ᑯᕉᓂᑲ ᐂᑉᐸᖏᑦ 7:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᓚᕐᓂᐊᕈᕕᓪᓕ ᕿᒤᓗᑎᓪᓗ ᐱᓂᐊᕐᓂᐅᖁᔭᓐᓂᒃ ᐱᖁᔭᓐᓂᒡᓗ ᐃᓕᖕᓄᑦ ᑐᓂᓯᒪᔭᓐᓂᒃ, ᒎᑎᓐᖑᐊᓄᓪᓗ ᓵᓪᓗᑎᑦ ᑐᒃᓯᐊᕐᕕᖃᓕᕐᓂᐊᕈᕕᑦ,

ᑯᕉᓂᑲ ᐂᑉᐸᖏᑦ 7:19 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 28:15

“ᐊᑕᓂᐅᓪᓕ ᒎᑎᑦᓯ ᓂᐱᖓ ᓈᓚᖕᓂᐊᖏᒃᑯᑦᓯᐅᒃ ᑖᑦᓱᒪᓗ ᐊᑐᕐᑕᐅᖁᓯᒪᔭᖏᑦ ᐱᖁᔭᓕᒫᖏᓪᓗ ᑲᒪᒋᑦᓯᐊᕐᓂᐊᖏᒃᑯᑦᓯᐅᒃ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᒪᑯᐊ ᑕᕝᕙ ᓯᕗᓂᑦᓯᐊᖃᕐᓇᖏᑦᑐᑦ ᐃᓕᑦᓯᓐᓄᑦ ᑎᑭᓐᓂᐊᕐᐳᑦ ᓵᓚᒋᓗᓯᓗ:

ᒨᓯᓯ ᐱᖓᔪᖏᑦ 26:14

“ᐅᕙᓐᓂᒡᓕ ᓈᓚᖏᒃᑯᑦᓯ, ᒪᓕᒃᑕᐅᖁᔭᓐᓂᒡᓗ ᑕᒪᒃᑯᓂᖓ ᑲᔪᓯᑎᑦᓯᖏᒃᑯᑦᓯ,

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 12:25

ᑭᓯᐊᓂᓕ ᐊᔪᕐᑐᓖᓐᓇᕐᓂᐊᕈᑦᓯ, ᐊᓯᕈᕐᑕᐅᔪᒫᕐᐳᓯ, ᐃᓕᑦᓯ ᐊᖓᔪᖅᑳᕐᔪᐊᓯᓗ ᐊᑕᖏᕐᓗᓯ.”

ᒨᓯᓯ ᓯᑕᒪᖏᑦ 32:15

ᒪᓕᒍᓐᓁᕐᒥᒍᑦᓯᐅᒃ, ᑕᕝᕙ ᐃᓄᖃᖏᑦᑐᒥ ᐃᖏᕐᕋᑎᒃᑲᓐᓂᕐᓂᐊᕆᕚᓯ, ᐃᓄᐃᓪᓗ ᐅᑯᐊ ᑖᕙᓂ ᑐᖁᑐᐃᓐᓇᕐᓂᐊᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 9:13

ᐊᑕᓂᖅ ᐅᖃᕐᐳᖅ, ᐱᖁᔭᒃᑲ ᑲᒪᒋᔪᒪᓚᐅᖏᒻᒪᑦᔪᒃ ᑖᒃᑯᓄᖓ ᑐᓂᓚᐅᕐᑕᒃᑲ, ᐅᕙᓐᓂᒡᓗ ᓈᓚᓚᐅᖏᒻᒪᑕ ᐱᖁᔭᓐᓂᒡᓗ ᒪᓕᒍᒪᓇᑎᒃ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᔮᓱᐊᑉ ᐊᒡᓚᖏᑦ 23:7

ᐃᓅᖃᑎᒌᒡᔪᐊᓂᓗ ᐊᒥᐊᒃᑰᓯᒪᔪᓂᒃ ᐂᑉᐸᕐᑖᕐᑐᒃᓴᐅᓐᖏᓚᓯ, ᐅᖃᐅᓯᕆᑦᑍᓕᓗᒋᓪᓗ ᒎᑎᖏᑕ ᐊᑎᖏᑦ, ᐊᑎᖏᓪᓘᓐᓃᑦ ᐊᖏᕈᑎᒋᓂᐊᕋᓯᐅᒃ, ᒎᑎᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᐹᒻᒪᒡᕕᒋᓂᐊᕐᓇᒋᓪᓗ.

ᑯᕉᓂᑲ ᐂᑉᐸᖏᑦ 33:8

ᐃᓴᕆᐊᓕᒥᐅᓪᓗ ᐊᕐᓵᕐᓂᐊᕈᓐᓃᕐᐸᒃᑲ ᓄᓇᖓᓂᒃ ᓯᕗᓕᖏᓐᓄᑦ ᑐᓂᓚᐅᕐᑕᓐᓂᒃ, ᑲᒪᑦᓯᐊᕋᔭᕐᐸᑕ ᑎᓕᓯᑦᔪᑎᒋᓚᐅᕐᑕᓐᓂᒃ, ᐱᖁᔭᓕᒫᓂᒃ, ᒪᓕᒐᒃᓴᐅᖁᔭᓐᓂᒃ ᐊᑐᕐᑕᐅᖁᔭᓐᓂᒡᓗ ᑐᓂᓚᐅᕐᑕᓐᓂᒃ ᒨᓯᓯᑯᑦ.”