ᐊᑕᓃᑦ ᐂᑉᐸᖏᑦ 16:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐂᕼᐊᓯᐅᑉ ᑐᓂᕐᕈᓯᕐᑎᑦᓯᔨ ᔪᕅᐊ ᐅᖃᐅᑎᕚ, “ᑐᓂᕐᕈᓯᕐᕕᐊᓗᖕᒥᒃ ᓄᑖᒥ ᑐᓂᕐᕈᓯᖃᑦᑕᖁᔨᕗᖓ, ᐃᑯᐊᓚᓗᒍ ᑐᓂᕐᕈᓯᐅᑎᒃᓴᖅ ᐅᓪᓛᒃᑰᕐᑐᕐᓯᐅᑎ, ᓂᐊᖂᔭᒃᓴᓂᒡᓗ ᑐᓂᕐᕈᓯᕈᑎ ᐅᓐᓄᒃᑰᕐᑐᕐᓯᐅᑦ ᐊᖓᔪᖅᑳᕐᔪᐊᓪᓗ ᐃᑯᐊᓚᓪᓗᒍ ᑐᓂᕐᕈᓯᕈᑎᒃᓴᖓ ᓂᐊᖂᔭᒃᓴᓂᒡᓗ ᑐᓂᕐᕈᓯᕈᑎᒃᓴᖓ ᐃᑯᐊᓚᔪᒥᓗ ᑐᓂᕐᕈᓯᐅᑎᒃᓴᖅ ᐃᓅᓕᒫᑦ ᐱᓪᓗᒋᑦ, ᓂᐊᖂᔭᒃᓴᓂᒃ ᕔᓂᓂᒡᓗ ᐃᒥᒐᒃᓴᓄᑦ ᑐᓂᕐᕈᑕᐅᓲᑦ, ᐃᑯᐊᓚᓗᑎᒃ ᑐᓂᕐᕈᓯᐅᑏᑦ ᐊᐅᖏᑦ ᓯᕐᐸᕐᓴᐅᑕᐅᓯᒪᓕᑦ ᑐᓂᕐᕈᓯᕐᕕᖕᒧᑦ; ᑭᓯᐊᓂᓕ ᑐᓂᕐᕈᓯᕐᕕᒃ ᑲᓐᓄᔭᖅ ᐊᑐᖃᑦᑕᕐᓂᐊᕐᐸᕋ ᓇᓗᓇᕐᑐᓂᒃ ᖃᐅᔨᓇᓱᐊᕆᐊᖃᓕᕌᖓᒪ.”

ᐊᑕᓃᑦ ᐂᑉᐸᖏᑦ 16:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 44:5

ᑖᓐᓇ ᐊᖓᔪᖅᑳᒪ ᐃᒥᕈᑎᒋᖃᑦᑕᕐᒪᒍ, ᓇᓗᓇᕐᑐᓂᒡᓗ ᖃᐅᔨᓇᓱᐊᕈᑎᒋᓪᓗᒍ, ᑍᒤᓕᐅᕐᑎᓪᓗᓯ ᐱᐅᖏᑦᑐᓪᓚᕆᐊᓗᖕᒥᒃ ᐱᓇᓱᐊᕐᓯᒪᕗᓯ.’”

ᐊᑕᓃᑦ ᓯᕗᓪᓖᑦ 3:4

ᑕᕝᕙ ᐊᖓᔪᖅᑳᕐᔪᐊᖅ ᒋᐱᐅᓂᒧᐊᕐᐳᖅ ᑐᓂᕐᕈᓯᕆᐊᕐᑐᕐᓱᓂ ᑖᓐᓇ ᑐᓂᕐᕈᓯᕐᕕᒃ ᐅᓄᕐᑐᓄᑦ ᖃᐅᔨᒪᔭᐅᖕᒪᑦ, ᓲᓗᒨᓂ ᐅᓄᕐᑐᕐᔪᐊᓂᒃ 1000 ᐅᖓᑖᓂᑦᑐᓂᒃ ᑕᕝᕙᓂ ᑐᓂᕐᕈᑎᓂᒃ ᑐᓂᕐᕈᓯᖃᑦᑕᕐᓯᒪᒐᒥ ᑕᒪᑐᒪ ᓯᕗᓂᖓᒍᑦ.

ᐊᑕᓃᑦ ᓯᕗᓪᓖᑦ 7:23

ᕼᐅᕋᒻ ᓴᓇᕗᖅ ᐊᖕᒪᓗᑭᓵᒥᒃ ᑲᓐᓄᔭᐅᓪᓗᓂ ᐃᑎᒐᖕᓂᒃ 7ᓂᒃ ᐃᑎᓂᖃᕐᓗᓂ 15ᓂᒃ ᐃᑎᒐᖕᓂᒃ ᓂᕈᑐᓂᖃᕐᓗᓂ 45ᓂᒃ ᐃᑎᒐᖕᓂᒃ ᐳᕐᑐᓂᖃᕐᓗᓂ.

