ᐊᑕᓃᑦ ᐂᑉᐸᖏᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᕼᐊᔧᐊᓕ ᓴᒥᐊᕆᐊᒥ ᐊᓃᕋᔮᕐᕕᖕᒥᓂ ᖁᑦᓯᒃᑐᒥᑦ ᐃᔪᒃᑲᕐᓗᓂ ᐋᓐᓂᕐᐳᖅ, ᐋᓐᓂᕋᒥ ᓇᓪᓚᖓᓕᕐᐳᖅ ᐋᓐᓂᐊᓪᓗᓂ; ᐅᖃᕆᐊᕐᑐᕐᑎᑦᓯᔨᒥᓂᒃ ᑎᓕᓯᕗᖅ ᐅᖃᖁᓪᓗᒋᑦ ᐃᒫᒃ, “ᐃᑯᕋᓐᒧᐊᕐᓗᓯᒃ ᒎᑎᖓᑦ ᐱᐅᓪᓯᐹᐱ ᑐᑭᓯᓂᐊᕐᕕᒋᔭᕐᑐᒃᓯᐅᒃ, ᖃᐅᔨᕕᒋᓇᓱᐊᕐᓗᒍ ᐋᖅᑭᖕᓂᐊᕐᒪᖔᕐᒪ ᑕᒪᑐᒪᓐᖓᑦ ᐋᓐᓂᐊᓂᓐᓂᑦ.”

ᐊᑕᓃᑦ ᐂᑉᐸᖏᑦ 1:2 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:33

ᕿᒤᓯᒪᓕᕐᒪᑦ ᐅᕙᓐᓂᒃ ᑐᒃᓯᐊᖃᑦᑕᓕᕐᓗᓂᓗ ᒎᑎᓐᖑᐊᓄᑦ ᐋᔅᑕᕉᑎᒧᑦ ᓮᑐᓂᒥᐅᑦ ᒎᑎᖓᓐᓄᑦ, ᑭᒧᓯᒧᓪᓗ, ᒧᐊᐱᒥᐅᑦ ᒎᑎᖓᓐᓄᑦ, ᒥᐅᓪᑲᒻᒧᓪᓗ ᐊᒧᓁᑎᑦ ᒎᑎᖓᓐᓄᑦ, ᐊᑐᕐᑕᐅᖁᔭᒃᑲ ᐊᑐᕈᓐᓃᕐᒪᒋᑦ ᐱᐅᔪᓂᒃ ᐱᓇᓱᐊᕈᓐᓃᕐᒪᑦ, ᐊᑖᑕᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 14:3

ᓂᐊᖂᔭᓂᒃ ᖁᓕᓂᒃ ᓇᒃᓴᕐᓗᑎᑦ, ᐸᐅᕐᖓᐅᔭᓕᒥᒃ ᓂᐊᖂᔭᒥᒃ, ᔭᕐᕋᕐᒥᒡᓗ ᕼᐊᓂᒥᒃ, ᑖᑦᓱᒧᓐᖓᐅᓗᑎᑦ, ᑖᑦᓱᒪ ᐅᖃᐅᑎᓛᕐᐹᑎᑦ ᓱᕈᓯᐅᑉ ᖃᓄᐃᑦᑐᒫᕐᓂᖓᓂᒃ.”

ᐊᑕᓃᑦ ᓯᕗᓪᓖᑦ 22:34

ᐊᖑᑏᑦ ᐃᓚᖓᑦ ᐱᓯᒋᐊᕐᐳᖅ ᑐᕌᕐᑎᓐᓇᓂ, ᐱᓯᒃᓯᕗᕐᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓂ ᐊᓐᓄᕌᖏᑕ ᓴᒡᕕᐊᓃᑦᑑᓪᓗ ᐊᑯᓐᓂᖓᒍᑦ; ᑍᒤᒻᒪᑦ ᐊᒃᓴᓗᐊᓕᑯᑎᒥᓄᑦ ᐊᖁᑎᓂ ᐅᖃᐅᑎᕚ, “ᓴᖑᓕᕆᑦ ᐅᓇᑕᕐᑐᓂᑦ ᕿᒪᕉᑎᑎᓪᓗᖓ, ᐃᑭᓕᕐᑕᐅᒐᒪ.”

