ᐊᑕᓃᑦ ᐂᑉᐸᖏᑦ 11:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᔨᕼᐅᐃᐊᑕ ᐊᖏᖃᑎᓕᐅᕈᑎᒥᒃ ᐋᖅᑮᕗᖅ ᐊᑕᓂᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐃᓄᖕᓄᓪᓗ ᐊᑕᓂᖕᒧᑦ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᕐᒧᑦ ᐊᑕᓂᕐᒧᓪᓗ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᑉ ᐃᓄᖁᑎᖏᑕᓗ ᐊᖏᓯᒪᖃᑎᒌᒍᑎᒋᓂᐊᕐᑕᖓᓐᓂᒃ.

ᐊᑕᓃᑦ ᐂᑉᐸᖏᑦ 11:17 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᐊᑕᓃᑦ ᐂᑉᐸᖏᑦ 11:4

ᐊᕐᕌᒍᐃᑦ 7ᖓᓐᓂ ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᑦ 100ᓄᑦ ᑳᕆᑎᔅᓂᒃ ᑍᔭᐅᔪᑦ ᖃᐅᔨᓴᕐᑎᖁᑎᖏᓪᓗ ᕾᖁᕔᑦ ᐊᑕᓂᐅᑉ ᐃᒡᓗᖓᓄᑦ; ᐅᖃᕕᒡᓗᑎᒡᓗ ᐊᖏᖃᑎᒋᕔᑦ ᐊᑕᓂᐅᑉ ᐃᒡᓗᖓᓂ, ᑕᑯᑎᓕᕐᓗᒋᓪᓗ ᐊᖓᔪᖅᑳᕐᔪᐊᑉ ᐃᕐᓂᖓᓂᒃ ᔪᐊᓯᒥᒃ.

ᐊᑕᓃᑦ ᐂᑉᐸᖏᑦ 23:3

ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᑯᕉᓂᑲ ᓯᕗᓪᓖᑦ 11:3

ᑍᒤᒻᒪᑦ ᐃᓴᕆᐊᓕᐅᑉ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕐᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒧᑦ; ᑍᕕᑎᐅᓪᓗ ᐊᖏᖃᑎᒌᒍᑎᓕᐅᖃᑎᒋᕔᑦ ᕼᐃᐸᕋᓐᒥ ᐊᑕᓂᐅᑉ ᓵᖓᓂ, ᑖᒃᑯᐊᓗ ᐅᕐᓱᒧᑦ ᒥᖑᐊᕐᐹᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᓄᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ ᓴᒧᐃᓕᒃᑯᑦ.

ᑯᕉᓂᑲ ᐂᑉᐸᖏᑦ 23:16

ᔨᕼᐅᐃᐊᑕᓗ ᐊᖏᖃᑎᒌᒍᑎᓕᐅᕐᐳᖅ ᐃᒻᒥᓄᑦ ᐃᓄᓕᒫᓄᓪᓗ ᐊᖓᔪᖅᑳᕐᔪᐊᒧᓪᓗ ᐊᑕᓂᕐᒧᑦ ᐃᓄᖁᑎᒋᔭᐅᔪᒪᓪᓗᑎᒃ.

ᑯᕉᓂᑲ ᐂᑉᐸᖏᑦ 29:10

“ᐆᒻᒪᑎᒃᑯᑦ ᐊᖏᖃᑎᒌᒍᑎᓕᐅᕐᕕᒋᔪᒪᕙᕋ ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓᑦ, ᑖᑦᓱᒪ ᓂᓐᖓᐅᒪᓂᕐᔪᐊᖓ ᐅᕙᑦᑎᓐᓂᒃ ᐊᓔᖁᓪᓗᒍ.

ᑯᕉᓂᑲ ᐂᑉᐸᖏᑦ 34:31

ᐊᖓᔪᖅᑳᕐᔪᐊᕐᓗ ᓇᖏᕐᐳᖅ ᐃᓂᒥᓂ ᐊᖏᖃᑎᒌᒍᑎᓕᐅᕐᓗᓂ ᐊᑕᓂᐅᑉ ᓵᖓᓂ, ᐊᑕᓂᕐᒥᒃ ᒪᓕᒍᒪᓪᓗᓂ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒍᑕᐅᓯᒪᔪᑦ ᐅᖃᐅᓯᖏᑦ ᐊᒡᓚᖕᓂ ᐊᒡᓚᒃᓯᒪᔪᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 10:3

