ᑯᕉᓂᑲ ᐂᑉᐸᖏᑦ 8:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᑖᑕᖓᑕ ᑍᕕᑎᐅᑉ ᐊᑐᕐᑕᐅᖃᕐᑕᖁᓚᐅᕐᑕᖏᑦ ᒪᓕᒡᓗᒋᑦ, ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᕕᒃᑐᕐᓗᒋᑦ ᐱᓂᐊᒐᒃᓴᖏᓐᓄᑦ, ᓕᕔᑏᓪᓗ ᐱᓂᐊᒐᒃᓴᖏᓐᓄᑦ ᓂᕐᑐᐃᔨᐅᖁᓪᓗᒋᑦ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᓂᒃ ᐅᓪᓗᑕᒫᑦ ᐱᔭᒃᓴᖏᑦ ᒪᓕᒡᓗᒋᑦ, ᐃᑎᕐᑕᕐᕕᖕᒥᐅᑍᓪᓗ ᐊᕕᒃᑐᕐᓯᒪᓂᖏᑦ ᐃᑎᕐᑕᕐᕕᖕᓂ ᒪᓕᒡᓗᒋᑦ; ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᑦᔪᑎᒋᓚᐅᕐᑕᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 8:14 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 9:17

ᐃᑎᕐᑕᕐᕕᓕᕆᔩᑦ ᐅᑯᐊᖑᕗᑦ: ᓴᓗᒻ, ᐊᑯᑉ, ᑖᓪᒪᓐ, ᐊᕼᐂᒪᓐ, ᐃᓚᒋᔭᖏᓪᓗ, ᓴᓗᒻ ᐊᖓᔪᖅᑳᕆᔭᐅᓪᓗᓂ.

ᓂᕼᐃᒤᐊᐅᑉ ᐊᒡᓚᖏᑦ 12:36

ᑖᑦᓱᒪᓗ ᐃᓚᒋᔭᖏᑦ, ᓯᒤᐊ, ᐊᔭᕆᐅᓪ, ᒥᓚᓔ, ᒊᓚᓔ, ᒪᐂ, ᓇᑖᓂᐅᓪ, ᔫᑕ, ᕼᐊᓇᓁᓗ, ᑍᕕᑎᐅᓪᓗ ᒎᑎᐅᑉ ᐃᓄᖁᑎᖓᑕ ᐊᑐᖃᑦᑕᓚᐅᕐᑕᖏᑕ ᐊᑦᔨᖏᑦ ᓂᑦᔭᐅᑏᑦ ᐊᑐᕐᑕᐅᓚᐅᕆᕗᑦ; ᐄᓱᕋ ᐱᖁᔭᓂᒃ ᐃᓕᓯᒪᔪᖅ ᑖᒃᑯᐊ ᓯᕗᓂᖓᓃᓪᓗᓂ.

ᓂᕼᐃᒤᐊᐅᑉ ᐊᒡᓚᖏᑦ 12:24

ᓕᕔᑎᒃᑯᓐᓄᑦ ᐅᑯᐊ ᐊᖓᔪᖅᑳᕆᔭᐅᓚᐅᕐᐳᑦ: ᕼᐊᓴᐰᐊ, ᓯᕆᐰᐊ, ᔩᓱᐊᓗ ᑲᑦᒤ-ᓕᐅᑉ ᐃᕐᓂᖓ, ᐃᓚᒋᔭᖏᑕ ᐊᑭᐊᓃᓪᓗᑎᒃ ᐱᓇᓱᐊᖃᑕᐅᖃᑦᑕᓚᐅᕐᑐᑦ, ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ, ᐊᕕᒃᑐᕐᓯᒪᓪᓗᑎᒃ ᐊᑭᓕᕇᖑᕙᓚᐅᕐᒪᑕ, ᑖᑦᓱᒪ ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᓂᕆᓯᒪᔭᖓᓂᒃ ᒪᓕᒃᓗᑎᒃ.

