ᑯᕉᓂᑲ ᐂᑉᐸᖏᑦ 7:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 7:6 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 13:8

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᖁᕕᐊᓱᒃᑐᐊᓘᓪᓗᑎᒃ ᑖᓂᓯᓚᐅᕐᐳᑦ ᒎᑎᐅᑉ ᓵᖓᓂ ᐱᔪᓐᓇᕐᓂᓕᒫᑎᒃ ᐊᑐᕐᓗᒋᑦ, ᐃᓐᖏᕐᓗᑎᒃ ᕼᐊᕐᐱᓄᑦ ᑯᑭᑦᑕᐸᐅᑎᓄᓪᓗ ᕿᓚᐅᑎᓄᑦ ᓯᕙᓂᐅᑎᓄᓪᓗ ᑎᑦᑐᓚᐅᑎᓄᓪᓗ.

ᑯᕉᓂᑲ ᓯᕗᓪᓖᑦ 15:24

ᓯᐸᓁᐊ, ᔫᓴᐸᑦ, ᓇᑖᓂᐅᓪ, ᐊᒪᓮ, ᓴᑲᕅᐊ, ᐱᓁᐊ, ᐃᓔᓯᕆᓗ, ᑐᓂᕐᕈᓯᕐᑎᑦᓯᔩᑦ, ᑎᑦᑐᓚᐅᑎᓂᒃ ᓂᓪᓕᕐᑎᑦᓯᔪᒃᓴᐅᓪᓗᑎᒃ ᒎᑎᐅᑉ ᐃᒃᓯᕐᕕᖁᑎᖓᑕ ᓯᕗᓂᖓᓂ; ᐅᐱᑦ-ᐄᑕᒻ ᔨᕼᐂᐊᓗ ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓᓂᒃ ᖃᐅᔨᓴᕐᑎᐅᔪᒃᓴᐅᓪᓗᑎᒃ.

ᑯᕉᓂᑲ ᓯᕗᓪᓖᑦ 16:34

ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ!

ᑯᕉᓂᑲ ᐂᑉᐸᖏᑦ 23:18

ᔨᕼᐅᐃᐊᑕᓗ ᑎᓕᓯᕗᖅ ᐊᑕᓂᐅᑉ ᐃᒡᓗᖓ ᖃᐅᔨᓴᕐᑎᑕᖃᖁᓪᓗᒍ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ ᑲᒪᒋᔭᐅᔪᓂᒃ ᑍᕕᑎᐅᑉ ᐱᒋᐊᕐᑎᓚᐅᕐᑕᖏᓐᓄᑦ ᐊᑕᓂᐅᑉ ᐃᒡᓗᖓᓂᒃ ᑲᒪᔨᐅᖁᓪᓗᒋᑦ, ᑐᓂᕐᕈᓯᕐᑎᐅᖁᓪᓗᒋᑦ ᐃᑯᐊᓚᑎᑦᓯᓗᑎᒃ ᐊᑕᓂᕐᒧᑦ, ᒨᓯᓯᐅᑉ ᐱᖁᔭᖏᓐᓂ ᑎᑎᕋᕐᑕᐅᓯᒪᓂᖓᑐᑦ, ᖁᕕᐊᓱᒡᓗᑎᒃ ᐃᓐᖏᕐᓗᑎᒡᓗ, ᑕᒪᓐᓇ ᑍᕕᑎᐅᑉ ᑎᓕᓯᑦᔪᑎᒋᓯᒪᔭᖓ ᒪᓕᒡᓗᒍ.

ᑯᕉᓂᑲ ᐂᑉᐸᖏᑦ 29:25

ᓕᕔᑏᓪᓗ ᐃᓂᖃᕐᑎᑉᐰᑉ ᐊᑕᓂᐅᑉ ᐃᒡᓗᖓᓂ ᓯᕙᓂᕋᐅᓯᔭᕐᑏᑦ, ᕼᐊᕐᐱᓖᑦ, ᓄᖃᕐᑎᓕᖕᓄᑦ ᓂᑦᔭᐅᑎᓖᑦ, ᑍᕕᑎᐅᑉ ᐱᖁᔭᖏᑦ ᒪᓕᒡᓗᒋᑦ ᒑᑦᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᔪᖁᑎᖓᑕ, ᓁᑕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ; ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᐅᖃᕐᑎᒥᒍᑦ ᐅᖃᕐᓯᒪᔭᖏᑦ.

