ᐊᑕᓃᑦ ᐂᑉᐸᖏᑦ 12:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᒃᓯᕐᕕᒃ ᑮᓇᐅᔭᓂᒃ ᐃᓕᐅᖅᑬᕕᐅᔪᖅ ᑕᑕᑦᑖᕌᖓᑦ ᑮᓇᐅᔭᓕᕆᔨᐅᑉ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖓᑦᑕ ᑎᒍᓪᓗᒋᑦ ᓇᒃᓴᕐᐸᒃᐰᑦ ᐃᒃᐱᐊᕐᔪᖕᓄᓪᓗ ᐴᖅᑲᕐᐸᒃᓗᒋᑦ.

ᐊᑕᓃᑦ ᐂᑉᐸᖏᑦ 12:10 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 20:25

ᓰᕙ ᐃᖅᑲᕐᑐᐃᔨᓄᑦ ᑎᑎᕋᕐᑎᐅᓚᐅᕐᐳᖅ; ᔭᑑᒃᓗ ᐊᐰᐊᑕᓗ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ,

ᓴᒧᐃᓕ ᐂᑉᐸᖏᑦ 8:17

ᔭᑑᒃ ᐊᕼᐃᑑᑉ ᐃᕐᓂᖓ ᐊᕼᐃᒥᓕᒡᓗ ᐊᐰᐊᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ; ᓯᕅᐊ ᑎᑎᕋᕐᑎᐅᑎᓪᓗᒍ;

ᐊᑕᓃᑦ ᐂᑉᐸᖏᑦ 12:11

ᑮᓇᐅᔧᑦ ᑲᑎᕐᓱᕐᑕᐅᔪᑦ ᓈᒻᒪᒃᓯᔭᕌᖓᑕ ᐊᑕᓂᐅᑉ ᐃᒡᓗᖓ ᓴᓇᔭᐅᓂᖓᓄᑦ ᐱᓇᓱᒃᑎᐅᔪᑦ ᑲᒪᔨᖏᓐᓄᐊᕐᑕᐅᕙᒃᐳᑦ. ᐱᓇᓱᐊᕐᑐᓄᓪᓗ ᐊᑕᓂᐅᑉ ᐃᒡᓗᖓᑕ ᓴᓇᔨᖏᓐᓄᑦ ᑖᒃᑯᐊ ᐊᑭᓕᕐᑐᐃᑦᔪᑕᐅᕗᑦ, ᕿᔪᓕᕆᔨᓄᑦ ᐋᖅᑭᒃᓱᐃᔨᓄᓪᓗ.

ᐊᑕᓃᑦ ᐂᑉᐸᖏᑦ 19:2

ᐃᓔᐊᑭᒻ ᐊᖓᔪᖅᑳᖁᑎᓂ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᓯᑉᓇᓗ ᐊᒡᓚᒃᑎᒻᒪᕆᒃ, ᑐᓂᕐᕈᓯᕐᑎᑦᓯᔩᓪᓗ ᐃᓄᑐᖃᐅᓂᖏᑦ, ᑎᓕᕔᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᓮᐊᓯᒧᑦ ᐂᒨᓯᐅᑉ ᐃᕐᓂᖓᓄᐊᖁᓪᓗᒋᑦ ᑖᒃᑯᐊ ᐊᑐᕆᓪᓗᑎᒃ ᐊᓐᓄᕌᓂᒃ ᕿᒃᓵᒃᑐᕐᓯᐅᑎᓂᒃ.

ᐊᑕᓃᑦ ᐂᑉᐸᖏᑦ 22:12

ᐊᖓᔪᖅᑳᕐᔪᐊᓪᓗ ᐅᖃᐅᑎᔭᐅᖁᕔᑦ ᕼᐃᓪᓚᑬᐊ ᑐᓂᕐᕈᓯᕐᑎᑦᓯᔨ, ᐊᕼᐂᑲᒻ ᓴᕙᓂᐅᑉ ᐃᕐᓂᖓ, ᐊᒃᐳᕆᓗ ᒥᑬᐊᐅᑉ ᐃᕐᓂᖓ, ᓴᕙᓂᓗ ᐊᖓᔪᖅᑳᕐᔪᐊᑉ ᑲᑎᒪᔨᖏᑕ ᑎᑎᕋᕐᑎᖓ; ᐊᓮᐊᓗ ᐊᖓᔪᖅᑳᕐᔪᐊᑉ ᐱᔨᖓ ᐅᖃᕐᓗᓂ:

ᐊᑕᓃᑦ ᐂᑉᐸᖏᑦ 23:4

ᑕᕝᕙ ᐊᖓᔪᖅᑳᕐᔪᐊᖅ ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᕼᐃᓪᑬᐊᒥᒃ ᐃᑲᔪᕐᑎᖏᓐᓂᒡᓗ, ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓂ ᖃᐅᔨᓴᕐᑎᐅᔪᓕᒫᑦ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᓗᑎᒃ ᐊᑐᕐᑕᐅᖃᑦᑕᕐᑐᓕᒫᑦ, ᒎᑎᓐᖑᐊᒧᓪᓗ ᐊᓯᕋᒧᑦ, ᐅᓪᓗᕆᐊᓄᓪᓗ, ᑕᒪᒃᑯᐊᓕᒫᑦ ᐊᖓᔪᖅᑳᕐᔪᐊᑉ ᐃᑯᐊᓪᓚᒃᑕᐅᑎᑉᐰᑦ ᐃᒡᓗᒐᓮᑦ ᔨᕉᓴᓕᐅᑉ ᓯᓚᑖᓂ ᓇᕐᓴᒥ ᑭᑐᕌᓂᒥᒃ ᑍᔭᐅᔪᒥ ᐊᕐᔭᓕᓂᖏᓪᓗ ᐱᑎᓕᒧᑦ ᐋᑕᐅᑎᓪᓗᓂᒋᑦ.

