ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:13

ᐃᒫᒡᓕ ᐅᖃᐅᓯᖃᕐᐳᒍᑦ, ᐅᖃᐅᓰᑦ ᐃᓄᐃᑦ ᓯᓚᑐᓂᖏᑕ ᐃᓕᓴᐅᑎᖏᑦ ᐊᑐᕐᓇᒋᑦ ᒎᑎᐅᓪᓕ ᐊᓂᕐᓂᖓᑕ ᐃᓕᓐᓂᐊᕐᑎᑦᓯᔪᑎᒋᔭᖏᑦ ᐊᑐᕐᓗᒋᑦ, ᑐᑭᓯᓇᕐᓯᑎᑉᐸᕗᑦ ᐊᓂᕐᓂᐅᑉ ᓱᓕᓂᖏᑦ ᒎᑎᐅᑉ ᐊᓂᕐᓂᖓᓂᒃ ᐱᓯᒪᔪᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:10

ᐃᓕᑦᓯ ᑕᕝᕙ ᖃᐅᔨᓯᒪᔪᖁᑎᒋᕙᑦᓯ ᐅᕙᑦᑎᓐᓂᒃ, ᒎᑎᓗᑦᑕᐅᖅ, ᐱᓇᓱᐊᕐᓂᕆᓚᐅᕐᑕᕗᑦ ᐅᒃᐱᕐᑐᓄᑦ ᐃᑦᔪᕐᓁᑦᑑᓚᐅᕐᐳᖅ, ᓈᒻᒪᑦᑎᐊᕐᓗᓂ ᐸᓯᔭᒃᓴᐅᓂᖃᕋᓂᓗ;

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᐄᑉᕈᐃᓄᑦ 13:18

ᑐᒃᓯᐅᑎᑎᒍᑦ, ᖁᓚᖏᓐᓇᑦᑕ ᐸᓯᔭᒃᓴᐅᖏᑦᑐᒥᒃ ᐃᓱᒪᖃᕐᓂᑦᑎᓐᓂᒃ, ᑕᒤᑎᒍᓪᓗ ᐅᐱᓐᓇᕐᑐᒥᒃ ᐱᓇᓱᐊᕈᒪᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:8

ᑕᒪᑐᒥᖓ ᐃᓕᑦᓯᓐᓄᑦ ᐱᖁᔭᓕᐅᕋᓱᐊᓐᖏᓚᖓ, ᐊᓯᓯᓕ ᑲᔪᖏᑦᓯᐊᕐᓗᑎᒃ ᐱᓇᓱᐊᑦᓯᐊᕐᒪᑕ ᓇᒡᓕᖕᓂᓯ ᓱᓕᑦᓯᐊᕐᒪᖔᑦ ᐆᒃᑐᑐᐃᓐᓇᕐᐸᕋ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:2

ᑲᓐᖑᓇᕐᑐᓪᓕ ᐱᓂᐊᕐᓃᑦ ᐃᔨᕐᓯᒪᔪᑦ ᐊᑐᕈᒪᔪᓐᓃᕐᓯᒪᕙᕗᑦ; ᓯᓔᕐᕆᒃᓯᓂᕐᒥᒡᓗ ᐃᓕᖅᑯᓯᖃᕐᓇᑕ, ᒎᑎᐅᓪᓗ ᐅᖃᐅᓯᖏᑦ ᑐᑭᖃᕈᓐᓃᕐᑎᓐᖏᓚᕗᑦ, ᓱᓕᑦᓯᐊᕐᓂᕐᒥᒡᓕ ᓴᖅᑭᑎᑦᓯᕗᒍᑦ ᒎᑎᐅᑉ ᓵᖓᓂ ᐃᓄᖕᓄᑦ ᐃᓱᒪᖃᕐᕕᐅᔪᒪᓇᑕ ᓈᒻᒪᖏᑦᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 24:16

ᑍᒪᓐᖓᑦ ᐱᓇᓱᐊᕐᐳᖓ ᐃᓱᒪᒃᑯᑦ ᐸᓯᔭᒃᓴᐅᔪᒪᓇᖓ ᒎᑎᒧᑦ, ᐃᓄᖕᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 23:1

ᐸᐅᓗᓯ ᔫᑎᑦ ᐃᖅᑲᕐᑐᐃᔨᕐᔪᐊᖏᓐᓄᑦ ᑕᑯᓴᓪᓗᐊᕐᓗᓂ ᐅᖃᐅᑎᕔᑦ, “ᔫᑎᐅᖃᑎᒃᑳ, ᐃᓅᓚᐅᕐᐳᖓ ᐃᓅᓯᕆᔭᓐᓂ ᒎᑎᐅᑉ ᓵᖓᓂ ᐃᓱᒫᓗᑎᒃᓴᖃᕐᓇᖓ ᐃᓱᒪᒃᑯᑦ ᐅᓪᓗᒥᒧᑦ ᑎᑭᓪᓗᒍ.”