ᐊᑕᓃᑦ ᓯᕗᓪᓖᑦ 8:64

ᑕᕝᕙᓂ ᐅᓪᓗᒥ ᑕᒪᓐᓇ ᑲᑎᒪᕕᐊᓘᑉ ᕿᑎᖓ ᐃᑦᔪᕐᓁᓕᑎᑉᐹᑦ, ᑐᒃᓯᐊᕐᕕᔪᐊᑉ ᓯᕗᕋᖓᓃᑦᑐᖅ, ᐱᔭᕇᕐᒪᓪᓗ ᑐᓂᕐᕈᓯᕐᐳᑦ ᐆᑕᒃᓴᓂᒃ ᓂᐊᖂᔭᒃᓴᓂᒃ ᐆᒪᔪᓂᒡᓗ ᖁᐃᒃᓯᑦᓯᐊᕆᓯᒪᔪᓂᒃ ᑐᓂᕐᕈᑕᐅᑎᓪᓗᒋᑦ ᑐᒃᓯᐊᕐᓂᕐᒧᑦ. ᑍᒤᓕᐅᕈᑎᒋᕚ ᑖᓐᓇ ᑐᓂᕐᕈᓯᕐᕕᒃ ᑲᓐᓄᔭᖅ ᐱᑦᔪᑎᒋᓪᓗᒍ, ᒥᑭᓗᐊᕐᓂᖓᓄᑦ ᑐᓂᕐᕈᑎᒃᓴᐅᔪᓄᑦ.

ᐊᑕᓃᑦ ᐂᑉᐸᖏᑦ 16:14

ᑐᓂᕐᕈᓯᕐᕕᒃ ᑲᓐᓄᔭ ᐊᑕᓂᕐᒧᑦ ᐊᑐᕐᑐᒃᓴᓕᐊᕆᓯᒪᔪᖅ ᑐᒃᓯᐊᕐᕕᒃᔪᐊᑉ ᑐᓂᕐᕈᓯᕐᕕᐅᓪᓗ ᓄᑖᑉ ᐊᑯᓐᓂᖓᓃᑐᖅ ᐂᕼᐊᓯᐅᑉ ᓄᒃᑎᕐᐹ ᑐᓂᕐᕈᓯᕐᕕᐅᑉ ᓄᑖᑉ ᑲᖏᐊᓄᐊᕐᓗᒍ.

ᐊᑕᓃᑦ ᐂᑉᐸᖏᑦ 16:16

ᔪᕅᐊᓗ ᐱᓂᐊᓚᐅᕐᐳᖅ ᐊᖓᔪᖅᑳᕐᔪᐊᑉ ᐂᕼᐊᓯᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᐊᑕᓃᑦ ᐂᑉᐸᖏᑦ 18:4

ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᓕᒫᑦ ᐲᔭᓚᐅᕐᐰᑦ, ᒎᑎᓐᖑᐊᓕᐊᕆᔭᐅᓯᒪᔪᓪᓗ ᐅᔭᕅᑦ ᐅᕐᕉᕋᕐᑎᓚᐅᕐᐰᑦ, ᒎᑎᓐᖑᐊᕆᔭᐅᕐᓗ ᐊᓯᕋᒥᒃ ᑍᔭᐅᔪᖅ ᓯᖁᒥᑉᐹ. ᒨᓯᓯᐅᓪᓗ ᖁᒡᓗᒋᐊᓐᖑᐊᖅ ᑲᓐᓄᔭᖅ ᓇᑉᐸᐅᑎᓚᐅᕐᓯᒪᔭᖓ ᓯᖁᑦᑎᕐᑕᐅᑎᓪᓗᒍ, ᐊᑎᖃᕐᑎᑕᐅᓚᐅᕐᑐᖅ ᓂᕼᐅᓯᑕᓐᒥᒃ; ᑍᑦᓱᒪᓂᐅᑎᓪᓗᒍ ᐃᑯᐊᓪᓚᑦᓯᓪᓗᑎᒃ ᐳᔫᕐᑎᑦᓯᓂᒃᑯᑦ ᑐᒃᓯᐊᕐᕕᐅᖃᑦᑕᓕᓚᐅᕐᒪᑦ ᐅᐱᒍᓲᑎᐅᓪᓗᓂ.

ᐊᑕᓃᑦ ᐂᑉᐸᖏᑦ 3:20

ᖃᐅᑎᓪᓗᒍ ᐅᓪᓛᒃᑯᑦ ᐆᒪᔪᕕᓂᕐᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓯᒪᓕᕋᓗᐊᕐᑎᓪᓗᒍ, ᑕᑯᓕᕐᐳᑦ ᐃᒪᕐᒥᒃ ᑰᒃᑐᒥᒃ ᐄᑐᒥᐅᑉ ᓇᓛᓂᑦ, ᓇᕐᓴᓕᒫᑦᓯᐊᖅ ᐃᒻᒪᒃᑎᓯᒪᓕᕐᐳᖅ.

