ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3 ပူးပေါင်းရင်းမြစ်များ

ᑯᓘᓯᐊᒥᐅᓄᑦ 2:8

ᖃᐅᔨᓴᕆᑦᓯ ᑭᓇᒧᓪᓘᓐᓃᑦ ᐊᔪᓕᕐᕕᒋᓂᐊᕐᑕᑦᓯᓐᓄᑦ ᐱᑎᑕᐅᑦᑍᓕᓗᓯ ᑐᑭᖃᖏᑦᑐᓄᑦ ᐃᓄᐃᑦ ᓯᓚᑐᓂᖏᑕ ᐋᖅᑭᒃᑕᖏᓐᓄᑦ, ᐃᓄᑐᐃᓐᓁᑦ ᐃᓕᖅᑯᓯᖏᓐᓄᑦ, ᐊᓂᕐᓂᐅᔪᓄᑦ ᓯᓚᕐᔪᐊᕐᒥ ᐊᐅᓚᑕᐅᓯᒪᔪᓄᑦ, ᙭ᔅᑑᓯᒥᓐᖔᖏᑦᑐᓄᑦ.

ᒐᓔᑎᐊᒥᐅᓄᑦ 1:6

ᑲᒪᓂᐊᕈᑎᒋᕙᑦᓯ ᕿᒤᓯᒪᓕᕇᕋᑦᓯ ᕾᖁᔭᐅᓂᕆᓚᐅᕐᑕᑦᓯᓐᓂᒃ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐊᓯᖏᓐᓂᒡᓗ ᐅᖃᐅᓯᕐᓂᒃ ᑐᓴᕈᒥᓇᕐᑑᓂᕋᕐᑕᐅᖕᒥᔪᓂᒃ ᐃᓚᓕᐅᕐᓯᓪᓗᓯ.

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᑯᓘᓯᐊᒥᐅᓄᑦ 2:4

ᐅᖃᐅᑎᕙᑦᓯ ᑭᓇᒧᓪᓘᓐᓃᑦ ᓯᓔᕐᕆᔭᐅᖁᓇᓯ ᐅᖃᐅᓯᕐᓄᑦ ᑲᔪᖏᕐᓮᔪᓄᑦ, ᓱᓕᔫᔮᕋᓗᐊᕐᐸᑕ.

ᔪᐊᓇᓯ ᓯᕗᓪᓖᑦ 4:1

ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.

ᑎᒧᑎᒧᑦ ᓯᕗᓪᓖᑦ 2:14

ᐋᑕᒥ ᐅᐃᕖᕐᕆᔭᐅᖅᑳᓚᐅᓐᖏᓚᖅ, ᐊᕐᓇᕐᓕ ᐅᐃᕖᕐᕆᔭᐅᓚᐅᕐᐳᖅ ᐱᖁᔭᓂᒡᓗ ᓱᕅᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9

ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.

ᐄᑉᕈᐃᓄᑦ 13:9

ᑕᒻᒪᕐᑎᑕᐅᑦᑍᓕᒋᑦᓯ ᐊᔪᕆᕐᑑᓯᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᔨᐅᖏᑦᑐᓄᓪᓗ; ᐱᐅᔪᒻᒪᕆᐅᕗᖅ ᐃᓗᒃᑯᑦ ᓲᖑᑎᑕᐅᓂᕐᒥᒃ ᐱᓯᒪᓗᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᓂᕿᓄᑦ ᐱᓇᓂ, ᓂᕿᓄᑦ ᒪᓕᒐᒃᓴᓂᒃ ᒪᓕᒃᑑᒐᓗᐊᑦ ᐃᑲᔪᕐᑕᐅᓯᒪᖏᒻᒪᑕ.

ᒨᓯᓯ ᓯᕗᓪᓖᑦ 3:13

ᐊᑕᓂᐅᓪᓗ ᒎᑎᐅᑉ ᐊᕐᓇᖅ ᐊᐱᕆᕚ, “ᓱᖕᒪᑦ ᑍᒤᓕᐅᓚᐅᕐᐲᑦ?” ᐊᕐᓇ ᐅᖃᕐᐳᖅ, “ᖁᒡᓗᒋᐊᑉ ᓯᓔᕐᕆᖕᒪᖓ, ᓂᕆᓚᐅᕐᐳᖓ.”

