ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1 ပူးပေါင်းရင်းမြစ်များ

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7

ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ.

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᐃᓐᖏᕈᑎᑦ 51:10

ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.

ᔪᐊᓇᓯ ᓯᕗᓪᓖᑦ 3:3

ᑭᓇᒃᑯᓕᒫᑦ ᑍᒤᑦᑐᒥᒃ ᓂᕆᐅᒋᔭᖃᕐᑐᑦ ᑖᑦᓱᒥᖓ ᐃᒻᒥᖕᓂᒃ ᐃᑦᔪᕐᓁᑎᓐᓂᐊᕐᐳᑦ, ᓲᕐᓗ ᑖᓐᓇ ᐃᑦᔪᕐᓁᒻᒪᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:23

ᒎᑎᐅᑉ ᓮᒪᓂᕐᑖᕐᑎᑦᓯᔫᑉ ᐃᑦᔪᕐᓁᑎᓪᓕᓯ ᐃᓘᓐᓈᒍᑦ ᐃᓗᑦᓯᒍᑦ; ᐊᓂᕐᓂᑦᓯᒍᑦ ᑕᕐᓂᑦᓯᒍᑦ ᑎᒥᑦᓯᒍᓪᓗ ᓴᐳᑎᑦᓮᓐᓇᕐᓕᓯ ᐸᓯᔭᒃᓴᐅᓂᖃᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑎᑭᕝᕕᐊᓂ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:20

ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᐄᑉᕈᐃᓄᑦ 4:1

ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:6

ᑲᒪᑦᓯᐊᕐᓂᕐᒧᑦ ᓱᖁᓯᔪᐃᑦᑑᓂᕐᒧᓪᓗ ᐊᔪᕐᑐᓕᓃᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᖃᕐᐳᑦ, ᐊᑕᓂᕐᒥᒃ ᓯᕘᕋᓂᒃᑯᑦ ᐃᓄᒃ ᐱᐅᖏᑦᑐᓂᒃ ᓂᒍᐃᔪᓐᓇᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:48

ᑍᒤᒻᒪᑦ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᑐᒃᓴᐅᕗᓯ, ᓲᕐᓗ ᐊᑖᑕᓯ ᕿᓚᖕᒦᑦᑐᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᒪᑦ.”

ᒫᑎᐅᓯᐅᑉ ᐊᒡᓚᖏᑦ 5:8

ᓮᒪᓇᕐᑐᒦᑉᐳᑦ ᐆᒻᒪᑎᒥᒍᑦ ᐸᓯᔭᐅᑦᔪᑎᒃᓴᖃᖏᑦᑐᑦ; ᒎᑎᒥᒃ ᑕᑯᔪᒫᕐᒪᑕ.

ᐃᓐᖏᕈᑎᑦ 119:9

ᖃᓄᖅ ᐃᓅᓱᒃᑐᖅ ᐃᓅᓯᕐᒥᓂᒃ ᐸᓯᔭᒃᓴᐅᖏᑦᑑᑎᑦᓯᔪᓐᓇᕐᐹ? ᐅᖃᐅᓯᕐᓂᒃ ᒪᓕᑦᓯᐊᕐᓗᓂ ᐱᓂᐊᕈᓂ.

ᔪᐊᓇᓯ ᓯᕗᓪᓖᑦ 1:9

ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᕉᒪᒥᐅᓄᑦ 5:20

ᐱᖁᔭᖅ ᓴᖅᑭᑎᑕᐅᓚᐅᕐᐳᖅ ᐊᔪᕐᑐᓕᓂᐅᑉ ᐊᖏᔪᓂᖓ ᓇᓗᓁᕐᑕᐅᒃᑲᓐᓂᖁᓪᓗᒍ; ᐊᔪᕐᑐᓕᓂᕐᓕ ᐊᖏᒡᓕᖕᒪᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᖏᓂᕐᓴᒥᒃ ᐱᓇᓱᐊᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 1:16