ᑯᕉᓂᑲ ᐂᑉᐸᖏᑦ 29:27

ᕼᐃᓯᑬᐊᐅᓪᓗ ᑎᓕᕔᑦ ᑐᓂᕐᕈᓯᖁᓪᓗᒋᑦ ᐃᑯᐊᓪᓚᒋᐊᓕᖕᓂᒃ ᑐᓂᕐᕈᓯᕐᕕᖕᒥ. ᐃᑯᐊᓪᓚᒋᐊᓖᓪᓗ ᑐᓂᕐᕈᑏᑦ ᐱᒋᐊᕐᒪᑕ, ᐊᑕᓂᕐᒧᑦ ᐃᓐᖏᕐᓂᖅ ᐱᒋᐊᕆᕗᑦ, ᑎᑦᑐᓚᐅᑏᓪᓗ, ᓂᑦᔭᐅᑏᓪᓗ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐃᓴᕆᐊᓕᒥᐅᓄᑦ ᐱᖁᑎᖏᑦ ᐱᒋᐊᕐᑎᑕᐅᒋᕗᑦ.

ᑯᕉᓂᑲ ᐂᑉᐸᖏᑦ 5:12

ᓕᕔᑏᓪᓗ ᐃᓐᖏᕐᑎᓕᒫᑦ, ᐊᓴᐸ, ᕼᐃᒪᓐ, ᔨᑐᑕᓐᓗ, ᐃᕐᓂᑎᒃ ᐃᓚᒋᓪᓗᒋᑦ ᖃᑕᓐᖑᑎᑎᒡᓗ, ᐊᓐᓄᕌᕐᓯᒪᓚᐅᕐᐳᑦ ᖃᓪᓗᓈᕐᑕᓂᒃ ᓵᑦᑐᓂᒃ, ᓂᑦᔭᐅᓯᔭᕐᓗᑎᒃ ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᑯᑭᑦᑕᐸᐅᑎᐅᔭᓄᓪᓗ, ᓇᖏᕐᓗᑎᒃ ᑐᓂᕐᕈᓯᕐᕕᐅᑉ ᓴᓂᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ 120ᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᓯᔭᓚᐅᕐᐳᑦ;

ᑯᕉᓂᑲ ᐂᑉᐸᖏᑦ 5:13

ᑎᑦᑐᓚᐅᓯᔭᕐᑏᑦ ᐃᓐᖏᕐᑏᓪᓗ ᐊᑕᐅᓯᐅᖃᑎᒌᒡᓗᑎᒃ ᑐᓴᕐᓴᐅᑎᑦᓯᔭᕆᐊᖃᓚᐅᕐᒪᑕ ᓂᐱᖃᕐᓗᑎᒃ ᐊᑕᐅᓯᒃᑯᑦ ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ ᐊᑕᓂᕐᒧᑦ), ᓂᐱᖅᑯᕐᑐᓪᓗᑎᒃ ᓂᓪᓕᐊᓕᕐᒪᑕ, ᑎᑦᑐᓚᐅᑎᓄᑦ ᓯᕙᓂᕋᐅᑎᓄᓪᓗ ᐊᓯᖏᓐᓄᓪᓗ ᓂᑦᔭᐅᑎᓄᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐅᖃᕐᓗᑎᒃ: “ᐊᑕᓂᖅ ᐱᐅᔫᕗᖅ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑑᕗᖅ ᐃᓱᖃᖏᑦᑐᒧᑦ.” ᑕᕝᕙ ᐃᒡᓗ, ᐊᑕᓂᐅᑉ ᐃᒡᓗᖓ ᑕᑕᑕᐅᕗᖅ ᓄᕗᔭᒧᑦ,

ᑯᕉᓂᑲ ᐂᑉᐸᖏᑦ 7:3

ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᑕᑯᒐᒥᒃ ᐃᑯᒪᒥᒃ ᐊᖅᑲᕐᑐᒥᒃ ᐊᑕᓂᐅᓪᓗ ᓂᕐᑐᕐᓇᕐᓂᖓᑕ ᑐᒃᓯᐊᕐᕕᒡᔪᐊᕐᒧᐊᕐᓂᖓᓂᒃ, ᐹᒻᒪᒃᐳᑦ ᑮᓇᑎᑦ ᓄᓇᒧᑦ ᕿᑯᕐᒧᑦ ᐊᒃᑐᕐᓗᒋᑦ, ᑐᒃᓯᐊᕐᐳᑦ ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ ᐊᑕᓂᕐᒥᒃ ᐅᖃᕐᓗᑎᒃ: “ᑖᓐᓇ ᐱᐅᔫᕗᖅ, ᓇᒡᓕᖕᓂᖓᓗ ᓱᖁᓯᔪᐃᑦᑐᖅ ᕿᓄᐃᑦᑑᕗᖅ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 7:5

