ᐊᑕᓃᑦ ᐂᑉᐸᖏᑦ 11:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᑯᒐᒥᓗ ᐊᖓᔪᖅᑳᕐᔪᐊᕐᒥᒃ, ᓇᖏᕐᑐᒥᒃ ᓇᐸᔪᐊᓗᐃᑦ ᓴᓂᐊᓂ ᐱᐅᓯᕆᔭᐅᓲᖅ ᒪᓕᒡᓗᒍ. ᐅᓇᑕᕐᑏᑦ ᐊᖓᔪᖅᑳᖏᑦ ᓱᐴᒐᕐᑏᓪᓗ ᓴᓂᐊᓂ ᓇᖏᕐᓗᑎᒃ, ᐃᓅᓕᒫᓗ ᓇᑭᑐᐃᓐᓇᖅ ᐱᓯᒪᔪᑦ ᑕᕝᕙᓃᑉᐳᑦ ᖁᕕᐊᓱᒃᑐᐊᓘᓪᓗᑎᒃ ᓱᐴᒐᕐᓂᒡᓗ ᓂᓪᓕᐊᑎᑦᓯᓪᓗᑎᒃ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᐰᑦ ᓂᐱᑭᑦᑑᓪᓗᓂᓗ ᐅᖃᕐᐳᖅ, “ᐊᑭᕋᕐᑐᕐᑎᐅᕗᓯ! ᐊᑭᕋᕐᑐᕐᑎᐅᕗᓯ!”

ᐊᑕᓃᑦ ᐂᑉᐸᖏᑦ 11:14 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:29

ᕉᐱᓂᓕ ᐅᑎᕋᒥ ᐃᑎᕐᓴᒧᓪᓗ ᑕᑯᒋᐊᕋᒥ ᔫᓯᐱ ᑕᑯᓐᖏᓛ, ᐊᓐᓄᕌᓂᓗ ᐊᓕᒃᐰᑦ.

ᒨᓯᓯ ᓯᕗᓪᓖᑦ 44:13

ᑕᕝᕙ ᐊᓐᓄᕌᑎᒃ ᐊᓕᒃᐰᑦ, ᐊᖑᑏᓪᓗ ᑕᒪᕐᒥᒃ ᓯᐅᑎᖅᑯᕐᑐᔪᖁᑎᒥᖕᓂᒃ ᓇᖕᒥᕐᑐᐃᒐᒥᒃ, ᐃᒡᓗᒐᓴᖕᓄᑦ ᐅᑎᕐᐳᑦ.

ᐊᑕᓃᑦ ᓯᕗᓪᓖᑦ 1:25

ᐅᓪᓗᒥ ᐊᐅᓪᓚᕐᐳᖅ, ᑐᓂᕐᕈᓯᕆᐊᕐᑐᕐᓗᓂ ᐅᓄᕐᑐᓂᒃ ᐊᖑᓴᓪᓗᕐᓂᒃ ᓰᐱᓂᒡᓗ ᓄᕐᕋᓂᒡᓗ ᖁᐃᒃᑎᑦᓯᐊᖑᓯᒪᔪᓂᒃ, ᕾᖁᔨᓪᓗᓂ ᐊᖓᔪᖅᑳᕐᔪᐊᑉ ᐃᕐᓂᓕᒫᖏᓐᓂᒃ, ᔪᐊᐱᒥᒡᓗ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ, ᐊᐰᐊᑕᒥᒡᓗ ᑐᓂᕐᕈᓯᕐᑎᑦᓯᔨᒥᒃ, ᑕᑯᒋᓪᓗ, ᒫᓐᓇ ᓂᕆᕕᒡᔪᐊᕐᐳᑦ ᐃᒥᕐᓗᑎᒡᓗ ᑖᑦᓱᒪ ᓵᖓᓂ ᕾᒐᓛᕐᓗᑎᒃ ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᐊᑐᓁᔭ!’

ᐊᑕᓃᑦ ᐂᑉᐸᖏᑦ 11:15

ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨᐅᑉ ᐊᖓᔪᖅᑳᑦ ᐅᓇᑕᕐᑎᓄᑦ 100ᐅᓈᕐᑎᕐᑐᓄᑦ ᐅᖃᐅᑎᕔᑦ ᑎᒍᔭᐅᖁᓪᓗᒍ ᐅᓇᑕᕐᑎᖁᑎᖏᓐᓄᑦ ᑖᑦᓱᒥᖓᓗ ᐃᑲᔪᕐᑐᕋᓱᐊᕐᑐᑦ ᑐᖁᑕᐅᖃᑦᑕᖁᕔᑦ. ᐅᖃᐅᑎᓯᒪᓚᐅᕋᒥᒋᑦ ᐊᑕᓔᐊ ᑐᖁᑕᐅᖁᓇᒍ ᐊᑕᓂᐅᑉ ᐃᒡᓗᖓᑕ ᐃᓗᐊᓂ.

