ᑯᕉᓂᑲ ᐂᑉᐸᖏᑦ 7:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᕝᕙ ᐃᓄᖁᑎᒃᑲ ᐊᑎᓐᓂ ᑐᒃᓯᐊᕐᓗᑎᒃ ᐃᒻᒥᖕᓂᒃ ᒥᑭᒡᓕᑎᕐᐸᑕ, ᑐᒃᓯᐊᕐᓗᑎᒡᓗ ᑮᓇᓐᓂᒃ ᕿᓂᓕᕐᐸᑕ, ᐱᐅᖏᑦᑐᓕᓂᕐᒥᓂᒡᓗ ᕿᒤᒃᐸᑕ, ᑕᕝᕙ ᑐᓴᕐᓂᐊᕐᐸᒃᑲ ᕿᓚᖕᒥᑦ, ᐊᔪᕐᓂᖏᓪᓗ ᐃᓱᒪᒋᔪᓐᓁᕐᓗᒋᑦ ᓄᓇᖓᓗ ᐆᒻᒪᕐᑎᓐᓂᐊᕐᐸᕋ.

ᑯᕉᓂᑲ ᐂᑉᐸᖏᑦ 7:14 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 20:3

ᑕᕝᕙ ᔨᕼᐆᓴᐸᑦ ᑲᑉᐱᐊᓱᓕᕐᐳᖅ, ᐊᑕᓂᕐᒥᒡᓗ ᖃᐅᔨᓴᕈᒪᓕᕐᓗᓂ, ᓂᕆᑦᑍᓕᖁᔨᓕᕐᐳᕐᓗ ᔫᑕᒥᐅᓕᒫᓂᒃ.

ᑯᕉᓂᑲ ᐂᑉᐸᖏᑦ 20:4

ᔫᑕᒥᐅᓪᓗ ᑲᑎᕗᑦ ᐊᑕᓂᕐᒥᑦ ᐃᑲᔪᕐᑕᐅᔪᒪᓪᓗᑎᒃ; ᔫᑕᐅᓪᓗ ᐃᒡᓗᒐᓴᓕᒫᖏᓐᓂᑦ ᐱᓯᒪᔪᑦ ᑲᑎᕗᑦ ᐊᑕᓂᕐᒥᒃ ᖃᐅᔨᓴᕈᒪᓪᓗᑎᒃ.

ᑯᕉᓂᑲ ᐂᑉᐸᖏᑦ 6:27

ᑐᓴᖃᑦᑕᕐᓂᐊᕐᐸᑎᑦ ᕿᓚᖕᒥᑦ, ᐃᓱᒪᒋᔪᓐᓁᕐᓗᒋᓪᓗ ᐱᔨᕕᑦ ᐊᔪᕐᑐᓕᓂᖏᑦ, ᐃᓴᕆᐊᓕᒥᐅᑦ ᐃᓄᖁᑎᑎᑦ, ᐃᓕᓮᔪᓐᓇᖁᓪᓗᑎᑦ ᐱᐅᔪᓂᒃ ᐃᓅᓯᕆᔭᕆᐊᓕᖏᓐᓂᒃ; ᓯᓚᓗᒃᑕᐅᑎᓕᕐᓗᒋᓪᓗ ᓄᓇᖏᑦ, ᐃᓄᖁᑎᖕᓄᑦ ᑐᓂᓚᐅᕋᕕᐅᒃ ᑭᖑᕐᖑᑎᔭᐅᖁᓪᓗᒍ.

ᑯᕉᓂᑲ ᐂᑉᐸᖏᑦ 6:30

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐃᓱᒪᒋᔪᓐᓁᕐᓗᒋᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐱᔭᕆᐊᖃᕐᓂᖏᑦ ᒪᓕᒡᓗᒋᑦ ᐆᒻᒪᑎᖏᑦ ᖃᐅᔨᒪᒐᕕᒋᑦ, ᐱᓂᐊᕐᓂᖏᓪᓗ ᒪᓕᒡᓗᒋᑦ (ᐃᕝᕕᑐᐊᖅ ᑭᓯᕕᑦ, ᐆᒻᒪᑎᖏᑦ ᖃᐅᔨᒪᒐᕕᒋᑦ ᐃᓅᑉ ᕿᑐᕐᖓᖏᑦ);

