ᑯᕉᓂᑲ ᐂᑉᐸᖏᑦ 6:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² “ᑍᒫᑦᓮᓐᓇᕐᓗ ᐃᓅᖃᑎᑐᖃᕆᔭᐅᖏᑦᑐᑦ, ᐃᓴᕆᐊᓕᒥᐅᓄᑦ ᐃᓄᖁᑎᖕᓄᑦ ᐃᓚᒋᔭᐅᖏᑦᑐᑦ, ᓄᓇᒥᑦ ᐅᖓᓯᒃᑐᒥᑦ ᐱᔪᑦ ᐊᑏᑦ ᐱᓪᓗᒍ, ᐊᒡᒐᑎᑦ ᐱᔪᓐᓇᕐᑐᕐᔪᐊᑦ, ᑕᓕᕐᓄᓪᓗ ᐃᓵᖓᔪᒧᑦ, ᕾᒃᐸᑕ ᑐᒃᓯᐊᕐᐸᑕᓗ ᑕᕝᕙᓂ ᐃᒡᓗᒥ,

ᑯᕉᓂᑲ ᐂᑉᐸᖏᑦ 6:32 ပူးပေါင်းရင်းမြစ်များ

ᔪᐊᓇᓯᐅᑉ ᐊᒡᓚᖏᑦ 12:20

ᒍᕇᑭᓪᓕ ᐃᓚᖏᑦ ᐃᓚᒋᔭᐅᓚᐅᕆᕗᑦ ᓇᓪᓕᐅᓐᓂᕐᓯᐅᕆᐊᕐᑐᕐᑐᓄᑦ ᔨᕉᓴᓕᒻᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:10

ᐴᕐᒋᐊᒥ ᐸᒻᐱᓕᐊᒥᓗ, ᐄᑦᔨᑉᑎᒥ ᓕᐱᐊᓪᓗ ᐃᓚᖓᓂ ᓮᕆᓂᐅᑉ ᖃᓂᒋᔭᖓᓂᑦ, ᐃᓚᖏᓪᓗ ᕉᒪᒥᓐᖔᕐᓯᒪᔪᑦ,

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 2:1

ᔩᓱᓯ ᐃᕐᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ.

ᓴᑲᕅᐊᐅᑉ ᐊᒡᓚᖏᑦ 8:22

ᐃᓄᐃᑦ ᐅᓄᕐᑐᑦ ᐃᓅᖃᑎᒌᒡᔪᐊᓪᓗ ᓴᓐᖏᔪᑦ ᕾᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᕿᓂᕈᒪᓪᓗᒍ ᔨᕉᓴᓕᒥ, ᑐᒃᓯᐊᕐᓗᑎᒡᓗ ᐊᑕᓂᐅᑉ ᓵᖓᓂ.

ᐂᓮᐊᓯᐅᑉ ᐊᒡᓚᖏᑦ 66:20

ᐃᓅᖃᑎᓯᓗ ᑕᒪᕐᒥᒃ ᐊᖏᕐᕋᐅᑎᑦᓱᒫᕐᐰᑦ ᐃᓅᖃᑎᒌᒡᔪᐊᓂᑦ ᑐᓂᕐᕈᑎᒥᒃᑎᑐᑦ ᐊᑕᓂᕐᒧᑦ, ᕿᒥᕐᔪᐊᒃᑰᕐᓗᑎᒃ ᑲᓕᒐᓕᒃᑯᑦ ᐅᓂᐊᒐᕐᑎᒍᑦ, ᓯᐅᑎᖅᑯᕐᑐᔪᑎᒍᓪᓗ ᑳᒥᓕᑯᓪᓗᒃ, ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᔨᕉᓴᓕᒦᑦᑐᒧᑦ, ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᓪᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᒥᖕᓂᒃ ᓴᓗᒪᑦᓯᐊᕐᑐᓂᒃ ᐴᕐᓯᒪᔪᓂᒃ ᑐᓂᓯᔭᕐᑐᕐᐸᖕᒪᑕ ᐊᑕᓂᐅᑉ ᐃᒡᓗᖓᓄᑦ.

ᔮᓱᐊᑉ ᐊᒡᓚᖏᑦ 9:9

ᑖᒃᑯᐊ ᐅᖃᐅᑎᕚᑦ, “ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᒍᑦ, ᑐᓴᓚᐅᕋᑦᑕ ᐊᑕᓂᕐᒥᒃ ᒎᑎᑦᓯᓐᓂᒃ, ᑐᓴᕐᑎᑕᐅᓯᒪᒐᑦᑕ ᑖᑦᓱᒥᖓ, ᐱᓂᐊᕐᓂᕆᓯᒪᔭᓕᒫᖏᓐᓂᒡᓗ ᐄᑦᔨᑉᑎᒥ,

ᒫᑎᐅᓯᐅᑉ ᐊᒡᓚᖏᑦ 12:42

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᖅᑳᕐᔪᐊᖓ ᐊᕐᓇᖅ ᒪᑭᑦᓱᒫᕐᐳᖅ ᒫᓐᓇ ᐃᓅᔪᓂᒃ ᐃᒋᑕᒃᓴᓐᖑᕐᑎᑦᓯᓗᓂ; ᑖᓐᓇ ᐅᖓᓯᒃᑐᐊᓗᖕᒧᑦ ᐃᖏᕐᕋᓚᐅᕐᒪᑦ ᓄᓇᒥᓂᑦ, ᑐᓵᔭᕐᑐᕐᓗᓂ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓯᓚᑐᓂᖓᓂᒃ, ᑕᑯᒋᑦ, ᐅᖃᐅᑎᕙᑦᓯ ᑕᕝᕙᓃᑦᑐᖃᕐᐳᖅ ᓲᓗᒨᓂᒥᑦ ᐊᔪᖏᓐᓂᕐᓴᐅᔪᒥᒃ!”

