ᐊᑕᓃᑦ ᐂᑉᐸᖏᑦ 11:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᓄᓕᒫᑦ ᓇᑭᑐᐃᓐᓇᖅ ᐱᓯᒪᔫᑦ ᐰᓕᐅᑉ ᑐᒃᓯᐊᕐᕕᒡᔪᐊᖓᓄᑦ ᐂᓪᓗᑎᒃ ᒎᑎᓐᖑᐊᖅ ᐅᕐᕈᑎᑉᐹᑉ, ᑐᓂᕐᕈᓯᕐᕕᒃᑕᖏᓪᓗ ᓴᓇᓐᖑᐊᕐᓯᒪᔪᓪᓗ ᓯᖁᑦᑎᕐᑕᐅᕗᑦ. ᒫᑖᓂ ᑐᓂᕐᕈᓯᕐᑎᑦᓯᔨᐅᔪᖅ ᑕᕝᕙᓂ ᑐᓂᕐᕈᓯᕐᕕᐅᑉ ᓴᓂᐊᓂ ᑐᖁᑕᐅᕗᖅ. ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐅᓇᑕᕐᑎᓂᒃ ᖃᐅᔨᓴᕐᑎᐅᓂᐊᕐᑐᓂᒃ ᑎᓕᓯᕗᖅ ᐊᑕᓂᐅᑉ ᑐᒃᓯᐊᕐᕕᒃᔪᐊᖓᓂ.

ᐊᑕᓃᑦ ᐂᑉᐸᖏᑦ 11:18 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᐊᑕᓃᑦ ᐂᑉᐸᖏᑦ 10:21

ᔨᕼᐆᓗ ᑎᓕᓯᕗᖅ ᐃᓴᕆᐊᓕᒥᐅᓕᒫᓂᒃ: ᐰᓕᒧᑦ ᑐᒃᓯᐊᕐᐸᒃᑐᓕᒫᑦ ᑕᕝᕗᖓ ᕾᖁᓪᓗᒋᑦ, ᑍᒤᒻᒪᑦ ᓇᓪᓕᐊᓐᓂᒡᓘᓐᓃᑦ ᕾᖏᑦᑐᖃᓚᐅᓐᖏᓚᖅ, ᑕᕝᕙ ᐰᓕᐅᑉ ᐃᒡᓗᖁᑎᖓᓄᑦ ᐃᑎᕐᐳᑦ; ᐃᒡᓗᓗ ᑕᑕᑕᐅᓪᓗᓂ ᐃᓱᐊᓂᑦ ᐃᓱᐊᓄᑦ.

ᐊᑕᓃᑦ ᐂᑉᐸᖏᑦ 10:25

ᔨᕼᐆᓕ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᑐᓂᓯᔭᕇᕋᒥ, ᐅᓇᑕᕐᑐᒃᓴᓄᑦ ᐊᖓᔪᖅᑳᖏᓐᓄᓪᓗ ᐅᖃᕐᐳᖅ, “ᐃᑎᕐᓗᓯ ᑐᖁᕋᕐᑍᓐᓇᕆᓕᕐᓯᒋᒃ; ᓇᓪᓕᐊᓐᓂᒡᓘᓐᓃᑦ ᐊᓂᔪᖃᕐᑍᓕᓕ!” ᑖᒃᑯᐊ ᐃᑎᕋᒥᒃ ᓴᕕᒡᔪᐊᒧᑦ ᑐᖁᕋᕐᐰᑦ; ᑎᒥᖏᓪᓗ ᓯᓚᒧᑦ ᐊᓂᑕᐅᕗᑦ. ᑕᕝᕙ ᐃᒡᓗᒐᓴᖕᓄᑦ ᐰᓕᒧᑦ ᑐᒃᓯᐊᕐᕕᐅᕙᒃᑐᓄᐊᕐᐳᑦ,

ᐊᑕᓃᑦ ᐂᑉᐸᖏᑦ 10:26

ᒎᑎᓐᖑᐊᕆᔭᐅᔪᓪᓗ ᓇᐸᔪᑦ ᓴᓇᓯᒪᔪᑦ ᑕᕝᕙᓃᑦᑐᑦ ᐰᓕᐅᑉ ᐃᒡᓗᖁᑎᖏᓐᓂᑦ ᐊᓂᑎᑉᐰᑦ, ᐃᑯᐊᓪᓚᒡᓗᒋᓪᓗ.