ᐊᑕᓃᑦ ᓯᕗᓪᓖᑦ 22:40

ᐂᕼᐊᑉ ᓯᓂᖃᑕᐅᓕᕐᐳᖅ ᓯᕗᓕᕐᒥᓄᑦ; ᐃᕐᓂᖓᓗ ᐊᕼᐊᔧᐊ ᐊᖓᔪᖅᑳᕐᔪᐊᕈᕐᐳᖅ ᑭᖑᕝᕕᐅᑎᓪᓗᓂ.

ᐊᑕᓃᑦ ᐂᑉᐸᖏᑦ 1:16

ᐊᖓᔪᖅᑳᕐᔪᐊᕐᓗ ᐅᖃᐅᑎᕚ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑎᓕᓯᓚᐅᕋᕕᑦ ᖃᐅᔨᓇᓱᐊᖁᓪᓗᒋᑦ ᐃᑯᕋᓐᒥᐅᑦ ᒎᑎᖓᓐᓄᑦ ᐱᐅᓪᓯᐹᐱᒧᑦ, ᒎᑎᑕᖃᕈᓐᓃᕐᒫᑦ ᐃᓴᕆᐊᓕᒥ ᖃᐅᔨᓇᓱᐊᕐᕕᒃᓴᒥᒃ? ᑍᒤᒻᒪᑦ ᐃᒡᓕᖅ ᓇᓚᕕᒋᔧᑦ ᓇᔪᐃᓐᓇᕐᓗᒍ ᑐᖁᔪᒫᓕᕐᐳᑎᑦ.’ ”

ᐊᑕᓃᑦ ᐂᑉᐸᖏᑦ 1:3

ᐊᑕᓂᐅᓪᓕ ᐂᖏᓕᖓ ᐃᓔᑦᔭᒧᑦ ᐅᖃᕐᐳᖅ ᑎᔅᐰᑎᒥᐅᑕᕐᒧᑦ, “ᒪᑭᓪᓗᑎᑦ, ᓴᒥᐊᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᔭᖏᒃ ᐸᕐᕆᐊᕐᓗᒋᒃ ᐊᐱᕆᒃᑭᑦ, ‘ᐃᓴᕆᐊᓕᒥ ᒎᑎᑕᖃᕈᓐᓃᕐᒫᑦ ᐃᑯᕋᓐᒥᐅᑦ ᒎᑎᖓᓐᓂᒃ ᐱᐅᓪᓯᐹᐱᒥᒃ ᖃᐅᔨᓇᓱᐊᕆᐊᕐᑐᕐᐱᓰᒃ?’

ᐊᑕᓃᑦ ᐂᑉᐸᖏᑦ 1:6

ᑖᒃᑯᐊ ᑭᐅᕚᑦ, “ᐊᖑᒻᒧᑦ ᐸᕐᕆᐊᕐᑕᐅᖅᑲᐅᒐᓐᓄᒃ, ‘ᐅᖃᕐᓗᓂᓗ, ᐊᖓᔪᖅᑳᕐᔪᐊᕐᒧᑦ ᑎᓕᓯᓚᐅᕐᑐᒧᑦ ᐅᑎᕐᓗᓯ ᐃᒫᒃ ᐅᖃᐅᑎᓯᐅᒃ, ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥ ᒎᑎᑕᖃᕈᓐᓃᕐᒫᑦ ᐃᑯᕋᓐᒥᐅᑦ ᒎᑎᖓᓐᓂᒃ ᐱᐅᓪᓯᐹᐱᒥᒃ ᖃᐅᔨᓇᓱᐊᕐᕕᖃᕆᐊᕐᑐᕐᐱᓰ? ᑍᒤᒻᒪᑦ ᐃᒡᓕᖅ ᓇᓚᕕᒋᔧᑦ ᒪᑭᕝᕕᒋᒃᑲᓐᓂᑦᔮᔪᓐᓃᕐᐸᑦ, ᑐᖁᑐᐃᓐᓇᕐᓂᐊᓕᕋᕕᑦ ᑕᕝᕙᓂ.’ ”

