ᑯᕉᓂᑲ ᐂᑉᐸᖏᑦ 6:40 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁰ “ᒫᓐᓇᓕ ᒎᑎᒐ, ᐃᔩᒃᑭᒃ ᐅᐃᒃᑭᑦ ᓯᐅᑏᒃᑭᒡᓗ ᐊᖕᒪᕐᓕᒃ ᑐᒃᓯᐊᕐᓂᕐᓂᒃ ᐅᕙᓂ ᑐᒃᓯᐊᕐᓂᕆᔭᐅᔪᓄᑦ.

ᑯᕉᓂᑲ ᐂᑉᐸᖏᑦ 6:40 ပူးပေါင်းရင်းမြစ်များ

ᐃᓐᖏᕈᑎᑦ 116:2

ᑖᑦᓱᒪ ᓯᐅᑎᓂ ᒪᓂᑎᒻᒪᒍ ᐅᕙᓐᓄᑦ, ᑍᒤᒻᒪᑦ ᑐᒃᓯᐊᕐᕕᒋᖃᑦᑕᕐᓂᐊᕐᐸᕋ ᐃᓅᓂᓕᒫᓐᓂ.

ᑯᕉᓂᑲ ᐂᑉᐸᖏᑦ 7:15

ᒫᓐᓇ ᐃᔩᒃᑲᒃ ᐅᐃᑕᓂᐊᕐᐴᒃ ᓯᐅᑏᒃᑲᒡᓗ ᓈᓚᒡᓗᑎᒃ ᑕᕝᕙᓂ ᑐᒃᓯᐊᕈᑕᐅᔪᓂᒃ.

ᐃᓐᖏᕈᑎᑦ 17:1

ᑐᓵᓚᐅᕆᑦ ᐱᑦᔪᑎᒃᓴᓪᓚᕆᓐᓂᒃ, ᐊᑕᓃᖅ, ᑐᒃᓯᐊᕐᓂᕋ ᓈᓚᓚᐅᕈᒃ ᖃᓂᕐᒥᑦ ᐅᐃᕕᕆᒃᓯᖏᑐᒥᑦ ᐱᔪᖅ.

ᓂᕼᐃᒤᐊᐅᑉ ᐊᒡᓚᖏᑦ 1:6

ᓯᐅᑏᒃᑭᒃ ᑐᓵᓚᐅᕐᓕᒃ, ᐃᔩᒃᑭᒡᓗ ᐅᐃᑕᓗᑎᒃ, ᑐᓴᕈᓐᓇᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂ ᒫᓐᓇ ᐃᓕᖕᓄᑦ ᑐᒃᓯᐊᕈᑎᒋᔭᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐱᔨᑎᑦ ᐃᓴᕆᐊᓕᑎᑦ ᐱᓪᓗᒋᑦ, ᐃᓕᖕᓄᑦ ᐊᔪᕐᑐᓕᓯᒪᒐᑦᑕ ᖃᕿᐊᓕᕐᐳᒍᑦ, ᐅᕙᖓᓗ ᐊᑖᑕᒪᓗ ᐃᒡᓗᒥᐅᖃᑎᖏᑦ ᐊᔪᕐᑐᓕᓯᒪᖓᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 1:11

ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᐂᓮᐊᓯᐅᑉ ᐊᒡᓚᖏᑦ 37:17

ᒫᓐᓇ ᐊᑕᓃᖅ ᓈᓚᓚᐅᕆᑦ ᑐᓴᕐᓗᑎᓪᓗ; ᐊᑕᓃᖅ ᑕᑯᓕᕆᑦ; ᑐᓵᓗᑎᓪᓗ ᓯᓇᑯᕆᐅᑉ ᐅᖃᐅᓯᖏᓐᓂᒃ ᑕᒤᓐᓂᒃ, ᑎᓕᓯᑦᔪᑎᒋᓚᐅᕐᑕᖏᑦ ᒥᑕᐅᑎᖃᕐᑐᑦ ᒎᑎᒥᒃ ᐆᒪᔪᒥᒃ.

ᐃᓐᖏᕈᑎᑦ 88:1

ᐊᑕᓃᖅ ᒎᑎᒐ ᐱᐅᓕᔨᒐ, ᐅᓪᓗᒃᑯᑦ ᐃᑲᔪᕐᑕᐅᔪᒪᓪᓗᖓ ᓂᓪᓕᐊᕕᒋᕙᒋᑦ; ᐅᓐᓄᐊᒃᑯᓪᓕ ᐃᓗᖏᕐᑐᕐᓗᖓ ᓂᓪᓕᐊᕗᖓ ᐃᓕᖕᓄᑦ.

ᐃᓐᖏᕈᑎᑦ 34:15

ᐊᑕᓂᐅᑉ ᐃᔨᖏᒃᑕ ᐱᓇᓱᐊᑦᓯᐊᕐᑐᑦ ᑕᑯᓐᓇᕐᐰᑦ, ᓯᐅᑎᖏᒡᓗ ᑐᓵᕗᒃ ᓂᓪᓕᐊᓂᖏᓐᓂᒃ.

ᐃᓐᖏᕈᑎᑦ 31:2

ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ, ᕾᓚᐅᕆᑦ ᑐᐊᕕᕐᓗᑎᑦ ᓴᐳᑎᓗᖓᓗ; ᕾᕐᑐᕆᒐᒃᑭᑦ ᕿᒫᕕᒋᓪᓗᑎᓪᓗ ᕿᒫᕕᒃᓴᕆᓗᑎᑦ ᓴᐳᑦᔭᐅᕕᒃᓴᕆᒐᒃᑭᑦ.