ᐊᑕᓃᑦ ᐂᑉᐸᖏᑦ 23:3

ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᐊᑕᓃᑦ ᐂᑉᐸᖏᑦ 9:13

ᑕᕝᕙ ᑐᐊᕖᓐᓇᖅ ᐅᓕᒡᔪᐊᒥᖕᓂᒃ ᐃᓯᕕᑦᓯᕗᑦ ᑐᖕᒥᕌᓄᑦ ᖁᖁᐊᕈᒻᒥᒡᓗ ᓂᓪᓕᕐᑎᑦᓯᓪᓗᑎᒃ ᓂᐱᖅᑯᕐᑐᓪᓗᑎᒃ ᐅᖃᕐᐳᑦ, “ᔨᕼᐆ ᐊᖓᔪᖅᑳᕐᔪᐊᖑᓕᕐᐳᖅ!”

ᐊᑕᓃᑦ ᐂᑉᐸᖏᑦ 9:23

ᑕᕝᕙ ᔪᕌᒻ ᐅᑎᕆᐊᕐᐳᖅ ᕿᒪᒃᓯᓪᓗᓂᓗ, ᐊᕼᐊᔧᐊᓗ ᑭᖑᓕᕆᕋᑖᕐᑕᓂ ᕾᒐᓛᕐᕕᒋᕚ ᐅᖃᐅᑎᓪᓗᒍ, “ᓯᓔᕐᕆᔭᐅᕗᒍᑦ!”

ᑯᕉᓂᑲ ᓯᕗᓪᓖᑦ 12:40

ᓱᓕ ᑖᒃᑯᐊ ᖃᓂᒋᔭᖓᓃᑦᑐᑦ ᐃᓴᑳᕆᒥᑦ, ᓯᐳᓗᓂᒥᓪᓗ ᓈᑉᑕᓕᒥᓪᓗ, ᓂᕿᒃᓴᓂᒃ ᑐᔪᐃᓚᐅᕐᐳᑦ ᓯᐅᑎᖅᑯᕐᑐᔪᒃᑯᑦ ᑳᒥᓕᒃᑎᒍᓪᓗ ᓯᐅᑎᖅᑯᕐᑐᔪᐃᑦ ᕿᒻᒥᕐᔪᐊᓪᓗ ᕿᑐᕐᖓᖏᑎᒍᑦ ᐃᒻᒧᒃᓯᐅᒊᓪᓗ ᐊᖑᓴᓪᓗᖏᑎᒍᑦ, ᓂᕆᔭᒃᓴᓂᒃ ᖃᓄᐃᑦᑐᑐᐃᓐᓇᕐᓂᒃ, ᐸᐅᕐᖓᓂᒃ ᐱᒋᓕᖕᓂᒃ ᐆᓯᒪᔪᓂᒃ, ᐸᐅᕐᖓᐅᔭᓂᒃ, ᕔᓂᒥᒡᓗ ᐅᕐᓱᒥᒡᓗ, ᑐᒃᑐᕙᖕᓂᒃ ᓰᐱᓂᒡᓗ ᐅᓄᕐᑐᕐᔪᐊᓂᒃ, ᖁᕕᐊᓱᖃᑎᒌᓚᐅᕐᐳᓪᓗ ᐃᓴᕆᐊᓕᒥᐅᑦ.

ᑯᕉᓂᑲ ᐂᑉᐸᖏᑦ 34:31

ᐊᖓᔪᖅᑳᕐᔪᐊᕐᓗ ᓇᖏᕐᐳᖅ ᐃᓂᒥᓂ ᐊᖏᖃᑎᒌᒍᑎᓕᐅᕐᓗᓂ ᐊᑕᓂᐅᑉ ᓵᖓᓂ, ᐊᑕᓂᕐᒥᒃ ᒪᓕᒍᒪᓪᓗᓂ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒍᑕᐅᓯᒪᔪᑦ ᐅᖃᐅᓯᖏᑦ ᐊᒡᓚᖕᓂ ᐊᒡᓚᒃᓯᒪᔪᑦ ᒪᓕᒡᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:2

ᐃᓱᐊᕐᑐᑦ ᐱᔪᓐᓇᕐᓂᖃᕐᓗᑎᒃ ᐊᐅᓚᑦᓯᓕᑐᐊᕐᒪᑕ, ᐃᓄᐃᑦ ᖁᕕᐊᓱᒃᐸᒃᐳᑦ; ᐱᐅᖏᑦᑐᓕᔪᑦ ᐊᖓᔪᖅᑲᐅᓕᑐᐊᕐᒪᑕ, ᐃᓄᐃᑦ ᐊᓂᕐᓴᐅᒥᕙᒃᐳᑦ.

ᓘᑲᓯᐅᑉ ᐊᒡᓚᖏᑦ 19:37

ᔨᕉᓴᓕᒻᒧᑦ ᖃᒡᓕᒐᒥᒃ, ᖃᖅᑲᖅ ᓇᐹᕐᑐᓕᒃ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᑉ ᐊᖅᑯᑖᓄᐊᕐᐳᑦ, ᒪᓕᒃᑎᖏᑦ ᐅᓄᕐᑐᐊᓗᐃᑦ ᖁᕕᐊᓱᕐᒪᕆᓕᕐᐳᑦ ᒎᑎ ᓂᕐᑐᕐᐹᑦ ᓂᐱᖅᑯᕐᑐᓪᓗᑎᒃ; ᔩᓱᓯᐅᑉ ᑲᒪᓇᕐᑐᓕᓂᖏᑦ ᑕᑯᓯᒪᔭᑎᒃ ᐱᑦᔪᑎᒋᓪᓗᒋᑦ.