ᐃᓐᖏᕈᑎᑦ 89:13

ᐱᔪᓐᓇᕐᓂᕐᔪᐊᖃᕐᐳᑎᑦ, ᓲᖑᔪᕐᔪᐊᖑᓪᓗᑎᑦ, ᓴᓐᖏᔪᕐᔪᐊᖑᓪᓗᑎᓪᓗ.

ᐊᑕᓃᑦ ᐂᑉᐸᖏᑦ 5:15

ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᐊᑕᓃᑦ ᐂᑉᐸᖏᑦ 5:8

ᐃᓔᓴ ᒎᑎᐅᑉ ᐃᓄᖁᑎᖓ ᑐᓴᕋᒥ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓄᕌᒥᓂᒃ ᐊᓕᒃᓯᖕᒪᑦ, ᐅᖃᐅᑦᔭᐅᒃᑲᕐᐹ ᐃᒫᒃ, “ᖃᓄᐃᒻᒪᑦ ᐊᓐᓄᕌᑎᑦ ᐊᓕᒃᐱᒌᑦ? ᑍᓐᓇ ᐊᖑᑦ ᐅᕙᓐᓄᑦ ᕾᑎᑕᐅᓚᐅᕐᓕ ᖃᐅᔨᓂᐊᕐᒪᑦ ᒎᑎᒧᑦ ᐅᖃᕐᑎᑕᖃᕐᓂᖓᓂᒃ ᐃᓴᕆᐊᓕᒥᐅᓂ.”

ᐊᑕᓃᑦ ᐂᑉᐸᖏᑦ 5:3

ᓂᕕᐊᕐᓵᖅ ᐱᓯᒪᔨᒋᓕᕐᑕᒥᓄᑦ ᐅᖃᕐᐳᖅ, “ᐊᖓᔪᖅᑳᕋ ᑕᑯᔭᕐᑐᕈᓐᓇᕈᓂ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᓴᒥᐊᕆᐊᒦᑦᑐᒥᒃ ᐅᕕᓂᕐᓗᒍᑎᐊᓗᐊ ᐋᖅᑭᒃᑕᐅᔪᓐᓇᕐᑑᒐᓗᐊᖅ.”

ᕉᑎᐅᑉ ᐅᓂᒃᑲᐅᓯᓂᖓ 1:16

ᕉᑎᐅᓪᓕ ᑭᐅᕚ, “ᐃᓕᖕᓂᒃ ᕿᒤᖁᓐᖏᓚᐅᓐᖓ, ᐅᑎᖁᖏᓪᓗᖓᓗ ᒪᓕᒍᒪᒐᒃᑭᑦ; ᓇᒧᑐᐃᓐᓇᖅ ᐂᒐᓗᐊᕈᕕᑦ ᒪᓕᖕᓂᐊᕐᐳᖓ, ᓄᓇᖃᕐᕕᒋᔭᕐᓂᓗ ᓄᓇᖃᕐᓂᐊᕐᐳᖓ, ᐃᓅᖃᑎᑎᑦ ᐃᓅᖃᑎᒋᓂᐊᕐᐸᒃᑲ, ᒎᑏᓪᓗ ᒎᑎᒋᓂᐊᕐᐸᕋ.

ᔮᓱᐊᑉ ᐊᒡᓚᖏᑦ 2:9

ᐅᖃᐅᑎᓪᓗᒋᓪᓗ, “ᖃᐅᔨᒪᕗᖓ ᐊᑕᓂᐅᑉ ᓄᓇ ᐃᓕᑦᓯᓐᓄᑦ ᑐᓂᓚᐅᕐᒪᒍ, ᐃᓕᑦᓯᓐᓂᒃ ᑲᑉᐱᐊᓱᖕᓂᕐᔪᐊᖃᓕᕋᑦᑕ, ᓄᓇᓕᓕᒫᓪᓗ ᐃᓕᑦᓯᓐᓂᒃ ᓯᕘᕋᓕᕐᓗᑎᒃ.

ᒨᓯᓯ ᐂᑉᐸᖏᑦ 13:14

ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᑯᕉᓂᑲ ᐂᑉᐸᖏᑦ 6:31

ᓯᕘᕋᖁᓪᓗᒋᑦ ᐃᓕᖕᓂᒃ ᐃᓅᖁᓪᓗᒋᓪᓗ ᐊᖅᑯᑎᐅᖁᔭᕐᓂ ᐃᓅᓂᓕᒫᖏᓐᓂ ᓄᓇᒥ ᑐᓂᓚᐅᕐᑕᕐᓂ ᓯᕗᓕᕆᓚᐅᕐᑕᑦᑎᓐᓄᑦ.

ᐃᓐᖏᕈᑎᑦ 136:12

ᐊᒡᒐᖕᒥᓄᑦ ᓲᖑᔪᓄᑦ, ᑕᓕᕐᒥᓄᓪᓗ ᐃᓴᒻᒥᔪᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;