21 ᔨᕼᐅᐊᓯ ᐊᖓᔪᖅᑳᕐᔪᐊᓐᖑᕐᐳᖅ ᐊᕐᕌᒍᖃᕐᓗᓂ 7ᓂᒃ.
ᔨᕼᐅᓰᐸ ᐊᖓᔪᖅᑳᕐᔪᐊᑉ ᔪᕌᒻ ᐸᓂᖓ ᐊᕼᐊᔧᐊᐅᑉ ᓇᔭᖓ, ᐃᔨᕋᕐᑐᕐᓗᓂ ᔪᐊᓯ ᐊᕼᐊᔧᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᕿᑐᕐᖓᖏᓐᓂᑦ ᑎᒍᕚ ᑐᖁᕋᕐᑕᐅᖏᓐᓂᖏᓐᓂ ᐊᕝᕗᑎᑎᓪᓗᒍ ᐊᑕᓔᐊᒥᑦ ᐃᔨᕐᐹ. ᑖᓐᓇ ᑐᖁᑕᐅᓚᐅᓐᖏᓚᖅ.
ᐊᕐᕌᒍᐃᑦ 7ᖓᓐᓂ ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᑦ 100ᓄᑦ ᑳᕆᑎᔅᓂᒃ ᑍᔭᐅᔪᑦ ᖃᐅᔨᓴᕐᑎᖁᑎᖏᓪᓗ ᕾᖁᕔᑦ ᐊᑕᓂᐅᑉ ᐃᒡᓗᖓᓄᑦ; ᐅᖃᕕᒡᓗᑎᒡᓗ ᐊᖏᖃᑎᒋᕔᑦ ᐊᑕᓂᐅᑉ ᐃᒡᓗᖓᓂ, ᑕᑯᑎᓕᕐᓗᒋᓪᓗ ᐊᖓᔪᖅᑳᕐᔪᐊᑉ ᐃᕐᓂᖓᓂᒃ ᔪᐊᓯᒥᒃ.
ᔨᕼᐅᐊᓯᐅᑉ ᐊᖓᔪᖅᑳᕐᔪᐊᖑᓂᖓᑕ 7ᖓᓐᓂ. ᔪᐊᓯ ᐊᖓᔪᖅᑳᕐᔪᐊᓐᖑᕐᐳᖅ, ᐊᐅᓚᑦᓯᓚᐅᕐᐳᕐᓗ ᐊᕐᕌᒍᓂᒃ 40ᓂᒃ ᔨᕉᓴᓕᒻᒥ. ᐊᓈᓇᖓ ᐊᑎᖃᕐᐳᖅ ᔨᐰᔭᒥᒃ ᐱᐊᕐᓯᐸᒥᐅᑕᖅ.
ᔫᓮᐊ 8ᓂᒃ ᐊᕐᕌᒍᖃᓚᐅᕐᐳᖅ ᐊᖓᔪᖅᑳᕐᔪᐊᓐᖑᕋᒥ ᔫᑕᒧᑦ, ᐊᐅᓚᑦᓯᓚᐅᕐᐳᕐᓗ ᐊᕐᕌᒍᓂᒃ 31ᓂᒃ ᔨᕉᓴᓕᒥ. ᐊᓈᓇᖃᓚᐅᕐᐳᖅ ᔨᑎᑕᒥᒃ ᐊᑍᐊᐅᑉ ᐸᓂᖓᓂᒃ ᓄᓇᓕᖕᓂᑦ ᐳᔾᑲᑦᒥᐅᓂᑦ ᐱᓯᒪᔪᒥᒃ.
