ᐊᑕᓃᑦ ᐂᑉᐸᖏᑦ 12:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑐᓂᕐᕈᓯᕐᑎᑦᓯᔩᑦ ᐊᑐᓂᑦ ᑎᒎᕐᓯᓕᑦ ᑮᓇᐅᔭᓂᒃ ᑮᓇᐅᔧᕐᕕᖃᑦᑕᕐᑐᓂᑦ ᐊᑐᕐᑕᐅᓗᑎᒡᓗ ᐊᑕᓂᐅᑉ ᐃᒡᓗᖓᑕ ᓯᖁᑦᑎᕐᓯᒪᓂᖏᑕ ᓴᓇᔭᐅᒃᑲᓐᓂᕈᑎᒃᓴᖏᓐᓄᑦ.”

ᐊᑕᓃᑦ ᐂᑉᐸᖏᑦ 12:5 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:27

ᐃᒫᒃ ᑕᕝᕙ ᐱᑦᔪᑎᖃᕐᓗᑎᒃ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᕐᒥᒃ. ᓲᓗᒨᓂ ᐳᕐᑐᓯᒋᐊᕐᓯᓚᐅᕐᒪᑦ ᓄᓇᒥᒃ ᔨᕉᓴᓕᒥ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ, ᐋᖅᑭᒃᓱᐃᓪᓗᓂᓗ ᓯᖁᑦᑎᕐᓯᒪᔪᓂᒃ ᐃᒡᓗᒐᓮᑦ ᐊᕙᓗᕐᔪᐊᖓᓂᒃ ᐊᑖᑕᖓᑕ ᑍᕕᑎᐅᑉ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 12:12

ᐊᑕᓂᐅᑉ ᐃᒡᓗᖓᑕ ᐊᑭᓐᓇᖓᓂᒃ ᐃᓕᐅᖅᑬᔩᑦ ᐅᔭᕋᖕᓂᒡᓗ ᓇᑲᑎᕆᔩᑦ ᐱᓇᓱᐊᕈᑎᒃᓴᒥᖕᓂᒃ ᐊᑕᓂᐅᑉ ᐃᒡᓗᖓᑕ ᓴᓇᔭᐅᓂᖓᓄᑦ ᐊᑭᓕᕐᑐᕆᐊᓕᓕᒫᑦ ᐊᑭᓕᕐᑕᐅᔪᓐᓇᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 12:4

ᔨᕼᐅᐊᓯᐅᑉ ᑐᓂᕐᕈᓯᕐᑎᑦᓯᔩᑦ ᐅᖃᐅᑎᕔᑦ, “ᑲᑎᑕᐅᓕᑦ ᑮᓇᐅᔧᑦ ᑐᓂᕐᕈᑕᐅᖃᑦᑕᕐᑐᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓄᑦ. ᑮᓇᐅᔧᑦ ᑐᓂᔭᐅᖃᑦᑕᕐᑐᑦ ᐃᓄᐃᑦ ᓈᓴᕐᑕᐅᓂᖏᓐᓂ ᐊᖏᕈᑎᓕᐅᕐᑐᓄᓪᓗ ᑐᓂᔭᐅᖃᑦᑕᕐᑐᑦ, ᑐᓂᓯᔪᒪᔪᓄᓪᓗ ᑐᓂᔭᐅᖃᑦᑕᕐᑐᑦ.

ᐊᑕᓃᑦ ᐂᑉᐸᖏᑦ 12:6

ᔨᕼᐅᐊᓯ ᐊᕐᕌᒍᓂᒃ 23ᓂᒃ ᐊᖓᔪᖅᑳᕐᔪᐊᖑᓯᒪᓕᕋᓗᐊᕐᑎᓪᓗᒍ ᓱᓕ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᐃᒡᓗᖓᑕ ᓴᓇᔭᐅᓂᒃᓴᖓᓂᒃ ᐱᒋᐊᓚᐅᓐᖏᓚᑦ.

