ᐊᑕᓃᑦ ᐂᑉᐸᖏᑦ 16:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑐᓂᕐᕈᓯᕐᑎᑦᓯᔨ ᔪᕅᐊ ᐊᑦᔨᑦᓯᐊᖓᓂᒃ ᑐᓂᕐᕈᓯᕐᕕᓕᐅᕐᐳᖅ ᐂᕼᐊᔅ ᑕᒫᓯᑰᓯᒥᑦ ᐅᑎᓚᐅᖏᓐᓂᖓᓂ ᐱᔭᕇᕐᑕᐅᑎᓪᓗᓂᐅᒃ.

ᐊᑕᓃᑦ ᐂᑉᐸᖏᑦ 16:11 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 16:10

ᐂᕼᐊᔅ ᑕᒫᓯᑰᓯᒧᐊᕋᒥ ᑎᒡᓚᑦ-ᐰᓕᓴᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᑲᑎᓯᔭᕐᑐᕐᓗᓂ, ᑐᓂᕐᕈᓯᕐᕕᒃ ᑕᕝᕙᓃᑦᑐᖅ ᑕᑯᒐᒥᐅᒃ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ ᐊᐅᓪᓚᕐᑎᑦᓯᕗᖅ ᑐᓂᕐᕈᓯᕐᑎᑦᓯᔨᒧᑦ ᔪᕅᐊᒧᑦ ᖃᓄᐃᓕᖓᓂᖓᓂᒃ ᓴᖅᑭᔮᕐᑎᑦᓯᑦᓯᐊᕐᑐᒥᒃ.

ᐊᑕᓃᑦ ᐂᑉᐸᖏᑦ 16:12

ᐂᕼᐊᔅ ᑕᒫᓯᑰᓯᒥᑦ ᐅᑎᕋᒥ ᑕᑯᕗᖅ ᑐᓂᕐᕈᓯᕐᕕᖕᒥᒃ ᐱᔭᕇᕐᓯᒪᑦᓯᐊᓕᕐᑐᒥᒃ, ᒪᔪᐊᕐᕕᒋᓪᓗᒍᓗ ᐅᐸᒃᐹ.

ᐊᑕᓃᑦ ᐂᑉᐸᖏᑦ 16:14

ᑐᓂᕐᕈᓯᕐᕕᒃ ᑲᓐᓄᔭ ᐊᑕᓂᕐᒧᑦ ᐊᑐᕐᑐᒃᓴᓕᐊᕆᓯᒪᔪᖅ ᑐᒃᓯᐊᕐᕕᒃᔪᐊᑉ ᑐᓂᕐᕈᓯᕐᕕᐅᓪᓗ ᓄᑖᑉ ᐊᑯᓐᓂᖓᓃᑐᖅ ᐂᕼᐊᓯᐅᑉ ᓄᒃᑎᕐᐹ ᑐᓂᕐᕈᓯᕐᕕᐅᑉ ᓄᑖᑉ ᑲᖏᐊᓄᐊᕐᓗᒍ.

ᐊᑕᓃᑦ ᐂᑉᐸᖏᑦ 16:16

ᔪᕅᐊᓗ ᐱᓂᐊᓚᐅᕐᐳᖅ ᐊᖓᔪᖅᑳᕐᔪᐊᑉ ᐂᕼᐊᓯᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᐊᑕᓃᑦ ᐂᑉᐸᖏᑦ 21:4

ᒎᑎᓐᖑᐊᓖᑦ ᑐᓂᕐᕈᓯᕐᕕᖏᓐᓂᒃ ᓴᓇᔭᐅᑎᑦᓯᒋᕗᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᐅᖃᕐᓯᕆᓚᐅᕐᑕᖓᓂ, “ᔨᕉᓴᓕᒥ ᐊᑎᕋ ᐃᓕᓯᒪᓂᐊᕐᐸᕋ.”

ᐊᑕᓃᑦ ᐂᑉᐸᖏᑦ 21:7

ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓯᒪᔪᒥᒃ ᐋᖅᑭᒃᑕᐅᑎᑦᓯᓯᒪᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᑍᕕᑎᒥᒃ ᐃᕐᓂᖓᓂᒡᓗ ᓲᓗᒨᓂᒥᒃ ᐅᖃᐅᑦᔨᑦᔪᑎᒋᓚᐅᕐᑕᖓᓂᒃ ᐅᖃᕐᓗᓂ, “ᐅᕙᓂ ᐃᒡᓗᒥ ᔨᕉᓴᓕᒻᒥᓗ ᓂᕈᐊᕐᓯᒪᔭᓐᓂ ᐃᓴᕆᐊᓕᒥᐅᑦ ᑭᖑᕚᕇᖏᑕ ᓄᓇᒋᔭᓕᒫᖏᓐᓂᑦ, ᐊᑎᕋ ᐃᓂᖃᕐᑎᓐᓂᐊᕐᐸᕋ ᐃᓱᖃᖏᑦᑐᒧᑦ;

ᑯᕉᓂᑲ ᐂᑉᐸᖏᑦ 33:4

ᑐᓂᕐᕈᓯᕐᕕᓕᐅᓚᐅᕐᐳᕐᓗ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓᓂ ᐃᒫᒃ, “ᐊᑎᕋ ᔨᕉᓴᓕᒥ ᑐᒃᓯᐊᕐᕕᐅᑦᓮᓐᓇᕐᑐᒃᓴᐅᕗᖅ ᐃᓱᖃᖏᑦᑐᒧᑦ.”