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᒐᓔᑎᐊᒥᐅᓄᑦ 3:1

ᒐᓔᑎᐊᒥᐅᖑᔪᓯ ᓯᓔᑦᑑᕗᓯ! ᑭᓇᒧᑦ ᐊᖓᒃᑯᕐᑕᐅᓐᓂᕐᐱᓰ? ᑐᑭᓯᑦᓯᐊᓚᐅᕋᓗᐊᕋᑦᓯ ᔩᓱᓯ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᑕᐅᓚᐅᕐᓂᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᒨᓯᓯ ᓯᕗᓪᓖᑦ 3:4

ᖁᒡᓗᒋᐊᕐᓕ ᐊᕐᓇᒧᑦ ᐅᖃᕐᐳᖅ, “ᑐᖁᓂᐊᓐᖏᓚᓯᒃ.

ᔪᐊᓇᓯ ᓯᕗᓪᓖᑦ 2:18

ᕿᑐᕐᖓᒃᑲ, ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᐳᖅ; ᑐᓴᐅᒪᒐᑦᓯᓗ ᙭ᔅᑑᓯᒥᒃ ᐊᑭᕋᕐᑐᕐᑐᖅ ᑎᑭᓐᓂᐊᕐᓂᕋᕐᑕᐅᑎᓪᓗᒍ, ᒫᓐᓇᓕ ᙭ᔅᑑᓯᒥᒃ ᐊᑭᕋᕐᑐᕐᑐᑦ ᑎᑭᓯᒪᓕᕐᐳᑦ; ᑍᒤᒻᒪᑦ ᖃᐅᔨᒪᓕᕐᐳᒍᑦ ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᒪᑦ.

ᐲᑦᑐᕉᓯ ᐂᑉᐸᖏᑦ 3:17

ᑍᒤᒻᒪᑦ ᓇᒡᓕᒋᔭᒃᑲ, ᑕᒪᓐᓇ ᓯᕗᓂᖓᒍᑦ ᖃᐅᔨᒪᓕᕋᑦᓯᐅᒃ, ᐅᓗᕆᐊᓱᒋᑦᓯ ᑕᒻᒪᕐᑎᑕᐅᖁᓇᓯ ᐱᖁᔭᖃᖏᓪᓗᑎᒃ ᐃᓅᓇᓱᐊᕐᑐᓄᑦ ᑲᑕᒃᑎᑕᐅᖁᓇᓯᓗ ᑐᓐᖓᕕᒋᓕᕐᑕᑦᓯᓐᓂᑦ.

ᒐᓔᑎᐊᒥᐅᓄᑦ 4:11

ᐃᓱᒫᓗᓕᕐᐳᖓ ᐱᓇᓱᐊᕐᓂᕆᓚᐅᕐᑕᒃᑲ ᐃᓕᑦᓯᓐᓄᑦ ᑕᒪᐅᖓᑐᐃᓐᓈᕐᓯᒪᔪᕆᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.

ᐲᑦᑐᕉᓯ ᐂᑉᐸᖏᑦ 3:3

ᓯᕗᓪᓕᕐᒥᒃ ᐅᓇ ᑐᑭᓯᔭᕆᐊᖃᕐᐸᓯ, ᐅᓪᓗᐃᑦ ᑭᖑᓪᓕᖏᓐᓂ ᓴᖅᑭᑦᑐᖃᕈᒫᕐᒪᑦ ᒥᑕᐅᑎᒃᓴᕐᑎᓂᒃ, ᐃᒃᖠᒎᖕᓂᕐᒥᒍᑦ ᐊᐅᓚᑕᐅᔪᓂᒃ.

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:5

ᑍᒤᒻᒪᑦ ᑎᒧᑎ ᑎᓕᔭᕆᐊᖃᓕᓚᐅᕐᐸᕋ ᕿᓄᐃᓵᕈᓐᓁᓕᒐᒪ ᐅᒃᐱᕐᓂᑦᓯᓐᓂᒃ ᑐᓴᕈᒪᓪᓗᖓ, ᓵᑖᓇᓯᒧᑦ ᐆᒃᑐᕐᓗᒃᑕᐅᓂᑦᓯᓐᓄᑦ ᐱᓇᓱᐊᕐᓂᕆᓯᒪᔭᕗᑦ ᑕᒪᐅᖎᓐᓈᕐᑎᑕᐅᓂᐊᕋᓱᒋᓪᓗᒍ.

