᑐᓂᕐᕈᓯᕐᑎᑦᓯᔩᑦ ᐅᖃᐅᑎᕔᑦ, “ᑲᑎᑕᐅᓕᑦ ᑮᓇᐅᔧᑦ ᑐᓂᕐᕈᑕᐅᖃᑦᑕᕐᑐᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓄᑦ. ᑮᓇᐅᔧᑦ ᑐᓂᔭᐅᖃᑦᑕᕐᑐᑦ ᐃᓄᐃᑦ ᓈᓴᕐᑕᐅᓂᖏᓐᓂ ᐊᖏᕈᑎᓕᐅᕐᑐᓄᓪᓗ ᑐᓂᔭᐅᖃᑦᑕᕐᑐᑦ, ᑐᓂᓯᔪᒪᔪᓄᓪᓗ ᑐᓂᔭᐅᖃᑦᑕᕐᑐᑦ.

ᐊᑕᓃᑦ ᐂᑉᐸᖏᑦ 17:10

ᒎᑎᓐᖑᐊᓕᐊᕆᓯᒪᔪᓂᒃ ᓇᑉᐰᓯᒪᓚᐅᕐᐳᑦ ᐱᖑᐃᑦ ᐳᕐᑐᓂᓕᒫᖏᓐᓂ, ᓇᐹᕐᑐᐃᓪᓗ ᐊᑖᓐᓂ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖏᓐᓂᒃ.

ᐊᑕᓃᑦ ᐂᑉᐸᖏᑦ 17:12

ᐊᑕᓂᐅᓪᓗ ᐱᖁᔭᖓᓂᒃ ᑍᒤᓕᐅᓂᕐᒧᑦ ᓯᖁᒥᑦᓯᓚᐅᕐᐳᑦ, ᐅᖃᐅᑎᓯᒪᓚᐅᕐᒪᒋᑦ, ᒎᑎᓐᖑᐊᓄᑦ ᑐᒃᓯᐊᕐᕕᖃᕐᑐᒃᓴᐅᖏᓐᓂᖏᓐᓂᒃ.

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᑯᕉᓂᑲ ᐂᑉᐸᖏᑦ 28:25

ᔫᑕᐅᓪᓗ ᐃᒡᓗᒐᓴᓕᒫᖏᓐᓂ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᓴᓇᕗᖅ ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᕕᒃᓴᓂᒃ ᒎᑎᓐᖑᐊᓄᑦ, ᑕᒪᑐᒧᖓᓗ ᐊᑕᓂᖅ ᓂᓐᖓᒃᓴᓚᐅᕐᐹ, ᓯᕗᓕᖏᑕ ᒎᑎᖓᑦ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᕼᐆᓯᐊᑉ ᐊᒡᓚᖏᑦ 9:10

“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.

ᒨᓯᓯ ᑕᓪᓕᒪᖏᑦ 12:2

ᓄᓇᑖᕆᓕᕐᑕᑦᓯᓐᓂ ᐃᓅᖃᑎᒌᒡᔪᐊᑦ ᒎᑎᒥᖕᓄᑦ ᑐᒃᓯᐊᕐᕕᒋᕙᒃᑕᕕᓂᖏᑕ ᐃᓂᖏᑦ ᐊᑕᖏᓪᓚᕆᒡᓗᒋᑦ ᓄᖑᑦᓯᐊᒐᒃᓴᕆᕙᓯ, ᖃᖅᑬᑦ ᐳᕐᑐᔪᑦ ᖄᖏᓐᓂ ᐱᖑᐃᓪᓗ ᖄᖏᓐᓂ ᓇᐹᕐᑐᐃᓪᓗ ᑐᖑᔪᕐᑕᓕᒫᑦ ᐊᑖᓃᑦᑐᑦ;

ᒨᓯᓯ ᑕᓪᓕᒪᖏᑦ 18:9

“ᓄᓇᒧᓪᓕ ᑎᑭᒃᑯᑦᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ, ᑕᒫᓂ ᓄᓇᓖᑦ ᐃᓅᖃᑎᒌᒡᔪᐊᑦ ᐊᑐᕐᐸᒃᑕᖏᓐᓂᒃ ᒎᑎᒧᑦ ᓇᕐᕈᓇᕐᑐᓂᒃ ᒪᓕᒃᓴᕐᑐᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 32:16

ᒎᑎᓐᖑᐊᓄᑦ ᓵᓐᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᓮᓪᓗᑎᒃ ᓯᖕᓇᑎᑦᓯᓚᐅᕐᐳᑦ; ᓇᕐᕈᓇᕐᑐᓕᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᑎᑦᓯᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.