ᑯᕆᓐᑎᐊᒥᐅᓄᑦ ᐂᑉᐸᖏᑦ 4:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᖃᐅᔨᒪᒐᑦᑕ ᒎᑎᐅᑉ ᐊᑕᓂᕐᒥᒃ ᔩᓱᓯᒥᒃ ᐆᒻᒪᕐᑎᑦᓯᔫᑉ, ᐆᒻᒪᕐᑎᑦᓱᒫᕐᒥᖕᒪᑎᒍᑦ ᔩᓱᓯᒃᑯᑦ, ᐃᓚᒋᓗᓯᓗ ᓴᖅᑭᑎᓪᓗᓂᑎᒍᑦ ᓇᔪᒐᒥᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:14 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 26:19

ᑐᖁᖓᔪᖁᑎᑎᑦ ᐆᒻᒪᒃᑲᓐᓂᕈᒫᕐᐳᑦ, ᑎᒥᖏᑦ ᒪᑭᑦᓱᒫᕆᕗᑦ, ᑕᒪᕐᒥᒃ ᐃᓗᕕᕐᑕᐅᓯᒪᔪᑦ ᑐᐸᒍᒫᕐᐳᑦ. ᑐᐸᒡᓗᑎᒃ ᐃᓐᖏᕈᒫᕐᐳᑦ ᖁᕕᐊᓱᖕᓂᕐᒧᑦ, ᓲᕐᓗ ᐸᑐᒃ ᕿᓪᓕᒐᓛᒃᑎᑦᓯᕙᖕᒪᑦ ᓄᓇᒥᒃ ᖃᐅᓯᓕᕐᑎᑦᓯᓕᕌᖓᒥ ᑍᒫᒃᑕᐅᖅ ᐊᑕᓂᐅᑉ ᐆᒻᒪᕐᑎᑦᓱᒫᕐᐰᑦ ᑐᖁᓚᐅᕐᑐᕕᓃᑦ.

ᓘᑲᓯᐅᑉ ᐊᒡᓚᖏᑦ 21:36

ᑍᒪᓐᖓᑦ ᖃᐅᔨᓴᑦᓮᓐᓇᕆᑦᓯ, ᑐᒃᓯᐊᖃᑦᑕᕐᓗᓯ ᐱᔪᓐᓇᕐᓂᖃᕐᑎᑕᐅᖁᓪᓗᓯ ᐊᓂᒍᐃᔪᓐᓇᖁᓪᓗᓯ ᑕᒪᒃᑯᐊ ᐱᔪᒫᕐᑐᑦ ᐊᑐᓕᕐᐸᑕ, ᓇᖏᕈᓐᓇᖁᓪᓗᓯᓗ ᐃᓅᑉ ᐃᕐᓂᖓᑕ ᓵᖓᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:24

ᒎᑎᐅᓪᓕ ᒪᑭᑎᓚᐅᕐᐹ ᑐᖁᒥᑦ, ᑐᖂᑉ ᐋᓐᓂᕐᓇᕐᓂᖓᓂᑦ ᕿᓚᕈᑦᔮᕐᓗᓂᐅᒃ, ᐊᔪᕐᓇᓚᐅᕐᒪ ᑖᓐᓇ ᑐᖁᖎᓐᓇᕆᐊᒃᓴᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 2:32

“ᑖᓐᓇ ᔩᓱᓯ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ, ᐅᕙᒍᓪᓗ ᑕᒪᑦᑕ ᑕᒪᑐᒥᖓ ᖃᐅᔨᓯᒪᕗᒍᑦ.

ᕉᒪᒥᐅᓄᑦ 8:11

ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:14

ᒎᑎᐅᓪᓗ ᐊᑕᓂᖅ ᒪᑭᑎᓚᐅᕐᒪᒍ, ᑍᒫᒃᑕᐅᖅ ᒪᑭᑎᑦᓱᒫᕆᕚᑎᒍᑦ ᐱᔪᓐᓇᕐᓂᕐᒥᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᐃᐱᓯᒥᐅᓄᑦ 5:27

ᐅᒃᐱᕐᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᕐᑑᓕᕐᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᕐᑎᓪᓗᒋᑦ, ᐱᐅᖏᑦᑐᒥᒃ ᑕᕐᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ.

ᑯᓘᓯᐊᒥᐅᓄᑦ 1:22

ᒫᓐᓇᓕ ᐃᕐᓂᖓᑕ ᑐᖁᓂᖓᒍᑦ ᐅᑎᕐᑎᓯᒪᕚᓯ, ᐃᑦᔪᕐᓁᓕᖁᓪᓗᓯ ᓴᓗᒪᑦᓯᐊᓕᕐᓗᓯᓗ ᐸᓯᔭᒃᓴᐅᔪᓐᓃᕐᓗᓯᓗ ᑖᑦᓱᒪ ᓵᖓᓂ,

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:14

ᐅᒃᐱᕋᑦᑕ ᔩᓱᓯ ᑐᖁᓚᐅᕐᒪᑦ ᒪᑭᓚᐅᕆᓪᓗᓂᓗ, ᑍᒫᒃᑕᐅᖅ, ᐅᒃᐱᕆᕗᒍᑦ ᒎᑎᐅᑉ ᔩᓱᓯᒥ ᐅᒃᐱᕈᓱᒃᓗᑎᒃ ᑐᖁᓯᒪᔪᑦ ᓇᒃᓴᕈᒫᕐᒪᒋᑦ ᐃᓚᒋᓕᕐᓗᒋᑦ.

ᔧᒥᓯᐅᑉ ᐊᒡᓚᖏᑦ 5:15

ᑐᒃᓯᐊᕐᓂᐅᓪᓗ ᐅᒃᐱᕐᓂᒃᑰᕐᑐᑉ ᖃᓂᒪᔪᖅ ᐋᖅᑭᖕᓂᐊᕐᐹ, ᐊᑕᓂᐅᓪᓗ ᒪᑭᑎᓗᒍ; ᐊᔪᕐᑐᓕᓯᒪᒃᐸᓪᓗ, ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;