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᔫᐱᐅᑉ ᐊᒡᓚᖏᑦ 31:3

ᐃᓱᐃᑦᑐᓕᔪᑦ ᐊᒃᓱᕈᕐᑎᑕᐅᓂᕐᒥᒃ ᑎᑭᕝᕕᐅᔪᒃᓴᐅᓐᖏᓛᑦ? ᐱᐅᖏᑦᑐᓕᔪᑦ ᐊᓯᕈᕐᑕᐅᓇᕐᑐᒧᑦ ᐊᑭᓕᕐᑕᐅᔪᒃᓴᐅᓐᖏᓛᑦ?

ᓲᓗᒨᓂᐅᑉ ᐃᓐᖏᕈᓯᖏᑦ 2:9

ᐅᖓᒋᔨᒐ ᒐᓯᐅᓕᑎᑐᑦ ᑍᒤᑉᐳᖅ, ᐸᖕᓂᕈᕋᑖᕐᑐᑎᑐᓪᓗ ᑕᑯᒋᑦ, ᐃᒡᓗᑦᑕ ᐊᑭᓐᓇᖓᑕ ᓯᓚᑖᓂ ᓇᖏᕐᐳᖅ, ᐃᓗᒻᒧᓪᓗ ᐃᒐᓛᒃᑯᑦ ᐃᑦᑐᐊᖓᓪᓗᓂ, ᑕᑯᓐᓇᕐᐳᖅ ᐱᕈᕐᓯᐊᒃᑯᕖᑦ ᐊᑯᓐᓂᖏᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 19:3

ᐄᑦᔨᑉᑎᒥᐅᑦ ᐃᓕᖅᑯᓯᖏᑦ ᐊᑐᕈᓐᓃᕈᒫᕐᐳᑦ ᑖᒃᑯᓇᓂ, ᐱᓇᓱᐊᕈᒪᔭᖏᓐᓂᒡᓗ ᓇᓗᓕᕐᑎᑦᓱᒫᕐᐸᒃᑲ; ᒎᑎᓐᖑᐊᒥᖕᓂᒃ ᐊᖓᒃᑯᓂᒡᓗ ᐃᑲᔪᕐᑎᖃᕋᓱᐊᓕᕈᒫᕐᐳᑦ, ᑐᖁᖓᔪᓪᓗ ᐊᓂᕐᓂᖏᓐᓂᒃ ᐱᓇᓱᐊᖃᑦᑕᕐᑐᓂᒃ ᐊᖓᒃᑰᓇᓱᐊᕐᑐᓂᒡᓗ ᑕᑎᖃᕋᓱᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 2:6

ᐃᓄᖁᑎᑎᑦ ᐊᓂᑎᓚᐅᕐᐸᑎᑦ, ᔧᑰᑉ ᑭᖑᕚᖏᑦ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᓂᒃ ᐊᖓᒃᑰᓂᕐᓂᒃ ᐃᓕᖅᑯᓯᕐᑖᕐᓯᒪᓕᕐᒪᑕ; ᓯᕗᓂᒃᓴᒥᒡᓗ ᓇᓚᐅᑦᑍᖃᑦᑕᕐᑐᓂᒃ ᒪᓕᓕᕐᓗᑎᒃ ᐱᓕᔅᑍᓂᒥᐅᑎᑐᑦ, ᐃᓅᖃᑎᒋᓐᖏᑕᖏᑕᓗ ᐱᐅᓯᖏᓐᓂᒃ ᒪᓕᒃᓴᕐᓯᒪᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 37:12

ᐃᓅᖃᑎᒌᒡᔪᐊᑦ ᑍᒃᑯᐊ ᒎᑎᒥᖕᓄᑦ ᓴᐳᑎᔭᐅᓚᐅᕐᐹᑦ? ᓯᕗᓕᕕᓂᕐᒪ ᐊᓯᕈᓚᐅᕐᑕᖏᑦ, ᒎᔭᓂᒥᐅᑦ, ᕼᐊᕋᓐᒥᐅᑦ, ᕇᔨᑉᒥᐅᑦ, ᐄᑎᒥᐅᓪᓗ ᐃᓄᖏᑦ ᓄᓇᖃᕐᑐᑦ ᑎᓚᓴᕆᒥ.