ᐊᑕᓃᑦ ᐂᑉᐸᖏᑦ 22:4

“ᑐᓂᕐᕈᓯᕐᑎᑦᓯᔨᒧᐊᕐᓗᑎᑦ ᕼᐃᓪᑬᐊᒧᑦ ᖃᐅᔨᒋᐊᕐᕕᒋᒍᒃ ᐊᑕᓂᐅᑉ ᐃᒡᓗᖓᑕ ᐃᑎᕐᕕᖓᓂ ᑮᓇᐅᔧᔭᕐᑎᑦᓯᔩᑦ ᖃᑦᓯᓂᒃ ᑲᑎᕐᓱᐃᓯᒪᓕᕐᒪᖔᑕ ᐃᓄᖕᓂᑦ.

ᑯᕉᓂᑲ ᓯᕗᓪᓖᑦ 29:6

ᑕᕝᕙ ᐃᓚᒥᖕᓄᑦ ᐊᖓᔪᖅᑳᑦ ᐃᒻᒥᓂᒃ ᐱᔪᒪᓂᑎᒃ ᒪᓕᒡᓗᒋᑦ ᑐᓂᓯᕗᑦ, ᐊᖓᔪᖅᑳᓪᓗ 1,000ᓄᑦ 100ᓄᓪᓗ, ᑲᒪᔩᓪᓗ ᐊᖓᔪᖅᑳᕐᔪᐊᑉ ᐱᔭᒃᓴᖏᓐᓄᑦ.

ᑯᕉᓂᑲ ᓯᕗᓪᓖᑦ 29:9

ᑕᕝᕙ ᐃᓄᐃᑦ ᖁᕕᐊᓱᓕᕐᐳᑦ ᑐᓂᓯᔪᒪᑦᓯᐊᕐᓗᑎᒃ ᑐᓂᓯᒐᒥᒃ, ᐆᒻᒪᒻᒧᑦ ᑲᑦᓱᖎᕐᓯᒪᑦᓯᐊᕐᓗᑎᒃ ᑐᓂᓯᒐᒥᒃ ᐊᑕᓂᕐᒧᑦ; ᐊᖓᔪᖅᑳᕐᔪᐊᕐᑕᐅᖅ ᑍᕕᑎ ᐊᖏᔪᒥᒃ ᖁᕕᐊᓱᒻᒪᕆᓕᓚᐅᕆᕗᖅ.

ᑯᕉᓂᑲ ᐂᑉᐸᖏᑦ 24:5

ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ ᑲᑎᖁᕔᑦ, ᐅᖃᐅᑎᓪᓗᒋᓪᓗ, “ᔫᑕᐅᑉ ᐃᒡᓗᒐᓴᖏᓐᓄᑦ ᐂᓚᐅᕆᑦᓯ, ᑮᓇᐅᔭᓂᒡᓗ ᑲᑎᕐᓱᐃᓗᓯ ᐃᓴᕆᐊᓕᒥᐅᓕᒫᓂᑦ ᒎᑎᑦᓯ ᐃᒡᓗᖓ ᐋᖅᑭᒋᐊᕐᑕᐅᔪᓐᓇᕐᓯᖁᓪᓗᒍ ᐊᕐᕌᒍᑕᒫᑦ; ᑕᒪᓐᓇ ᑐᐊᕕᕐᓗᓯ ᐱᓇᓱᐊᓕᕐᓯᐅᒃ.” ᓕᕔᑎᓪᓕ ᐱᒋᐊᓴᐅᑎᒋᓚᐅᓐᖏᓚᑦ ᑕᒪᑐᒥᖓ.

ᑯᕉᓂᑲ ᐂᑉᐸᖏᑦ 24:7

ᐊᑕᓔᐊᐅᑉ ᐃᕐᓂᖏᑦ, ᑖᑦᓱᒪ ᐱᐅᖏᑦᑐᓕᔫᑉ, ᒎᑎᐅᑉ ᐃᒡᓗᖓᓄᑦ ᐃᑎᓚᐅᕐᒪᑕ ᐃᓵᕐᓗᑎᒃ; ᐃᑦᔪᕐᓁᑦᑑᑎᑕᐅᔪᓪᓗ ᐅᓄᕐᑐᑦ ᐊᑕᓂᐅᑉ ᐃᒡᓗᖓᓃᑦᑐᑦ ᐊᑐᓕᓚᐅᕐᐰᑦ ᑐᒃᓯᐊᓕᕌᖓᒥᒃ ᐰᓕᒧᑦ.