ᐄᓱᕋᐅᑉ ᐊᒡᓚᖏᑦ 6:18

ᐋᖅᑭᒃᓱᐃᓚᐅᕐᐳᑦ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᕕᒃᓴᖏᓐᓂᒃ ᓕᕔᑎᓪᓗ ᑐᒃᓯᐊᕐᑎᑦᓯᖃᑦᑕᕐᓂᒃᓴᖏᓐᓂᒃ ᑐᒃᓯᐊᕐᕕᒡᔪᐊᒥ ᔨᕉᓴᓕᒦᑦᑐᒥ, ᒨᓯᓯᐅᑉ ᐊᓪᓚᖏᑕ ᐱᖁᔨᓂᖏᑦ ᒪᓕᒡᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:36

ᑍᕕᑎ ᐱᔨᑦᓯᓚᐅᕐᐳᖅ ᒎᑎᐅᑉ ᐱᔪᒪᔭᖓ ᒪᓕᒡᓗᒍ, ᑭᖑᓂᖓᒍᓪᓕ ᑐᖁᓚᐅᕐᐳᖅ ᐃᓕᔭᐅᓪᓗᓂ ᓯᕗᓕᕕᓂᕐᒥ ᐃᓗᕕᕐᑕᐅᕕᖓᓐᓄᑦ, ᑎᒥᖓ ᐃᓗᕕᕐᒥ ᐃᒍᓇᓚᐅᕐᐳᖅ;

ᐋᐴᓯᑕᓖᑦ ᐱᓂᐊᕐᓂᖏᑦ 13:22

ᓴᐅᓕ ᐊᖓᔪᖅᑲᐅᕕᖕᒥᑦ ᐲᕐᑎᓐᓇᒥᐅᒃ, ᑍᕕᑎ ᑖᒃᑯᓄᖓ ᐊᖓᔪᖅᑳᕐᔪᐊᓐᖑᕐᑎᓚᐅᕐᐹ; ᐃᒫᒃ ᐅᖃᐅᓯᕆᓪᓗᒍ, ‘ᑍᕕᑎ ᓇᓂᕙᕋ ᔨᓯᐅᑉ ᐃᕐᓂᖓ ᐊᖑᑦ ᓈᒻᒪᒋᔭᕋ ᐊᑐᕐᑕᐅᖁᔭᓐᓂᒃ ᐊᑐᑦᓯᐊᕈᓐᓇᕐᑐᖅ.’

ᓘᑲᓯᐅᑉ ᐊᒡᓚᖏᑦ 1:8

ᓴᑲᕅᐊ ᐱᓇᓱᐊᕐᑎᓪᓗᒍ ᑐᓂᕐᕈᓯᕐᓂᕐᒥᒃ ᒎᑎᐅᑉ ᓵᖓᓂ ᖃᐅᑕᒫᑦ ᐊᑐᕐᑕᐅᕙᒃᑐᒥᒃ ᑐᒃᓯᐊᕐᕕᒡᔪᐊᒥ; ᐱᓇᓱᐊᕐᕕᒃᓴᖓ ᓇᓪᓕᐅᑎᓯᒪᓕᕐᒪᑦ.

ᓘᑲᓯᐅᑉ ᐊᒡᓚᖏᑦ 1:5

ᑍᑦᓱᒪᓂ ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ ᔫᑎᐊᒥ, ᑐᓂᕐᕈᓯᕐᑎᑦᓯᔨᑕᖃᓚᐅᕐᐳᖅ ᓴᑲᕅᐊᒥᒃ ᐊᑎᓕᖕᒥᒃ, ᑐᓂᕐᕈᓯᕐᑎᑦᓯᔨᓄᑦ ᓇᓪᓕᐅᑎᖃᑦᑕᕐᑐᓄᑦ ᐊᐰᔭᒃᑯᓐᓄᑦ ᐃᓚᒋᔭᐅᓪᓗᓂ; ᓄᓕᐊᖓ ᐃᓕᓴᐱᒥᒃ ᐊᑎᖃᕐᐳᖅ ᐂᕉᓂᒃᑯᑦ ᑭᖑᕚᖓᑦ; ᑐᓂᕐᕈᓯᕐᑎᑦᓯᔨᓄᑦ ᑭᖑᕚᕆᔭᐅᒋᓪᓗᓂ.