ᑯᕉᓂᑲ ᐂᑉᐸᖏᑦ 6:33

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐱᓂᐊᕐᕕᒋᓗᒋᓪᓗ ᐃᓅᖃᑎᑐᖃᕆᔭᐅᖏᑦᑐᑦ ᐃᓕᖕᓄᑦ ᑐᒃᓯᐊᕐᓂᖏᑦ ᒪᓕᒡᓗᒋᑦ; ᓄᓇᒦᑦᑐᑦ ᐃᓄᓕᒫᑦ ᐊᑎᕐᓂᒃ ᖃᐅᔨᖁᓪᓗᒋᑦ ᐃᓕᖕᓂᒡᓗ ᓯᕘᕋᓕᖁᓪᓗᒋᑦ, ᐃᓄᖁᑎᒃᑐᑦ ᐃᓴᕆᐊᓕᒃᑯᑎᑐᑦ, ᖃᐅᔨᖁᓪᓗᒋᑦ ᑖᓐᓇ ᐃᒡᓗ ᓴᓇᓚᐅᕐᑕᕋ ᑍᔭᐅᔪᒃᓴᐅᖕᒪᑦ ᐊᑎᕐᓂ.

ᐃᓐᖏᕈᑎᑦ 27:8

ᐅᖃᕋᕕᑦ, “ᑮᓇᕋ ᕿᓂᕈᒃ,” ᐆᒻᒪᑎᒐ ᑕᕝᕙ ᐃᓕᖕᓄᑦ ᐅᖃᕐᐳᖅ, “ᑮᓁᑦ, ᐊᑕᓃᖅ ᕿᓂᕈᒪᕙᕋ.”

ᐃᓐᖏᕈᑎᑦ 60:2

ᓄᓇ ᓴᔪᒃᐱᓗᒃᑎᓚᐅᕐᐸᑦ, ᓱᕋᒃᑎᕐᓗᒍᓗ; ᓯᖁᒥᓯᒪᓂᖏᑦ ᐋᖅᑭᒃᓱᓚᐅᒃᑭᑦ, ᓴᔪᒃᑐᐊᓘᓕᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᐂᓮᐊᓯᐅᑉ ᐊᒡᓚᖏᑦ 59:20

“ᐱᐅᓕᔨᒃᓴᖅ ᓮᐅᓂᒧᑦ ᑎᑭᑦᓱᒫᕐᒪᑦ ᐱᐅᓕᓯᔭᕐᑐᕐᓗᓂ, ᔧᑰᑉ ᑭᖑᕚᖏᓐᓄᑦ ᐊᔪᕐᓂᕐᒥᑦ ᕿᒤᓯᒪᔪᓄᑦ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 63:19

ᐊᑦᔨᖃᑐᐃᓐᓇᓕᕐᐳᒍᑦ ᑍᒃᑯᓂᖓ ᐃᓕᖕᓂᒃ ᐊᖓᔪᖅᑳᖃᓚᐅᕐᓯᒪᖏᑦᑐᓂᒃ, ᐊᑎᕐᓂᒡᓗ ᑍᔭᐅᒍᓯᖃᓚᐅᕐᓯᒪᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 14:9

ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 33:6

ᑕᑯᒋᑦ, ᑍᒤᓚᐅᕋᓗᐊᕐᑎᓪᓗᒍ ᐃᒡᓗᒐᓴᒡᔪᐊᑦ ᐃᓄᖏᓪᓗ ᐋᖅᑭᑦᓯᐊᕈᒫᕆᕙᒃᑲ, ᑕᑯᑎᑦᓱᒫᕆᕙᒃᑲᓗ ᐊᔪᕐᓴᕐᓇᖏᑦᑐᕐᔪᐊᒥᒃ ᐃᓅᖃᑎᒋᓕᕐᓗᒋᓪᓗ ᐃᓕᒪᓇᖏᑦᑐᒥ.

