ᐊᑕᓃᑦ ᐂᑉᐸᖏᑦ 11:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑖᒃᑯᐊ ᕾᖁᕔᑦ ᐊᖓᔪᖅᑳᖑᔪᑦ ᐅᓇᑕᕐᑎᓄᑦ ᑳᕆᑎᔅᓄᑦ 100ᐅᓈᕐᑎᕐᑐᓄᑦ, ᖃᐅᔨᓴᕐᑎᐅᓂᐊᕐᑐᓪᓗ ᐊᖓᔪᖅᑳᕐᔪᐊᕐᒧᑦ ᐃᓄᓕᒫᓄᓪᓗ. ᔪᐊᓯ ᐊᖓᔪᖅᑳᕐᔪᐊᖑᓕᕐᑐᖅ ᑐᒃᓯᐊᕐᕕᒡᔪᐊᒥᑦ ᐊᓂᖃᑎᒋᕚᑦ, ᖃᐅᔨᓴᕐᕕᐅᑉ ᐃᑎᕐᕕᖓᒍᑦ ᐊᖓᔪᖅᑳᕐᔪᐊᑉ ᐃᒡᓗᖃᕐᕕᖓᓄᐊᕈᑎᕚᑦ. ᑕᕝᕙᓂᓗ ᐃᒃᓯᕙᐅᑕᕐᔪᐊᒥᓄᑦ ᐃᖏᑉᐳᖅ.

ᐊᑕᓃᑦ ᐂᑉᐸᖏᑦ 11:19 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:36

ᑍᑦᓱᒪᓂᐅᑎᓪᓗᒍᓕ ᒥᑎᐊᓂᒥᐅᑦ ᓂᐅᕐᕈᑎᒋᕚᑦ ᐄᑦᔨᑉᑎᒥ ᐹᑎ-ᐸᕆᒧᑦ, ᐰᕉᑉ ᐊᖓᔪᖅᑳᖁᑎᖓᓄᑦ, ᐊᖓᔪᖅᑳᒃᑯᕕᖕᒥ ᖃᐅᔨᓴᕐᑏᑦ ᐊᖓᔪᖅᑳᖓᓐᓄᑦ.

ᐊᑕᓃᑦ ᓯᕗᓪᓖᑦ 1:13

ᒫᓐᓇᑲᐅᑎᒋ ᐂᓕᕆᑦ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᐅᖃᐅᑎᓗᒍ, ‘ᐅᖃᓚᐅᕐᓯᒪᓐᖏᓚᑏᑦ, ᐊᖓᔪᖅᑳᕐᔪᐊᕋ, ᐅᕙᓐᓄᑦ ᐅᖃᕕᒡᓗᑎᑦ ᐊᖏᓚᐅᕐᓯᒪᖓᕕᑦ ᐱᔨᖕᓄᑦ, ᐅᖃᕐᓗᑎᑦ “ᐃᕐᓃᑦ ᓲᓗᒨᓂ ᐅᕙᓐᓂᒃ ᑭᖑᕝᕕᐅᑎᓛᕐᑐᖅ ᐃᓇᖐᕐᓗᖓ? ᐃᒃᓯᕙᐅᑕᕐᔪᐊᓐᓂᓗ ᐃᒃᓯᕙᓕᕐᓗᓂ”? ᓱᖕᒪᓪᓕ ᐊᑐᓁᔭ ᐊᖓᔪᖅᑳᕐᔪᐊᓐᖑᓕᕐᐸ?’

ᐊᑕᓃᑦ ᓯᕗᓪᓖᑦ 14:27

ᐊᖓᔪᖅᑳᕐᔪᐊᑉ ᕆᕼᐅᐳᐊᒻ ᓴᓇᔭᐅᑎᑦᓯᓪᓗᓂ ᑭᖑᕝᕕᓚᐅᕐᐰᑦ ᑲᓐᓄᔭᓂᒃ ᓴᐴᓗᑕᕐᓂᒃ, ᓴᐳᓐᓂᐊᕐᑏᓪᓗ ᐊᖓᔪᖅᑳᖏᓐᓄᑦ ᑐᓂᓪᓗᒋᑦ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᓂᒃ ᑲᒪᔨᐅᔪᓄᑦ.

ᑯᕉᓂᑲ ᓯᕗᓪᓖᑦ 29:23

ᑕᕝᕙ ᓲᓗᒨᓂ ᐃᖏᑉᐳᖅ ᐊᑕᓂᐅᑉ ᐃᒃᓯᕙᐅᑕᕐᔪᐊᖓᓄᑦ ᐊᖓᔪᖅᑳᕐᔪᐊᓐᖑᕐᓗᓂ ᐊᑖᑕᓂ ᑍᕕᑎ ᐃᓇᖏᕐᓗᒍ; ᐱᔪᓐᓇᕐᓯᕙᓪᓕᐊᕗᕐᓗ, ᐃᓴᕆᐊᓕᒥᐅᓕᒫᓪᓗ ᓈᓚᒃᐹᑦ.

ᑯᕉᓂᑲ ᐂᑉᐸᖏᑦ 23:19

ᐃᑎᕐᑕᕐᕕᖕᓂ ᑲᒪᔨᐅᓂᐊᕐᑐᑦ ᑎᓕᕔᑦ ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖏᓐᓂ ᓇᓪᓕᐊᓪᓘᓐᓃᑦ ᓴᓗᒤᑦᑐᖅ ᐃᑎᖁᓇᒍ ᑕᕝᕗᖓ.