ᑯᕉᓂᑲ ᐂᑉᐸᖏᑦ 35:10

ᑐᒃᓯᐊᖃᑎᒌᖕᓂᐅᓂᐊᕐᑐᖅ ᐅᐸᓗᒊᔭᕐᑕᐅᔭᕇᕐᒪᑦ, ᑐᓂᕐᕈᓯᕐᑎᑦᓯᔩᑦ ᐃᓂᒋᔭᕆᐊᖃᕐᑕᒥᓄᐊᕐᐳᑦ, ᓕᕔᑏᓪᓗ ᐊᒡᒍᕐᓯᒪᓪᓗᑎᒃ ᐊᖓᔪᖅᑳᕐᔪᐊᑉ ᑎᓕᓯᓯᒪᓂᖓ ᒪᓕᒡᓗᒍ.

ᑯᕉᓂᑲ ᐂᑉᐸᖏᑦ 31:2

ᕼᐃᓯᑬᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐊᕕᒃᑐᕐᓯᒪᔪᑦ ᓕᕔᑎᓪᓗ ᐊᒡᒍᕐᓯᒪᓂᖏᑦ ᒪᓕᒡᓗᒋᑦ, ᐃᓘᓐᓇᑎᒃ ᐱᓕᕆᐊᕆᔭᕆᐊᖃᕐᑕᖏᑦ ᒪᓕᒡᓗᒋᑦ, ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᑯᐊᓪᓚᒋᐊᓕᖕᓄᑦ ᓮᒻᒪᕐᑎᑕᐅᓂᕐᒧᓪᓗ ᑐᓂᕐᕈᑎᓂᒃ ᐱᔨᑦᓯᖁᓪᓗᒋᑦ, ᖁᔭᓕᖁᓪᓗᒋᑦ ᓂᕐᑐᐃᖁᓪᓗᒋᓪᓗ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖏᓐᓂ.

ᑯᕉᓂᑲ ᐂᑉᐸᖏᑦ 23:4

ᐃᒤᓕᐅᕐᑐᒃᓴᐅᕗᓯ: ᐃᓕᑦᓯ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᓴᐸᑎᒥ ᐱᓇᓱᐊᒃᓴᖃᖏᑦᑐᑦ, ᑖᒃᑯᐊ ᐱᖓᔪᖏᑦ ᖃᐅᔨᓴᕐᑎᐅᔪᒃᓴᐅᕗᑦ ᐃᑎᕐᑕᕐᕕᖕᓂ;

ᑯᕉᓂᑲ ᐂᑉᐸᖏᑦ 5:11

ᑐᓂᕐᕈᓯᕐᑎᑦᓯᔩᓪᓕ ᐃᑦᔪᕐᓁᓐᓂᕐᐹᒥᑦ ᐊᓂᖕᒪᑕ (ᑐᓂᕐᕈᓯᕐᑎᑦᓯᔨᓕᒫᑦ ᐃᒻᒥᖕᓂᒃ ᐃᑦᔪᕐᓁᑎᓯᒪᓚᐅᕐᐳᑦ, ᐊᕕᒃᑐᕐᓯᒪᓂᑎᒃ ᐃᓱᒪᒋᓇᒋᑦ;

ᑯᕉᓂᑲ ᓯᕗᓪᓖᑦ 28:19

ᐊᑕᓂᐅᑉ ᖃᐅᔨᑎᓚᐅᕐᐹᖓ ᑎᑎᕋᕐᓯᒪᔪᑎᒍᑦ ᑖᒃᑯᐊᓕᒫᑦ ᐊᒡᒐᖕᒥᓄᑦ ᑎᑎᕋᓚᐅᕐᒪᒋᑦ ᐅᕙᓐᓄᑦ, ᓴᓇᔭᐅᔭᕆᐊᖃᓛᕐᒪᑕ ᐸᕐᓇᒃᑕᐅᓯᒪᓂᖏᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 23:1