ᐂᓮᐊᓯᐅᑉ ᐊᒡᓚᖏᑦ 37:19

ᒎᑎᓐᖑᐊᖏᓐᓂᒡᓗ ᐃᑯᐊᓪᓔᕙᒡᓗᑎᒃ; ᑕᒪᒃᑯᐊ ᒎᑎᓪᓚᕆᐅᖏᒻᒪᑕ, ᐃᓅᑉ ᐊᒡᒐᖏᓐᓄᑦ ᓴᓇᔭᐅᓯᒪᓪᓗᑎᒃ ᕿᔪᒥᒃ ᐅᔭᕋᖕᓂᒡᓗ; ᑍᒤᒻᒪᑦ ᓯᖁᒥᑕᐅᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 10:25

ᑍᒤᒻᒪᑦ, ᐃᓕᓐᓂᐊᕐᑎ ᐃᓕᓐᓂᐊᕐᑎᑦᓯᔨᒥᑐᑦ ᑍᒤᓕᕈᓂ ᑕᕝᕙ ᓈᒻᒪᒃᓯᕗᖅ, ᐱᔨᓗ ᐊᖓᔪᖅᑳᖃᕐᑐᖅ ᑍᒫᑦᓮᓐᓇᖅ ᐊᖓᔪᖅᑳᒥᑑᓕᕈᓂ ᑕᕝᕙ ᓈᒻᒪᒃᓯᕗᖅ. ᐃᓚᒌᒃᑐᑦ ᐊᖓᔪᖅᑳᖓᑦ ᐱᐅᓪᓯᐹᐱᒥᒃ ᑍᔭᐅᖃᑦᑕᕐᓯᒪᒃᐸᑦ, ᑕᕝᕙ ᓇᖕᒥᓂᖏᑦ ᐊᑎᖃᕐᑎᑕᐅᓂᐊᕐᐳᑦ, ᐱᐅᖏᓐᓂᕐᓴᐅᒃᑲᓐᓂᕐᑐᒥᒃ!”

ᒫᑯᓯᐅᑉ ᐊᒡᓚᖏᑦ 3:22

ᐱᖁᔭᓂᒃ ᐃᓕᓮᔩᑦ ᐃᓚᖏᑦ ᔨᕉᓴᓕᒻᒥᓐᖔᕐᓯᒪᔪᑦ ᐃᒫᒃ ᐅᖃᕐᐳᑦ, “ᔩᓱᓯᐅᓇ ᐱᐅᓪᓯᐹᐱᒥᒃ ᐃᓗᒻᒥᕐᑕᐅᓯᒪᒐᒥ, ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓂᒃ, ᑖᑦᓱᒪ ᐱᔪᓐᓇᓂᕐᑖᕐᑎᓯᒪᔭᖓ ᐊᓂᕐᓂᕐᓗᖕᓂᒃ ᐊᓂᑎᑦᓯᔪᓐᓇᕐᑎᓪᓗᓂᐅᒃ.”

ᓘᑲᓯᐅᑉ ᐊᒡᓚᖏᑦ 11:15

ᐃᓚᖏᑦ ᐅᖃᕐᐳᑦ, “ᐅᓇ ᐊᓂᕐᓂᕐᓗᖕᓂᒃ ᐊᓂᑎᑦᓯᕙᒃᑐᖅ ᐱᐅᓪᓯᐹᐱᒃᑯᑦ, ᐊᓂᕐᓂᕐᓗᒃᑐᑦ ᐊᖓᔪᖅᑳᖓᑦᑎᒍᑦ ᐱᔪᓐᓇᕐᓂᖃᕐᑎᑕᐅᓪᓗᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:9

ᐃᓅᓱᒃᑐᖅ ᐊᖑᑦ ᐃᐅᑎᑲᓯᒥᒃ ᐊᑎᓕᒃ ᐃᒐᓛᕐᒥ ᐃᒃᓯᕙᕗᖅ ᐸᐅᓗᓯ ᐊᑯᓂ ᐅᖃᓪᓚᒃᑎᓪᓗᒍ. ᑖᓐᓇ ᐃᖁᒻᒪᔪᓐᓁᓪᓕᒐᒥ ᓯᓂᓕᕐᐳᖅ; ᐃᒐᓛᕐᒥᑦ ᐃᔪᒃᑲᕐᐳᖅ ᓄᓇᒧᑦ ᐃᒡᓘᑉ ᖁᓕᕇᑉ ᐱᖓᔪᐊᓐᓂᑦ, ᐅᐸᒃᑲᒥᑦᔪᒃ ᑎᒍᕚᑦ ᑐᖁᖓᓕᕐᑐᖅ.