ᐃᐱᓯᒥᐅᓄᑦ 6:24

ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᓕᑦ, ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓇᒡᓕᒋᔭᖃᕐᑐᑦ, ᑲᔪᓯᑦᓯᐊᕐᑐᒥᒡᓗ ᐅᖓᒋᔭᖃᕐᑐᑦ ᑖᑦᓱᒥᖓ.

ᒐᓔᑎᐊᒥᐅᓄᑦ 2:4

ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:2

ᑲᓐᖑᓇᕐᑐᓪᓕ ᐱᓂᐊᕐᓃᑦ ᐃᔨᕐᓯᒪᔪᑦ ᐊᑐᕈᒪᔪᓐᓃᕐᓯᒪᕙᕗᑦ; ᓯᓔᕐᕆᒃᓯᓂᕐᒥᒡᓗ ᐃᓕᖅᑯᓯᖃᕐᓇᑕ, ᒎᑎᐅᓪᓗ ᐅᖃᐅᓯᖏᑦ ᑐᑭᖃᕈᓐᓃᕐᑎᓐᖏᓚᕗᑦ, ᓱᓕᑦᓯᐊᕐᓂᕐᒥᒡᓕ ᓴᖅᑭᑎᑦᓯᕗᒍᑦ ᒎᑎᐅᑉ ᓵᖓᓂ ᐃᓄᖕᓄᑦ ᐃᓱᒪᖃᕐᕕᐅᔪᒪᓇᑕ ᓈᒻᒪᖏᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᑍᑑᓯᒧᑦ 1:10

ᐅᓄᕐᒪᑕ ᐊᑭᕋᕐᑐᕐᑐᑦ ᑕᒪᑐᒥᖓ, ᐊᓯᒥᖕᓂᒃ ᓱᓕᒐᑎᒃ ᐅᖃᐅᓯᕐᓄᑦ ᑕᒻᒪᕐᑎᑦᓯᔪᑦ, ᑭᐱᓯᒪᔪᑦ ᐱᓗᐊᕐᓗᒋᑦ;

ᑎᒧᑎᒧᑦ ᓯᕗᓪᓖᑦ 1:3

ᐃᒫᒃ ᐱᖁᓚᐅᕋᒃᑭᑦ ᒫᓯᑑᓂᐊᒧᐊᓕᕐᑎᓪᓗᖓ ᐃᐱᓲᓯᒦᖏᓐᓇᖁᓪᓗᑎᑦ ᐃᓂᕐᑎᕆᖁᓪᓗᑎᑦ ᐃᓄᐃᑦ ᐃᓚᖏᓐᓂᒃ ᐊᔪᕆᕐᓱᐃᑦᔪᑎᒋᕙᑕᑦᑕ ᐊᓯᖏᓐᓂᒃ ᐊᔪᕆᕐᓱᐃᖁᓇᒋᑦ.

ᑯᓘᓯᐊᒥᐅᓄᑦ 2:18

ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᕐᐸᒃᑐᓄᑦ, ᑕᑯᑎᑕᐅᓯᒪᓂᕐᒥᒃ ᑐᓐᖓᕕᖃᕐᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᒥᖕᓂᒡᓗ ᐋᖅᑮᕙᒃᓗᑎᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:29

ᑭᓇ ᓴᓐᖐᑦᑑᒃᐸᑦ ᓴᓐᖐᑦᑑᖃᑎᒋᓐᖏᓚᕌ? ᑭᓇᓗ ᐊᔪᕐᓂᕐᒧᑦ ᑲᑕᒃᑎᑕᐅᒃᐸᑦ, ᐃᓗᒃᑯᑦ ᐅᖁᒤᒃᓴᕈᑎᒋᓐᖏᓚᕌ?