ᐃᓐᖏᕈᑎᑦ 13:3

ᐃᓱᒪᒋᓚᐅᓐᖓ, ᑐᓵᓗᖓᓗ, ᐊᑕᓃᖅ, ᒎᑎᒐ; ᐃᔩᒃᑲᒃ ᖃᐅᒻᒪᒃᓴᓚᐅᒃᑭᒃ, ᓯᓂᓕᖁᓇᖓ ᑐᖂᑉ ᓯᓂᒃᑎᑦᓯᓂᖓᓄᑦ;

ᐃᓐᖏᕈᑎᑦ 7:3

ᐊᑕᓃᖅ ᒎᑎᒐ, ᐅᑯᓂᖓ ᐱᓚᐅᕐᓂᕈᒪ; ᐊᒡᒐᓐᓂ ᐱᐅᖏᑦᑐᓕᓂᕐᑕᖃᕐᐸᑦ,

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᐊᑕᓃᑦ ᓯᕗᓪᓖᑦ 8:52

“ᑕᑯᓐᓇᓚᐅᕆᑦ ᐱᔨᕕᑦ ᕿᓄᓂᖓᓂᒃ, ᐃᓄᖁᑎᑎᓪᓗ ᐃᓴᕆᐊᓕᑏᑦ ᕿᓄᒃᐸᑕ, ᓈᓚᒃᐸᒡᓗᒋᑦ ᐃᓕᖕᓄᑦ ᓂᓪᓕᐊᔭᕌᖓᑕ.

ᐊᑕᓃᑦ ᓯᕗᓪᓖᑦ 9:3

ᐊᑕᓂᐅᓪᓗ ᐅᖃᕐᕕᒋᕚ, “ᑐᒃᓯᐊᕐᓂᑎᑦ ᕿᓄᓂᑎᓪᓗ ᑐᓴᕐᐸᒃᑲ, ᑐᒃᓯᐊᕐᕕᒡᔪᐊᖅ ᑖᓐᓇ ᐃᑦᔪᕐᓁᓕᑎᑉᐸᕋ ᓴᓇᓚᐅᕐᑍᑦ; ᐃᓂᒋᓂᐊᕐᓕᕐᐸᕋᓗ ᑐᒃᓯᐊᕐᕕᐅᖁᓪᓗᖓ ᐃᓱᖃᖏᑦᑐᒧᑦ, ᒥᐊᓂᕆᓂᐊᕐᐸᕋ ᓴᐳᑎᕙᒡᓗᒍᓗ ᑍᒪᓐᖓᓕᒫᖅ.

ᐊᑕᓃᑦ ᐂᑉᐸᖏᑦ 19:16

ᓯᐅᑏᒃᑭᒃ ᒪᓂᓗᒋᒃ, ᐊᑕᓃᖅ ᑐᓴᕆᑦ; ᐅᐃᓪᓗᑎᑦ, ᐊᑕᓃᖅ ᑕᑯᓴᒃᑭᑦ ᓯᓇᑯᕆᑉ ᐅᖃᐅᓯᖏᑦ, ᓈᓚᓛᐅᒃᑭᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᓗᓂ ᐅᖃᐅᓯᖃᕐᒪᑦ.

ᑯᕉᓂᑲ ᐂᑉᐸᖏᑦ 6:39

ᑕᕝᕙ ᑐᓴᓚᐅᒃᑭᑦ ᕿᓚᖕᒥᑦ ᐃᓂᒋᔭᕐᓂᑦ ᑐᒃᓯᐊᕐᓂᖏᑦ ᕿᓄᓂᖏᓪᓗ, ᐃᑲᔪᓚᐅᒃᑭᑦ ᑭᓐᖒᒪᒋᔭᖏᓐᓂᑦ ᐃᓱᒪᒋᔪᓐᓁᕐᓗᒋᓪᓗ ᐃᓄᖁᑎᑎᑦ ᐃᓕᖕᓄᑦ ᐊᔪᕐᑐᓕᓯᒪᓂᖏᓐᓂᑦ.

ᐃᓐᖏᕈᑎᑦ 130:2

ᐊᑕᓃᖅ, ᓂᐱᒐ ᑐᓴᓚᐅᕈᒃ! ᓯᐅᑏᒃᑭᒃ ᓈᓚᓚᐅᕐᓕᒃ ᕿᓄᓂᕐᒪ ᓂᐱᖓᓂᒃ!

ᑯᕉᓂᑲ ᐂᑉᐸᖏᑦ 6:20

ᐃᔩᒃᑭᒃ ᑕᑯᓐᓇᖁᓪᓗᒋᒃ ᐅᕗᖓ ᐃᒡᓗᒧᑦ ᐅᓪᓗᒃᑯᑦ ᐅᓐᓄᒃᑯᓪᓗ, ᐃᓂᒋᓂᐊᕐᓂᕋᓚᐅᕐᑕᕐᓄᑦ ᐊᑏᓪᓗ ᑕᕝᕗᖓ ᐃᓕᓂᐊᕐᓂᕋᓚᐅᕋᕕᐅᒃ, ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑕᕝᕙᓂ ᐃᓂᒋᓂᐊᓚᐅᕐᑕᕐᓂ.