ᐊᑕᓃᑦ ᐂᑉᐸᖏᑦ 10:27

ᐰᓕᓐᖑᐊᓪᓗ ᓇᐸᔪᑦ ᓯᖁᑦᑎᕐᐰᑦ, ᑐᒃᓯᐊᕐᕕᖏᓪᓗ ᓯᖁᑦᑎᕐᓗᒋᑦ, ᐃᓂᒋᔭᖏᓪᓗ ᐊᓇᕆᐊᕐᑐᕐᕕᓐᖑᕐᑎᑕᐅᓚᐅᕐᐳᑦ ᐅᓪᓗᒥᒧᑦ ᑎᑭᓪᓗᒍ.

ᐊᑕᓃᑦ ᐂᑉᐸᖏᑦ 18:4

ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᓕᒫᑦ ᐲᔭᓚᐅᕐᐰᑦ, ᒎᑎᓐᖑᐊᓕᐊᕆᔭᐅᓯᒪᔪᓪᓗ ᐅᔭᕅᑦ ᐅᕐᕉᕋᕐᑎᓚᐅᕐᐰᑦ, ᒎᑎᓐᖑᐊᕆᔭᐅᕐᓗ ᐊᓯᕋᒥᒃ ᑍᔭᐅᔪᖅ ᓯᖁᒥᑉᐹ. ᒨᓯᓯᐅᓪᓗ ᖁᒡᓗᒋᐊᓐᖑᐊᖅ ᑲᓐᓄᔭᖅ ᓇᑉᐸᐅᑎᓚᐅᕐᓯᒪᔭᖓ ᓯᖁᑦᑎᕐᑕᐅᑎᓪᓗᒍ, ᐊᑎᖃᕐᑎᑕᐅᓚᐅᕐᑐᖅ ᓂᕼᐅᓯᑕᓐᒥᒃ; ᑍᑦᓱᒪᓂᐅᑎᓪᓗᒍ ᐃᑯᐊᓪᓚᑦᓯᓪᓗᑎᒃ ᐳᔫᕐᑎᑦᓯᓂᒃᑯᑦ ᑐᒃᓯᐊᕐᕕᐅᖃᑦᑕᓕᓚᐅᕐᒪᑦ ᐅᐱᒍᓲᑎᐅᓪᓗᓂ.

ᐊᑕᓃᑦ ᐂᑉᐸᖏᑦ 23:10

ᑐᐱᑎᐅᑉ ᑐᒃᓯᐊᕐᕕᒋᔭᐅᔪᓐᓁᓪᓕᑎᑉᐹ ᓇᕐᓴᒦᑦᑐᖅ ᕼᐃᓇᓂᒥᒃ ᑍᔭᐅᔪᒥ, ᑭᓇᓕᒫᖅ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᑐᓂᕐᕈᓯᖃᑦᑕᕈᓐᓁᖁᓪᓗᒋᑦ ᐃᑯᐊᓚᔪᒥ ᒧᓕᑭᒧᑦ.

ᐊᑕᓃᑦ ᐂᑉᐸᖏᑦ 23:14

ᓇᐸᔪᓪᓗ ᓱᑬᑦ ᓯᖁᑦᑎᕐᐰᑦ ᑐᒃᓯᐊᕐᕕᐅᕙᒃᑐᑦ, ᐅᕐᕈᑎᓪᓗᒍᓗ ᐊᓯᕆᒻ, ᐃᓄᐃᓪᓗ ᓴᐅᓂᕕᓂᖏᓐᓂᒃ ᐃᓗᓪᓕᕐᑕᐅᖔᕐᓗᑎᒃ.