ᐃᓕᑦᓯᓐᓂᒃ ᐅᐊᓴᓚᐅᕆᑦᓯ; ᓴᓗᒻᒪᑦᓯᐊᕐᓗᓯ; ᐱᐅᖏᑦᑐᖅ ᐲᓚᐅᕐᓯᐅᒃ ᐱᓂᐊᕐᓂᑦᓯᓐᓂᑦ ᐃᔨᒪ ᓵᖓᓂᑦ; ᐊᑏ ᐱᐅᖏᑦᑐᓕᐅᕈᓐᓃᕆᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:12

ᐃᓄᖃᕆᕗᖅ ᐃᒻᒥᖕᓂᒃ ᐸᓯᔭᒃᓴᐅᓂᖃᕋᓱᒋᖏᑦᑐᓂᒃ, ᓴᓗᒤᓐᓂᕐᒥᖕᓂᑦ ᓴᓗᒻᒪᕐᑕᐅᓚᐅᕐᓯᒪᖏᑦᑐᓂᒃ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᐄᑉᕈᐃᓄᑦ 12:28

ᑍᒤᒻᒪᑦ ᖁᔭᓕᓚᐅᕐᑕ ᐊᑕᓂᐅᕕᖕᒥᒃ ᐊᐅᓚᑎᑕᐅᔪᓐᓇᖏᑦᑐᒥᒃ ᐱᑎᑕᐅᓯᒪᓕᕋᑦᑕ, ᖁᔭᓕᓗᑕ ᒎᑎ ᑐᒃᓯᐊᕐᕕᒋᓚᐅᕐᓚᕗᑦ ᑖᑦᓱᒪ ᖁᕕᐊᒋᔭᖓᒍᑦ, ᐃᒃᐱᒋᑦᓯᐊᕐᓗᒍ ᐃᓕᕋᒋᓗᒍᓗ;

ᐄᑉᕈᐃᓄᑦ 12:23

ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13

ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:20

ᑖᑦᓱᒪᓂ ᒎᑎᐅᑉ ᐊᖏᕈᑎᒋᓯᒪᔭᓕᒫᖏᑦ ᐊᖏᕐᓂᐅᕗᑦ, ᑖᑦᓱᒨᓇ ᑕᕝᕙ “ᐋᒦᓐᕈᓐᓇᕐᐳᒍᑦ”, ᒎᑎᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᒫᑎᐅᓯᐅᑉ ᐊᒡᓚᖏᑦ 12:33

“ᓇᐹᕐᑐᖅ ᐱᐅᒃᐸᑦ ᐸᐅᕐᖓᖏᑦ ᐱᐅᓂᐊᕆᕗᑦ; ᓇᐹᕐᑐᖅ ᐱᐅᖏᑉᐸᑦ ᐸᐅᕐᖓᖏᑦ ᐱᐅᖏᓐᓂᐊᕆᕗᑦ; ᓇᐹᕐᑐᖅ ᐱᕈᕐᑐᖏᑎᒍᑦ ᖃᐅᔨᒪᔭᐅᕙᒃᐳᖅ.

ᔨᕆᒤᐊᐅᑉ ᐊᒡᓚᖏᑦ 13:27

ᓇᕐᕈᓇᕐᑐᓕᓂᓯ ᑕᑯᓯᒪᒐᒃᑭᑦ, ᐊᓯᓐᓂᐊᕐᓯᒪᓂᓯ ᐱᔪᒪᓗᐊᕐᓂᓯᓗ, ᑲᓐᖑᓱᒐᓯ ᓄᓕᐊᕐᓃᑦ ᐱᓇᓱᐊᓚᐅᕐᑕᓯ ᑕᑯᓯᒪᕙᒃᑲ, ᖃᖅᑬᑦ ᖄᖏᓐᓂ ᓇᑎᕐᓇᓂᓗ. ᑲᑉᐱᐊᓐᓇᒦᖑᔪᓯ ᔨᕉᓴᓕᒥᐅᑦ! ᖃᓄᖅ ᐊᑯᓂᐅᑎᒋᔪᖅ ᓴᓗᒤᑦᑑᓂᐊᕐᐱᓰ?”

