ᑯᕉᓂᑲ ᐂᑉᐸᖏᑦ 9:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑲᑎᓯᔭᕐᑐᕐᑐᓕᒫᑦ ᑐᓂᓯᖃᑦᑕᓚᐅᕐᐳᑦ ᑖᑦᓱᒧᖓ: ᓯᐅᓪᕕᕆᓂᒃ ᒎᓗᓂᒡᓗ, ᐊᓐᓄᕌᓂᒃ, ᑎᐱᑦᓯᐊᕆᒃᓴᐅᑎᓂᒃ ᒨᕋᓂᒃ, ᓂᕿᓄᑦ ᐃᓚᐅᕈᑎᒃᓴᓂᒃ ᒪᒪᕐᑐᓂᒃ, ᕿᒻᒥᕐᔪᐊᓂᒃ, ᓯᐅᑎᖅᑯᕐᑐᔪᓂᒃ, ᐊᕐᕌᒍᑕᒫᑦᓯᐊᖅ ᑲᔪᓯᕙᒃᓗᑎᒃ.

ᑯᕉᓂᑲ ᐂᑉᐸᖏᑦ 9:24 ပူးပေါင်းရင်းမြစ်များ

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᔫᐱᐅᑉ ᐊᒡᓚᖏᑦ 42:11

ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ ᑐᓂᓯᕕᒋᓪᓗᒍ.

ᑯᕉᓂᑲ ᐂᑉᐸᖏᑦ 9:9

ᑕᕝᕙ ᐊᖓᔪᖅᑳᕐᔪᐊᖅ ᑐᓂᕚ ᓇᒃᓴᓚᐅᕐᑕᒥᓂᒃ ᑐᓂᕐᕈᑎᒃᓴᓂᒃ 10,000ᐸᐅᓂᒃ ᐅᖁᒤᓐᓂᓕᖕᓂᒃ ᒎᓗᓂᒃ, ᓂᕿᓄᓪᓗ ᐃᓚᐅᕈᑎᒃᓴᓂᒃ ᒪᒪᕐᑐᓂᒃ ᐊᒥᒐᖏᑦᑐᓂᒃ, ᐅᔭᕋᖕᓂᒡᓗ ᐱᕕᐊᕐᓇᕐᑐᓂᒃ; ᓂᕿᓄᑦ ᐃᓚᐅᕈᑎᒃᓴᓂᒃ ᐊᒥᒐᖏᑦᑐᕐᔪᐊᓂᒃ ᑯᐃᓐ ᓰᐸᒥᐅᖅ ᑐᓂᓯᓚᐅᕐᐳᖅ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.

ᐊᑕᓃᑦ ᓯᕗᓪᓖᑦ 10:25

ᑎᑭᑎᒋᔭᓕᒫᖏᑦ ᓇᒃᓴᕐᐸᓚᐅᕐᐳᑦ ᑐᓂᕐᕈᑎᒥᖕᓂᒃ ᑖᑦᓱᒧᖓ ᓯᐅᓪᕕᕆᓂᒃ ᒎᓗᓂᒃ ᐊᓐᓄᕌᓂᒃ, ᐅᓇᑕᐅᑎᓂᒃ, ᑎᐱᑎᕈᑎᓂᒡᓗ ᕿᒻᒥᕐᔪᐊᓂᒃ ᓯᐅᑎᖅᑯᕐᑐᔪᓂᒡᓗ, ᑕᒪᓐᓇᓗ ᑍᒤᖏᓐᓇᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᐊᑕᓃᑦ ᓯᕗᓪᓖᑦ 10:10

ᓰᐸᒥᐅᑦ ᑯᐃᓐᖓᑦ ᑐᓂᓯᕗᖅ ᐊᖓᔪᖅᑳᕐᔪᐊᒧᑦ 10,000ᐸᐅᓂᑦ ᐅᖁᒤᓐᓂᕐᓴᓂᒃ ᒎᓗᓂᒃ, ᓂᕿᓄᓪᓗ ᐃᓚᐅᕈᑎᒃᓴᓂᒃ ᐊᖏᔪᐊᓗᖕᓂᒃ, ᐅᔭᕋᖕᓂᒡᓗ ᐊᑭᑐᔪᓂᒃ; ᑍᒫᒃ ᐊᖏᑎᒋᔪᓂᒃ ᓂᕿᓄᑦ ᐃᓚᐅᕈᑎᒃᓴᓂᒃ ᑐᓂᓯᔪᖃᒃᑲᓐᓂᓚᐅᕐᓯᒪᓐᖏᓚᖅ ᓰᐸᒥᐅᑦ ᑯᐃᓐᖓᑕ ᑐᓂᓚᐅᕐᑕᖏᑎᑐᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.