ᑍᕕᑎ ᐃᓄᑐᖃᐅᓕᕋᒥ ᐅᓪᓗᖏᓪᓗ ᓈᖕᒪᑕ, ᐃᕐᓂᓂ ᓲᓗᒨᓂ ᐊᖓᔪᖅᑳᕐᔪᐊᕈᕐᑎᑉᐹ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 16:42

ᕼᐃᒪᓐ ᔨᑐᑕᓐᓗ, ᓂᐱᖅᑯᕐᑐᓪᓗᑎᒃ ᓂᓪᓕᐊᑎᑦᓯᓚᐅᕐᐳᑦ ᑎᑦᑐᓚᐅᑎᓂᒃ ᓯᕙᓂᕋᐅᑎᓂᒡᓗ ᓂᑦᔮᑎᑦᓯᓪᓗᑎᒃ ᐃᓐᖏᕈᓯᕐᓂᒃ ᐃᑦᔪᕐᓁᑦᑐᓂᒃ. ᔨᑐᑕᐅᑉ ᐃᕐᓂᖏᑦ ᓇᐅᑦᓯᕐᑐᕐᑎᐅᑎᑕᐅᑎᓪᓗᒋᑦ ᐃᑎᕐᑕᕐᕕᖕᒥ.

ᐊᑕᓃᑦ ᓯᕗᓪᓖᑦ 13:1

ᑕᑯᒋᓪᓗ, ᒎᑎᐅᑉ ᐃᓄᖁᑎᖓ ᑎᑭᓚᐅᕐᐳᖅ ᐱᑎᓕᒧᑦ ᔫᑕᒥᑦ ᐊᑕᓂᐅᑉ ᐅᖃᐅᓯᖓᓂᒃ ᐅᖃᕆᐊᕐᑐᕐᓗᓂ. ᔨᕈᐳᐊᒻ ᓇᖏᓕᕐᑎᓪᓗᒍ ᑐᓂᕐᕈᓯᕐᕕᐅᑉ ᓵᖓᓂ ᐃᑯᐊᓚᑎᑦᓯᓗᓂ ᐃᓯᕐᓗᐊᕐᓂᑎᑦᓯᓂᐊᓕᕐᑎᓪᓗᒍ.

ᓴᒧᐃᓕ ᐂᑉᐸᖏᑦ 23:2

“ᐊᑕᓂᐅᑉ ᐊᓂᕐᓂᖓ ᐅᕙᒃᑯᑦ ᐅᖃᓪᓚᒃᐳᖅ, ᐅᖃᐅᓯᖏᓪᓗ ᖃᓂᓐᓃᑉᐳᑦ.

ᒨᓯᓯ ᑕᓪᓕᒪᖏᑦ 33:1

ᐅᑯᐊ ᑕᕝᕙ ᒨᓯᓯᐅᑉ ᒎᑎᐅᑉ ᐃᓄᖁᑎᖓᑕ ᓮᒻᒪᕐᑎᑦᓯᑦᔪᑎᒋᓚᐅᕐᑕᖏᑦ, ᐃᓴᕆᐊᓕᒥᐅᓄᑦ ᑐᖁᓚᐅᖅᑳᕋᓂ.

ᑯᕉᓂᑲ ᓯᕗᓪᓖᑦ 16:37

ᑕᕝᕙ ᑍᕕᑎᐅᑉ ᐊᓴᐸ ᐃᓚᒋᔭᖏᓪᓗ ᑕᕝᕗᖓ ᕿᒪᒃᐰᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓᑕ ᓵᖓᓄᑦ ᑲᔪᓯᓗᑎᒃ ᐱᓇᓱᐊᖁᓪᓗᒋᑦ ᐃᒃᓯᕐᕕᐅᑉ ᓵᖓᓂ, ᖃᐅᑕᒫᑦ ᐱᔭᕆᐊᖃᕐᓂᑎᑦ ᒪᓕᒡᓗᒋᑦ;

ᑯᕉᓂᑲ ᓯᕗᓪᓖᑦ 24:1

ᐅᑯᐊ ᑕᕝᕙ ᐂᕉᓂᐅᑉ ᐃᕐᓂᖏᑕ ᐊᕕᒃᑐᕐᑕᐅᓯᒪᓂᖏᑦ, ᐂᕉᓂᐅᑉ ᐃᕐᓂᖏᑦ ᐅᑯᐊᖑᕗᑦ: ᓁᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ.