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:9

ᑭᓇ ᐅᖃᕈᓐᓇᕐᐸ, “ᐆᒻᒪᑎᒐ ᓴᓗᒻᒪᕐᐸᕋ; ᐊᔪᕐᓂᒃᑲ ᐲᔭᕐᑕᐅᓯᒪᖕᒪᑕ ᓴᓗᒤᓐᓂᖃᕈᓐᓃᕐᐳᖓ”?

ᐃᓐᖏᕈᑎᑦ 19:9

ᐊᑕᓂᕐᒥᒃ ᓯᕘᕋᓂᖅ ᓴᓗᒪᑦᓯᐊᕐᐳᖅ, ᐃᓱᖃᖏᑦᑐᒧᑦ ᑲᔪᓯᔪᖅ. ᐊᑕᓂᐅᓪᓗ ᐃᖅᑲᕐᑐᐃᓂᖏᑦ ᓱᓕᑦᓯᐊᕐᐳᑦ ᑕᒪᕐᒥᒡᓗ ᐃᓱᐊᕐᑑᓪᓗᑎᒃ.

ᑯᕉᓂᑲ ᐂᑉᐸᖏᑦ 19:9

ᐃᒤᓕᐅᖁᕔᓪᓗ: “ᐱᓇᓱᐊᕐᑐᒃᓴᐅᕗᓯ ᐊᑕᓂᖅ ᓯᕘᕋᒋᓗᒍ, ᐅᒃᐱᕐᓇᑦᓯᐊᕐᓗᓯ, ᐆᒻᒪᑎᑦᓯᒍᓪᓗ ᓇᓛᒎᕐᓗᓯ;

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:10

ᑍᒤᒻᒪᑦ ᐃᓱᒪᔮᕈᑎᑎᑦ ᐲᔭᒃᑭᑦ ᐆᒻᒪᑎᖕᓂᑦ, ᑎᒥᖕᓂᓪᓗ ᐱᐅᖏᑦᑐᓕᓃᑦ ᐲᔭᕐᓗᒋᑦ, ᐃᓅᓱᒃᑑᓃᑦ ᓴᓐᖏᔫᓃᓪᓗ ᓱᕙᓕᑭᐊᖑᖕᒪᑎᒃ.

ᐄᑉᕈᐃᓄᑦ 6:9

ᑍᒫᒡᓕ ᐅᖃᓪᓚᒃᑲᓗᐊᕈᑦᑕ, ᐃᓚᓐᓇᕆᔭᒃᑲ, ᐃᓕᑦᓯᓐᓂᒃ ᖁᓚᕈᑎᖃᓐᖏᓚᒍᑦ; ᖃᐅᔨᒪᒐᑦᑕ ᓮᒻᒪᕐᑎᑕᐅᓯᒪᒐᑦᓯ ᐱᐅᓕᔭᐅᕕᒃᓴᑦᓯᓐᓄᑦ.

ᐲᑦᑐᕉᓯ ᓯᕗᓪᓖᑦ 1:15

ᑖᓐᓇ ᐃᓕᑦᓯᓐᓂᒃ ᕾᖁᔨᓯᒪᔪᖅ ᐃᑦᔪᕐᓁᑦᑑᖕᒪᑦ, ᑍᒤᒻᒪᑦ ᐃᑦᔪᕐᓁᑦᑑᔭᕆᐊᖃᕆᕗᓯ ᖃᓄᐃᓕᐅᕐᓂᕆᔭᓯᓂᒃ ᑕᒤᓐᓂᒃ.

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᒨᓯᓯ ᐱᖓᔪᖏᑦ 13:58

ᐊᓐᓄᕌᕐᓗ ᖃᓄᐃᑦᑐᑐᐃᓐᓇᖅ ᐊᓐᓄᕌᓕᐊᕆᓯᒪᔪᖅ ᐅᐊᓴᕐᑕᐅᓯᒪᓗᓂ ᐅᖁᖃᕈᓐᓁᕐᐸᑦ, ᐅᐊᓴᕐᑕᐅᒃᑲᓐᓂᕆᐊᖃᕐᐳᖅ ᑕᕝᕙ ᓴᓗᒻᒪᕐᓂᐊᕐᐳᖅ.