ᐊᑕᓃᑦ ᐂᑉᐸᖏᑦ 10:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᔨᕼᐆᓕ ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓂᒃ ᕿᒤᓚᐅᓐᖏᓚᖅ, ᐃᓴᕆᐊᓕᒥᐅᓪᓗ ᐊᔪᕐᑐᓕᑎᓚᐅᕐᐰᑦ ᑐᒃᓯᐊᕐᓂᖃᕐᑎᓚᐅᕐᒪᒋᑦ ᐃᒻᒧᒃᓯᐅᒐᓐᖑᐊᕐᒧᑦ ᒎᓗᒧᑦ. ᑕᒪᓐᓇ ᓄᖅᑲᕐᑎᓚᐅᖏᒻᒪᒍ ᐱᑎᓕᒥ ᑖᓐᒥᓗ.

ᐊᑕᓃᑦ ᐂᑉᐸᖏᑦ 10:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 20:9

ᑕᕝᕙ ᐊᐱᒥᓕᑭᐅᑉ ᐂᑉᕋᕼᐋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᑦᑎᓐᓄᑦ ᖃᓄᐃᓕᐅᓕᕐᐱᑦ? ᖃᓄᕐᓗ ᐊᔪᕐᑐᓕᓯᒪᕗᖓ ᐃᓕᖕᓄᑦ, ᑎᑭᑎᑦᓯᒐᕕᑦ ᐅᕙᓐᓄᑦ ᐊᖓᔪᖅᑲᐅᕕᓐᓄᓪᓗ ᐊᔪᕐᑐᓕᓂᕐᒥᒃ ᐊᖏᔪᒥᒃ? ᐱᓂᐊᕐᓂᖃᓚᐅᕋᕕᑦ ᐅᕙᓐᓄᑦ ᐱᓂᐊᕐᓂᐅᔭᕆᐊᖃᖏᑦᑐᒥᒃ.”

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᐊᑕᓃᑦ ᐂᑉᐸᖏᑦ 10:28

ᑍᒫᒃ ᑕᕝᕙ ᔨᕼᐆᑉ ᐰᓕᒧᑦ ᑐᒃᓯᐊᕐᐸᒃᑐᑦ ᓄᖑᑕᐅᑎᓚᐅᕐᐰᑦ ᐃᓴᕆᐊᓕᒥ.

ᐊᑕᓃᑦ ᐂᑉᐸᖏᑦ 10:31

ᑭᓯᐊᓂᓕ ᔨᕼᐆ ᐆᒻᒪᑎᓕᒫᒥᓄᑦ ᐊᑕᓂᕐᒧᑦ ᐊᖏᕐᓯᒪᓂᖃᓚᐅᓐᖏᓚᖅ ᖃᕿᐊᓕᕈᑎᖃᓚᐅᖏᓐᓇᒥ ᔨᕈᐳᐊᒻ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᑦ, ᐃᓴᕆᐊᓕᒥᐅᓪᓗ ᐊᑦᔨᖏᓐᓂᒃ ᐊᔪᕐᑐᓕᑎᓕᓚᐅᕆᕔᑦ.

ᐊᑕᓃᑦ ᐂᑉᐸᖏᑦ 13:11

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓕᓚᐅᕐᐳᖅ ᔨᕈᐳᐊᒻᓗ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖏᑕ ᐱᐅᓯᕆᔭᖏᓐᓂᒃ ᒪᓕᑐᐃᓐᓇᓚᐅᕆᕗᖅ ᐃᓴᕆᐊᓕᒥᐅᓂᒃ ᐊᔪᕐᑐᓕᓂᕐᒥ ᐃᓅᑎᑦᓯᓂᕆᓚᐅᕐᑕᖓᑐᑦ, ᕿᒤᓯᒪᓚᐅᖏᓐᓇᒥ.