ᔨᕆᒤᐊᐅᑉ ᐊᒡᓚᖏᑦ 50:4

ᑍᒃᑯᐊ ᐅᓪᓗᐃᑦ ᓇᓪᓕᐅᑎᒃᐸᑕ, ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᔫᑕᒥᐅᓪᓗ ᑲᑎᔪᒫᕐᐳᑦ, ᕿᐊᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ ᕿᓂᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:9

ᐹᐱᓘᓂᒥᐅᑦ ᐋᖅᑭᒍᓐᓇᕋᔭᓚᐅᕐᑑᒐᓗᐊᑦ ᐋᖅᑭᒃᑕᐅᓐᖏᓚᕐᓕ, ᕿᒪᒡᓗᒍ ᓄᓇᑐᖃᑦᑎᓐᓄᑦ ᐂᓕᕐᑕ, ᐃᖅᑲᕐᑐᕐᑕᐅᓂᒃᓴᖓ ᐊᖏᓗᐊᓕᕐᒪᑦ ᐱᕈᕐᓯᒪᓗᐊᓕᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 8:22

ᓄᓇᒥ ᒋᓕᐊᑎᒥᐅᓂ ᐊᓪᓚᕈᑦᔭᒐᕐᑕᖃᓐᖏᓛᖅ? ᐃᓅᓕᓴᐅᑎᒃᓴᒥᒃ? ᐋᓐᓂᐊᓯᐅᑎᑕᖃᕈᓐᓃᕐᒫᑦ ᑍᑲᓂ? ᐃᓄᖁᑎᒪ ᑭᓪᓕᖏᓐᓄᑦ ᐋᖅᑭᒃᑕᐅᓇᕐᑐᕐᑕᖃᕈᓐᓃᕐᐹ?

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᐃᓯᑭᐊᓕᐅᑉ ᐊᒡᓚᖏᑦ 33:12

ᐃᕝᕕᓪᓕ ᐃᓅᑉ ᐃᕐᓂᖓ, ᐃᓅᖃᑎᑎᑦ ᐅᖃᐅᑎᒃᑭᑦ, ᐃᓄᒃ ᐃᓱᐊᕐᑐᖅ ᐊᔪᕐᑐᓕᒃᐸᑦ ᐃᓱᐊᕐᑐᓕᓂᖓᑕ ᓴᐳᑎᔪᒫᓐᖏᓛ; ᐊᔪᕐᑐᓕᔪᖅ ᐊᔪᕐᑐᓕᓂᕐᒥ ᐃᓅᓯᖃᕋᓱᒍᓐᓁᕐᐸᑦ, ᐊᔪᕐᑐᓕᓂᓂ ᐊᑭᓂᐊᕐᕕᐅᑦᔪᑎᒋᔪᒫᓐᖏᓛ; ᐃᓱᐊᕐᑐᓕᔪᖅ ᐃᓱᐊᕐᑐᓕᓂᕐᒥᓄᑦ ᐃᓅᔪᓐᓇᕈᒫᓐᖏᓚᖅ ᐊᔪᕐᑐᓕᒍᓂ.

ᒨᓯᓯ ᓯᑕᒪᖏᑦ 6:27

“ᑍᒫᒃ ᑕᕝᕙ ᐊᑎᕋ ᐃᓴᕆᐊᓕᒥᐅᓄᑦ ᐃᓕᓯᒪᓂᐊᕐᐹᑦ, ᐅᕙᖓᓗ ᓮᒻᒪᕐᑎᓐᓂᐊᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:11

ᐊᑕᓂᐅᑉ ᐅᖃᐅᑎᕚ, “ᐊᖅᑯᒻᒧᑦ ᐂᓕᕆᑦ ᐊᑎᖃᕐᑐᒧᑦ ᑐᑭᓕᐊᕐᑐᒥᒃ, ᔫᑕᓯᐅᑉ ᐃᒡᓗᖓᓄᑦ ᑕᑯᔭᕐᑐᕐᕆᑦ ᐃᓄᖕᒥᒃ ᑖᕐᓱᓯᒥᐅᕐᒥᒃ ᓴᐅᓗᓯᒥᒃ ᐊᑎᓕᖕᒥᒃ, ᒫᓐᓇ ᑐᒃᓯᐊᕐᒪᑦ.

ᒨᓯᓯ ᑕᓪᓕᒪᖏᑦ 28:10

ᑕᕝᕙ ᓄᓇᕐᔪᐊᕐᒥᐅᓕᒫᑦ ᖃᐅᔨᔪᒫᕐᐳᑦ ᕾᖁᔭᐅᓯᒪᒐᑦᓯ ᐊᑕᓂᐅᑉ ᐊᑎᖓᓂ; ᓯᕘᕋᒋᓂᐊᕐᐹᓯᓗ.