ᐂᓮᐊᓯᐅᑉ ᐊᒡᓚᖏᑦ 8:2

ᐊᖑᑏᖕᓂᒃ ᒪᕐᕉᖕᓂᒃ ᓱᓕᑦᓯᐊᕈᓐᓇᕐᑑᖕᓂᒃ ᐱᑕᖃᕐᐳᖅ, ᔪᕅᐊ ᑐᓂᕐᕈᓯᕐᑎᑦᓯᔨ ᓴᑲᕅᐊᓗ ᔨᐱᕆᑬᐊᐅᑉ ᐃᕐᓂᖓ, ᐅᕙᓐᓄᑦ ᐊᖏᕐᓯᒪᔫᖕᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:11

“ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔩᓪᓗ ᒎᑎᖃᕈᓐᓃᕐᐳᑦ; ᐃᒡᓗᓐᓂᓘᓐᓃᑦ ᐱᐅᖏᑦᑐᓕᓂᖏᑦ ᑕᑯᒃᓴᐅᓕᕐᐳᑦ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:26

ᑐᓂᕐᕈᓯᕐᑎᑦᓯᔩᑦ ᐱᖁᔭᓐᓂᒃ ᓯᖁᒥᑦᓯᓪᓗᑎᒃ ᐃᑦᔪᕐᓁᑎᑕᓐᓂᒡᓗ ᓇᕐᕈᓇᕐᓯᑎᑦᓯᖃᑦᑕᕐᐳᑦ; ᐃᑦᔪᕐᓁᑦᑐᓂᒃ ᖃᐅᑕᒫᕐᓯᐅᑎᓂᒡᓗ ᐊᑦᔨᒌᖏᑦᑑᑎᑦᓯᔪᓐᓃᕐᐳᑦ, ᐊᔪᕆᕐᑐᐃᖃᑦᑕᕋᑎᒡᓗ ᓇᕐᕈᓇᕐᑐᑦ ᓇᕐᕈᓇᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ, ᓴᐸᑎᖁᑎᒃᑲᓗ ᑲᒪᒋᔪᓐᓁᕐᓗᒋᑦ, ᑍᒤᒻᒪᑦ ᓇᕐᕈᓇᕐᑎᑕᐅᓕᕐᐳᖓ ᑖᒃᑯᓇᓂ.

ᑖᓂᐊᓕᐅᑉ ᐊᒡᓚᖏᑦ 3:7

ᑍᒤᒻᒪᑦ ᑖᒃᑯᐊ ᑐᓴᑐᐊᕋᒥᒃ ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᓯᕋᓖᓪᓗ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᖕᒪᑕ, ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ, ᐅᖃᐅᓯᖃᑎᒌᖏᑦᑐᑦ, ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ ᐃᓄᓐᖑᐊᒧᑦ ᒎᓗᒧᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᓴᓇᔭᐅᑎᓯᒪᔭᖓᓄᑦ.

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᕼᐆᓯᐊᑉ ᐊᒡᓚᖏᑦ 5:11

ᐃᕗᕅᒥ ᐊᒃᓱᕈᕐᓇᕐᑐᒃᑰᓕᕐᐳᖅ; ᓄᓇᖁᑎᒋᓚᐅᕐᑕᒥᓂᒃ ᐊᓯᐅᔨᖕᒪᑦ, ᐱᓇᓱᐊᕋᓱᓚᐅᕐᒪᑕ ᐊᑑᑎᖃᖏᑦᑐᓄᑦ.

ᒐᓔᑎᐊᒥᐅᓄᑦ 1:10

ᑍᒤᓕᐅᕐᐳᖔ ᐃᓄᖕᓄᑦ ᓈᒻᒪᒋᔭᐅᓇᓱᐊᕐᑐᑎᑐᑦ ᒎᑎᒧᓪᓘᓐᓃᑦ ᓈᒻᒪᒋᔭᐅᓇᓱᐊᕐᑐᑎᑐᑦ? ᐃᓄᖕᓂᒡᓘᓐᓃᑦ ᖁᕕᐊᓱᒃᑎᑦᓯᓇᓱᐊᕐᐳᖔ? ᓱᓕ ᐃᓄᖕᓂᒃ ᖁᕕᐊᓱᒃᑎᑦᓯᓇᓱᐊᕋᔭᕈᒪ, ᙭ᔅᑑᓯᒧᑦ ᐱᔨᒋᔭᐅᒐᔭᓐᖏᓚᖓ.