ᔫᐱᐅᑉ ᐊᒡᓚᖏᑦ 13:15

ᑕᑯᒋᑦ, ᑖᑦᓱᒪ ᓱᒋᐊᕐᐸᖓ; ᓂᕆᐅᒋᔭᒃᓴᖃᓐᖏᓚᖓ; ᐃᓅᓯᕆᔭᓐᓂᒡᓕ ᓴᐳᓐᓂᐊᕐᓂᐊᕐᐳᖓ ᑖᑦᓱᒧᖓ.

ᐲᑦᑐᕉᓯ ᓯᕗᓪᓖᑦ 3:16

ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ.

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᐱᓕᐱᒥᐅᓄᑦ 1:10

ᖃᐅᔨᑦᓯᐊᕈᓐᓇᖁᓪᓗᓯ ᓱᓇ ᐱᐅᓂᕐᐹᖑᖕᒪᖔᑦ, ᑕᕝᕙ ᐸᓯᔭᒃᓴᐅᓂᐊᓐᖏᓚᓯ ᓴᓗᒤᑦᑐᓂᑦ ᐸᓯᔭᒃᓴᐅᓂᕐᒥᓪᓗ ᙭ᔅᑑᓯᐅᑉ ᐅᓪᓗᖓᑕ ᓇᓪᓕᐅᓐᓂᒃᓴᖓᓂ.

ᐃᐱᓯᒥᐅᓄᑦ 6:14

ᑍᒤᒻᒪᑦ ᓇᖏᕐᓗᓯ ᐸᕐᓇᒃᓯᒪᓕᕆᑦᓯ, ᕿᑎᑦᓯᒍᑦ ᑕᑦᓯᕈᓯᔭᕐᓗᓯ ᓱᓕᓂᕐᒥᒃ, ᓴᒡᕕᖕᒥᐅᑕᖅ ᐊᑎᓗᒍ ᓇᓛᒎᕐᓂᖅ,

ᒐᓔᑎᐊᒥᐅᓄᑦ 6:4

ᓇᖕᒥᓂᕐᓕ ᐱᓂᐊᕐᓂᒥᖕᓂᒃ ᖃᐅᔨᓴᕐᓕᑦ, ᐱᓂᐊᕐᓂᖓ ᐱᐅᔫᒃᐸᑦ, ᑕᕝᕙ ᐱᓇᓱᐊᓚᐅᕐᑕᒥᓂᒃ ᐅᐱᒍᓲᑎᖃᕈᓐᓇᕋᔭᕐᐳᖅ, ᐊᓯᒥ ᐱᓂᐊᕐᓂᕆᓯᒪᔭᖏᓐᓂᒃ ᐃᓱᒪᖏᓪᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:17

ᑍᒫᒃ ᐃᓱᒪᑎᓪᓗᖓ ᓴᖑᓴᕅᑦᑐᑎᑐᑦ ᐱᐅᓯᖃᓚᐅᕐᐳᖔ? ᐅᕝᕙᓘᓐᓃᑦ ᓯᓚᕐᔪᐊᕐᒥᐅᑦ ᐱᐅᓯᖏᓐᓂᒃ ᒪᓕᓚᐅᕐᐳᖔ? ᐅᖃᕐᐸᒃᑐᑎᑐᑦ ᐊᑕᐅᑦᓯᒃᑯᑦ ᐊᖏᕐᓗᑎᒡᓗ ᐊᖏᖏᓪᓗᑎᒡᓘ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:8

ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:4

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᖏᓐᓇᒪ, ᐃᓱᒪᔮᕈᑎᖃᖏᓐᓂᕋᓕ ᓱᓕᔪᒥᒃ ᐸᓯᔭᒃᓴᐅᖏᒻᒪᖔᕐᒪ ᓇᓗᓁᕐᓯᓐᖏᓚᖅ. ᐊᑕᓂᕐᓕ ᑖᓐᓇ ᐅᕙᓐᓂᒃ ᐃᖅᑲᕐᑐᐃᔨᐅᕗᖅ.