ᑯᕉᓂᑲ ᓯᕗᓪᓖᑦ 25:1

ᑍᕕᑎᓗ ᐊᖓᔪᖅᑲᐅᔪᓪᓗ ᐅᓇᑕᕐᑐᒃᓴᓄᑦ ᓴᓂᕐᕔᒋᕗᑦ ᐱᔨᑦᓯᕐᑐᒃᓴᓂᒃ ᐊᓴᐸᐅᑉ ᐃᕐᓂᖏᓐᓂᒃ, ᕼᐃᒪᓐᑯᓐᓂᑦ, ᔨᑐᑕᓐᑯᓐᓂᓪᓗ, ᒎᑎᐅᑉ ᐅᖃᕐᑕᐅᖁᔭᖏᓐᓂᒃ ᐅᖃᕐᑎᒃᓴᓂᒃ ᓄᖃᕐᑎᓕᖕᓄᑦ, ᕼᐊᕐᐱᓄᑦ, ᓯᕙᓂᕋᐅᑎᓄᓪᓗ. ᓇᓗᓁᕐᑕᐅᓯᒪᔪᑦ ᐱᔨᑦᓯᕐᑐᒃᓴᐅᓪᓗᑎᒃ ᐅᑯᐊᖑᕗᑦ:

ᑯᕉᓂᑲ ᓯᕗᓪᓖᑦ 26:1

ᐃᑎᕐᑕᕐᕕᓕᕆᔩᑦ ᐱᕕᒃᓴᓕᐅᕐᑕᐅᓂᖏᑦ: ᑰᕋᕼᐂᑎᒥᐅᑦ, ᒥᓯᓕᒤᐊ ᑯᕆᐅᑉ ᐃᕐᓂᖓ, ᐊᓴᐸᐅᑉ ᑭᖑᕚᖏᓐᓂᑦ ᐱᔪᖅ.

ᑯᕉᓂᑲ ᐂᑉᐸᖏᑦ 8:15

ᐊᖓᔪᖅᑳᕐᔪᐊᑉ ᑍᕕᑎᐅᑉ ᐱᖁᓯᒪᔭᖏᓐᓂᒃ ᒪᓕᑦᓯᐊᓚᐅᕐᐳᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑏᓪᓗ ᐱᔭᕆᐊᖃᕐᑕᓕᒫᖏᑦ ᐱᓪᓗᒋᑦ ᑮᓇᐅᔭᑐᕆᐊᖃᕐᓂᖏᓪᓘᓐᓃᑦ.

ᑯᕉᓂᑲ ᐂᑉᐸᖏᑦ 29:25

ᓕᕔᑏᓪᓗ ᐃᓂᖃᕐᑎᑉᐰᑉ ᐊᑕᓂᐅᑉ ᐃᒡᓗᖓᓂ ᓯᕙᓂᕋᐅᓯᔭᕐᑏᑦ, ᕼᐊᕐᐱᓖᑦ, ᓄᖃᕐᑎᓕᖕᓄᑦ ᓂᑦᔭᐅᑎᓖᑦ, ᑍᕕᑎᐅᑉ ᐱᖁᔭᖏᑦ ᒪᓕᒡᓗᒋᑦ ᒑᑦᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᔪᖁᑎᖓᑕ, ᓁᑕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ; ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᐅᖃᕐᑎᒥᒍᑦ ᐅᖃᕐᓯᒪᔭᖏᑦ.

ᑯᕉᓂᑲ ᐂᑉᐸᖏᑦ 35:4

ᓇᖕᒥᓂᖅ ᐅᐸᓗᖎᓕᕆᑦᓯ ᓯᕗᓕᑦᓯ ᑭᖑᕚᖏᑕ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ, ᑍᕕᑎᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ ᐊᑐᕐᑕᐅᖁᓯᒪᔭᖏᑦ ᒪᓕᒡᓗᒋᑦ ᐃᕐᓂᖓᑕᓗ ᓲᓗᒨᓂᐅᑉ.