ᐊᑕᓃᑦ ᓯᕗᓪᓖᑦ 9:14

ᕼᐅᕋᒻ ᓲᓗᒨᓂᒧᑦ ᑐᔪᐃᓚᐅᕐᐳᖅ 10,000ᐸᐅᓐᓂᒃ ᐅᖁᒤᓂᖃᕐᑐᓂᒃ ᒎᓗᓂᒃ.

ᓴᒧᐃᓕ ᓯᕗᓪᓖᑦ 10:27

ᐃᓚᖏᓪᓕ ᐊᑭᕋᕐᑐᕐᑐᑦ ᐅᖃᕐᐳᑦ, “ᖃᓅᖅ ᑖᑦᓱᒧᖓ ᐱᐅᓕᔭᐅᔪᓐᓇᕋᑦᑕ?” ᑕᕝᕙ ᑖᑦᓱᒥᖓ ᓇᕐᕈᓕᕐᐳᑦ, ᐂᑦᑐᕐᓇᒍᓗ ᐱᑖᒃᓴᖏᓐᓂᒃ. ᓴᐅᓕᓕ ᓮᒪᓂᖃᑦᓯᐊᓚᕐᐳᖅ.

ᑯᕉᓂᑲ ᐂᑉᐸᖏᑦ 9:23

ᐊᖓᔪᖅᑳᕐᔪᐊᓕᒫᑦ ᓄᓇᒦᑦᑐᑦ ᓲᓗᒨᓂᒥᒃ ᑲᑎᓯᕕᒃᓴᕐᓯᐅᖃᑦᑕᓚᐅᕐᐳᑦ ᑐᓴᕈᒪᓪᓗᑎᒃ ᓯᓚᑐᓂᖓᓂᒃ, ᒎᑎᐅᑉ ᑐᓂᓯᒪᔭᖓᓂᒃ ᐃᓱᒪᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 3:15

ᐃᓴᕆᐊᓕᒥᐅᑦ ᐃᓗᖏᕐᓱᕐᓗᑎᒃ ᓂᓪᓕᐊᓕᓚᐅᕆᕗᑦ ᐊᑕᓂᕐᒧᑦ, ᐊᑕᓂᐅᓪᓗ ᐃᓴᕆᐊᓕᒥᐅᑦ ᑎᓕᓯᕕᒋᓚᐅᕐᐰᑦ, ᐊᖑᒻᒥᒃ ᓴᐳᑦᔨᓂᐊᕐᑐᒥᒃ. ᑖᓐᓇ ᐃᕼᐅᑦ, ᒋᕋᐅᑉ ᐃᕐᓂᖓ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᓴᐅᒥᐅᓚᐅᕐᐳᖅ. ᐃᓴᕆᐊᓕᒥᐅᑦ ᐃᓄᖏᑕ ᑎᓕᓚᐅᕐᐹ ᐊᖓᔪᖅᑳᕐᔪᐊᕐᒧᑦ ᐃᒡᓚᓐᒧᑦ, ᒧᐊᐱᒥᐅᑕᕐᒧᑦ ᐊᑭᓕᐅᑎᒥᖕᓂᒃ ᑐᓂᕐᕈᑎᓂᒃ ᑐᓂᓯᒋᐊᕐᑐᖁᓪᓗᒍ.

ᑯᕉᓂᑲ ᐂᑉᐸᖏᑦ 17:11

ᐱᓕᔅᑍᓂᒥᐅᓪᓗ ᐂᑦᑐᐃᔭᕐᑐᕐᐳᑦ ᔨᕼᐆᓴᐸᑦᒧᑦ ᐊᑭᓕᐅᑎᒥᖕᓂᒃ ᓯᐅᓪᕕᕆᓂᒃ, ᐋᕋᑉᒥᐅᓪᓗ ᑐᓂᓯᒋᕗᑦ ᓰᐱᐅᑉ ᐊᖑᓴᓪᓗᖏᓐᓂᒃ 7,700ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7,700ᓂᒃ.

ᐃᓐᖏᕈᑎᑦ 68:30

ᐃᕕᒡᔪᐊᓃᑦᑐᑦ ᐆᒪᔪᑦ ᐃᓂᕐᑎᒃᑭᑦ, ᐃᒻᒧᒃᓯᐅᒐᐅᑉ ᐸᖕᓂᖏᑦ ᓄᕐᕅᓪᓗ ᐃᓚᒋᓪᓗᒋᑦ. ᑕᒪᕐᒥᒃ ᓯᐅᓪᕕᕆᒥᒃ ᑐᓂᓯᓚᐅᖏᓐᓂᖏᓐᓂ. ᐊᕕᑎᓚᐅᒃᑭᑦ ᐃᓄᐃᑦ ᐅᓇᑕᕈᒪᔪᑦ.