ᐊᑕᓃᑦ ᐂᑉᐸᖏᑦ 5:23

ᓁᒪᐅᑉ ᐅᖃᐅᑎᕚ, “ᐱᔪᓐᓇᓗᐊᕐᐳᑎᑦ, 6,000ᓂᒃ ᐱᓕᕆᑦ.” ᒋᕼᐋᓯᒧᓪᓗ ᐱᔭᐅᑦᓯᐊᖁᕔᑦ, ᑖᒃᑯᐊᓗ 6,000ᑦ ᑮᓇᐅᔭᑦ ᐃᒃᐱᐊᕐᔫᖕᓄᑦ ᐴᕐᐰᑦ ᐊᓐᓄᕌᓪᓗ ᒪᕐᕈᐃᕐᓱᓪᓗᐊᕐᓗᓂ ᐊᑎᔭᒃᓮᑦ ᑭᒡᒐᕆᔭᒥᓄᓪᓗ ᐊᒃᔭᕐᓯᒍᑦᔭᐅᖁᕚ, ᑖᒃᑯᐊᓗ ᒋᕼᐋᓯᒥᑦ ᓯᕗᓪᓕᐅᓪᓗᑎᒃ ᐋᑦᓯᕘᒃ ᐱᔭᒃᓴᖏᓐᓂᒃ.

ᑯᕉᓂᑲ ᓯᕗᓪᓖᑦ 9:19

ᓴᓗᒻ ᑯᕆᐅᑉ ᐃᕐᓂᖓ, ᑖᓐᓇ ᐃᐰᐊᓴᐅᑉ ᐃᕐᓂᖓ, ᑖᓐᓇ ᑰᕋᐅᑉ ᐃᕐᓂᖓ, ᖃᑕᓐᖑᑎᖏᓪᓗ ᐊᑖᑕᖓᑕ ᐃᓚᖏᓐᓂᑦ, ᑰᕋᕼᐂᑎᒥᐅᑦ, ᐊᖓᔪᖅᑳᖑᕗᑦ ᐱᓇᓱᒃᑕᐅᒋᐊᓕᖕᓄᑦ, ᑐᐱᐅᑉ ᐃᑎᕐᑕᕐᕕᖓᓂ ᑲᒪᔨᐅᓪᓗᑎᒃ, ᓯᕗᓕᖏᑦ ᑲᒪᔨᐅᓚᐅᕐᒪᑕ ᐊᑕᓂᐅᑉ ᐃᑎᕐᑕᕐᕕᖓᓂ ᑕᒫᕐᓯᒪᕕᖕᒥ.

ᑯᕉᓂᑲ ᐂᑉᐸᖏᑦ 24:11

ᐃᒃᓯᕐᕕᒡᓗ ᓕᕔᑎᓂᑦ ᑐᓂᔭᐅᔭᕌᖓᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᓐᓄᑦ, ᑕᑯᔭᕌᖓᒥᒃ ᑮᓇᐅᔧᑦ ᐅᓄᕐᓂᖏᓐᓂᒃ, ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᕾᖃᑦᑕᓚᐅᕐᐳᑦ ᐃᒃᓯᕐᕕᒡᓗ ᓈᕕᖃᑦᑕᓚᐅᕐᐹᑦ, ᐅᑎᕐᑎᓪᓗᒍᓗ ᐃᓂᖓᓄᑦ. ᑍᒤᓕᐅᖃᑦᑕᓚᐅᕐᐳᓪᓗ ᖃᐅᑕᒫᑦ, ᑲᑎᕐᓱᐃᓚᐅᕐᐳᓪᓗ ᑮᓇᐅᔭᓂᒃ ᐅᓄᕐᑐᕐᔪᐊᓂᒃ.

ᐄᓱᕋᐅᑉ ᐊᒡᓚᖏᑦ 3:7

ᐃᓄᐃᑦ ᑮᓇᐅᔭᓂᒃ ᑐᓂᓯᓚᐅᕐᐳᑦ ᐊᑭᓕᐅᑎᒃᓴᓂᒃ ᐅᔭᕋᓕᕆᔨᓄᑦ ᕿᔪᓕᕆᔨᓄᓪᓗ ᑐᓂᓯᓚᐅᕆᕗᑦ ᓂᕿᒃᓴᓂᒃ, ᐃᒥᒐᒃᓴᓂᒡᓗ, ᓇᐹᕐᑑᓪᓗ ᐅᕐᓱᖏᓐᓂᒃ ᑐᔫᑎᒃᓴᓂᒃ ᐃᒡᓗᒐᓴᖕᓄᑦ ᑍᕆᒧᑦ ᓮᑐᓂᒧᓪᓗ ᑕᐅᕐᓰᒍᑎᒃᓴᓂᒃ ᓰᑕᕆᓄᑦ ᓯᑎᔪᓄᑦ ᓕᐸᓇᓂᒥᑦ ᐱᓯᒪᔪᓄᑦ, ᑎᑭᐅᑦᔭᐅᒐᔭᕐᑐᓄᑦ ᑕᕆᐅᒃᑯᑦ ᔮᐸᒃᑯᑦ, ᑕᒪᓐᓇ ᐱᓇᓱᐊᕐᑕᐅᓚᐅᕐᐳᖅ ᐊᖏᕈᑎᒋᔭᐅᓯᒪᖕᒪᑦ ᐊᖓᔪᖅᑳᕐᔪᐊᕐᒧᑦ ᓮᕋᓯᒧᑦ ᐴᕐᓯᐊᒥᐅᒧᑦ.