ᔮᓱᐊᑉ ᐊᒡᓚᖏᑦ 15:11

ᓄᓇᐅᑉ ᑭᒡᓕᖓ ᑎᑭᐅᒪᕗᖅ ᐅᓐᓄᐊᓪᓗᐊᒧᑦ ᖃᖅᑲᒧᑦ ᐃᑯᕋᓂᒧᑦ, ᑕᕝᕙᓐᖓᑦ ᓴᖑᓪᓗᓂ ᓯᑭᕉᓂᐅᑉ ᓇᓛᓄᑦ, ᖃᖅᑲᖅ ᐹᓚ ᖄᖏᕐᓗᒍ, ᑲᔪᓯᓪᓗᓂ ᔭᑉᓂᐅᓪᒧᑦ ᐃᓱᖃᕐᐳᖅ; ᐊᒻᒪ ᑕᕝᕙᓐᖓᑦ ᒥᑎᑎᕆᓂᐊᑉ ᑕᕆᐅᖓᓄᑦ ᑎᑭᐅᒪᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 11:24

ᓄᓇᖁᑎᑖᕆᔪᒪᓐᖏᓚᓯᐅᒃ ᑭᒨᓯᐅᑉ ᒎᑎᓐᖑᐊᑦᓯ ᓄᓇ ᑐᓃᓚᐅᕐᑕᖓ ᐃᓕᑦᓯᓐᓄᑦ? ᐅᕙᒍᓪᓕ ᐱᓯᒤᓐᓇᕐᓂᐊᕆᕙᕗᑦ ᐊᑕᓂᐅᑉ, ᒎᑎᑦᑕ ᐊᕐᓵᕐᓯᑦᔪᑎᒋᓚᐅᕐᑕᖓ ᐅᕙᑦᑎᓐᓄᑦ ᑐᓂᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 5:28

ᐃᒐᓛᒃᑯ ᐊᕐᓇᖅ ᑕᑯᓇᓱᓚᐅᕐᐳᖅ; ᓯᓰᕋᐅᑉ ᐊᓈᓇᖓ ᐃᒐᓛᑉ ᑖᓗᑕᖏᑕ ᐊᑯᓐᓂᖏᑎᒍᑦ ᑕᑯᓇᓱᓚᐅᕐᐳᖅ; “ᓲᖕᒪᓪᓖᓐᓇ ᕿᒧᒃᓯᐅᑎᖓ ᐊᒃᓴᓗᐊᓕᒃ ᑎᑭᓐᓇᓵᕐᐸ?” “ᓱᖕᒪᓪᓖᒃᑯᐊ ᕿᒻᒥᕐᔪᐊᖏᑕ ᐸᖓᓕᒡᕙᓗᖏᑦ ᑐᓴᕐᓴᐅᓇᓵᕐᐸᑦ?”

ᓴᒧᐃᓕ ᓯᕗᓪᓖᑦ 5:10

ᑕᕝᕙ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐃᑯᕋᓂᒧᐊᕈᑎᕚᑦ. ᑍᑯᖓᓗ ᑎᑭᐅᑦᔭᐅᖕᒪᑦ, ᐃᑯᕋᓂᒥᐅᑦ ᐃᓄᖏᑦ ᐅᖃᓕᕐᐳᑦ, “ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑕᒪᐅᓐᖓᕐᑕᐅᕗᖅ ᐅᕙᑦᑎᓐᓂᒃ ᑐᖁᑦᓯᖁᔭᐅᓪᓗᓂ ᐃᓄᖁᑎᑦᑎᓐᓂᒡᓗ!”