ᑯᕉᓂᑲ ᐂᑉᐸᖏᑦ 23:20

ᑖᑦᓱᒪᓗ ᑎᓕᒋᕔᑦ ᐅᓇᑕᕐᑎᓄᑦ ᐊᖓᔪᖅᑳᑦ 100ᓄᑦ, ᐊᖓᔪᖅᑳᓪᓗ, ᐃᓄᖕᓄᓪᓗ ᐊᖓᔪᖅᑳᑦ, ᐃᓄᓕᒫᓪᓗ ᓄᓇᓕᖕᓂ; ᐊᖓᔪᖅᑳᕐᔪᐊᕐᓗ ᐊᑕᓂᐅᑉ ᐃᒡᓗᖓᓂᑦ ᐊᓂᑎᑉᐹᑦ, ᐱᓱᖃᑎᒌᒡᓗᑎᒃ ᐃᑎᕐᑕᕐᕕᒃᑯᑦ ᐳᕐᑐᓂᕐᓴᒃᑯᑦ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ. ᐊᖓᔪᖅᑳᕐᔪᐊᕐᓗ ᐃᒃᓯᕙᐅᑕᕐᔪᐊᕐᒧᑦ ᐃᖏᑎᑉᐹᑦ ᐊᖓᔪᖅᑳᕐᔪᐊᖑᕕᖓᓄᑦ.

ᑯᕉᓂᑲ ᐂᑉᐸᖏᑦ 23:5

ᐱᖓᔪᖏᑦ ᐊᖓᔪᖅᑳᕐᔪᐊᑉ ᐃᒡᓗᖓᓃᑦᑐᒃᓴᐅᕗᑦ ᐱᖓᔪᒃᑲᓐᓂᖏᓪᓗ ᑐᓐᖓᕕᐅᑉ ᐃᑎᕐᑕᕐᕕᒡᔪᐊᖓᓃᑦᑐᒃᓴᐅᕗᑦ; ᐃᓄᓕᒫᓪᓗ ᐊᑕᓂᐅᑉ ᐃᒡᓗᖓᑕ ᐱᕕᑐᓂᖓᓃᑦᑐᒃᓴᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 17:25

ᑕᕝᕙ ᐊᖓᔪᖅᑳᕐᔪᐊᕆᔭᓯ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᑦ ᐊᖓᔪᖅᑳᖁᑎᖏᓪᓗ ᐃᑎᕐᐸᖕᓂᐊᕐᐳᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ ᔫᑕᒥᐅᓂᒃ ᔨᕉᓴᓕᒥᐅᓂᒡᓗ ᐃᓚᖃᕐᓗᑎᒃ ᕿᒧᒃᓯᐅᑎᖁᑎᒥᒃᑎᒍᑦ, ᐃᒡᓗᒐᓴᒡᔪᐊᓪᓗ ᑖᒃᑯᐊ ᐃᓄᕾᓐᓇᕐᓂᐊᕐᐳᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 22:30

ᐊᑕᓂᖅ ᐃᒫᒃ ᐅᖃᕐᒪᑦ, ‘ᐊᖑᑦ ᑖᓐᓇ ᑎᑎᕋᕐᓯᒪᓂᐊᕐᐸᓯ ᕿᑐᕐᖏᓱᐃᑦᑑᓂᕋᕐᓗᒍ, ᐱᔪᓐᓇᕐᓯᓐᓂᖏᑦᑐᖅ ᐃᓅᓪᓗᓂ, ᑭᖑᕚᖏᑦ ᒪᑭᑦᑐᓐᓇᕐᓯᔪᖃᕈᒫᓐᖏᓚᑦ, ᑍᕕᑎᐅᑉ ᐊᖓᔪᖅᑲᐅᓂᖓᑕ ᐃᒃᓯᕙᐅᑕᕐᔪᐊᖓᓂ ᐊᖓᔪᖅᑳᕐᔪᐊᓐᖑᕐᑐᖃᕐᓂᐊᓐᖏᓚᑦ, ᐊᐅᓚᑦᓯᔪᕐᑕᖃᕐᓂᐊᕋᓂᓗ ᔫᑕᒥ.’”

ᔨᕆᒤᐊᐅᑉ ᐊᒡᓚᖏᑦ 22:4

ᐱᖁᔭᒃᑲ ᑖᒃᑯᐊ ᒪᓕᑦᓯᐊᕈᑦᓯᐅᒃ, ᑕᕝᕙ ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓂ ᐃᒃᓯᕙᐅᑕᕐᔪᐊᖃᕐᑐᑦ, ᐊᖓᔪᖅᑳᖁᑎᖏᓪᓗ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ ᐊᕙᒻᒧᒐᕈᒫᕐᐳᑦ ᕿᒧᒃᓯᐅᑎᒃᑯᑦ ᐊᒃᓴᓗᐊᓕᒃᑯᑦ ᕿᒻᒥᕐᔪᐊᒃᑯᓪᓗ, ᓯᐊᓛᖏᑦ ᐃᓄᖁᑎᖏᓪᓗ ᐃᓚᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 25:31

“ᐃᓅᑉ ᐃᕐᓂᖓ ᐊᖓᔪᖅᑳᕐᔪᐊᖑᓗᓂ ᑎᑭᒃᑯᓂ, ᐂᖏᓕᓕᒫᑦ ᐃᓚᒋᓗᒋᑦ, ᐃᒃᓯᕙᐅᑕᕐᔪᐊᕐᒥᓄᑦ ᐱᓐᓇᕐᓇᕐᑐᕐᔪᐊᕐᒧᑦ ᐃᖏᑦᓱᒫᕐᐳᖅ.