ᑯᕉᓂᑲ ᐂᑉᐸᖏᑦ 29:32

ᐃᑯᐊᓚᑎᑕᒃᓴᓪᓗ ᑐᓂᕐᕈᑎᒋᔭᐅᔪᑦ ᐃᓄᖕᓂᑦ ᑲᑎᓪᓗᒋᑦ ᐃᒻᒧᒃᓯᐅᒊᑦ ᐸᖕᓂᖏᑦ 70ᐅᕗᑦ, ᓰᐲᑦ ᐊᖑᓴᓪᓗᖏᑦ 100ᐅᕗᑦ, ᓰᐲᓪᓗ ᓄᕐᕋᖏᑦ 200ᐅᕗᑦ; ᑖᒃᑯᐊᓕᒫᑦ ᐃᑯᐊᓚᑎᑕᒃᓴᐅᓪᓗᑎᒃ ᑐᓂᕐᕈᑎᒋᔭᐅᕗᑦ ᐊᑕᓂᕐᒧᑦ.

ᑯᕉᓂᑲ ᐂᑉᐸᖏᑦ 29:35

ᐃᑯᐊᓪᓚᒋᐊᓖᑦ ᑐᓂᕐᕈᑏᑦ ᐅᓄᕐᓂᖏᓐᓄᑦ ᑐᓐᓄᖏᓐᓂᒃ ᓮᒪᖃᑎᒌᖕᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᖃᓕᓚᐅᕐᐳᑦ, ᐃᒥᒐᒃᓮᓪᓗ ᑐᓂᕐᕈᑏᑦ ᐃᑯᐊᓪᓚᒋᐊᓖᓪᓗ ᑐᓂᕐᕈᑏᑦ. ᑍᒤᓕᐅᕐᓗᑎᒃ ᐊᑕᓂᐅᑉ ᐃᒡᓗᖓᓄᑦ ᐱᔨᑦᓯᐅᑕᐅᔭᕆᐊᓖᑦ ᐅᑎᕐᑎᑕᐅᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᐂᓮᐊᓯᐅᑉ ᐊᒡᓚᖏᑦ 2:6

ᐃᓄᖁᑎᑎᑦ ᐊᓂᑎᓚᐅᕐᐸᑎᑦ, ᔧᑰᑉ ᑭᖑᕚᖏᑦ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᓂᒃ ᐊᖓᒃᑰᓂᕐᓂᒃ ᐃᓕᖅᑯᓯᕐᑖᕐᓯᒪᓕᕐᒪᑕ; ᓯᕗᓂᒃᓴᒥᒡᓗ ᓇᓚᐅᑦᑍᖃᑦᑕᕐᑐᓂᒃ ᒪᓕᓕᕐᓗᑎᒃ ᐱᓕᔅᑍᓂᒥᐅᑎᑐᑦ, ᐃᓅᖃᑎᒋᓐᖏᑕᖏᑕᓗ ᐱᐅᓯᖏᓐᓂᒃ ᒪᓕᒃᓴᕐᓯᒪᓕᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 11:31

ᐅᓇᑕᕐᑐᒃᓴᕐᔪᐊᖁᑎᖏᑦ ᓱᕐᔪᒍᒫᕐᐳᑦ ᑐᒃᓯᐊᕐᕕᒡᔪᐊᑉ ᐊᕙᓗᕐᔪᐊᖓ ᐃᑦᔪᕐᓇᕐᓯᑎᓪᓗᒍ, ᓄᖅᑲᕐᑎᑦᓯᓗᑎᒡᓗ ᐆᒪᔪᓂᒃ ᖃᐅᑕᒫᑦ ᑐᓂᕐᕈᓯᖃᑦᑕᕐᓂᕐᒥᒃ; ᑕᕝᕙ ᐃᓕᓯᔪᒫᕐᐳᑦ ᐃᑦᔪᕐᓇᕐᑐᕐᔪᐊᒥᒃ ᑲᑉᐱᓇᕐᑐᕐᔪᐊᒥᒃ.

ᑖᓂᐊᓕᐅᑉ ᐊᒡᓚᖏᑦ 12:11

ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 9:21

ᑐᒃᓯᐊᕐᑎᓪᓗᖓ ᓱᓕ, ᒊᐳᕆᐅᓕ, ᐊᖑᑦ ᑕᑯᓚᐅᕐᑕᕋ ᑕᑯᑎᑕᐅᓂᕐᒥ ᓯᕗᓪᓕᕐᒥᒃ, ᕾᕗᖅ ᓱᒃᑲᓕᔪᒥᒃ ᖃᖓᑕᓪᓗᓂ, ᐅᓐᓄᒃᓯᐅᑎᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓪᓗᐊᕐᑎᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᕼᐆᓯᐊᑉ ᐊᒡᓚᖏᑦ 4:12

ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.