ᒫᓐᓇᓕ ᐊᖏᖃᑎᒌᒍᑎᖃᕐᑐᒃᓴᐅᕗᒍᑦ ᒎᑎᑦᑎᓐᓄᑦ ᑖᒃᑯᐊ ᐊᕐᓁᑦ ᓄᓕᐊᕐᑖᕆᓯᒪᔭᕗᑦ ᕿᑐᕐᖓᖏᓪᓗ ᐊᐅᓪᓚᕐᑎᑦᓱᒪᓗᒋᑦ, ᐱᓇᓱᐊᕐᓂᐊᕐᐳᒍᑦ ᐃᓕᑦᓯ ᐃᓱᒪᓕᐅᕆᔨᐅᔪᓯ ᐊᑕᓂᑦᑎᓐᓄᑦ ᒎᑎᐅᑉ ᐱᖁᔭᖏᓐᓂᒃ ᐅᐱᒍᓱᒃᑐᓯ ᐱᖁᔭᑦᓯᓐᓂᒃ ᒪᓕᒡᓗᑕ; ᐊᑏ ᐱᓇᓱᐊᕐᑐᖃᓕᕐᓕ ᒎᑎᐅᑉ ᐱᖁᔭᖏᓐᓂ ᐱᓇᓱᐊᕐᑕᐅᖁᔭᐅᔪᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 9:38

ᑕᒪᒃᑯᐊ ᖃᓄᐃᓕᐅᕐᓂᐅᓚᐅᕐᑐᑦ ᐱᑦᔪᑎᒋᓪᓗᒋᑦ ᐊᖏᖃᑎᒌᖕᓂᖃᕐᑎᑦᓯᓚᐅᕐᐳᒍᑦ ᓴᖑᑎᑕᐅᓂᐊᖏᑦᑐᒥᒃ ᑎᑎᕋᕐᓗᒋᓪᓗ; ᐊᖓᔪᖅᑳᕗᑦ, ᓕᕔᑎᓪᓗ, ᑐᓂᕐᕈᓯᕐᑎᑦᓯᔨᖁᑎᕗᓪᓗ ᑖᒃᑯᐊ ᓇᕿᑦᔪᓯᕐᓯᓚᐅᕐᐳᑦ ᓇᓗᓁᒃᑯᑕᐅᓂᐊᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 34:8

ᐊᑕᓂᐅᑉ ᔨᕆᒤᐊ ᐅᖃᐅᑎᕚ, ᔨᑎᑬᐊ ᐊᖓᔪᖅᑳᕐᔪᐊᖅ ᐊᖏᖃᑎᒌᒍᑎᓕᐅᕐᓯᒪᓕᕐᑎᓪᓗᒍ ᔨᕉᓴᓕᒥᐅᓄᑦ ᑎᒍᔭᐅᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:5

ᑕᒪᑐᒥᖓ ᓂᕆᐅᒋᓐᖏᑕᑦᑎᓐᓂᒃ ᐱᓚᐅᕐᐳᑦ, ᓯᕗᓪᓕᕐᒥᒡᓕ ᐊᑕᓂᕐᒧᑦ ᑐᓂᖅᑳᕐᐳᑦ ᑭᖑᓂᖓᒍᓪᓗ ᐅᕙᑦᑎᓐᓄᑦ ᑐᓂᕗᑦ ᒎᑎᐅᑉ ᐱᖁᔨᓂᖓ ᒪᓕᒡᓗᒍ.

ᔮᓱᐊᑉ ᐊᒡᓚᖏᑦ 24:25

ᑕᕝᕙ ᔮᓱᐊ ᐅᓪᓗᒥ ᑍᑦᓱᒪᓂ ᐊᖏᖃᑎᒌᒍᑎᓕᐅᕐᐳᖅ ᐃᓄᖕᓄᑦ, ᐊᑐᕆᐊᖃᕐᑕᖏᓐᓂᒃ ᒪᓕᒐᒃᓴᖏᓐᓂᒡᓗ ᑐᓂᓯᕕᒋᕔᑦ ᑕᕝᕙᓂ ᓯᑭᒻᒥ.

ᓴᒧᐃᓕ ᓯᕗᓪᓖᑦ 10:25

ᑕᕝᕙ ᓴᒧᐃᓕᐅᑉ ᐃᓄᐃᑦ ᓇᓗᓁᕐᓯᕕᒋᕔᑦ ᖃᓄᖅ ᐊᖓᔪᖅᑳᕐᔪᐊᑦ ᐱᔪᓐᓇᕐᓂᖃᕐᑐᒃᓴᐅᖕᒪᖔᑕ ᐱᐅᓯᖃᕐᑐᒃᓴᐅᖕᒪᖔᑕᓗ; ᑎᑎᕋᕐᓗᒋᓪᓗ ᐊᒡᓚᖕᓄᑦ ᐊᑕᓂᕐᒧᓪᓗ ᑐᓂᕔᑦ. ᑕᕝᕙ ᓴᒧᐃᓕᐅᑉ ᐃᓄᓕᒫᑦ ᐊᖏᕐᕋᖁᓕᕐᐰᑦ, ᐊᑐᓂᑦ ᐊᖏᕐᕋᒥᖕᓄᑦ.