ᐊᑕᓃᑦ ᐂᑉᐸᖏᑦ 23:20

ᔫᓮᐊᐅᑉ ᑐᖁᕋᕐᑕᐅᑎᑉᐰᑦ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᓂ ᑐᓂᕐᕈᓯᕐᑎᑦᓯᔨᒋᔭᐅᔪᓕᒫᑦ, ᑐᓂᕐᕈᓯᕐᕕᖏᓐᓂᓗ ᓴᐅᓂᖏᑦ ᐃᑯᐊᓚᒃᑕᐅᑎᑉᐰᑦ. ᑕᕝᕙ ᑭᖑᓂᖓᒍᑦ ᔨᕉᓴᓕᒧᑦ ᐅᑎᕆᕗᖅ.

ᑯᕉᓂᑲ ᐂᑉᐸᖏᑦ 21:17

ᑕᕝᕙ ᒪᔪᐊᕋᒥᒃ ᔫᑕᒧᑦ, ᓵᓚᒋᓪᓗᒍ ᑎᒍᕚᑦ, ᐊᖓᔪᖅᑳᕐᔪᐊᓪᓗ ᐃᒡᓗᖓᓂ ᐱᖁᑎᓕᒫᖏᑦ ᓇᓂᔭᑎᒃ ᐊᐅᓪᓚᕈᑎᕔᑦ, ᐃᕐᓂᖏᓪᓗ ᓄᓕᐊᖏᓪᓗ, ᐃᕐᓂᖏᓐᓂᒃ ᐊᒥᐊᑯᓚᐅᓐᖏᓛᑦ ᓄᑲᕐᓕᕐᐹᖅ ᔨᕼᐅᐊᕼᐊᔾ ᑖᓐᓇᑐᐊᖅ ᐊᒥᐊᒃᑯᑐᐊᕆᕚᑦ.

ᑯᕉᓂᑲ ᐂᑉᐸᖏᑦ 34:4

ᐱᖁᔨᓂᖓᓗ ᒪᓕᒡᓗᒍ ᑐᓂᕐᕈᓯᕐᕕᒃ ᐰᓕᒧᑦ ᓯᖁᒥᑉᐹᑦ; ᐳᔫᕐᑎᑦᓯᕕᒡᓗ ᖃᖓᓃᑦᑐᖅ ᓯᖁᑦᑎᕐᑕᐅᕗᖅ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᐊᓯᕋᒥᒃ ᐊᑎᓕᒃ ᓴᓇᓐᖑᐊᕐᓯᒪᔪᓪᓗ ᐊᐅᒃᑎᓯᒪᔪᓪᓗ ᐃᓄᓐᖑᐊᑦ ᓯᖁᒥᑉᐰᑦ, ᐳᔪᕋᓐᖑᕐᑎᓪᓗᒋᑦ ᓈᕕᑉᐰᓪᓗ ᑐᓂᕐᕈᓯᕐᐸᓚᐅᕐᑐᑦ ᐃᓗᕕᖏᓐᓄᑦ.

ᑯᕉᓂᑲ ᐂᑉᐸᖏᑦ 34:7

ᑐᓂᕐᕈᓯᕐᕖᑦ ᓯᖁᑦᑎᕐᐰᑦ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᐊᓯᕋᓐᖑᐊᖅ ᓯᖁᑦᑎᕐᐹ ᓯᖃᓪᓕᓪᓗᒍ ᓴᓇᓐᖑᐊᕐᓯᒪᔪᓕᒫᓪᓗ ᐳᔪᕋᓐᖑᕐᑎᑉᐰᑦ, ᑎᐱᑦᓯᐊᕆᒃᑐᓂᒡᓗ ᐃᑯᐊᓚᑦᓯᕖᑦ ᓯᖁᑦᑎᕐᐰᑦ ᐃᓴᕆᐊᓕᒥᐅᑦ ᓄᓇᓕᒫᖏᓐᓂ. ᑕᕝᕙ ᐅᑎᕐᐳᖅ ᔨᕉᓴᓕᒧᑦ.