ᐊᑕᓃᑦ ᐂᑉᐸᖏᑦ 13:2

ᐊᑕᓂᐅᑉ ᓵᖓᓂ ᐱᓂᐊᕐᓂᖃᓚᐅᕐᐳᖅ ᐱᐅᖏᑦᑐᒥᒃ, ᔨᕈᐳᐊᒻ ᐊᔪᕐᑐᓕᓂᖓ ᒪᓕᒡᓗᒍ ᓂᐹᑎᐅᑉ ᐃᕐᓂᖓᑕ, ᑖᑦᓱᒪ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᒪᒋᑦ; ᐊᔪᕐᑐᓕᓂᕐᒥᒡᓗ ᕿᒤᓚᐅᕋᓂ.

ᐊᑕᓃᑦ ᐂᑉᐸᖏᑦ 14:24

ᐊᑕᓂᐅᑉ ᓵᖓᓂ ᑖᓐᓇ ᐊᔪᕐᑐᓕᓚᐅᕐᐳᖅ; ᓯᕗᓕᖓᑕ ᐊᖓᔪᖅᑳᕐᔪᐊᑉ ᔨᕈᐳᐊᒻ ᓈᒻᒪᖏᑦᑐᓕᐅᕐᓂᕆᓚᐅᕐᑕᖏᓐᓂᒃ ᐊᑐᖃᑕᐅᑐᐃᓐᓇᓚᐅᕋᒥ ᓂᐹᑎᐅᑉ ᐃᕐᓂᖓᑕ, ᑖᑦᓱᒪ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᒪᒋᑦ.

ᐊᑕᓃᑦ ᐂᑉᐸᖏᑦ 15:18

ᐊᑕᓂᐅᑉ ᓵᖓᓂ ᐊᔪᕐᑐᓕᓂᕐᒥ ᐃᓅᓚᐅᕐᐳᖅ; ᐊᖓᔪᖅᑳᕐᔪᐊᑉ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖏᓐᓂᒃ ᕿᒤᓚᐅᓐᖏᓚᖅ ᐃᓅᓂᓕᒫᒥᓂ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᕐᒦᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 15:24

ᐊᑕᓂᐅᓪᓕ ᓵᖓᓂ ᐊᔪᕐᑐᓕᓚᐅᕐᐳᖅ; ᔨᕈᐳᐊᒻ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᑦ ᕿᒤᓚᐅᖏᓐᓇᒥ ᓇᐹᑎᐅᑉ ᐃᕐᓂᖓᑕ, ᐃᓴᕆᐊᓕᒥᐅᓂᒃ ᐊᔪᕐᑐᓕᓂᕐᒥ ᐃᓅᑎᑦᓯᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 15:28

ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ; ᓯᕗᓕᕕᓂᕐᒥ ᐊᖓᔪᖅᑳᕐᔪᐊᑉ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖏᑦ ᕿᒪᓚᐅᖏᒻᒪᒋᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᕐᒦᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 15:9

ᐊᑕᓂᐅᑉ ᓵᖓᓂ ᐊᔪᕐᑐᓕᓂᖃᓚᐅᕐᐳᖅ ᓯᕗᓕᕆᓚᐅᕐᑕᒥᑐᑦ, ᐊᖓᔪᖅᑳᕐᔪᐊᑉ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᒃ ᓴᒃᑯᐃᓯᒪᓚᐅᖏᓐᓇᒥ ᐃᓴᕆᐊᓖᑦ ᐊᔪᕐᑐᓕᓂᕐᒥ ᐃᓅᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:22

ᐃᓴᕆᐊᓕᒥᐅᑉ ᔨᕈᐳᐊᒻ ᐊᔪᕐᑐᓕᑦᔪᑎᖏᓐᓂᒃ ᒪᓕᑐᐃᓐᓇᓚᐅᕐᐳᑦ, ᖃᕿᐊᓕᕈᒪᓇᑎᒡᓗ.

ᐊᑕᓃᑦ ᐂᑉᐸᖏᑦ 3:3

ᑭᓯᐊᓂᓕ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᑦᔪᑎᒋᓚᐅᕐᒥᔭᖏᑕ ᐊᑦᔨᖏᓐᓂᒃ ᐊᑐᓕᓚᐅᕆᕗᖅ ᐃᓴᕆᐊᓕᒥᐅᓄᑦ ᑕᒻᒪᕐᓯᒪᑦᔪᑕᐅᓚᐅᕐᑐᓂᒃ; ᑕᒪᑐᒥᖓ ᕿᒤᓚᐅᖏᓐᓇᒥ.