ᐊᖓᔪᖅᑳᕐᔪᐊᖅ ᓲᓗᒨᓂ ᑐᓂᕐᕈᓯᕐᐳᖅ ᑐᖁᑕᒃᓴᓂᒃ 22,000ᓂᒃ ᐃᒻᒧᒃᓯᐅᒐᕐᓂᒃ 120,000ᓂᒡᓗ ᓰᐱᓂᒃ. ᑕᕝᕙ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᐃᓄᓕᒫᓪᓗ ᒎᑎᐅᑉ ᐃᒡᓗᖓ ᑐᓂᕐᕈᑎᒋᓪᓗᒍ ᐃᑦᔪᕐᓁᑎᑉᐹᑦ.

ᐄᓱᕋᐅᑉ ᐊᒡᓚᖏᑦ 6:18

ᐋᖅᑭᒃᓱᐃᓚᐅᕐᐳᑦ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᕕᒃᓴᖏᓐᓂᒃ ᓕᕔᑎᓪᓗ ᑐᒃᓯᐊᕐᑎᑦᓯᖃᑦᑕᕐᓂᒃᓴᖏᓐᓂᒃ ᑐᒃᓯᐊᕐᕕᒡᔪᐊᒥ ᔨᕉᓴᓕᒦᑦᑐᒥ, ᒨᓯᓯᐅᑉ ᐊᓪᓚᖏᑕ ᐱᖁᔨᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 106:1

ᐊᑕᓂᖅ ᓂᕐᑐᕐᓯᐅᒃ! ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 107:1

ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ: ᓇᒡᓕᖕᓂᖓᓗ ᐃᓱᖃᖏᑦᑐᒧᑦ ᑐᕌᖓᓪᓗᓂ.

ᐃᓐᖏᕈᑎᑦ 138:8

ᐊᑕᓂᐅᑉ ᓈᒻᒪᒃᓯᑎᑦᓯᐊᕐᓂᐊᕐᐰᑦ ᐅᕙᓐᓄᑦ ᑐᕌᖓᑎᑕᓂ; ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᑕᓃᖅ, ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ. ᐊᒡᒐᒃᐱᑦ ᐱᒋᐊᓕᓚᐅᕐᑕᖏᑦ ᓄᖅᑲᐅᑎᑦᑍᓕᒃᑭᑦ.

ᐃᓐᖏᕈᑎᑦ 87:7

ᐃᓐᖏᕐᑏᑦ ᑖᓂᓯᕐᑏᓪᓗ ᐅᖃᕈᒫᕐᐳᑦ, “ᓮᒻᒪᕐᑎᑕᐅᓂᓕᒫᒃᑲ ᐃᓕᖕᓂᑦ ᐱᕗᑦ.”

ᐂᓮᐊᓯᐅᑉ ᐊᒡᓚᖏᑦ 52:6

ᑍᒤᒻᒪᑦ ᐃᓄᖁᑎᒪ ᐊᑎᕋ ᖃᐅᔨᔪᒫᕐᐹᑦ; ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᖃᐅᔨᔪᒫᕐᐹᑦ ᐅᕙᖓᐅᒐᒪ ᐅᖃᓚᐅᕐᑐᖅ ᑕᒪᓐᓇ ᐊᑐᓕᕈᒫᕐᓂᕋᕐᓗᒍ; ᑕᑯᒋᑦ, ᑖᓐᓇᐅᕗᖓ.”

ᐂᒨᓯᐅᑉ ᐊᒡᓚᖏᑦ 6:5

ᕼᐊᕐᐱᓄᓪᓗ ᐃᓐᖏᕐᐸᒃᑐᓯ ᐊᑑᑎᖃᖏᑦᑐᓂᒃ, ᑍᕕᑎᑐᓪᓗ ᐃᓐᖏᐅᑎᓕᐅᕐᓗᓯ ᓄᑖᓂᒃ;

ᔮᓱᐊᑉ ᐊᒡᓚᖏᑦ 6:4

ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᓗᑎᒃ ᓰᐱᐅᑉ ᐸᖕᓂᖓᑕ ᓇᒡᔪᖏᓐᓂᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᓯᕗᓂᖓᓃᑦᑐᒃᓴᐅᕗᑦ; ᐅᓪᓗᐃᓪᓕ 7ᖓᓐᓂ ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ 7ᐃᕐᓱᕐᓗᒋᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᑎᓂᒃ ᓂᓪᓕᐊᑎᑦᓯᓗᑎᒃ.