ᒨᓯᓯ ᐂᑉᐸᖏᑦ 32:20

ᓄᕐᕋᓐᖑᐊᕐᓗ ᓴᓇᔭᐅᓯᒪᔪᖅ ᑎᒍᕚ, ᐃᑯᒪᒧᓪᓗ ᐊᐅᒃᑎᑉᐹ, ᓯᖃᓪᓕᑦᓯᐊᕐᓗᒍᓗ ᐳᔪᕋᕐᑎᑐᑦ ᑍᒤᓕᕐᑎᑉᐹ, ᐃᒥᕐᒥᒡᓗ ᐃᓚᓪᓗᓂᐅᒃ. ᐃᓴᕆᐊᓕᒥᐅᑦ ᑕᒪᑐᒥᖓ ᐃᒥᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 2:18

ᒎᑎᓐᖑᐊᓪᓗ ᐊᑕᖏᑦᓯᐊᕐᓗᑎᒃ ᐱᑕᖃᕈᓐᓃᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 12:2

ᓄᓇᑖᕆᓕᕐᑕᑦᓯᓐᓂ ᐃᓅᖃᑎᒌᒡᔪᐊᑦ ᒎᑎᒥᖕᓄᑦ ᑐᒃᓯᐊᕐᕕᒋᕙᒃᑕᕕᓂᖏᑕ ᐃᓂᖏᑦ ᐊᑕᖏᓪᓚᕆᒡᓗᒋᑦ ᓄᖑᑦᓯᐊᒐᒃᓴᕆᕙᓯ, ᖃᖅᑬᑦ ᐳᕐᑐᔪᑦ ᖄᖏᓐᓂ ᐱᖑᐃᓪᓗ ᖄᖏᓐᓂ ᓇᐹᕐᑐᐃᓪᓗ ᑐᖑᔪᕐᑕᓕᒫᑦ ᐊᑖᓃᑦᑐᑦ;

ᒨᓯᓯ ᑕᓪᓕᒪᖏᑦ 12:3

ᑐᓂᕐᕈᓯᕐᕕᖁᑎᖏᑦ ᐅᕐᕉᕋᕐᑎᑕᒃᓴᕆᕙᓯ, ᐅᔭᕅᓪᓗ ᓇᐸᔪᖁᑎᖏᑦ ᑐᒃᓯᐊᕐᕖᑦ ᓯᖁᑦᑎᕐᓗᒋᑦ. ᒎᑎᓐᖑᐊᖏᓪᓗ ᐊᓯᕋᒥᒃ ᐊᑎᓖᑦ ᐃᑯᒪᒧᑦ ᐃᑯᐊᓪᓚᒡᓗᒋᑦ; ᒎᑎᓐᖑᐊᖏᓪᓗ ᓴᓇᓯᒪᔪᑦ ᑲᓱᐊᕐᓗᒋᑦ ᓄᖑᓪᓗᒋᑦ, ᐊᑎᖏᓪᓗ ᑕᕝᕙᓃᑦᑐᑦ ᓄᓇᒥ ᓯᖁᑦᑎᕐᓗᒋᑦ ᓄᖑᓪᓗᒋᑦ.

ᒨᓯᓯ ᑕᓪᓕᒪᖏᑦ 13:10

ᐅᔭᖅᑲᓄᑦ ᒥᓪᓗᕐᑕᒃᓴᕆᕙᓯ ᑐᖁᓪᓗᒍ, ᑖᑦᓱᒪ ᓴᖑᑎᓐᓇᓱᐊᓚᐅᕐᒪᓯ ᐊᑕᓂᕐᒥᑦ ᒎᑎᑦᓯᓐᓂᑦ, ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᒥᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᕿᓚᒃᓱᕐᑕᐅᓯᒪᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 13:9

ᑐᖁᑕᒃᓴᕆᕙᓯᓕ! ᓯᕗᓪᓕᕐᐸᐅᓗᑎᑦ ᐊᒡᒐᖕᓄᑦ ᐱᒋᐊᕐᑕᒃᓴᕆᕙᑦ, ᑕᒪᑐᒪ ᑭᖑᓂᖓᒍᑦ ᑕᕝᕙ ᐃᓄᓕᒫᓄᑦ ᐱᒋᐊᕐᑕᐅᔪᒃᓴᐅᕗᖅ ᑐᖁᑕᐅᖁᓪᓗᒍ.