ᒨᓯᓯ ᐂᑉᐸᖏᑦ 32:21

ᒨᓯᓯᓗ ᐅᖃᕐᐳᖅ ᐂᕉᓂᒧᑦ, “ᐃᓄᒋᐊᒃᑐᕐᔪᐊᓂᑦ ᖃᓄᐃᓕᐅᕐᑕᐅᓐᓂᕋᕕᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᔪᕐᑐᓕᑎᑦᓯᓚᐅᕐᐲᑦ?”

ᒨᓯᓯ ᐂᑉᐸᖏᑦ 32:4

ᐂᕉᓂᐅᓪᓗ ᓯᐅᑎᒥᐅᑍᑦ ᐱᒐᒥᒋᑦ ᐊᐅᒃᑎᑉᐰᑦ, ᑯᕕᓪᓗᒋᓪᓗ ᐋᖅᑭᒃᓯᕕᖕᒧᑦ, ᓄᕐᕋᓐᖑᐊᒥᒡᓗ ᓴᓇᕗᖅ. ᐃᓄᐃᓪᓗ ᐅᖃᕐᐳᖅ, “ᐃᓴᕆᐊᓕ, ᐅᓇ ᑕᕝᕙ ᒎᑎᕗᑦ, ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ!”

ᐃᓯᑭᐊᓕᐅᑉ ᐊᒡᓚᖏᑦ 23:8

ᐄᑦᔨᑉᑎᒥᓗ ᐊᖑᓐᓂᐊᕐᑎᓐᖑᓚᐅᕐᓂᓂ ᑲᔪᓯᑎᑉᐹ; ᓂᕕᐊᕐᓵᖑᓂᕐᒥᓂᑦ ᐊᖑᑎᓄᑦ ᐃᓐᓇᖓᖃᑕᐅᕙᓕᓚᐅᕐᐳᖅ ᐱᖃᑎᖃᓚᐅᕐᓯᒪᖏᓐᓂᓂ ᐊᒃᑐᐊᔭᐅᑎᑦᓱᒍ ᐃᒃᓯᒎᕐᓂᖏᓪᓗ ᐃᓱᒤᓐᓇᕐᕆᑎᓪᓗᒋᑦ ᐃᒻᒥᓄᑦ.

ᕼᐆᓯᐊᑉ ᐊᒡᓚᖏᑦ 10:5

ᓴᒥᐊᕆᐊᕐᒥᐅᑦ ᓴᔪᒍᒫᕐᐳᑦ ᓄᕐᕋᓐᖑᐊᒥᒃ ᐱᑦᐂᕕᓐᒦᑦᑐᒥᒃ ᐅᒡᒍᐊᕐᓗᑎᒃ. ᐃᓄᖏᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᒎᑎᓐᖑᐊᒧᓪᓗ ᑐᓂᕐᕈᓯᕐᑎᑦᓯᔩᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᐱᓐᓇᕐᓇᕐᑐᖁᑎᖓᑕ ᕿᒪᖕᒪᒋᑦ.

ᕼᐆᓯᐊᑉ ᐊᒡᓚᖏᑦ 13:2

ᒫᓐᓇᓗ ᐊᔪᕐᑐᓕᕙᓪᓕᐊᑐᐃᓐᓇᕐᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᕐᐳᑦ ᑕᑯᒥᓇᕐᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᕐᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᕐᐳᑦ, “ᑐᓂᕐᕈᓯᕐᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!”

ᓴᒧᐃᓕ ᓯᕗᓪᓖᑦ 2:24

ᑍᒤᓕᐅᕈᓐᓃᕆᑦᑎᒃ ᐃᕐᓂᒃᑳᒃ; ᑕᒪᓐᓇ ᐱᐅᖏᑦᑐᒻᒪᕆᐊᓗᒃ ᐊᑕᓂᐅᑉ ᐃᓄᖁᑎᖏᑕ ᐅᖃᐅᓯᕆᖃᑦᑕᓕᕐᒪᑦᔪᒃ.