ᑯᕉᓂᑲ ᓯᕗᓪᓖᑦ 9:24

ᐃᑎᕐᑕᕐᕕᓕᕆᔩᑦ ᐱᔭᒃᓴᖃᕐᑎᑕᐅᓚᐅᕐᐳᑦ ᓯᑕᒪᓂ ᓴᓂᕋᕐᔪᐊᓂ: ᑕᓕᕐᐱᐊᓂ, ᓴᐅᒥᐊᓂ, ᓵᖓᓂ, ᑐᓄᐊᓂᓗ;

ᑯᕉᓂᑲ ᓯᕗᓪᓖᑦ 24:3

ᑍᕕᑎᓗ ᐃᑲᔪᕐᑕᐅᓪᓗᓂ ᔭᑑᒃᒧᑦ ᐃᓕᓯᕆᐅᑉ ᐃᕐᓂᖓᓄᑦ, ᐊᕼᐃᒥᓕᖕᒧᓪᓗ ᐃᑕᒫᕆᐅᑉ ᐃᕐᓂᖓᓄᑦ, ᐋᖅᑭᒃᓱᓚᐅᕐᐰᑦ ᐱᔨᑦᓯᕆᐊᖃᕐᓂᖏᑕ ᐱᕕᒃᓴᖏᑦ ᒪᓕᒐᓕᐅᕐᓗᒋᑦ.

ᑯᕉᓂᑲ ᐂᑉᐸᖏᑦ 23:19

ᐃᑎᕐᑕᕐᕕᖕᓂ ᑲᒪᔨᐅᓂᐊᕐᑐᑦ ᑎᓕᕔᑦ ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖏᓐᓂ ᓇᓪᓕᐊᓪᓘᓐᓃᑦ ᓴᓗᒤᑦᑐᖅ ᐃᑎᖁᓇᒍ ᑕᕝᕗᖓ.

ᑯᕉᓂᑲ ᐂᑉᐸᖏᑦ 35:15

ᐃᓐᖏᕐᑏᑦ, ᐊᓴᐸᐅᑉ ᑭᖑᕚᖏᑦ, ᐃᓂᒋᔭᒥᓃᑉᐳᑦ ᑍᕕᑎᐅᑉ ᐱᖁᔨᓯᒪᓂᖓ ᒪᓕᒡᓗᒍ, ᐊᓴᐸᓗ, ᕼᐃᒪᓐᓗ, ᔨᑐᑕᓐᓗ ᐊᖓᔪᖅᑳᕐᔪᐊᑉ ᐅᖃᕐᑎᖁᑎᖏᑦ; ᐃᑎᕐᑕᕐᕕᖕᒥᓗ ᑲᒪᔩᑦ ᐊᑐᓂᑦ ᐃᑎᕐᑕᕐᕕᖕᓂ ᐃᓂᒥᖕᓃᓚᐅᕐᐳᑦ; ᑖᒃᑯᐊ ᐱᓇᓱᐊᕐᕕᖕᒥᖕᓂᑦ ᓅᑦᓴᕆᐊᖃᖏᒻᒪᑕ, ᐃᓚᒥᖕᓄᑦ ᓕᕔᑎᓄᑦ ᐊᑐᐃᓐᓇᕈᐃᕕᐅᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 12:25

ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓂ ᐱᖁᑎᒃᑯᕕᖏᑕᓗ ᐃᑎᕐᑕᕐᕕᖏᓐᓂ ᑲᒪᔨᐅᕙᓚᐅᕐᑐᓄᑦ ᐊᖓᔪᖅᑳᖑᓚᐅᕐᑐᑦ ᐅᑯᐊᖑᕗᑦ: ᒪᑕᓁᐊ, ᐸᒃᐳᒃᑭᐊ, ᐅᐸᑍᐊ, ᒥᓱᓚᒻ, ᑖᓪᒪᓐ, ᐊᑯᑉᓗ.