ᕉᒪᒥᐅᓄᑦ 12:8

ᐱᕙᓪᓕᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐱᕙᓪᓕᕐᑎᑦᓯᓕ, ᓇᓪᓕᐊᑦ ᑐᓂᓯᒍᓂ ᐊᓐᓂᕈᓱᖏᓪᓗᓂ ᑐᓂᓯᓕ; ᑕᓯᐅᕐᑎᐅᓂᕐᒥᒃ ᐱᓯᒪᒍᓂ ᐊᒃᓱᕈᕐᓕ; ᓂᑲᒍᓱᖕᓂᕐᒥᒃ ᐱᓇᓱᐊᕈᓂ, ᖁᕕᐊᓱᒡᓗᓂ ᑍᒤᓕᐅᕐᓕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:2

ᑐᕌᒎᓂᓗ ᑎᒍᕚ, ᑖᓐᓇ ᖁᒡᓗᒋᐊᑐᖃᖅ, ᑕᕝᕙ ᐱᐅᓐᖏᑐᒥ ᐱᔪᒥᓵᕆᔨ ᑖᓇ ᓵᑖᓇᓯ, ᑖᓐᓇᓗ ᕿᓚᒃᓱᕐᐹ ᕿᓚᒃᓱᕐᓯᒪᓂᐊᓕᕐᓗᓂ ᐊᕐᕌᒍᓂᑦ 1,000ᓂᒃ.

ᐃᓐᖏᕈᑎᑦ 119:53

ᐱᐅᖏᑦᑐᑦ ᐊᖏᔪᒥᒃ ᐃᓗᐃᓪᓕᕈᑎᒋᕙᒃᑲ, ᐱᖁᔭᕐᓂᒃ ᕿᒤᓯᒪᓂᖏᑦ ᐱᓪᓗᒋᑦ.

ᒨᓯᓯ ᓯᕗᓪᓖᑦ 3:1

ᖁᒡᓗᒋᐊᕐᓕ ᓯᓔᕐᕆᒃᓯᒃᑲᐅᓂᕐᐸᐅᓚᐅᕐᐳᖅ ᐆᒪᔪᓕᒫᓂᑦ ᓄᔪᐊᕐᑐᓂᑦ ᐊᑕᓂᐅᑉ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ. ᖁᒡᓗᒋᐊᓪᓗ ᐊᕐᓇᖅ ᐊᐱᕆᕚ, “ᒎᑎ ᐅᖃᓚᐅᕐᐹ, ᓇᐹᕐᑐᓂᑦ ᓇᓪᓕᐊᓐᓂᑐᐃᓐᓇᖅ ᓂᕆᔪᒃᓴᐅᓐᖏᓚᓯᒃ ᐱᕈᕐᓰᕕᖕᒦᑦᑐᓂᒃ?”

ᒨᓯᓯ ᓯᕗᓪᓖᑦ 3:20

ᐊᖑᑎᐅᓪᓗ ᓄᓕᐊᓂ ᐊᑦᓯᕐᐹ ᐄᕕᒥᒃ; ᐊᓈᓇᒋᔭᐅᓕᕐᒪᑦ ᐃᓅᔪᓕᒫᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:20

ᐊᒡᓛᑦ ᖃᓄᐃᒃᓴᓐᖏᓚᓯ ᐃᓕᑦᓯᓐᓄᑦ ᐊᖓᔪᖅᑲᐅᓯᕐᑐᓂᒃ, ᐱᒋᔭᓯᓐᓂᒃ ᐊᕐᓵᕐᓯᔪᓂᒃ, ᐃᓕᑦᓯᓐᓂᒃ ᓵᓚᓯᐊᖃᕐᑐᓂᒃ, ᐃᒻᒥᖕᓂᒃ ᐊᖓᔪᖅᑳᖑᔪᒪᔪᓂᒃ, ᑮᓇᑦᓯᒍᓪᓘᓐᓃᑦ ᑎᒡᓗᒃᓯᔪᓂᒃ,

ᐃᐱᓯᒥᐅᓄᑦ 4:22

ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:15

ᑕᕝᕙ ᑐᕌᒎᓂ ᖃᓂᕐᒥᒍᑦ ᐃᒪᕐᒥᒃ ᐊᓂᑎᑦᓯᕗᖅ ᑰᒃᑐᑎᑐᑦ, ᐊᕐᓇᖅ ᐃᒪᕐᒧᑦ ᓴᕐᕙᐅᖁᓪᓗᒍ.