ᒨᓯᓯ ᐂᑉᐸᖏᑦ 30:13

ᐊᑐᓂᑦ ᑕᕝᕙ ᓈᓴᕐᑕᐅᔪᑦ ᐃᒤᑦᑐᓂᒃ ᑐᓂᓯᔪᒃᓴᐅᕗᑦ: ᑮᓇᐅᔭᓂᒃ ᐅᖁᒤᓐᓂᕐᓯᐅᑎᓪᓚᕆᖕᒧᑦ ᐊᑐᕐᑕᐅᒐᔪᒃᑐᒧᑦ ᐆᒃᑐᕋᕐᑕᐅᓯᒪᔪᓂᒃ ᒪᓕᒡᓗᑎᒃ. ᑕᒪᒃᑯᐊ ᑕᕝᕙ ᐃᓅᑉ ᐊᑐᓂᑦ ᑐᓂᔭᕆᐊᖃᕐᐰᑦ ᐊᑕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 58:12

ᐃᒡᓗᒐᓴᒡᔪᐊᕕᓂᓯ ᓯᖁᑦᑎᕐᓯᒪᔪᑐᕾᑦ ᓇᑉᐸᕐᑎᕐᑕᐅᒃᑲᓐᓂᕈᒫᕐᐳᑦ; ᑐᓐᖓᕕᓕᐅᕐᓗᓯᓗ ᑭᖑᕚᑦᓯᓐᓄᑦ ᑭᖑᓕᕇᓄᑦ ᐅᓄᕐᑐᓄᑦ ᐱᒋᔭᐅᔪᒃᓴᓂᒃ; ᑍᔭᐅᓕᕈᒫᕐᐳᓯ ᐋᖅᑭᒃᓱᐃᔨᓂᒃ ᓯᖁᒥᓯᒪᓚᐅᕐᑐᓂᒃ, ᐊᖅᑯᑎᓂᒡᓗ ᐋᖅᑭᒃᓱᐃᔨᐅᓂᕋᕐᑕᐅᓗᓯ ᐊᑐᕐᑕᐅᔪᒃᓴᓂᒃ.”

ᒨᓯᓯ ᐱᖓᔪᖏᑦ 27:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓄᒃ ᐊᖏᕈᑎᒋᔭᒥᓂᒃ ᑐᓂᕐᕈᓯᕐᐸᑦ ᐊᑕᓂᕐᒧᑦ ᐃᓄᒃ ᑐᓂᔭᐅᓯᒪᑎᓪᓗᒍ, ᐃᓄᒃ ᐊᑭᓕᕐᑕᐅᔪᖅ ᕿᓚᕈᑦᔮᕐᑕᐅᔭᕆᐊᖃᕐᐳᖅ ᐊᑭᓪᓗᐊᖓᓂᒃ ᑮᓇᐅᔭᓂᒃ ᐊᑭᓕᕐᓗᒍ.

ᒨᓯᓯ ᓯᑕᒪᖏᑦ 18:15

“ᓱᓇᑐᐃᓐᓁᑦ ᐃᕐᓂᐊᕆᔭᐅᖅᑳᕐᑐᑦ ᑎᒥᖃᕐᑐᓕᒫᓄᑦ ᐊᑕᓂᕐᒧᑦ ᑐᓂᔭᐅᔭᕆᐊᖃᕐᐳᑦ, ᐊᑕᓂᕐᒧᑦ ᕾᑦᔪᑎᓗᒋᑦ, ᐃᓅᒃᐸᓪᓘᓐᓃᑦ ᓂᕐᔪᑎᐅᒃᐸᓪᓘᓐᓃᑦ, ᐃᕝᕕᑦ ᐱᒋᔭᕆᐊᖃᕐᐸᑎᑦ; ᑭᓯᐊᓂᓕ ᐃᓄᒃ ᐊᖑᑕᐅᓗᓂ ᐃᕐᓂᐊᕆᔭᐅᖅᑳᕐᐸᑦ ᐅᑎᕐᑎᑕᐅᓪᓚᕆᒋᐊᖃᕐᐳᖅ, ᐃᕐᓂᐊᖑᖅᑳᕐᑐᖅ ᓂᕐᔪᑎ ᓴᓗᒤᑦᑑᒃᐸᑦ ᐅᑎᕐᑎᓴᕆᐊᖃᕐᐸᑦ.