ᕉᒪᒥᐅᓄᑦ 9:1

ᓱᓕᔪᒥᒃ ᐅᖃᕐᐳᖓ ᙭ᔅᑑᓯᒥ, ᓴᒡᓗᓇᖓ; ᐃᓱᒪᒪ ᐃᒃᐱᒋᔭᖓᑕ ᑐᑭᓯᑎᑉᐹᖓ ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᓗᓁᕐᓯᓂᖓᒍᑦ,

ᐂᓮᐊᓯᐅᑉ ᐊᒡᓚᖏᑦ 38:3

ᐅᖃᕐᓗᓂ, “ᐊᑕᓃᖅ ᐃᖅᑲᐅᒪᒋᑦ, ᒫᓐᓇ ᐊᑕᓃᖅ ᓵᖕᓂ ᐃᓅᓚᐅᕋᒪ ᓱᖁᓯᔪᐃᑦᑐᒥᒃ ᐃᓕᖕᓂᒃ ᒪᓕᒡᓗᖓ ᐆᒻᒪᑎᒪ ᐱᔪᓐᓇᕐᑕᓕᒫᖓᓄᑦ, ᐱᓇᓱᐊᓚᐅᕐᓗᖓᓗ ᐱᔪᒪᔭᕐᓂᒃ.” ᕼᐃᓯᑬᐊᓗ ᕿᐊᓯᒐᒥ ᕿᐊᕕᒡᔪᐊᓕᕐᐳᖅ.

ᔮᓱᐊᑉ ᐊᒡᓚᖏᑦ 24:14

“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ.

ᔧᒥᓯᐅᑉ ᐊᒡᓚᖏᑦ 4:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”

ᑍᑑᓯᒧᑦ 2:7

ᐃᕝᕕᓪᓕ ᓇᖕᒥᓂᖅ ᑖᒃᑯᓄᖓᓕᒫᖅ ᒪᓕᒐᒃᓴᑦᓯᐊᖑᔪᒃᓴᐅᕗᑎᑦ ᐃᓅᑦᓯᐊᕐᓂᒃᑯᑦ, ᐊᔪᕆᕐᑐᐃᓕᕌᖓᕕᑦ ᓱᓕᑦᓯᐊᕐᓗᑎᑦ ᐱᓪᓚᕆᒃᑐᒥᒃ ᐊᔪᕆᕐᑐᐃᖃᑦᑕᕐᓗᑎᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:17

᙭ᔅᑑᓯᐅᑉ ᑎᓕᓚᐅᖏᒻᒪᖓ ᐹᑉᑎᓯᔭᕐᑐᖁᓗᖓ ᐅᖃᐅᓰᓪᓕ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑕᐅᖁᓪᓗᒋᑦ ᑎᓕᔭᐅᓯᒪᕗᖓ, ᐃᓄᐃᑦ ᓯᓚᑐᓂᖓ ᒪᓕᒡᓗᒍ ᐊᔪᕆᕐᑐᐃᖁᓇᖓ, ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓚᐅᕐᓂᖓᑕ ᐱᔪᓐᓇᕐᓂᖓ ᓴᓐᖐᓕᑎᑕᐅᖁᓇᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:8

ᐃᓚᖓᓐᓄᑦ ᐊᓂᕐᓂᖅ ᑐᓂᓯᕗᖅ ᓯᓚᑐᔪᓂᒃ ᐅᖃᐅᓯᖃᕐᑎᑦᓯᓂᕐᒥᒃ; ᐊᓯᐊᓄᓪᓗ ᐊᓂᕐᓂᖅ ᑖᓐᓇᑦᓮᓐᓇᖅ ᑐᓂᓯᕗᖅ ᖃᐅᔨᒪᓂᕐᑖᕐᑎᑎᓪᓗᓂ ᐅᖃᓪᓚᒃᑎᑦᓯᕗᖅ.

ᓴᒧᐃᓕ ᐂᑉᐸᖏᑦ 22:22

ᐊᑕᓂᐅᑉ ᐱᖁᔭᖏᑦ ᓈᓚᓚᐅᕐᐸᒃᑲ; ᒎᑎᓐᓂᒃ ᕿᒤᓚᐅᖏᓐᓇᒪ ᐱᐅᖏᑦᑐᓕᓂᕐᒧᑦ.